رواية زهرة أصلان كاملة جميع الفصول

 روايه حوريتي الجميله الفصل السابع 7 بقلم نور محمد 

7

فجأه سكتت حور على صوت فتح باب الغرفه ولقت حسن وقف قدامها بصدمه كبيره 

بتمثيل الصدمه:ايه ده انتي مش قولتي زوجك هيتأخر لبعد العصر النهاردا ياحبيبتي 

حور بصدمه:انت بتقول ايه،حسن انا معرفش ده مين او دخل هنا ازاي والله انا....

قاطعها صوت حسن بغضب عارم:حووور

حور بلعت ريقها وبقت بتترعش بخوف من حسن وفجأه قرب حسن عليهم وشد الشاب ده من جنب حور وقال بغضب 

: انت مين ودخلت هنا ازاي ياروح امك 

ببرود: انا ابقى عشـ'يق مراتك حور وهي اتصلت عليا امبارح وقالتلي تعال وحشتني وزوجي خرج وانا قاعده لوحدي و

قاطعته حور بدموع: كذاب والله ده بيكذب ياحسن انا كونت لوحدي بعد مامشيت انت وبعدها اجت طنط سلمي قعدت معايا ومش فاكره حصل ايه بعدها صدقني 

حسن سمع اسم امه وشك في الموضوع فشد الشاب بغضب كبير من هدوومه وقال

: تعال معايا يابن الـ ** وانا هعرفك ازاي تدخل بيتي وتقرب من مراتي كمان 

: انا بقولك الحقيقه مراتك السبب وكمان هي عملت الـ... 

ضربه حسن كف قوي شفته نزفت بسببه وقال

: مش عاوز اسمع صوتك دلوقتي انا هعرف الحقيقه كلها بطريقتي تعال اعلمك الادب من اول وجديد ياروح امك 

طلع حسن ومعاه الشاب بيترعش برعب وحسن نزل تحت وفجأه لقى امه طالعه تجاهه بتقول

: في ايه ياحسن انت بتعمل ايه ومين ده؟ 

حسن بص عليها بشك وضيق بس قال: مفيش ياماما ده واحد غلط في حقي وانا هعلمه ازاي يعرف يغلط في حقي تاني 

برعب: ياهانم ارجوكي الحقيني منه انا معملتش حاجه والله انا.. 

قاطعته سلمي بسرعه: سيبه ياحسن باين من شكله انه بريئ اكيد مراتك هي السبب

حسن بص عليها بصدمه بعد ماتأكد من شكه وقال

: وانتي عرفتي منين اني جايبه من عند مراتي ياامي؟ 

سلمي بصت عليه وبلعت ريقها بتوتر بعد ما غلطت قدامه وقالت

: انا انا بس خمنت انك لقيته عندها لانك مش كونت طالع برضو لشقتك يابني 

: تمام ياامي ومدام عرفتي الحقيقه بقى يبقى لازم اخذ حقي منه لان دخل شقتي من ورايا وكمان قعد مع مراتي في نفس الاوضه وانا متأكد انه حط لها حاجه علشان بس يفضل معايا وانا اشوفه بعدين مش كده يابن الـ**

بص عليه الشاب برعب كبير وبعدها وجه نظره لسلمي بترجي وقال

: لا انا مظلوم مش انا اللي عملت كده صدقني الحقيني ياهانم او انا هقوله كل حاجه 

سلمي خافت اوي تتكشف فقالت بسرعه: حسن سيبه ومتفضحش نفسك يابني ده شرفك حتي لو مراتك مظلومه

حسن جز على سنانه بغضب وقال: تمام تعال معايا انت كده كده هتقول كل حاجه بس تحت عندي في المخزن القديم 

وقبل مايتكلم الشاب حسن جره بقوه خلفه وسلمي جرت خلفهم برعب 

وعند حور كانت خايفه اوي بعد ماحسن طلع وسابها فرنت على امها بسرعه وقالت

:ماما الحقيني انا محتجاكي جنبي اوي 

:مالك ياحور ياحبيبتي انتي كويسه 

:لا ياماما حصل مصيبه هنا وانا خايفه اوي 

:تمام اهدي وانا هاجي فورا 

:ماشي متتأخريش عليا 

وعند حسن في المخزن القديم ربط الشاب قدامه ومسك عصا كبيره وقال 

:ها هتقول كل حاجه بازوق او اخليك تقول بالقوه 

برعب:لا انا هقول كل حاجه والله اوعدك 

اجت سلمي بخوف:ياحسن اسمعني الاول يابني ارجوك 

:بعدين ياأمي انا عاوز اسمع منه الاول الحقيقه 

:وانا هقول كل حاجه انا عملت كده سبب امك الهانم سلمي هي طلبت مني اعمل كده والله 

حسن بص على امه بغضب وقال:صحيح الكلام ده ياأمي 

:حسن انا اسمعني انا 

:اسمع ايه تاني بقى حرام عليكي دمرتي حياتي الاول ودلوقتي عاوزه تدمريها تاني انا عملت ايه لكل ده ياماما والله انا تعب اوي

سلمي بصت عليه بشفقه وقربت منه وقالت:طيب اهدى ياحبيبي انا اسفه خلاص اهدي 

:اهدي ايه وليه،مش كفايه اللي حصل معايا زمان بسببك اخترت الجمال وتعبت علشان ارضيكي ولما قلبي اختار وحب بجد انتي عاوزه تكسري قلبي تاني انا مش ابنك ليه مصره تدمريني 

:حسن صدقني انا بخاف عليك اكتر من نفسي انا

قاطعها بحده:اصدقك بعد كل اللي حصل بسببك اصدقك تاني دمرتيني زمان مره ودلوقتي الزمن بيعيد نفسه تاني ارحميني اعمل ايه علشان اقدر اعيش زي باقي الناس 

انهار حسن بوجع وسلمى قربت منه وحضنته بندم ودموع:اهدي خلاص انا اسفه والله انا مش عندي اغلى منك ومن اختك يابني اسفه سامحني المره دي بس 

حسن بدموع:اسامحك بعد كل ده؟

:اخر مره اوعدك مش هعمل حاجه تاني ليك او لمراتك وهحبها كمان زيك علشان خاطرك انت اوعدك

:تمام ياامي هسامحك لما اشوف بعيني الاول كلامك ده

وعند حور وامها حكت حور كل حاجه لامها فقامت هبه امها وقالت:بقى الوليه الحربايه دي تعمل معاكي كل ده وانتي مش تقولي ليا ياحور 

:ياماما اهدي انا عاوزه احافظ على بيتي علشان كده استحملت وكمان لاني بحب حسن اوي بصراحه هو مفيش منه اتنين ياماما 

:انا عارفه حسن جدع ونعمه الزوج الصالح كمان بس امه دي لازم تتعلم الادب و

قاطعها دخول حسن هو وسلمي معاه واول ماهبه شافتها جرت بغضب ومسكتها وقالت 

:بقى انتي ياوليه تعملي كل ده في بنتي انا 

سلمي بألم:ابعدي ايدك عني احسن اكسرها ليكي 

:تكسري ايه ياوليه ياحربايه والله ماهسيبك من ايدي النهاردا قبل ماخد حق بنتي منك 

تدخلت حور بخوف:ياماما ارجوكي سيبها دي مهما حصل حماتي 

:اصيله يامرات ابني ابعدي بقى ايدك عني انا اجيت اعتزر منها والله توبت خلاص 

:لااا اخد حق بنتي وبعدها توبي ياختي براحتك

قامت الخناقه بين هبه وسلمي وحسن وقف يتفرج ومتدخلش ابدا وحور كانت هتقرب منهم بس حسن شدها ليه وقال

:تعالي معايا وسبيهم يتفاهموا مع بعض انا عاوزك 

:يتفاهموا ازاي ياحسن دول بيقطعوا في بعض 

:قولتلك سبيهم مع بعض انا عاوز اخرج معاكي دلوقتي نشم هواء سوى ايه رأيك 

:بجد ياحسن طيب ياله بينا 

: ياله بينا ياقلب حسن 

وبعد وقت في عربيه حسن:ها ياقلبي عاوزه تروحي فين؟!

بحماسه:عاوزه اروح الملاهي نفسي اروحها اوي

ببسمه:حاضر ياحوري انتي تطلبي بس وانا انفذ 

حور ابتسمت بسعاده كبيره وفضلت الطريق كله تتأمل في حسن جنبها 

وفي الملاهي:حور خدي بالك من نفسك كويس..حاسبي ياحور 

:حسن تعال معايا نلعب سوى اللعبه دي حلوه اوي 

بقلق:حاضر انا جاي اهو خلى بالك من نفسك بس 

وبعد ساعه خرج حسن وحور من الملاهي وهي كانت فرحانه اوي 

:مبسوطه ياحبيبتي دلوقتي 

:اوي اوي ياحسن انا بحبك اوي 

:وانا كمان بحبك اوي ها عاوزه حاجه تاني 

:ايوه نفسي في ايس كريم ممكن 

:من عنيا خمس دقايق بس اوعي تخرجي من العربيه ماشي 

ببرائه:حاضر ياحسن 

خرج حسن واحضر الايس كريم لحور ورجع بسرعه اول مادخل العربيه انصدم 

بقلق وصدمه:حور هي راحه فين انا سيبها هنا من خمس دقايق بس 

خرج حسن من العربيه بخوف على حور وفضل يدور عليها في كل مكان لغايه ماتعب من البحث وقال بجنون

:حووور انتي روحتي فين؟

وعند حور فتحت عنيها بألم وبصت حوليها على المكان بصدمه كان مكان قديم وفيه تراب كتير 

بخوف:انا فين؟؟ وايه حصل انا اجيت هنا ازاي؟

حاولت تتحرك بس كانت مربوطه بقوه في مقعد قديم وفجأه لقت وحده دخلت قدامها وقالت

:اهلا ياعروستنا نورتي المكان كله 

حور بصت عليها بصدمه وهي بتتأملها قدامها بنت جميله اوي في العشرين من عمرها بملابس راقيه وشيك اوي فقالت 

:انتي مين؟؟وعاوز مني ايه؟!!!

قربت منها البنت وهي بتبص عليها بقرف وقالت 

:انا ابقى ضرتك ياحلوه مرات حسن جوزك وووو

لمتابعه باقي فصول الرواية اضغط هنا 👇

(روايه حوريتي الجميله )

تعديل المقال