روايه ليلة هنا الفصل الثاني 2 بقلم ريهام
البارت التاني ليلة هنا
لا انا امشي بكرامتي احسن ما اغسل المواعين بالبليزر داو..طيت البس الشوز بس لمحت حد واقف ادامي اتعدلت بسرعه لقيته واقف وبينهج وبيتنفس بسرعه
^ هفضل اجري وراكي كدا كتير؟
_افندم ؟!
^ هوانا مش قولتلك عايزك ف شغل
_ هو حضرتك بتراقبني !جيت هنا اذاى ؟
شد كرسي وقعد قصادي ^مهندس بقا بعرف كل حاجه
_ ووصلتلي اللاب اذاى التوكيل
^بصراحه كنت حاسس بالذنب وراقبتك وعرفت مكانك بس محبتش اطلعلك السكن لاتضايقي ويحصل مشكله
_عموما متشكره اوى لحضرتك
سند رأسه ع أيده ^دانا اللي بشكرك وبشكر الصدفه اللي خلتني اشوفك
_هو حضرتك بتعاكس ولا انا بيتهيالي
^ لا بعاكس
جيت اقوم امشي
^اسف والله مش بعاكس انا عاوزك تشتغلي معايا ف الشركه اللي انا فيها
_ انا بشتغل ف شركة و..
قاطعني ^ متجاوبيش بسرعه فكري الاول
مد أيده بكارت الشركه اخدته منه
_تمام بعد اذنك
اخدت شنطتي وخرجت بفكر ف العرض بتاعه قبل ما انزل من سلم المطعم لقيت جاي بسرعه ناحيتي
بصتله بنفاذ صبر_خير
مد أيده بالشوز بتاعتي
اتكسفت وانا بضغط ع شفايفي اذاى انسي ألبسها
بصيت حواليا ع اي كرسي عشان ألبسها بس هو اخدها مني وقبل ما استوعب كان نزل ع الارض ولبسلي الشوز بمنتهي الرقه كنت مكسوفه جدا ونفسي الأرض تنشق وتبلعني بس هو لبسهالك بسرعه ووقف وهو بيعدل شيميزه البيبي بلو اللي لسا واخده بالي منه ^ احنا ف الخدمه قالها بابتسامه وهو بيغمزلي
معرفتش ارد بس خدودي اللي احمرت وابتسامتي كانت رد كافي ،اول مره حد يعاملني كدا
سيبته ومشيت وروحت السكن وبدلت هدومي وانا بخلع الشوز افتكرته وهو بيلبسهالي وابتسمت تاني
مسكت الكارت بتاع الشركه وعملت سيرش عنها وطلعت فعلا من أهم الشركات
بعدها بيومين كلمته واتقابلنا ف كافيه
^ الشوز مضايقاكي تاني ؟
ضيقت بين عنيا
ضحك ^احم اسف بهزر بس معاكي
_لو سمحت انا مبحبش الهزار ف الشغل
^ تمام وانا كمان طلباتك ي هنا
_ اولا انا شغاله ف مشروع هيخلص كمان اسبوع هخلصه وابدا مع حضرتك باذن الله
كان ساند رأسه ع ايدي ومبتسم ولاحظت غمازة ف خدة الشمال ^ كملي
اتنتحنت وانا بحاول اكون جادة _احم ثانيا انا مش هينفع افضل هنا كتير لان اهلي ف القاهره ومقدرش اقعد هنا كتير ها راي حضرتك اي
..انا تحت الأمر انا هفضل جمب طول العمر عشانك ابيع البيض والسُمر .....
ابتسم لما سمع الكوبليه وقت مانا خلصت كلامي
^ عمرو دياب رد عليكي اهو انا تحت امرك وموافق
خلص الاسبوع بدون كلام معاه وبعدها قابلني واخدني للشركه حقيقي كنت مبهوره بيها وبكل حاجه حواليا وفرجني مكتبه
_سورى هو مش تطفل مني بس انت وصلت للمنصب دا أمتي وسنك صغير؟
ابتسم وغمزلي ^ اعتبر دي معاكسه
اتوترت _لا طبعا انا مش ..
ضحك ^ انا عارف قصدك ،انا بس ابتديت شغل بدري واشتغلت ع نفسي كتير وسافرت اكتر
_ اها ربنا يعينك صعب فعلا السفر ف كل بلد
^ دا من حظي عشان اشوفك ي هنا
وبعدين بقا ف اللي هيوقعني ف حبه دا
^هنا هو انتي مرتبطه ؟
اتوترت بس ابتسمت وقلبتها هزار
_فرح مرتبطه بجمهورها
ضحك ومعلقش وبدأ يشرحلي النظام وكل حاجه ف الشغل
عدا اسبوعين ف الشغل وحقيقي كنت مبسوطه اوى مضغوطه اكتر بس حاسه بقيمتي والأهم من كدا نور اي انجاز مهما كان صغير حرفيا بيسقفلي عليه
كنت بلعب ف الفون وجالي فضول اشوف اكونت أحمد استغبيت نفسي لاني لقيته مبسوط وبيحكي كلام حلو اوى ف خطيبته،اتضايقت عشان كنت مبسوطه ونكدت ع نفسي
استاذنت من الشغل بدري وخرجت اتمشي بلاهدف، دخلت مول كبير وجبت عصير مانجا ومشيت اشربه وانا بتفرج ع المحلات
^طب والله لابلغ عنك واقول انك مش عيانه وانك بتشربي مانجا والدنيا زي الفل اهي
وقفت أما سمعت صوته وضحكت
^ الصلاه ع الصلاه طب بزمتك في حد عيان ضحكته تخطف القلب كدا
_هو انت علطول كدا كلامنجي؟
^ من كام اسبوع بس والله قبل كدا أسالي اي حد هيقول نورالدين دا بيتكسف
شهقت _انت بتتكسف؟؟
^سيبك مني وقولي الجميل هرب من الشغل وبيعمل اي هنا انا فضولي معلش ولازم اعرف
رفعت كتافي _ولا حاجه بتمشي
^دا حتى تبقي ف وشي تبقي ف الغردقه وتمشي لوحدك وانا موجود ي شيخه بقا
اخد مني العصير وشرب منه وانا واقفه متنحه
^ يالا ي هنا عشان نتمشي
خرجت معاه ونسيت كل الزعل هون عليا كتير من غير مايعرف اني زعلانه ،
عجبني فستان أوف وايت ستان دخلت اشتريه وهو جه معايا ورفض يخليني احاسب
^بطلي زن بقا مش هاخد الفلوس
_ي نور لو ماخدتهاش يبقي خد الفستان
^اي شغل الاطفال دا بقا
_انا طفله ي سيدي خد حقه لو سمحت
حطيت شنطة الفستان ف الأرض وربعت ايدي ووقفت بصلي بزعل و اخد الفستان مني ومردش عليا
روحت السكن كنت متضايقه أنه زعلان مني فتحت اللاب عشان اشتغل بس حاسه بالذنب قفلته تاني
مسكت الفون عشان ابعتله مسدج بس كل شويه كبريائي يمنعني
وقتها جت مسدج منه ع جروب الشركه ونزل تصميم للتيم كله نشتغل عليه وبكرا هنتناقش فيه
قومت عملت كوباية قهوة بلبن وفتحت اللاب وابتديت اشتغل لحد مانمت ع نفسي وانا بشتغل
صحيت تاني يوم وانا ع الكنبه اخدت شاور ورقبتي كانت وجعاني من نومة الكنبه بس تجاهلت الالم ولبست چيبه سودا وفوقها شيميز أبيض وخمار نبيتي وشوز نبيتي وروحت الشركه مشوفتوش غيرف الاجتماع وكان جاد جدا ومش بيبصلي كان نفسي اعتذرله بس مجتش اي فرصه
وبدأ الاجتماع ومتجاهلني تماما ولا حتي بصلي واي البت دي كمان عماله تسأله وتتدلع كان نفسي اقوم أشدها من شعرها الاكرت دا كنت متغاظه اوى
نفسي بس اقولها انتشي بتتكلمي كدا لييييه بس!!!
^ركزي ي هنا
انتبهت وانا ببص حواليا باحراج_حاضر ي باشمهندس
^بريك ربع ساعة
خرج وانا مسكت وفضلت اشخبط وارسم ف الورق اللي ادمي انتبهت لقيته باصص ف الورق وبيبتسم
همست بشويش _نور انا
معرفتش اقول اي بصلي ومسك الورقه وطلع قلمه وكتب حاجه وحطه مكانه
مسكت الورقه وكنت هفتحها بس هو كمل الاجتماع خلص الاجتماع وانا كل اللي ف دماغي اي اللي مكتوب مسكت الورقه وفتحتها كان مكتوب ''بحبك ي هنا ..تتجوزيني''
ابتسمت وبصيت حواليا ملقتوش خرجت وانا بجري وبشوفه ف الشركه كلها بس ملقتش حد روحت السكن بزعل كنت عاوزه اشوفه وهو بيقولي بحبك وغمازته تبان وهو بيضحك مشوفتش غمازته انهارده
بعدها الباب خبط فتحت لقيت بوكس اسود بفيونكه بنفسج اخدته ودخلت فتحته كان الفستان ابتسمت وانا بحضنه ومعاه خمار من نفس اللون وهيلز دهبي
كنت بتنطط ت السرير والإنسان طلع عنده مشاعر وبيتصرف بهبل عادي ولا كانه من ساعتين كان ف عالم الكبار
فوني رن باسمه
^مستنيكي الساعه خمسه تحت السكن
قفل ف وشي قبل ما الحق اتكلم قومت بسرعه وجهزت نزلت لقيته لابس بدله وبيبتسملي
ابتسم ^ انا حاسس اني ضيعت عمري ف هندسه
_ليه
^ كنت دخلت فنون جميله عشان اعرف ارسمك
اتمشينا شويه ومش بنتكلم لحد ماوصلنا لأرض حواليها بحر والشمس كانت بتغرب
_هو احنا هنا ليه ي نور
^ دي أرض المشروع الجديد ي هنا قاعة أفراح
_ المكان حلو اوى
^عشان انتي فيه
_احم ممكن نمشي الجو ضلم
طرقع بصوابعه ف ف الطريق نور بكلمة ''ليلة هنا''
كنت بتفرج مبسوطه مفيش اي كلام يوصف فرحتي
^بحبك ي هنا ،تقبلي تبقي شريكة حياتي
هزيت راسي ب أه كان نفسي اعترف واقول بصوت عالي اني بحبه بس معرفتش انطق من كم التوتر والسعاده اللي كنت فيها
كنت بتابع شغل القاعه وانا حاسه بفرحه كبيره اوى ،نور اقنع العميل باسمها واول مناسبه فيها كانت خطوبتي وكتب كتابي انا ونور انهارده وايدينا ف ايد بعض ممتنه لكل حاجه حصلتلي ومكنتش فاهمه معناها ولا ليه حصلت
بعد تلات سنين
كنا ف بلكونه بيتنا
_زعلان ؟!
^ليه بتقولي كدا
_عشان رئيس مجلس الاداره اختارني انا اللي اسافر لندن
مسك ايدي وبأسها ^ انا مبسوط وفخور بيكي وبكل اللي حققتيه ي هنا
_ طيب انا مش هسافر
^ ليه ي هنا السفريه هتضيف لكاريرك
حركت راسي برفض _ لا يعنيني
فضحك
سندت راسي ع كتفه_انا اختارتك انت والبيبي ي نور
شدني وهو بيبصلي ^انتي قولتي اي ي هنا
_ مقولتش حاجه
^ انتي حامل
_اه ي حبيبي لسا برضه عايزني اسافر
مسك وشي بايده^ كما مولاتي تشاء
غمضت عيني وانا مطمنه حاسه وصوت الست وهي.. بتقول اللي شوفته قبل مااتشوفك عنيا عمر ضايع يحسبوه اذاى عليا ...
لمتابعه باقي فصول الرواية اضغط هنا 👇
