روايه حورية مالك الفصل السابع بقلم صفاء احمد
هذه الرواية متوفرة فقط على 👇
لمتابعه روايه حورية مالك كامله اضغط هنا 👇
الفصل السابع:-
حوريه مالك
حور وهدي فوق في أوضة حور بتستعد ..الباب خبط قاسم قام عشان يفتح ..
قاسم:- ههه على باشا والله هنبقا نسايب.
على:- ازيك ي قاسم وحشني والله.
قاسم:- تصدق العيال دول بيعرفو يختارو والله هيجمعو العيلتين المهم اتفضلوا ادخلوا الكلام مش هيخلص.
العيله دخلت وكله سلم على بعضه والقعده كانت لطيفه.
على:- طبعا انتا عارف احنا جايين لى ي قاسم فين بقا العروسه عاوز اشوف عروسه ابني ي جدع مخبينها لى.
قاسم:- مخبيين اي بس هتيجي تهبلك دلوقتي هقوم اناديهم واجي.
شويه وحور وهدي نزلوا مع قاسم مالك اول ما شاف حور وقف من الصدمه ملاك واقف قدامه بفستانها وطولها المناسب للفستان وبين جمالها كأنه معمول ليها هيا وشعرها عامله كحكه لفوق سايبه نازل منها شعر على جوانب وشها طالعه فعلا اميره بمعنى الكلمه زى ما كان بيتمنى بعدها ظهرت هدي ببساططها ورقتها المعهوده وخطفت قلب محمد للمره المليون سلموا على بعض ومالك راح يسلم على حور:- اميره زي ما اتمنيت.
بصيتله وهيا محروجه حاسه ان الكل نظراتهم عليها ودا فعلا لأن هيا جميله بكل معني الكلمه مالك حس أن مش هوا بس اللى بيص عليه لاء دا لقا احمد بيبصلها وأبوها وأبوه ومحمد كمان اضايق وحس أنه هيولع.
فقال:- لاء بقولكم ايه كدا من اولها عشان نبقا على اتفاق اللى هيبص لحور بعنيه هطلعهالو نزل عينك انتا وهوا .
محمد واحمد نزلوا وشهم في الأرض وعلى وقاسم قاعدين بيضحكو عليهم وعلى غيرت مالك ريم مبسوطه في احمد وبتقول:- احسن ناس مش بتيجي غير بالعين الحمرا.
احمد بصلها بغيظ واستحلف لها في سره.
على'- احم طبعا ي قاسم انتا عارف طبعا احنا جايين لى احنا طبعا أصحاب شغل وحاليا لو ربنا إذن هنبقا نسايب وقرايب واخوات كمان انا طالب ايد حور بنتك لابني مالك ها قولت ايه.
قاسم:- طبعا ياعلي معنديش مانع والعيال معندهمش مانع وعلى بركه الله نقرأ الفاتحه.
قرأوه الفاتحه وسط نظرات مالك لحور اللى كلها حب وانبساط خلصوا والعشا اتحط والكل اتعشا وسط ضحك وسعاده باينه في عنين الكل خلصوا مالك اخد حور وطلعوا بره اتمشوا شويه ودخلوا عيله على استأذنوا ومشوا كل واحد في الليله دي نام مبسوط مالك وحور اللى ليلته كانت ماشيه فوق المتوقع ،محمد وهدي اللى نظراته كانت كفيله أن محمد يستعد لخطوه جديده،ريم وأحمد اللى كل واحد فيهم اتأكد هوا بيحب التاني ازاى.
تاني يوم صحي مالك استعد ينزل لشغله فطر وركب عربيته طلع على الشركه .
مالك لاسيل:- متدخليش حد غير لما اقولك.
دخل قعد على كرسيه مسك فوته ورن على حور مستني منها رد.
حور بنعاس:- الوو .
مالك بحب :- ياريتني انا الفون اللى فى ايدك.
حور:- مالك في ايه رانن بدرى لى.
مالك:- وحشتنيني ومش عاوز اتعامل مع حد على الصبح غير لما اسمع صوتك.
حور بدأت تفوق:-اممم وسمعته يا استاذ مالك .
مالك:- ايوا.
حور:- طب يلا عشان اروح شغلى هتاخر.
مالك:- ي جدع ما انتي كنتي نايمه.
حور:- صراحه كويس انك صحيتني.
مالك:- ايوا اعترفي ماشي ي حبيبي قومي يلا وانا تخلصي شغل رني وعدي عليكي اروحك.
حور:- بس انا هروح بعربيتى.
مالك:- سيبها بايته قدام المستشفي وانا بنفسي هوديكي ليها بكرا.
حور:- اوك ي حبيبي.
مالك:- ايه ؟اوك يا ايه؟!
حور:- هقولك بعدين عارف صوت القطر!؟
مالك:- ايه قط.....
لسا هيكمل كلامه لقا الخط قفل.
مالك:- قفلت فى وشي لا بجد قفلت هوا اللى انا بعمله هيطلع عليا ولا ايه؟ماشي ي حور هتقعي في أيدي.
اليوم عدا بسرعه على الكل ريم وأحمد اللى كانوا فى الكليه طول اليوم مع بعض يوصلها لحد المحاضره ولما تخلص يرجع ياخدها خايف حد ببصلها أو يضايقها .
ريم وهما خارجين من المدرج:- احمد هتفضل تيجى تودينى وتجيبنى من محاضره المحاضره كدا لى وبعدين مش بتحضر محضراتك بسببي وانا مش حابه كدا.
احمد:- مش حابب حد يضايقك .
ريم:- محدش هيضايقنى وبعدين انا ليا صحبتى بتمشي معايا ومش عارفه تمشي معايا بسبب أن انتا محاصرنى.
احمد:- تمام ي ريم حاضر يلا عشان نروح.
ريم:- اوك يلا
****************
مالك خلص شغلها واستني لحد ما حور رنت عليه خرج من الشركه وراح على المستشفى استناها تخرج....
خرجت وراحت عليه ركبت جمبه.
حور:- هالللو.
مالك:- اهلا ،عامله ايه.
حور:- بخير الحمدلله.
مالك طلع بالعربيه بس الغريب أن دا مش طريق بيت حور...
حور:- رايحين فين .
مالك:- رايحين نتغدا اكيد ياعني مش هروحك.
حور:- طب استني اقول لبابا اشوفه هيقول ايه.
مالك:- حور اكيد ياعني مش اخدك من غير ما باباكي يعرف انا استأذنته وكمان عرفته أن بكرا هنروح نجيب الشبكه.
حور بفرحه:- بجد يا مالك.
مالك:- بجد يا قلب مالك.
''''''''''''"""""""""""""""""""""""""""""""
في الشركه اليوم خلص من غير ما محمد يقابل هدي قاعد مضايق مظهرتش طول اليوم طلع على مكاتب الموظفين عشان يشوفها لاحظ أنها مش موجوده اصلا في الشركه فكر يرن عليها بس بمناسبه ايه اتنهد ورجع اخد حاجته وقرر يروح.
__________________
مالك وحور قاعدين في مطعم وبيطلبوا غداا مالك قفل موبايله واخد فون حور منها وقفله.
حور:- لى كدا.
مالك:- عشان محدش يضايقنا.
حور:- اممم قول انك عايز تخطفني وبتجيبهالى واحده واحده.
مالك:- وانا لو عاوز اخطفك هستأذن كنت عملتها على طول .
حور مالت لقدام عليه شويه وسندت على التربيزه:- واثق من نفسك اوي وانا بحب اللى واثق في نفسك.
مالك عمل نفس حركتها ومال عليها لحد ما بقوا قريبين من بعض:-وانا بحبك انتي .
حور فضلت ساكته ومبلمه لحد ما الغدا نزل بدأوه ياكلوا وبيتكلموا في بكرا...
****************
محمد ماشي بالعربيه ومروح على بيته فونه رن بس ملوش نفس يرد عاوز حد معين اللى يكلمه سابه لحد ما فصل رجع رن تاني اتنهد ومسك الفون لقاها هدي اللى بترن انبسط وفتح بسرعه.
محمد:- الو هدي ازيك .
لقاها بتعيط ومش عارفه تتكلم .
محمد:- هدي في ايه مالك .
هدي بعيط:- ماما تعبانه يا محمد ومش عارفه اتصرف برن على حور فونها مقفول الحقنى ونبي.
محمد:- طيب طيب اديني عنوانك بسرعه وانا خمس دقايق هكون عندك .
هدي قالتله العنوان وكمان رقم الشقه محمد وصل تحت العماره في اقل من خمس دقائق طلع يجري حسب ما هدي قالتله لقا الشقه مفتوحه دخل جرى وناسي أن هدي منتقبه لقا هدي قاعده على الأرض وحاطه دماغ مامتها على رجليها ومكنتش اخده بالها أنها ناسيه النقاب كل اللى فى دماغها امها.
محمد ساب كل حاجه وبلم في هدي في كميه الجمال اللى هيا مخبياه تحت النقاب هوا دلوقتي فعلا حب النقاب حب اد ايه هيا محافظه على نفسها من عيون الناس وزي ما قال فعلا اول ما شافها في اول مره شكل النقاب ده تحته جمال كبير واقف سرحان وهدي بتبصله وبتعيط فاق على صوت عيطها راح وشال مامتها وقال:- يلا بسرعه البسي نقابك وحصليني على العربيه هنروح المستشفي .
هنا هدي خدت بالها أنها من غير نقاب قعدت تستغفر ربنا طول ما هيا بتلبس هتبص في وشه ازاى الوقتي وهوا شاف وشها يقول عليها ايه بس اهم حاجه دلوقتي تطمن على مامتها.
نزلت وركبت طلعوا على المستشفى.
مالك وحور طلعوا من المطعم حور عرضت عليه يوديها عند المستشفي تاخد عربيتها عشان عندها مشوار انهارده .
مالك:- ما اجي اوصلك وخلاص .
حور:- لاء ملوش داعي انا هروح لهدي عزماني اروح لها .
مالك:- تمام متتاخريش وكلميني.
وصلوا للمستشفي مالك لاحظ عربيه محمد واقفه قدامه بس محمد ايه هيجيبوا هنا تزل اتأكد أن هيا عربيه محمد مالك فتح فونه عشان يشوف وكمان حور فتحت فونها لقت هدي رنه عليها كتير اوي قلقت وحاولت ترن عليه هدي فتحت.
هدي :- الحقيني ياحور مامه تعبانه وفي المستشفى.
حور بصت لمالك:- طب اهدي مستشفى ايه هدي .
هدى:- اللى انتي شغاله فيها سالت عليكي قالو مشت من بدرى.
حور:- طب انا قدام المستشفي جايلك اهو.
حور لمالك:- لازم ادخل يا مالك هدي جوا وبتقول ما منها تعبانه.
مالك:- طب يلا ندخل .
دخلوا وحور سالت في الاستقبال قالو لها على مكانهم راحوا لقوا هدى قاعد بتعيط ومحمد واقف قدام شويه بيبص عليها.
حور جريت على هدي:- في ايه ي حبيبتي.
هدي:- ماما يا حور وقعت مره واحده مش عارفه في ايه والدكاتره لسا لحد دلوقتي محدش طمني.
حور وقفت :- طيب انا هدخل اهدي.
دخلت اوضته الكشف وسابتهم.
مالك :- متقولقيش ياانسه هدي كله هيبقا تمام أن شاء الله
مالك ساب هدي وراح لمحمد اللى واقف عينه على هدي ومضايق أنها بتعيط ومش قادر يعملها حاجه ولا يقولها حاجه .
مالك حط أيده على كتف صحبه وقال:- متقلقش اول ما تبقا كويسه خد خطوه لقدام مينفعش البعد اللى انتا فيه ده .
محمد هز دماغه ولسا عيونه على هدي حاطه دماغها بين أيدها باب الاوضه اتفتح وطلعت حور ودكتور وممرضه حور راحت نحيه هدي:- متقلقيش يحبيبتي هيا كويسه والله.
هدي:- بجد يا حور كويسه.
دكتور ماهر:- هيا بخير بس شكل والدتك بقالها فتره سكرها مش متظبط وهيا بدل ما تهتم أهملت هيا دخلت في غيبوبه سكر بس الحمدلله طلعت منها من غير اضرار كتبتلها على علاج حلو هتمشي عليه وتتابع بقا كل فتره حمدالله على سلامتها.
هدي:- الله يسلمك يا دكتور،شكرا.
دخلوا كلهم معادا محمد راح عند الاستقبال ودفع مصاريف المستشفى من غير ما حد يعرف ورجع تانى عند الاوضه خبط دخل.
محمد:- حمدالله على سلامتك يا امي.
سعاد ام هدى بصوت وهن:- الله يسلمك يابني.
محمد:- عامله ايه دلوقتي .
سعاد:- بخير والله ،شكؤا يابني على اللى عملته معانا ومش عارفه من غيرك كانت هدي عملت ايه.
محمد راح سحب كرسي وحطه جمب سرير سعاد وقعد وقال:- انتي بتقولى اي بس دا واجب عليا ،المهم انا عاوز منك طلب.
الكل استغرب وبصوا لبعض ومحدش فاهم.
سعاد:- اتفضل يابني.
محمد:- انا عاوز اطلب ايد الانسه هدي!!!!!!
مالك في سره:- يخربيتك قولتلك بعد ما تقوم خد خطوه بس مش بدرى كدا.
هدي مستغربه وحور جواها فرحانه سعاد مش عارفه ترد دقوله خصوصا أن ده مش وقته.
محمد:- انا عارف ان ده مش وقته بس قولت انتهز فرصه ان الكل موجود.
سعاد:- والله يابني مفيش عندي مشكله بس اخد رأيي هدي الاول.
كل الأنظار راحت لهدي معدتش عارفه تعمل ايه سابتهم وخرجت تجرى برا الاوضه.
محمد وقف وقال:- ممكن أخرج اتكلم معاها شويه.
سعاد:- طبعا يابنى.
محمد خرج لقا هدى واقفه فى اخر الطرقه عند شباك وبتبص برا محمد راح عندها وقال:- ممكن اعرف بتهربي لى.
هدى:- مش بهرب انا بس اتحرجت لما الكل بصلى.
محمد:- طب اى رايگ.
هدى:- على فكره انتا مش مطر تجوزنى عشان شوفت وشي انا ممكن اقلع النقاب فتره وارجع البسه تانى .
محمد بعصبيه:- اياكى تفكرى في حاجه زى دى فاهمه،وبعدين مفكره بتقدملك عشان شوفت وشها،هه غبيه.
هيا وقفه مستغربه هجومه.
وسابها ومشا من غير ولا كلمه راح دخل عند سعاد لقا حور ومالك بيتكلموا معاها قرب منها بابتسامه:- بنتك بتتقل عليا ماشي .
هدي:- معلش يابني هيا بتتحرج بس هبقا اتكلم معاها انا .
محمد :- ماشي انا نطر امي عشان ورايا مشوار مهم رقمي مع هدي لو احتاجتي حاجه رني عليا لأن عارف انها مش هترن تاني.
سعاد:- ماشي ي حبيبي تسلم.
مالك :- يلا انا كمان همشي حور هتيجي ولا هتقغدي.
حور:- لاء هقعد شويه لحد ما اشوف هيكتب لها خروج امتا وأبقت اروح وكمان عاوز اتكلم مع هدي شويه.
مالك؛- تمام ي حبيبتي أما تروحي كلميني .
حور :- اوك
حور فضلت مع هدي ومامتها بس معرفتش تكلمها عشان الدكتور جه وكتبلها خروج على طول لانه كويسه.
محمد ومالك ماشيين كل واحد ركب عربيته محمد مبسوط من الخطوه اللى اخدها وفرحان أن اخيرا هتبقا ليه بس بيتمني توافق وترجع عن اللى فى دماغها.
ريم وأحمد روحوا لقوا مالك ومحمد والعائله قاعدين دخلوا سلموا عليهم مالك حب يغلس عليهم.
مالك:- الا قولى يا احمد محضراتك عامله ايه.؟
احمد بتوتر عشان عارف ان مالك مراقبتهم وعارف كل تحركاتهم :-هاا حلوه يا أبيه تمام.
مالك بغمزه:- ماشي هعديها.
على:- فى اى يا مالك فهمنا.
مالك:- مفيش يابابا احمد فاهم وكفايه أنه فاهم.
على عداها عشان عارف ان مالك مبيعملش حاجه غير لما تكون في صالح الكل.
************
حور وصلت هدى وامها البيت وروحت وصلت بليل كانت هلكانه اكله حاجه بسيطه وطلعت رنة على مالك عشان تطمنه مع انها محتاجه تنام وبس بس عشان ميقلقش عليها.
حور:- الو.
مالك:- مالك فى ايه صوتك متغير.
حور:- هلكانه ومحتاجه انام .
مالك:- ماشي ي حياتى ارتاحى ونتكلم بكرا جهزى نفسك على بعد الظهر هاجى اخدك.
حور:- اوك بأى.
_______________________
هدي وامها قاعدين يتكلموا وامها عاوزه تفتح معاها موضوع محمد بس حاسه ان هدي معندهاش استعداد تتكلم.
سعاد:- مالك ي هدي.
هدي:- مفيش يا ماما محتاجه حاجه.
سعاد:- محتاجه راحتك ومحتاجه منك رد على طلب محمد.
هدي بتنهيده:- مش عارفه يا ماما حاسه اني متلخبطه بس مخبيش عليكي انت معجبه بيه من اول يوم شوفته بس انا اصلا بتحرج ابص في وشه مبرفعش عيني من على الأرض طول ما هوا موجود انا بسمع ضوته اكتر ما بشوفه حاسه اني تعبانه نتكلم في الموضوع ده بكرا أما اخد وقتي في التفكير هروح انام عشان عندي شغل بكرا يلا عشان تنامي انتي تعبانه .
سعاد محبتش تضغط عليها:- طب يلا ي حبيبتي.
هدي دخلت امها اوضتها ودخلت نامت على سريرها محتاره تعمل ايه محتاره هتقابله ازاى بكرا واكيد هيسألها عن ردها هتقوله ايه مش عارفه اكيد لازم يكون عندها اجابه مقنعه يا اه يا لاء بس هيا في حيره كبيره ومحتاجه مساعده والمساعدة مش هتبقا غير من حور اكيد.
$$$$$$$$$$$$$$
تاني يوم احمد وريم طلعوا مع بعض وركبوا العربيه وطلعوا على الجامعه .
ريم:- أبيه امبارح كان هيزنقك.
احمد:- كان هوا زنقنا اصلا.
ريم:- هوا ازاي بيعرف كل حاجه كدا دا كأنه ماشي وراك.
احمد:- هوا فعلا ماشي ورايا مراقبنا كلنا من كل جهه واللى بيرقبنا دا على طول بيوصل أخبرنا لمالك اول باول .
ريم:- أبيه مالك مش سهل ابدا.
احمد:- بيخاف علينا وانا الصراحه واثق أن كل اللى بيعملها دا مصلحه لينا وخوف علينا عشان كدا محاوطنا مش اكتر.
ريم:- دي حقيقه انا بحبه اوي والله.
احمد:- نعم ياختي انتي متحبيش غيري احسنلك سامعه.
ريم بضحك:- طب اسكوت بقا للى بيرقبنا يروح يقول لأبيه مالك على اللى انتا بتقوله ده.
احمد بضحك:- يا ساتر يارب.
"""""”"""""""""""""'"""""""""""'"
حور صحت قبل الضهر على المنبه فصلته ودخلت اخدت شاور وجهزت هدومها لبست فستان وردي وكوتش ابيض، واستنت مالك يرن عليها نزلت المطبخ عملت ساندوتش قابلت مامتها.
حور:- صباح الخير يا ماما.
فوفا:- صباح النور ي عمر ماما اي الحلاوه دي بس هتجنني مالك ي بنتي.
حور:- مجنناه من غير حاجه يا امي
فوفا :- يشيخه طب متستخدميش معاه الدبش احسن يطفش نصيحه.
حور:- لاء متقلقيش ممكن يخبطني قلب يفوقني بس انت بحاول اتعدل واحده واحده مالك كويس ويستاهل احسن معامله.
فوفا:- ربنا يسعدكم يارب يا حبيبتي ، هيجيلك امتا.
حور:- اهو رن اهو يبقا وصل يلا باي .
بقلمي/ صفاء احمد♥️♥️♥️♥️♥️♥️
