روايه ليلة هنا الفصل الاول 1 بقلم ريهام
*ع فكره ي هنا أحمد خطب
_لا يعنيني
*وحيات امگ؟
_ بت عيب
* لا العيب فيكي انتي ي هنا اما تبقي مش حاسه انك خسرتي حد زي أحمد
اخدت نفس بتعب _ ماشي ي منى في حاجه تاني عاوزه تقوليها
* لا ي هنا خدي بالك من نفسك سلام
اد اي الإنسان شكله عبيط وهو بيكدب ع نفسه بس انا مش حـِمل عتاب مني وكلامها
هتلومني اني اختارت شغلي وسافرت وسيبت احمد
غمضت عيني بتعب وانا بفتكر اخر مقابله بنا
سقفت بايدي بحماس _مبسوطه موووت
عيونه لمعت وابتسم " خير ي حبيبي قول
_ رئيس مجلس الاداره اختارني من ضمن التيم اللي هيسافر الغردقه
كشر" ودا ع اعتبار اني رجل كرسي ف حياتك ولا اي
_ليه كدا ي احمد
" مهو لما تاخدي قرار مهم ف حياتك ومتعبرنيش يبقي انا رجل كرسي
_ دا مش اسلوب تفاهم
مسح وشه بغيظ "تمام انا مش موافق انك تسافري لوحدي مع تيم رجاله وبنات وتقعدوا شهرين ويمكن اكتر
اتوترت واتكلمت بتردد_ لا مهو مش شهرين بس ممكن يبقي ست شهور
" لا دا واضح فعلا انك مقدراني ي هانم
قام وحط حساب المشروبات وسابني ومشي
فوقت ع صوت رنة فوني وكان المدير بيستعجلني عشان اجتماع مهم اخدت شاور ولبست شيميز ابيض ف اسود وچيبه سودا وخمار كشمير وشوز خفيفه سودا واخدت الشنطه الباك السودا عشان اللاب
وصلت الاجتماع وطول الوقت حاسه اني ع تكه وهعيط
المدير اتكلم بصوت عالي •فين تصميم فيلا المهدي ي اساتذه
كل زمايلي بصوا تجاهي فانتبهت وفتحت التصميم ع اللاب
المدير فضل بيسالني ويراجع الشغل بتاعي وف اخر الاجتماع قرر اني هكوت الليدر للتيم كله
كلهم سقفوا وانا فرحت بس خوفت اكتر من المسؤوليه
كلهم خرجوا من قاعه الاجتماع وانا اتاخرت عنهم عشان المدير كان بيديني الوصايا العشر فضلت اسمعله لحد ما تعبت
كنت بلم حاجتي جوا الشنطه بس حسيت بحد واقف جمبي ف رفعت راسي لقيت وليد
ضيقت بين عيوني _في حاجه ي باشمهندس
ابتسم =لا ابدا بس حسيت أن شكلك زعلانه انهارده في حاجه مضيقاكي ممكن اساعدك
استغفرت ف سري كنت عاوزه اهزئه واهزء نفسي عشان وشي اللي بيبان عليه دا بس مسكت نفسي
ابتسمت ربع ابتسامه _انا تمام متشكره ليك
= هنا احنا زمايل من سنه لو في حاجه انا ..
شيلت الشنطه بتعب اللي بتكعبلني دي _ بعد اذنك لازم امشي
خرجت وقفت استني تاكسي وانا متضايقه زياده غصب عني تحسست مكان دبلتي الفاضي حاليا بحزن كانت بتوقف كل واحد عند حده ،افتكرت وقت ماخلعتها من ايدي بعد مكالمه أحمد
" برضه سافرتي ي هنا
_انت زعقتلي ومشيت ومعطتنيش فرصه تنتاقش اصلا
"استنيتك تكلميني
_ دا مستقبلي ي احمد وبحلم بالفرصه دي من اول ما اشتغلت
" وانا ي هنا مش في بنا مستقبل المفروض تفكري فيه وتعمليله حساب ولا انا مليش مكان ف حياتك
_انا مقولتش كدا ولو سمحت متقولنيش كلام مقولتوش
"وبعدين ي هنا
_احنا مختلفين ي احمد ومش قادرين نوصل لحل ف ..
قاطعني " براحتك ربنا يوفقك
وقفل السكه
قعدت ع السرير بزعل بس كنت حاسه ان دا القرار الصح لينا احنا الاتنين خلعت الدبله وحطيتها ف شنطتي وقررت اما ارجع القاهره ابقي ارجعهاله
باك
= انتي كويسه ي هنا؟
انتبهت لنفسي بصيتله بضيق مبالغ فيه_ في اي باشمهندس لوسمحت خليك ف حالك عشا..
لسا مكملتش الكلمه كان شدني من ايدي بسرعه نحيته وشنطتي وقعت ف الأرض وهوبيقولي =حاسبي ي هنا
سمعت صوت فرامل عربيه
بعدت عنه بضيق وانا بشوف الشنطه واللاب الي زمانه ف خبر كان
وقتها صاحب العربيه نزل من العربيه ^انا اسف جدا والله انا..
اتعصبت وانا ماسكه اللاب _ الله يخربيتك اللاب اتكسر والشغل باظ
اخد اللاب مني ^ انا اسف جدا انا هجبلك لاب غيره
وقتها وليد أتدخل وخطف منه اللاب =لا متشكرين اوى وبعدها بصلي هجبلك انا لاب ي هنا
^ انا اللي كسرت اللاب وانا هجبلها واحد تاني حضرتك اي مزعلك
الاتنين بيبصوا لبعض بضيق وانا واقفه بعيط
^ي ستي حقك عليا والمهم انك بخير وهجبلك لاب غيره وانقلك كل شغلك ولا عاوزه أي تعويض انا مستعد. اعمل اي تاني
قال كلامه بتعب
=ممكن تهدي ي هنا انا مش قادر اشوفك كدا
انفجرت فيه _ممكن تسكت انت السبب لولا أنك عمال تطلعلي زي فرقع لوز كنت انتبهت للطريق والعربيه
شاور ع نفسه بزهول =انا!!!
مسحت دموعي وشديت اللاب منهم الاتنين وحطيته ف الشنطه ومشيت حسيت اني بقيت احسن بعد العياط ، روحت السكن اللي اخدته مدة شغلي ف الغردقه اخدت شاور وبدلت هدومي ونمت من ضغط وعياط اليوم كله صحيت تاني يوم ولحسن حظي كان إجازة حضرت فطار و مسكت الفون اعمل سيرش ع توكيل اللاب بس لقيته ف مكان بعيد رميت الفون ع السرير بإحباط مكنش ادامي غير اني اكلم المدير وافهمه اللي حصل
•حمدالله ع سلامتك ي هنا بس انتي عارفه أن بكرا عندنا اجتماع مهم ودي صفقه مش هينفع تضيع
_ حضرتك ممكن تكلف حد تاني من التيم يتكلم ف الاجتماع وكدا كدا الداتا واحده
• لا طبعا انا مبثقش ف حد اني اخاطر بيه ف صفقه زي دي غيرك
اتكلمت بهمس _والله كلامك دا اللي نشني عين وكنت هروح فيها
• بتقولي حاجه ي هنا ؟
_ لا بفكر بس
• مفيش حل غير انك تشتري لاب جديد وأنا مساعده مني هظبطلك كل الداتا ع فلاشه عشان تبقي جاهزه
_تمام ي فندم مع السلامه
قفلت معاه وانا مش عارفه الراجل دا من انهي حته لاب اي اللي اشتريه هو كيس شيبسي
كلمت زميلاتي اللي معايا عشان اخد اللاب بتاعهم يوم الصفقه لكن كلهم اتحججوا بشغل زعلت قفلت وقته دخلت اتوضيت وصليت ودعيت ربنا واخدت اللاب
وخرجت وركبت كذا مواصله لحد ما وصلت التوكيل وعطيته اللاب واترجيتهم يصلحهولي انهارده لاني مش هقدر ارجع تاني المشوار اللي اخد تلات ساعات دا وافقوا وفضلت مستنيه استنيت ساعه وبعدها جالي مسؤل الصيانه وحط الاب ادامي بصتله باستفهام
∆ بتاع حضرتك
فرحت وانا بحضن اللاب _معقول بالسرعه دي
فتحت اللاب بس لقيته مش بتاعي
∆انا نقلت لحضرتك كل الداتا عليه وتقدري تستلميه
_ فين اللاب بتاعي لو سمحت انا مش فاهمه حاجه
مدايده بكارت ∆ صاحب الكارت دا دفع تمنه وقال حضرتك تستلميه
مسكت الكارت وانا بقرأالاسم /نور الدين عزت بصيت الناحيه التانيه من الكارت لقيته كاتب ::ياريت تقبلي اعتذاري وحمدالله ع سلامتك::
اخدت اللاب ومشيت وبصيت ع الفلوس اللي معايا وانا بحمد ربنا لأنها مكنتش هتكفي تصليح لاب وباقي الشهر يا مانت كريم يارب
روحت السكن ورتبت ورق الصفقه والمشروع اللي هعرضه وحضرت اللي هلبسه بكرا ونمت صحيت ع المنبه واخدت شاور ولبست بيزك بيج طويل وبليزر أسود وخمار بيچ وشوز بيچ بكعب سيكا دخلت الاجتماع وبدأت شغلي وكله بيبصلي ومصدوم اني اللي بقدم المشروع مهتمتش اعرف نظرات فرح ولا زعل كملت كلامي وعرضت المشروع ع الشركه بس المدير مكتفاش ب كدا فضل يتناقش ف كل نقطه مهما كانت بسيطه كنت حاسه اني هقع من طولي من التعب بس بتماسك خلص الاجتماع ع خير والصفقه تمت والمدير اللي ربنا يسخطه فار ولا حتي قالي كلمة شكر ولا تقدير لميت حاجتي وخرجت اخر حد من القاعه كالعاده بس سمعت صوت تسقيف ورايا التفتت كان الشاب اللي خبطني بالعربيه ف وقفت
^ لو اعرف انك شاطره مكنتش جبتلك اللاب
فضيقت بين عيوني
^ اه والله كنت خليتهم يرفدوكي وتشتغلي معايا انا بجد انتي ممتازه
ابتسمت _شكرا لحضرتك ع المجامله دي وشكرا ع اللاب بعد اذنك
^علطول كدا طب تسمحيلي اعزمك ع عصير ف الكافيه دا ونتكلم ف الشغل
_ سورى انا مش هقدر لأن..
اتكلم برجاء ^بعد اذنك مترفضيش مش هاخرك
وقتها ظهر من العدم الكائن الل ..وح دا= هو في اي حضرتك مالك بيها
بصلي ^ هو انتي كنتي بتقولي عليها بيظهر زي اي ..
اتكلمت بغيظ _فرقع لوز
^ايوا بالظبط هو فعلا فرقع لوز بعد اذنك شويه كدا
مسكه من هدومه = لا دا انت عايز تتربي بقا
بَعد أيده بعصبيه ^ مين دا انت مش عارف انا مين
سيبتهم يتخانقوا وانسحبت لان الشوز كانت وجعت رجلي جدا مشيت مبسوطه بانجازي واللي حققته انهارده وبكلام الراجل هو اسمه اي صحيح طلعت الكارت من شنطتي وانا بردد اسمه نور اسم حلو قررت اروح مطعم اتغدى واكافئ نفسي هو العمر فيه كام إنجاز يعني
روحت مطعم قريب وقعدت بصيت حواليا لقيت كله مشغول ف حاله وطيت خلعت الشوز وانا بفرد رجلي وبغمض عيني باسترخاء
'أؤمرى ي فندم
انتبهت _ ممكن المنيو لو سمحت
جابلي المنيو وسابني ومشي لسا بفتحه انصدمت من الاسعار ::وشهقت شهقة امال ف حضرة المتهم ابي ::
لا انا امشي بكرامتي احسن ما اغسل المواعين بالبليزر داوطيت البس الشوز بس لمحت حد واقف ادامي اتعدلت بسرعه لقيته واقف وبينهج وبيتنفس بسرعه
^ هفضل اجري وراكي كدا كتير؟
لمتابعه باقي فصول الرواية اضغط هنا 👇
