روايه شبيهتي القوية الفصل السادس 6 بقلم نشوه عادل
-بقولك يوسف اخويا طلع بياخد من البرشام اللى كنت بجيبه للزفتة اللى هنا دى اعمل ايه ولا هيتعالج ازاى؟!
شخص مجهول: اهدى ي حبيبى يروح مصحة وهيتعالج عادى
سلمى: ايوة بس انا خايفة اوى ي اسر يحصله حاجة وكمان مش هينفع يروح مصحة لو الصحافة عرفت هنتفضح وسمعتنا هتبقى ف الطين وشغل بابا هيبوظ
اسر: اهدى بقى توترك ده هيفضحك قصادهم اتعاملى عادى وابوكى اكيد هيتصرف المهم عاوز اقابلك
سلمى: نتقابل فين؟
اسر: انا اشتريت الشقة اللى انتى قولتى عليها وعاوز افرجها ليكى وبعدها اجى اتقدملك ع طول
سلمى بفرحة: بجد ي اسر انت عملت كده عشانى انا واخيرا علاقتنا هتطلع للنور
اسر : ايوة طبعا بعمل كل ده عشانك انتى انا بحبك اوى ي روحى
سلمى: وانا بموت فيك
اسر: هقفل انا دلوقتى عشان عندى شغل اوك وهكلمك لما اخلص
سلمى: اوك ي روحى باى
سمعت ريهام الكلام واخدت بعضها بسرعة ودخلت ع اوضتها قبل ما سلمى او حد تانى يشوفها طلعت فونها ورنت ع اسراء
ريهام: ازيك ي اسراء
اسراء بحزن: الحمدلله ع كل حال طمنينى ع يوسف اخباره ايه؟
ريهام: ان شاء الله هيكون بخير المهم كنت عاوزة اسألك عن حد تعرفى واحد اسمه اسر؟!
اسراء: لا مش فاكرة حد بالاسم ده
ريهام: طب حاولى بس
اسراء بتفكير: صدقينى معرفش حد انا مكنش ليا اصحاب شباب ودائرة معارفنا محدودة بس ليه بتسألى؟!
ريهام: هتعرفى كل حاجة ف الوقت المناسب المهم ماما عاملة ايه؟
اسراء: الحمدلله بخير اخدت العلاج ونامت حاولى تعرفى كل حاجة قبل ميعاد العملية عشان تقدرى تكونى جنبها
ريهام: ان شاء الله هروح انام وبكرة الصبح هبقى اجى اشوفها واقعد معاكم شويه
عند اسر بعد ما قفل المكالمة بص لابوه بخبث: مبروك ي بابا مهمتنا الاولى تمت وبدون مجهود كبير
سامى: ايوة بس بنت عمها متهمناش ف حاجة انا يهمنى ولاد ماهر المنسى مش بنت اخوه
اسر: اللى انت متعرفوش ي والدى ان يوسف ابن ماهر هو كمان كان بياخد من البرشام وبقى مدمن رسمى
سامى بشماتة: بجد اوعى تكون البت دى بتشتغلك
اسر بضحك: مين دى اللى تشتغلنى دى زى الخاتم ف صباعى وانت سمعت بودنك
سامى: حلو اوى الجاى هتبقى بنته وبكده هنضربه ف مقتل بجد عشان يفكر الف مرة قبل ما ينافسنى ويتحدانى
اسر: بس لازم خبر زى ده ينتشر بسرعة ابن رجل الأعمال المعروف ماهر المنسى وذراعه الايمن يتعاطى المخد*رات
سامى بخبث: لازم يتصدر السوشيال كله وبالدليل كمان
اسر: ازاى ؟!
سامى: نستنى لما يروح المصحة وهيكون سهل علينا اوى اثبات ده
اسر: ايوة بس ماهر المنسى مش ع نياته للدرجة دى عشان يودى ابنه مستشفى يتعالج فيها ده ممكن يحوله البيت مستشفى عشان يكتم ع الخبر ده
سامى: حتى لو اللى بتقوله حصل انت كده كده معاك الورقة الكسبانة هتطلب منها تصور اخوها وتبعتلك صورته مع الكشوفات والتحاليل بحجة انك عاوز تشوف لنسيبك المستقبلى دكتور كويس خصوصاً انك حاسس بالذنب اتجاهه
اسر: انا برفع القبعة تقديرا لعقليتك الجامدة دى ي حاج والله
عند ماهر اللى كان قاعد حاطط ايده ع خده وبيفكر وباين عليه الحزن ...رجاء: ماهر مينفعش ابدا تكون ضعيف وحزين ان شاء الله يوسف يروح المستشفى ويتعالج ويكون بخير
ماهر: مستشفى ايه اللى يوسف يدخلها ي رجاء انتى عارفة بمجرد رجله ما هتخطى هناك سيرتنا هتبقى ع كل لسان وهتفتح علينا ابواب قعدت احارب سنين عشان اقفلها ده غير شماتة اللى يسوى واللى ميسواش
رجاء: يعنى ايه هنسيب الولد كده؟!
ماهر: لا انا هطلب من عصام يشوف حل وكل اللى كان هيحتاجه بالمستشفى هجيبه ليه هنا
رجاء: وماله ي حبيبى وانا هخلى بالى منه
ماهر: الحاجة اللى هتجننى حاليا يوسف مبيشربش سيجارة ازاى ممكن ياخد برشام ويبقى مدمن؟
رجاء: مش يوسف بس كمان اسراء عشان كانت بتقول لدكتور عصام كان بياخد من البرشام بتاعى
ماهر: يعنى ايه ده معناه ان فيه حد من جوة الفيلا عاوز يأذى الولاد والغرض الاول اسراء ويوسف جه بالرجل
رجاء: ايوة بس مين ممكن يعمل حاجة زى دى وازاى اصلا وانت اللى بتجيب العلاج لاسراء بنفسك
ماهر: مش عارف انا هتجنن بس وربى لو عرفت هو مين ما هيرحمه من ايدى الا الموت
رجاء: ارجوك ي حبيبى اهدى العصبية مش هتفيدك بشئ لازم تكون ريلاكس خالص عشان تعرف توصل للى انت عاوزه
عند ريهام تانى يوم طلبت من ملك تيجى توصلها عند البيت وفعلا راحت ليها ملك واخدتها بالعربية ومشيت
عند اسراء كانت نزلت تجيب فطار ولما رجعت لقت احمد مستنيها تحت البيت
اسراء: انت! انت بتعمل ايه هنا؟!
احمد: من اخر مرة شوفتك متقبلناش ومش عارف اوصل لرقمك عشان اطمن عليكى
اسراء: واديك اطمنت اتفضل امشى من هنا بقى عشان محدش من الجيران يشوفنا مع بعض
احمد: طب ما انا ممكن اخرسهم عنك واجى اتقدملك
اسراء : اظن احنا اتكلمنا بالموضوع ده وقولتلك اعطينى وقت افكر
احمد: حصل وانا لسه عند كلامى بس اعمل ايه ف قلبى اللى ع طول وحشاه
اسراء: والله انت مجنون
احمد: انا فعلا مجنون بيكى ي ريهام
اسراء: انا لازم اطلع عشان ماما عايزة تفطر باى
سابته اسراء وطلعت ع شقتها ابتسم احمد وركب عربيته عشان يمشى واثناء ما وصل لاول الشارع كانت ملك داخلة وكانوا هيخبطوا ف بعض ونزلت ملك وهى بتزعق وكمان ريهام: انت ي اخينا مش تفتح ولا تعطى اى اشارة
احمد : ع فكرة انتى اللى غلطانة لان انتى اللى كان لازم تعملى كده .....
كان لسه هيكمل كلامه لكن اتصدم لما شاف ريهام وبصدمة: ريهام..ازاى مش ممكن وووو....يتبع
