روايه للصبر حدود الفصل الرابع 4
4
لقيت حازم بيشدهم وبيصرخ .... والله لربيكي ياتربيه***** وهاخد البنات وهحرق قلبك عليهم
ولقيت اخويا جاي نحيتي وملامحه كلها تنذر بالشر .... انتي مش هتيجبيها لـ بر يابنت ال********** ابدا
جريت على بناتي أشدهم وانا بصرخ وبطردهم برا..... براااا كلكو برا برااااا ابعدوا عنيييييي انسوووني اروح فين تاني سبتلكم كل حاجه ولسا ورايا بردوا وانت ياحااازم مش قولت عايز اتجوز اتجوز ياأخي وابعدي عني بقاااا غووور من وشي
وطردتهم كلهم برا وقفلت بالمفتاح وهما برا واقفين مصدومين من الي حصل دلوقتي وازاي اتحولت بالشكل دا ..
كنت سانده براسي على الباب وواخده بناتي في حضني لحد ما راحوا في النوم وانا لسا قاعده مكاني شارده في حياتي الي مش راضيه تتعدل ابدا
قومت نيمتهم وصليت ودخلت المطبخ اعملهم حاجه ياكلوها لما يصحوا .. وبعدين خلصت وقعدت تاني وحيده شارده في الي حصلي وقد اي الدنيا قاسيه عليا ولحد امته هعيش دور الضحيه واقعد اكافح اكافح نفسي اعيش في راحه بقا
فوقت من شرودي على صوت الباب خوفت ليكون حازم أو اخويا ....م مين
انا ياستي ... افتحي متخافيش
انت مين
انا جايلك تبع عزرائيل ياستي
فتحت بخوف ... عا وز اي
البيه طالبك
بصتله ببلاهه...ها طالبني انا؟؟
ضحك بسماجه....اومال انا
قفلت الباب في وشه ولبست بسرعه عشان عارفه أن العِند مش هيجيب ليا غير المشاكل .
نزلت معاه وانا قلبي حاسه ان صوته مسمع لشارع كله .
الوكاله اهي ياست هانم
دخلت بخوف ... استر يارب ...قلبي مش مطمن والله مامطمن
خبطت وأما سمعت صوته دخلت
حاولت اهرب من نظراته وقولت وانا ببص في الأرض ....طلبتني
قام وقف وقرب مني .... عايزه تشتغلي ها
بصتله بهدوء عكس الي جوايا...اه
عندي ليكي شغل ويخليكي هانم وكل الي انتي عايزاه هتشاوري عليه بس
بصتله باستغراب بس نظراته الخبيثه ليا خوفتني
انت عايز اي ياجدع انت
بصلي بتسليه....عايز مصلحتك
متشكره مش عايزه منك حاجه
بس انا عايزك
بصتله بصدمه.... بس انا لسا مطلقه ومينفعش اتجوز و
قاطعني بصلي ببرود.....ومين جاب سيرت الجواز دلوقتي انا عايزك من غير جواز ...انا مش بتاع جواز انا
بصتله بصدمه ومحستش بنفسي غير وانا بضربه كف على وشه..... اتفو عليك وعلى اشكالك اتقي الله وافتكر اختك مكاني انت اي ياأخي حسبي الله ونعم الوكيل فيك .
وسيبته وجيت وانا ندمانه اني نزلت ولا سمعت منه حتى
ماما ماما حلي معايا الهوم وورك دا مش فاهماه
ابتسمت لها بحب.. عيوني ياقلب ماما
والله وانا ماليش من الدلع نصيب ياست ماما ضحكت وانا بضمهم لصدري ..... انتو الي مصبريني على الي انا فيه ياحبايبي
رودي ... ممكن بعد ما نخلص نتفرج شويه على التيڤي وأعمليلنا فشار
هزيت راسي ...طلبات اميرتي أوامر
قفلت التليفزيون وشلتهم نيمتهم في سرايرهم ولسا هنام جنبهم لقيت باب الشقه بيتفتح شديت العبايه المفتوحه بسرعه استر بيها جمسي وخرجت برعب اشوف مين ببص لقيت الي قاعد في الصاله حاطط رجل على رجل ومولع سيجاره وبيبصلي بكل برود وخبث .... خايفه لي بس
لسا هصرخ جري عليا كتم صرخاتي بإيده....اقسم بالله لو سمعت صوتك لحرق قلبك على بناتك سامعه
هزيت راسي برعب ....حاضر حاضر
بقا انتي بتضربيني بالألم ها ..شد خصله من شعري لفها على صابعه وقطعها .... مش عارف اي الي مصبريني عليكي حد تاني غيرك كان زمانه في قبره دلوقتي بيتحاسب بس انتي
بصتله برعب وانا بحاول انظم انفاسي
انتي حسابك كبير اوي عندي كبير اوي هاا
عضيت ايده بغل وسابني بسرعه جريت على باب الشقه وانا بصرخ الحقوني الحقوووووني يانااااااس الحقوووووووني حرامي حراااامي وقليل الادب كمان ومش متربي وهمجي وبلطجي الحقوووووني
بصلي بصدمه ووو
لمتابعه باقي فصول الرواية اضغط هنا 👇
