روايه انتظرتك سنين الفصل الثالث بقلم ڤونا
"الأخير
فجأة مبقتش قادره أخد نفسي وبدأت اكح كتير ووشي أحمر لغاية مأغمي عليا
چونا قعد ينادي الدكتور بصوت عالي وكل اللي في الاوضه بيعيطو
الدكتور جه وكشف عليا
_ أنا قولت بلاش ضغط عليها أديها جالها انهيار عصبي لو سمحتم اخرجو برا كلكم دلوقتي
چونا_انا مش متحرك من جنب مراتي ووجهه كلامه للباقي_اتفضلو اطلعو دلوقتي
بالفعل خرجو والدكتور عطاها حق"نه مهدئة وخرج وأنا فضلت قاعد جنبها ماسك ايدها بحنيه وفي نفس الوقت عيوني بقو حُمر من كتر العصبيه _بقي كل ده يطلع منكم ماشي أنا هوريكم
وفضلت قاعد جنبها وبدعيلها
مر اليوم بسلام
تاني يوم كنت نايم علي الكرسي جنبها ماسك ايدها بحنيه وفجأة حسيت بحركتها صحيت لقيتها صاحيه قاعدة في صمت ودموعها بتنزل صعبت عليا أوي حقيقي مش قادر أشوفها وهي موجوعه كدا حاولت ألطف الجو
_صباح الخير يا عيوني
ردت بصوت شبه مسموع_صباح النور
حبيت انكشها شوية
_نعم!!!صباح النور بس يا هانم
بصتلي وابتسمت_صباح النور يا قرة عيني
بمشاكسه_ايوة كده بنوتي القمر....أنا هروح اجبلك حاجه تكليها
قام وفي لحظه مسكت ايده بسرعه وقولت بصوت ضعيف ودموع_ارجوك متسبنيش لوحدي أرجوك
مقدرتش أمسك نفسي الصراحه حضنتها بسرعه حضنتها جامد مكنتش عايز أخرجها من حضني
اتكلمت بدموع_حقك عليا حقك علي عيني يا نور عيني أنا اللي معرفتش أحميكي أنتِ والطفل أنا آسف
بدموع_متعتزرش أنتَ ملكش أي ذنب ربنا ينتقم منهم
مرت كام ساعه والدكتور كتبلي علي خروج روحنا البيت وطلعنا
وصلنا عند شقه أهله واتكلم_حابه تدخلي ولا نطلع
=لاء نطلع مش قادره عايزة ارتاح
وبالفعل طلعنا وأنا دخلت خدت شاور ونمت
فضلت جنبها لغاية محسيت انها نامت وقومت خرجت من الشقه ونزلت تحت
وصلت عند شقه عمتي وفضلت اخبط جامد لدرجة أن الباب كان هيتكسر وفتحتلي عمتي واللي اتصنمت مكانها لما شافتني وأنا كلي عصبيه وعروقي باينه من كتر العصبيه
_اهلا يا عمتي ايه هفضل واقف علي الباب
ردت بتوتر_هااا لا طبعاً أتفضل
اتكلمت بعصبية مقدرتش امسكها_لا معلش مش هتفضل اصلي مش هدخلك بيتك تاني لما تعملي أنتِ وبتك في مراتي كده طول السنين دي كلها قلبنا مقهور عشان مخلفناش ونقول ده قضاء ربنا
وكملت بعصبيه اكتر _لكن تطلعي أنتِ وبتك بتحطو لمراتي حبوب منع الحمل لا ده أنتم بجحين أوي أوي
بصتلي بصدمه وكأن حد جاب جردل تلج دلقه عليها
وحرفيا خرج البيت كله علي صوتي بس مهمنيش وكملت
_ليييييه لييييه عملتي كده ليييه كنتي عايزة تجوزيني بتك بالعافيه ورفضت وقولت إحنا أخوات لكن لييييه هي عملتلك ايه عشان تعملي كل ده يا شيخه حسبي الله ونعم الوكيل فيكي أنتِ وبتك عمري مهسامحك حسبي الله
كل ده هي واقفه قدامي مش بترد فاتعصبت اكتر_اييييه بلعتي لسانك متردييي
فجأة لقيت ڤونا دخلت شدتني واتكلمت بدموع_عشان خاطري خلاص بس متعملش في نفسك كده عشان متتعبش عشان خاطري وكمِلت بعياط_لو جرالك حاجه مش هعرف اكمل من غيرك مش هعرف أعيش أصلا عشان خاطري
بصيتلها وضعفت قدام عيونها الباهتة والوارمة من كتر العياط خدتها في حضني وطلعت علي شقتنا
"تحت
أبو چونا_أنا مكنتش متخيل أن كل ده يطلع منك أنتِ جبتي القساوة دي كلها منين
أتكلمت بنت أخته بعصبيه_وهي فيها ايه زيادة عني يا عمي حبها هي لييييه ليييه مش أنا أنا اللي من ساعه ما وعيت علي الدنيا وأنا بعشق التراب اللي بيمشي عليه ليهه وزعلان عشان مش عايزينها تجبله عيل أنا لو كان عليا كنت قت**لتهاا
وهووب قلم نزل علي وشها جامد
والد چونا_واضح أن أختي معرفتش تربي كويس
وجهه كلامه لأخته_من بكرا هتاخدي بتك وتروحو البلد مفهوم ملكوش قعاد هنا تاني خلاص
تسريع للاحداث
كل واحد دخل بيته وكان يوم صعب عليهم كلهم
بعد مرور شهرين
كان قاعد في البلكونه شكله مهموم وحزين دخلت قعدت جنبه ودخلت في حضنه واتكلمت بمشاكسه
_جرا ايه يا خالتي مالِك شايله الهم ليه
ضربني بخفه علي دماغي_يابت اسكتي لو نفخت فيكي هتطيري اصلا
_طب خلاص متزوقش طهه
=طهه؟!!
_حبيبي يا أبو صلاح
=متجوز سرسجيه
_طب بجد عايزة أقولك مفاجأة
=قولي يا آخره صبري
_هتدفع كام
=هقولك
وقبل مأكمل كلامي راح باسني في خدي المشمحترم
بصيتله بنص عين_علي غفله كده طب مش هقول
حضني جامد_هتقولي ولا أكمل
=مخلاص متبقاش قفوش بقي هقول بس وعد تخرجني
_لو عجبني أن شاء الله
=لا مهو هيعحبك
_طب يلا انجزي
=احم احم احم أنا حامل
وطلعت جريت مدتهوش فرصه يستوعب اللي قولته ودخلت الاوضه قفلت علي نفسي وأنا بضحك
قالتلي أنا حامل وحسيت أن الدنيا كلها وقفت من كتر الصدمة لسه مش مستوعب لغاية مستوعبت بعد خمس دقايق وجريت عندها
_افتحي يا بت
بضحك_لا
_ڤونا متهزريش بجد الحوارات دي مفهاش هزار يلاا
=قول كلمة السر
_يابت مش وقته بقولك افتحي بدل مفتح دماغك
=قوووووول
_احم احم بحبك يا بنوته قلبي
فتحت الباب وملحقتش ارد لقيته خدني في حضنه واتكلم_حقيقي أنا فرحان أوي بجد
بدموع_وأنا كمان الحمدلله ربنا عوضنا الحمدلله
_أنا بحِبك
=وأنا بعشقَك
تمت♥️
#بقلم_ڤونا
#أنتظرتك_سنين
اكتب في بحث جوجل 👇
(مدونه الرسم بالكلمات رواية انتظرتك سنين)
وستظهر لك 👇
لقراءه رواية انتظرتك سنين كامله اضغط هنا 👇
