روايه الكافر الفصل التالت
بقلم رحاب القاضي
هذه الرواية متوفرة فقط علي
لمتابعة الرواية اضغط هنا 👇
( روايه الكافر 👻 )
#الكافر
_الفصل الثالث
ـــــــــــــــــــــــــــــــــــ
جريت بسرعه فتحت الباب والجيران دخلو وطفو النار بسرعه.
فضلو يواسوني علي الحاجات اللي باظت والغريب ان ما حدش كان فاهم ازاي المطبخ ولع وكمان اللي اتحرق الجزء الخشب اللي كانت فيه الاطبااق
ومشيو الجيران وانا دخلت المطبخ وببص علي الحاجات اللي اتحرقت وادايقت لان امي اكيد لما هرجع هتزعل اووي، وجيت الم الحاجه وبشيل الخشب المحروق و الاقي وراااه علي الحيطه مكتوب كلمة كافر... وبالد*م...
اترعبت بصراحه والخشب وقع مني، طلعت من المطبخ بسرعه وروحت جيبت الكتاب وفتحته تاني من اول الحته اللي وقفت فيها المره اللي فاتت..
لقيت مكتوب ان الشاب اللي كفر بربه ده وبقي يعبد الجن ما اتقتلش لا ده انتح*ر، وفي نص البلد ولحد النهارده جسمه لسه موجود في الارض اللي مات فيها، الطير اكل لحمه بس عضمه ما اتحللش لسه موجود، وكل يوم بيسمعو صرخه قويه اووي بتطلع من البلد دي، ده الكلام اللي قالوه سكان البلد اللي جنب البلد دي
بس مكتوب انه قبل ما يموت حبس الجن دول في البلد دي ومنعهم من الخروج منها من خلال رموز طبعها علي اغلي ورقه كانت في الوقت ده، وخلي العمله دي تطير وتروح للبلاد اللي جنبيها لانها لو كانت قعدت في الارض ما كانش هيبقي ليها اي لازمه
بس اللي مكتوب بعد. كده رعبني، بيقول ان اي حد كان بياخد العمله دي كان برضو بيموت نفسه بس كان بيسيبها تروح لحد تاني، روحت بصيت للعمله اللي كانت محطوطه جنب الكتاب مسكتها وحاولت اقطعها، ايه ده دي ما بتتقطعش اخدتها وروحت المطبخ ولعت البوتجاز وحاولت احرقها برضو مش بتتحرق
ما كنتش عارف انا هعمل ايه العمله دي وجودها معايا بيدل اني هموت نفسي طيب ازاي هموت نفسي انا مستحيل اعمل كده
وفجأه حسيت بحد ضربني بقلم جامد علي وشي، بس ما فيش حد ازاي ده حصل انا حسيت ان وشر ورم، روحت بصيت في المرايه لقيت خدي احمر
طيب مين معقول يكون الجن هو اللي عمل فيا كده، لا مكتوب في الكتاب ان الجن محبوس في البلد اللي هناااك
طيب ايه اللي بيحصل بالظبط انا ما بقتش فااهم اي حاجه، كنت خايف اقعد لوحدي وكلمت ايهاب وزياد صحابي وطلبت منهم يجو يباتو معايا
وفعلا جم وقعدنا مع بعض اتكلمنا وضحكنا وهزرنا ونضفو معايا المطبخ، بس لما شافو كلمة كافر وسألوني ايه حكايتها قولتلهم. الحكايه كلها..
ضحك ايهاب واخد الموضوع بتريقهزبرغم كل اللي حكيته الا انه قال ان. دي خرفات وطلب مني ياخد الورقه دي وقال انه ممكن يرميها في المايه او في اي مكان عشان نخلص منها..
وزياد طلب مني الكتاب وفتح الكتاب في الحته اللي انا وقفت فيها وقال ان في كل صفحه مكتوب كلمة كافر دي وانها مكتوب بعدها وصف زي الصفحه دي مكتوب فيها ان الكافر هو اللي خرج الجن وسمحلهم يتعاملو بشر بين البشر
طلبت منهم نقغل الكتاب وانه نوديه اي مكتبه او اي مكان ونخلص من الحكايه دي، زيااد كان واخد الموضوع بجديه وقالي..
_الموضوع فعلا خطر انك تقابل محروس اللي طلع ميت اصلا ويديك كتاب زي ده وتلاقي العمله اللي كانت سبب في انتحار ناس كتير بس الموضوع فعلا خطر
وقال ايهاب
ده كلام فارغ علي فكره جن ايه اللي ممكن يخلي الناس تنتحر وبعدين حتي لو خطر وروحنا قولنا لحد اللي حصل ده ما حدش هيصدقنا وهيقولو علينا مجانين
كلام ايهاب كان واقعي هو مين يصدق اصلا التخاريف اللي بتحصل دي، المهم اخدت الكتاب ودخلته في اوضتي وفضلت قااعد مع صحابي وقبل ما ننام موبيل ايهاب رن وكانت مامته اللي قالتله ان اخته الصغيره تعبت وهو لازم يروح بوديها المستشفي معاهم
وسابنا ونزل راح لاهله وتاني يوم بعد ما صحيت انا. وزياد وكلمت اهلي وطمنتهم عليا وطبعا ما جيبتلهمش سيرة الحريقه اللي حصلت، روحت مع زياد مكتبه كبيره جنب الجامعه وطلبت منهم ياخدو الكتاب وفعلا اخدوه، كنت اتمني تبقي العمله المعدنيه موجوده فيه عشان اخلص من الموضوع ده..
وفجاه لقيت زياد اللي كان مستنيني بره داخل عندي جوه المكتبه وصدمني لما قال ان ايهاب صاحبنا انتحر امبارح بالليل....
وروحنا المستشفي اللي فيها اهله وعزينا وعملنا الواجب وجه ظابط هناك وقرب مني وقالي..
_انت حسن عبد الرحيم مش كده؟
=ايوه انا خير؟
_والدة ايهاب بتقولي انه كان كويس وما فيش معاه اي مشكله وراح عندك عشان يبات معاك لان اهلك مسافرين، ايه اللي حصل بقي خلاه بنزل من عندك ويقف في نص الطريق السريع وينتحر
_ما اعرفش هو مامته كلمته وقالتله ان اخته تعبانه وسابنا ونزل وزياد كان معايا يشهد بالكلام ده
=ايوه يا باشا ده اللي حصل والله
وفي الوقت ده قربت مننا ام ايهاب وقالت انها ما كلمتش ايهاب اصلا وانها كانت نايمه هي وبنتها في الوقت ده، انا وزياد كنا هنتجنن ازاي ده حصل والكتاب كان بيقول كلام حصل فعلا واهو بيحصل قدامنا
المهم الظابط سابنا وبعدين روحنا البيت وزياد قالي ازاي انتحر، وبعدين العمله فضلت معايا اكتر من يوم ازاي بقي انا ما انتحرتش، وبصراحه مان معاه حق
وفي الوقت ده دخلو ابويا وامي اللي جريت عليا وحضتني وكامت خايفه جظا وقالتلي انها شافتلي كابوس وحش واني كنت بتحرق وسط نار وما حدش قادر يساعدني
وابويا قالي ان موبيلي مقفول وهما قلقلو عليا وجم، زياد اعتذر ومشي وانا فضلت قااعد مع اهلي وحاولت اطمنهم واقولهم ان ماوفيش حاجه وممكن ماما شافت الكابوس ده بسبب الحريقه اللي حصلت في المطبخ
وروحت نمت علي طول وحسيت اني تعبااان اووي ومش قاادر اتحرك، وقبل الفجر بشويه صحيت من النوم علي صوت امي وهي بتصحيني، ولما قولتلها في ايه وكنت قلقان وخايف جدا لتكون حصلتلهم حاجه..
طمنتني وقالتلي مو فيش حاجه بس زياد كان بيرن عليا وما ردتش عليه ورن علي تلفون البيت الارضي، وقال انه عايزني ضروري، قومت بسرعه ورديت عليه وقالي..
_الحقني يا حسن انا روحت البيت وبطلع الفلوس من جيبي لقيت فيهم العمله بتاعت الجن اللي كانت في الكتاب...
نكمل بكره بقي 😁👀
ــــــــــــــــــــــــــــــــــــــــ
#بقلم_الكاتبه_رحاي_القاضيج
