روايه مجنونه كبير الصعيد الفصل السادس
بقلم/جودي عرفا
مجنونه كبير الصعيد 🤭🤭🤭🤭
بارت 6....
في سرايا العزايزي...
كان يسير ذياد بغضب شديد ليوقعه ربيع بزهق.
/واه عاد مخلاص ي ذياد خيلتني .
ذياد بحده /خلاص كيف بس ي ابوي انت خابر الي فيها اكيد الدكتوره دي عرفت بكل البهايم الي عيانه وهيقفلوا المزارع وبيتنا هيخرب كده .
ربيع وهو ينفخ دخان الشيشه ببرود /خبر ايه عاد ي ذياد هي اول مره ولا ايه كله بيشتري بالفلوس ي ولد تاخد قرشين وكله حاجه تخلص .
ذياد بحده /فكرك كده ي ابوي الي عرفته أن كمال وسليم مضيفنها علي الاخر ي عني كده كده هتحطنا في رأسها .
ربيع وهو يطرق عصاه أرضا بغضب /ساعتها هنحطها في القبر من غير ميرمشلنا جفن وقفل بقا علي الموال ده خلينا نطفح اللقمه الي سديت نفسنا قبل مناكلها .
*************.
في المطبخ ....
كانت تقف ساره وهي تعد الطعام بتعب شديد فهي في الشهر السادس من حملها لتجلس شهد بجانبها بدموع ووجع.
ساره بفزع /فيه ايه ي شهد مالك .
رحمه بدموع وانهيار /تعبت وزهقت ي ساره دول مستحيل يكونوا بنادمين مستحيل .
ساره برعب شديد/هشش واطي صوتك عاد لحسن يسمعوه وبعدين ايه الي حوصل تاني بس برضك زين مش قادره تنسيه لحد دلوقتي ي شهد .
رحمه بغيظ وشراسه/بعشقه ي ساره بعشقه انتي اها برغم كل الي بيعملوه فيكي ذياد لساتك بتعشقيه الحب مش بأيدينا ي بت عمي .
ذياد بحده/هو مفيش غير رغي الحريم ده متخلصي انتي وهي ساعه علشان ناكل .
رحمه بارتباك شديد وهي تحمل الطابق للخارج /حاضر ي اخوي ثواني .
ذياد بحده وهو يسير/خلصي عاد انتي كمان .
ساره بدموع ووجع/مش هتقويلي وحشتيني حتي .
ذياد بغيظ وسخرية/وحشتيني ليه عاد مانتي في خلقتي علطول خلصي ابويا هيبهدل الدنيا .
ساره وهي تتضع يدها علي بطنها بدموع /ربنا يجيبك ليا بالسلامه انتي الي هتعوضني عن كل ده ي ولدي ..
*********************.
في دوار الكبير.....
كانت تسير نور الي الاعلي ليوقفها رنه هاتفها لترد بسعاده .
/حبيبي وروحي وسندي في الدنيا دي وحشتني ي كبير .
ساجد بابتسامه وسعاده /وانتي اكتر ي روح قلبي هتيجي امتا ي بت البيت ملوش طعم من غيرك.
نور بغرور وثقه مصتنعه /احمم دلوقتي بس عرفت امتي علي العموم انا رجعالك بكره ي حبيبي أن شاء الله.
ساجد بابتسامه/علي خير ي حبيبتي انا هاجي اخدك .
نور بابتسامه/ي حبيبي مش مستاهله هو انا هتوه .
ساجد بتصميم /مفيش الكلام ده ابعتيلي بس العنوان بالتفصيل وانا بكره هكون عندك .
نور بابتسامه/ماشي ي نور عيني هستناك بكره بليل أن شاء الله بحبك سلام .
سليم بغيظ شديد وغيره /وده مين الزفت ده عاد شكله مش اخوها كلامها معاه مايع كده ومسالتش حتي علي امها ماشي بكره بليل هيجي الحيله وقعت في شر اعمالك ي عم روميو انت وقعت في فخ كبير الصعيد .
**************.
في جناح وداد ..
كانت تجلس فيروز في احضان والدتها بسعاده ومرح .
/ايه ي دودوه الحلاوه دي .
وداد بابتسامه وضحك/اخ عليكي ي ام لسان انتي بس بتنوري الدوار .
شهد بابتسامه/أكده ي أما ماشي اتفضل يالي بتخبط .
نور بابتسامه/انا اسفه بس مش جيلي نوم قولت اقعد معاكم شويه لو مش هزعجكم .
وداد بابتسامه/تعالي ي ضنايا .
فيروز بمرح وغمزه/اتفضلي ي مزه .
شهد بابتسامه/نورتي ي نور .
نور بابتسامه/ده نوركم والله قوليلي بقا ي فيروز انتي في كليه ايه وفي سنه كام .
فيروز بابتسامه ومرح /انا في كليه حقوق أول سنه وبعيد عنك بعد الي عملته في الدكتور إياها خلاص مش هدخلها تاني ههههه.
شهد بغيظ شديد/عملتي ايه ي بت انتي مفيش فايده فيكي كده مفيش حته ترويحها الا لما تعملي فيها مصيبه .
فيروز بضحك شديد /ههههه اهو الي حصل ي شهد هو كان لسه داخل اول محاضره نافش ريشه كده وعملي فيها عنتر انا بقا خليت شكله زباله مسحت بيه بلاط الجامعه ومش كده وبس لا جبتله اربع فرد كوتش علي الارض وكتبتله اهداء مني هههههههه.
وداد بغيظ شديد/أكده طب شوفي ابوكي هيعمل فيكي ايه.
نور بابتسامه جميله /ولا يهمك ي فيروز انا ليا وسطه جامده اوي في كليه الحقوق هيظبطك متقلقيش .
فيروز بابتسامه/شوفوا شوفوا الناس العسل دي .
نور بابتسامه وغمزه /اصل انا مجنونه زيك كده .
فيروز بابتسامه ومرح /اشطا ي عني زميله كفاح .
وداد بابتسامه وحنان /ربنا يسعدكم كلكم ي حبايبي يارب.
الجميع /امين يارب .
وداد بابتسامه حنونه /طب يلا عاد نحضر العشاء.
**********************.
علي الدرج ...
كان يصعد سليم وهو يتمتم بغيظ شديد لينصدم ب زين.
زين باستغراب/مالك ي سليم شايط كده ليه .
سليم بغيظ شديد/ايه شايط دي مفيش حاجه واصل ولعلمك انا عديت الي عملته النهارده بكيفي بس مش هسيبك تعرض نفسك للخطر أكده تاني مفهوم .
زين بابتسامه خبيثه /متقلقش عليا ي سليم بس قولي عاد انا عرفت أن الدكتوراه نور مسافره بكره هتسبيها تسافر كده .
سليم بارتباك شديد/واه عاد امال حبسها هنه ولا ايه واحده خلصت شغلها وهترجع بيتها .
زين بخبث ومكر/أكده طيب هروح اشوف يوسف واقعد معاه شويه .
سليم بغيظ شديد /روح ي اخويا حط خبتك علي خبته أما اشوف انا الي ورايا عوض ي عوض.
عوض بطاعه /امرك ي كبير .
سليم بغيظ شديد/تعال عاوزك .
***********************.
علي مائده الطعام....
كانوا يجلسون جميعا وهم يتحدثون .
وداد بابتسامه حنونه /جرا ايه عاد ي نور ي بتي انتي دائما ماشيه بشنتطك كده .
نور بابتسامه/معلش ي حاجه وداد بس اصلي بعيد عنك عندي زهايمر وبخاف اسيب التلفون لاحسن ماما ترن عليا ومسمعوش فتقلق .
سليم بغيظ وغيره /لا عاد وفيه ناس تانيه مهمين عندك جوي احسن يقلقوا هما كمان .
نور باستغراب /قصدك مين مش فاهمه .
سليم بغيره شديده لم يستطيع اخفاءها /البيه حبيب القلب الي كنتي بتكلميه من شويه وهيجي ياخدك بكره .
نور بخبث ومكر/اه بس انت فعلا مغلطتش ده حبيب قلبي ونور عيوني كمان وضهري في الدنيا دي .
سليم بغيظ شديد وهو يطرق السكين في الطبق /وماله ربنا يخليهولك ومش خايفه عاد لما تركبي معاه وحدك المسافه دي كلها حد يتعرضلكم كده ولا كده .
نور بخبث ومكر/محدش يقدر يقربلي وهو معايا أصله ظابط شرطه تقيل اوي في القسم الي جنبنا.
سليم بغيظ شديد وتوعد وهمس /اللهي يولع بيه القسم ميلقيش حد يطفيه.
عوض بقلق بالغ/واه عاد ي كبير دي بتقولك ظابط هنخطفوه كيف دي .
سليم بغيظ شديد/قسما بالله ده لو كان مدير الأمن بذاته المهم انت بس اعمل الي قولتلك عليه بكره إن شاء الله الواد ده مش عايزه يدخل البلد واصل فاهم .
عوض بطاعه/تحت امرك ي كبير .
************************.
في سرايا العزايزي....
في جناح ذياد ...
في السرير كان يقوم ذياد بجانب ساره وهو يشعل سيجارته لتغطي جسدها وهي تنظر إليه بدموع وقهره.
/هو ده بس عاد الي بيجمعنا ي ذياد .
ذياد ببرود/احمدي ربنا ليل ونهار اني اتجوزتك وبرقب منك وهتخلفي من كمان .
ساره بدموع غزيره /ليه عاد كل ده ي ذياد ده انت ابن عمي وروحي وحب عمري كله ليه رخيصه في نظرك كده .
ذياد بقسوه ووقاحه/جرا ايه ياست خضره مبلاش الوش ده علشان مش لايق عليكي واصل انتي ناسيه الي حوصل زمان .
ساره بدموع وانهيار /حرام عليك ي ذياد انت عمرك مهتنسا انا سلمتك لاني بحبك جوي هتفضلي تعايرني كده كتير .
ذياد وهو يقوم من جنبها بغيظ شديد/بقولك ايه انا مش ناقص قرف انا نازل تحت جاتك الهم .
ليسرع الي الاسفل تحت ذلك الصريخ .
/فيه ايه ي فرج .
فرج وهو ياخذ أنفاسه بشده /مصيبه ي ذياد بيه الدكتوراه الي اسمها نور قدمت تقرير بأن البهايم الي في كل مزارعنا عيانه وصدر قرار بقفل كل المزارع .
ذياد بغضب جحيمي/ده الي كنت عامل حسابه يبقا البت دي فتحت قبرها بايدها.
*******************.
في دوار الكبير....
ليلا .....
من امام غرفه نور ....
كانت تغفا نور في سبات عميق ليسير سليم الي الداخل بهمس شديد لتقع عيناه علي شنطتها ليفتحها ويأخذ بطاقتها ليسير الي الخارج بهمس لتشعر نور بذلك الحركه المريبه لتمسك ذلك الفازه للتدفعها علي رأسه بخوف ليصرخ بشده لتصرخ هي بصوت مسموع للجميع.
/الحقوووووني حرررررررامي ..يتتتتتبع .
🤭🤭🤭🤭وروني التفاعل الجامد اوي اوي ي غالين ❤️❤️❤️❤️ عذرا 🤚🤚🤚ي ساده ف سليم الصياد يختلف عن أي صعيدي اخر 🌺🌺🌺🌺هستنا رايكم وتعليقاتكم وتوقعاتكم للي جاي دمتم بخير وعافية يارب ❤️❤️❤️❤️❤️
مجنونه كبير الصعيد 🤭🤭🤭🤭.
