روايه طفله في عرين الشيطان الفصل الثامن عشر
بقلم مياده السيد الجزار
البارت الثامن عشر
مروان : اماني
اماني فتحت عينها ثم احتضنت مروان
مروان بحب : اهدي انا معاكي اهو بس عايز هعرف انتي فيكي ايه احكيلي انا مستحيل هسيبك
اماني بدموع : هو كلمني تاني
مروان باستغراب : هو مين ؟؟
اماني بدموع : هو ابن عمي
مروان بصدمه : علاء كلمك بعد خروجوا من السجن بس ازاي ده بقالوا تلات شهور خارج
اماني بصدمه ما بين دموعها : انت كنت عارف انه خرج طب ليه مقولتش
مروان بتنهيده : فهد اللي قالي اني في حد دفع كفاله خرجوا بس معرفش مين الشخص ده .. ومقولتش علشان مكنتش عايزك تخافي وخصوصا اني لقيتوا اخد عمك وسافروا بس مكنتش اعرف انه رجع تاني
اماني بدموع : اهو رجع وكلمني كمان
مروان بعصبية مكتومه : هو كلمك انهارده بس ؟؟
اماني بدموع : لا كلمني من شهر مرتين
مروان بغضب : يعني انهارده كانت تالت مره ومتقوليش يا اماني لييييه
اماني بدموع : خوفت تسيبني وكمان خوفت عليك منه
مروان بغضب : هسيبك لييه لو كنت عايز هبعد عنك كنت عملتها من الاول بس فضلت معاكي تروحي مخبيه عليا وكمان خايفه عليا منه ليييه هو انا مش هقدر عليه لييييه كده ليييييييييه
اماني بدموع : غصب عني يا مروان .. طب ما انت خبيت عني انه خرج من السجن
مروان بعصبية : طب انا خبيت علشان مشوفش الخوف في عينك بس انتي مفيش ولا عذر ليكي على كدبك
اماني بدموع : مروان انا
مروان بغضب مقاطعا : بس ماشي يا اماني انا افضل معاكي بس لغيط لما هجيب اخر الزفت ده بس بعدها هطلقك
اماني بصدمه : تطلقني ؟
مروان : ايوه بس انتي السبب فيه كده خبيتي عليا وبلاش تقولي اعذار لاني مفيش حاجه هتخليني هعدي كدبك عليا
نظرت له اماني بصدمه وعياطها بيزيد
خرج مروان من الشقه كلها
ــــــــــــــــــــــــــــــــــــــــــــــــ
فهد : اتفضل ادخل
مايا بصدمه : انت
الشخص بصدمه هو الآخر : انتي
فهد باستغراب : ايه ده عارفين بعض ازاي
مايا بعصبية : الشخص ده مستفز يا ابيه شوفتوا قبل كده وانا بجري بره وخبطني وبدل يعتذر اتعصب
الشخص بعصبية : انتي اللي مستفزه وغبيه كمان وفوق كل ده انتي اللي غلطانه مش انا
مايا بعصبية : انا برده اللي غلطانه ولا انت بني ادم بارد
الشخص بعصبية : احترمي نفسك احسن ليكي
فهد بعصبية : بسسسسسس فيه ايه هتفضلوا تتخانقوا كده
ثم نظر إلي مايا ثم الي رامي قائلا بهدوء : حد يقولي اي اللي حصل وشوفتوا بعض فين
رامي يكتم غضبه : شوفتها هنا وخبطت فيا وبدل تعتذر غلطت
مايا بعصبية : انت اللي خبطتني مش انا وغلطت فيا وكمان هددني يا ابيه
رامي بغضب : انتي
فهد : بسسسس مش عايز هسمع اي كلمه تاني ... رامي عايز هعرفك الاول مايا اختي الصغيره .. والمدام هدير مراتي وكمان الانسه ليان ضيفه عندنا .... ده بيكون رامي صاحبي
مايا نظرت لي رامي بتحدي وهو كذلك
فهد ينظر لهم قائلا بهدوء : انتوا الاتنين غلطانين
مايا بضيق : ابيه هو اللي غلط
فهد : لا انتم الاتنين اولا عاملين تتخانقوا ثانيا انت يا رامي اكيد مكنتش مركز وانت ماشي اما انتي يا مايا اكيد كنتي بتسمعي مزيكا وانتي بتجري فـ انتم الاتنين غلطانين ولازم تعتذروا لي بعض .
رامي نظر لي مايا بضيق : انا مستحيل اعتذر
مايا بضيق هي الاخري : وانا استحاله هعتذر للشخص ده
فهد بضيق : لا هتعتذروا لي بعض حالا
هدير بهمس : يلا يا مايا اعتذري وخلاص
مايا بضيق : لا استحاله مش هعتذر
فهد ينظر لي رامي بضيق : يلا يا رامي خليك انت الكبير
رامي : لا يا فهد
فهد بضيق : انتم الاتنين هتعتذروا مع بعض يلا بقا
مايا بضيق : لا يا ابيه
فهد بنفاذ صبر : انتم الاتنين يلا إتاسفوا لي بعض يلا ومن غير لا ولو منفذتوش .. انتي يا مايا مش هكلمك وهكون زعلان منك .. وانت كمان يا رامي هفضل زعلان منك ومش هرد عليك برده
مايا ورامي بضيق نظروا لي بعض قائلا معا : انا اسف / ة
فهد بابتسامه : ايوه كده يلا يا رامي ارتاح
جلس رامي
هدير وليان ومايا طلعوا الاوضه
ــــــــــــــــــــــــــــــــــــــــــــــــ
ظلت اماني تبكي وهي تتذكر ما حدث في الماضي
فلاش باااااك
اماني بدموع : ارجوك يا عمي مش عايزه هتجوز علاء ارجوك
عمها بعصبية : انتي تطولي تتجوزي ابني
اماني بانهيار : طب هو بني ادم كويس يتجوز واحده غيري بس انا لا يا عمي ارجوك
عمها بغضب : لا هتتجوزي ابني انتي فاهمه او تعيشي في الشارع
نظرت له اماني بانهيار قائلا : ده بابا لسه متوفي من شهر يا عمي معقول هتطردني بره بيتي
عمها ببرود : ايوه هطردك واخد منك كمان البيت ده اختاري
اماني بدموع : هرفع عليكم قضيه
عمها بسخرية : ارفعي براحتك وانا فيا اثبت اني اخويا كتب ليا البيت ده وشوفي بقا مين اللي هيصدقك
اماني بتوهان : ده انا بنت اخوك
عمها بخبث : وفيها ايه خلصي يا بنت اخويا موافقه ولا تخرجي بره البيت ده
اماني بدموع : ماشي يا عمي موافقه هتجوز علاء
عمها : شاطره يا بنت اخويا .. كتب الكتاب والدخله هتكون بكره الساعه 10 م
عمها تركها تبكي بدون رحمه
بااااااك
اماني بدموع : سيبتني لوحدي يا بابا لييييه انا ماليش حد حتي الشخص اللي حافظ عليا منهم هيسيبني هو كمان
ــــــــــــــــــــــــــــــــــــــــــــــــ
ظل مروان بوجع يفكر بها وبما حدث قبل جوازهم
فلاش باااااك
مروان : مالك يا اماني فيكي ايه احكيلي
اماني بدموع محبوسه : لا مفيش يا فندم انا بس
مروان : لا اكيد فيه احكيلي مالك خليكي واثقه فيا
اماني فتحت في العياط قائلا : عمي عايز يجوزني ابنه
مروان بغضب مكتوم : نعمممم ازاي ده وليه اصلا يتجوزك ابنه
اماني بدموع : علشان مبقاش في الشارع بس حتي لو بقيت في الشارع عمي وابنه مش هيسيبوني في حالي انا لوحدي بابا مات وسابني
مروان بغضب مكتوم : لا مش هتكوني لوحدك انا معاكي
اماني بدموع : بس عمي قالي اني هتجوز ابنه بليل الساعه 10
مروان محاولا الهدوء قائلا ببرود : ومين قالك انك هتتجوزي ابن عمك بليل
اماني بدموع : عمي اللي قالي
مروان بحنيه : طب ممكن تهدي بس اولا انتي هتروحي البيت عادي كانك هتتجوزي ابن عمك بس متقلقيش انا هنقذك منه
اماني بدموع : ازاي
مروان بتنهيده : الاول خليكي واثقه فيا اتفقنا
هزت اماني دماغها قائلا : ماشي هحاول
مروان بابتسامه : ماشي يا ستي حاولي ويلا
اماني باستغراب : هروح فين
مروان بتنهيده : هنتجوز
اماني بصدمه : نعم لا طبعا مينفعش
مروان : ممكن تهدي بس اولا احنا لو اتجوزنا هقدر بكل سهوله هرفع قضيه على عمك وابنه انهم خطفوكي فهمتي وطبعا علشان انا جوزك مفيش حد هيقدر يتكلم معايا
نظرت له اماني بدموع محبوسه : ماشي موافقه
ذهب مروان ومعه اماني للماذون وتزوجها وكان يوجد شهود
مروان بتنهيده : انتي كده هتروحي البيت متقلقيش ماشي
نظرت له اماني بصمت ثم نزلت بحزن ودموع محبوسه
جاء الليل
الماذون بدا يكتب الكتاب
مروان ببرود : لحظه يا ماذون ازاي مراتي هتتجوز تاني
عمها بصدمه : مراتك مين
علاء بحده : انت اكيد مجنون
مروان ببرود : اممممم مراتي المدام اماني وانتوا خطفتوها علشان تجوزها لي ابنك
علاء بغضب : انت كداب فين ورقه الجواز
مروان ببرود : اممممم عقد الجواز لسه مطلعش بس فينا نثبت في المحكمه
فهد دخل : اقبض عليهم
عمها : ده كداب يا باشا بنت اخويا مش متجوزه
فهد : الكلام ده في القسم وهنثبت كل حاجه هناك يلا
بعد ما دخلوا القسم
فهد : اتفضل يا مروان امشي انت
علاء بحده : يمشي فين لا طبعا ده المفروض يتحبس
فهد بعصبية : اولا الزم حدودك واتكلم كويس او هربيك بنفسي ... ثانيا فعلا المدام اماني متجوزه وده غلط في حق القانون حتي مينفعش تخطفوها علشان تتجوز مره تانيه
ذهب مروان بابتسامه عريضه لنجاح خطته
بااااااك
مروان بوجع : لييه يا اماني تخبي عليا ليييه .. طب هو انا هقدر اصلا هسيبك ده انتي كل حياتي وفرحتي لما اتجوزتك يومها .
ــــــــــــــــــــــــــــــــــــــــــــــــ
فهد : قولي بقا يا رامي عملت ايه مراتك
رامي بوجع : رودينا حامل يا فهد
فهد بصدمه : حامل منك
رامي بابتسامه وجع : لا استحاله تكون مني اذا كان هي بتاخد برشام منع الحمل علشان متخلفش مني لغيط لما بدات تبعدني عنها وكل لما هقرب منها تقولي انها تعبانه يبقي ازاي هتكون حامل مني
فهد بحزن : اهدا يا رامي
رامي بوجع : اهدا ازاي مراتي وحب عمري بتخوني ده انا لما شكيت في خروجها الكتير كلمتك علشان تساعدني
فلاش بااااااك
رامي : فهد عايزك تساعدني
فهد : ازاي
رامي بتنهيده وجع : عايزك تشوف حد كويس وثقه يراقب رودينا
فهد بصدمه : نعم طب ليه
رامي بوجع : مش عارف هي بتخرج كتير ده كمان اني لاحظت بتتكلم في موبايلها بصوت واطي ولما كنت بسالها تقولي صحبيتي انا عارف اني مينفعش هشك فيها وانت عارف اني بحبها بس المرادي حاسس انها مخبيه عليا حاجه وكمان انا شوفتها قبل كده طالعه عماره في منطقه اسمها (...) ولما سالتها قالتلي خرجت مع صحبيتي في كافيه
فهد بتنهيده : حاضر متقلقش انا هخلي شخص يراقبها
رامي : تمام يا فهد ولما توصل لي حاجه بلغني
فهد بتنهيده : حاضر بس فيه حاجه
رامي باستغراب : ايه
فهد : هتفضل انت وجاسم ومروان زعلانين من بعض.
رامي بحزن : سيبها بظروفها يلا باي
باااااك
فهد بتنهيده : ساعتها بعت شخص وراها يراقبها لغيط لما عرفت انها طالعه في نفس العماره اللي انت قولتلي عليها
رامي بحزن : من يوم ما قولتلي وانا تعبان مش عارف هفكر وكنت بتمناه انها تكون طالعه لي واحده صحبيتي لغيط لما لقيتك بتقولي انها نازله مع شاب بس مش باين ملامحه اوي
فلاش باااااك
فهد بحزن : رامي انا عرفت حاجه بس لازم تمسك نفسك
رامي بقلق : فيه ايه يا فهد ما تقول
فهد : الراجل اللي بيراقب مراتك بيقولي انه شافها نازله مع شخص بس ملامحه مكنتش باين اوي لانه كان من ظهره مش ظاهر وشه
رامي بصدمه : انت متاكد يا فهد يعني ايه رودينا بتخوني
فهد : رامي اهدا
رامي بغضب : انا هروح اقتلها
فهد : لا يا رامي اوعا تعمل حاجه انت مينفعش تلوث ايدك بواحده خاينه زيها
رامي بوجع : اومال اعمل ايه ده انا وثقت فيها
فهد بتنهيده : روح بيتك وخليك طبيعي اودمها لغيط لما نعرف مين الشخص ده
رامي بوجع : ازاي هكون طبيعي وهي خاينه
فهد : لازم تعمل كده صدقني يا رامي دي الطريقه الوحيده اللي نعرف بيها مين الشخص ده
رامي : ماشي هحاول هكون طبيعي سلام
باااااك
فهد : كنت قلقان انك تبوظ الخطه
رامي : مكنش ينفع هبوظها علشان كنت عايز اعرف مين اللي هي بتخوني معاه وكمان كنت عايز هعرف هو جاسم فعلا خاني ولا لا
الشخص : وفي الاخر مطلعتش خاين صدقتني
نظر رامي وفهد الي مصدر الصوت
فهد بابتسامه : جاسم اهلا اتفضل
دخل جاسم وهو ينظر الي رامي
رامي بحزن : كان غصب عني يا جاسم لما لقيت رودينا بتكلمني وتصرخ وتقولي الحقي يا رامي صحبك بيحاول يتهجم عليا انا اتصدمت ساعتها وخصوصا ايه اللي خلاك تفضل في الشركه للوقت ده وكمان عقبال ما وصلت الشركه لقيتها مغمي عليها والدكتوره بتقولي محاوله اغتصاب
جاسم : قولتلك كل الكلام ده كدب هي اللي عملت كل ده خدت موبايلك وبعتتلي رساله انك عايزني وبرده فيه حد بعت من موبايلي رساله ليها انها تيجي الشركه
رامي بوجع : غصب عني صدقت سامحني
جاسم بابتسامه قام احضتنوا : انا مسامحك لانك اخويا
فلاش باااااك
فهد بتنهيده : رامي انا دلوقتي اتاكدت اني البنت دي كدبت بخصوص جاسم
رامي : يعني علشان هي خاينه تكون حاولت تتبل على جاسم
فهد : ايوه ليه لا ؟؟ انت نسيت اني جاسم كان بينصحك تبعد عنها علشان هي مش كويسه
رامي بتذكر : ايوه فعلا
فهد بابتسامه : اهو شوفت
صمت رامي
فهد : رامي انا هكلم جاسم يجي ويحكي اللي حصل يومها
رامي بتنهيده : ازاي ده لو طلع مظلوم استحاله يسامحني
فهد : كل حاجه هتتحل
باااااك
جاسم بابتسامه : ساعتها انا استغربت لما لقيتك يا فهد بتكلمني علشان كده ساعتها عرفت اني الحقيقه بدات تظهر اودامك يا رامي
فلاش باااااك
جاسم بتنهيده : انا يومها مفكرتش هقرب من مراتك هي اللي جاتلي الشركه بليل وحاولت تتقرب مني ولما انت دخلت علينا كانت هي عامله نفسها اغمى عليها
رامي : عرفت روحت للدكتوره اللي كشفت عليها واجبرتها تحكي الحقيقه لقيتها بتقولي اني رودينا قالتلها لو عملت غير كده هيكون حياتها هي وعيالها في خطر علشان كده كدبت سامحني يا جاسم
جاسم بحب اخوي حضن رامي قائلا : انا مسامحك من زمان
فهد : المهم دلوقتي عايزين نعرف مين الشخص اللي عايز يفرق ما بينكم علشان كده رودينا هنفضل نراقبها لغيط لما نوصل للشخص ده
باااااك
جاسم بحزن : انا مش قادر اصدق لغيط دلوقتي معتز هو اللي عايز يفرق بينا بس ليه
رامي : لييه دي هو اللي لازم يجاوب
فهد بتنهيده : بس مش دلوقتي
جاسم باستغراب : ليه
فهد : فيه شخص هو اللي بيساعد معتز وكمان عرفت اني معتز ليها علاقه بالمخدرات
جاسم : طب مين الشخص ده
فهد : لسه مفيش حد عرف بس بندور
جاسم بتنهيده : اه صح مروان جاي في الطريق
فهد : طب كويس
رامي : بس اكيد معتز مش غبي اوي كده علشان ميراقبش حد مننا
فهد بابتسامه : عادي يراقب بس هو ميعرفش اننا كشفناه وكمان ممكن هو اللي يوصلنا بالكبير من غير قصد وكمان انا ومعتز مش صحاب اوي فعادي
جاسم بابتسامه : بس انا كلمت معتز واكيد جاي علشان لو بيراقبنا يبقي عارف اننا متجمعين
رامي بفهم : طبعا هنتخانق صح
جاسم بابتسامة : لا مش بالظبط كده انت هتمشي وطبعا معتز لما يجي هنعرفوا اننا اتخانقنا
ابتسم رامي على الخطه
مروان دخل بوجع
فهد : مالك يا ابني انت كمان
مروان حكلهم اللي حصل
جاسم : معقول يكون معتز وراء كل ده
فهد : اه وارد طبعا يكون وراء كل ده واكيد هو اللي خرج علاء وابوه من السجن
مروان : طب وهنعمل ايه دلوقتي
فهد : هتتحل نعرف بس مين الشخص التاني اللي بيساعد معتز
رامي : طب انا مروح بقا سلام
سلم رامي على صحابه ثم خرج
ــــــــــــــــــــــــــــــــــــــــــــــــ
معتز بضيق : مش كفايه انك معرفتيش تتقربي من جاسم
ندي بضيق : طب اعمل ايه حاولت ومعرفتش لغيط لما اتجوز بنت ال
معتز بحده : انا حذرتك كتير قولتلك حاولي تتقربي منه ده انا خليتك تتعرفي عليه علشان يحبك انتي ويتجوزك
ندي : ما احنا بقينا صحاب بس معرفتش هخلي يحبني علشان كده صممت هتعرف على البت دي
معتز بعصبية : انتي غبييييه انا كنت عايزك تتقربي منه هو
ندي بخوف : طب اعمل ايه اكتر من كده حاولت ومعرفتش لغيط لما اكتشفت خبر جوازته
معتز محاولا الهدوء : ماشي البنت دي متجوزهاش صدفه
ندي : ازاي
معتز : هتعرفي كل حاجه بعدين يلا سلام
ندي : سلام
ــــــــــــــــــــــــــــــــــــــــــــــــ
علاء : انتي عرفتي توقعي مروان فيه حبك
نهي بضيق : لا وانت عملت ايه مع اماني
علاء بضيق : لسه معملتش حاجه معاها بس والله لاخليها هي وجوزها يندموا
نهي بضيق : متعملش حاجه دلوقتي علشان متبوظش الدنيا
علاء بضيق : انا مش اعمل اي حاجه دلوقتي اكيد
ــــــــــــــــــــــــــــــــــــــــــــــــ
عاطف : انا هكون عايز هبقا مع مِسِك لوحدنا في المكان ولما اخد اللي عايزوا يبقوا تيجوا تاخدوها تمام
اشرف : اشطا انا موافق
عادل : بس هي شرفي مهما كان يعني
عاطف بضحك : عادي بقا يا عمي هبقا هتجوزها شهر وهطلقها بعد كده
عادل : تمام موافق
حنان : طب انت هتخطفها امته
عاطف : اكيد لما انتوا تكلموها
حنان : طب احنا هنكلمها بكره
عاطف : تمام مفيش مشكله
اشرف بتعب : طب انا نازل دلوقتي سلام
عاطف : خدني معاك يا ابني انت
عاطف واشرف نزلوا
ــــــــــــــــــــــــــــــــــــــــــــــــ
معتز بابتسامه : عاملين ايه
فهد : اتفضل يا معتز
جاسم حكى لي معتز اللي حصل ما بينوا وبين رامي
معتز بتمثيل الحزن : انتوا مهما كان صحاب
جاسم بضيق : بس هو اللي خان العشره دي وكمان اتهمني بتهمه زي دي بس خلاص كفايه كده
ابتسم معتز بخبث على نجاح خطته ثم نظر إلي مروان : وانت مالك كده
مروان بتنهيده حكى هو كمان
ظلوا يتحدثون ولكن معتز يسمع لهم بشر وغل
ــــــــــــــــــــــــــــــــــــــــــــــــ
حنان : مالك يا عادل بقالك كازه يوم مش على بعضك
عادل بقلق : فيه رسائل بتيجيلي بقالها فتره
حنان : رسائل ايه وانت ليه خايف كده
عادل بيبلع ريقه بخوف : علشان حبل المشنقه قريب هتكون حوالين وثبتنا
حنان بتوتر : ايه اللي بتقولوا ده
عادل : زي ما بقولك فيه رسائل بقالها فتره بتيجي اني احنا قتلنا ومعاه دليل كمان
حنان بخوف : يا نهار اسود تفتكر حد شافنا يومها
عادل : لا معتقدش انا حاسس اني الشخص ده بيكدب
حنان بقلق : طب لو هو بيكدب عرف ازاي اننا قتلنا خد
عادل : مش عارف
حنان : طب كلمت الشخص ده
عادل : لا بس بعتلي رساله انه هيبعتلي عنوان نتقابل فيه علشان يوريني الدليل وطلب مني فلوس
حنان بتوتر : طب ازاي واحنا مش معانا
عادل : انا هقتل الشخص ده علشان ميكونش فيه دليل علينا
حنان بتوتر : انا قلقانه
صمت عادل بخوف هو الآخر
ــــــــــــــــــــــــــــــــــــــــــــــــ
مايا : واخيرا صاحبك الرخم مشي يا ابيه
فهد : مايا كده عيب مينفعش تقولي على رامي كده وبعدين انتوا الاتنين غلطانين
مايا : انا اسفه يا ابيه بس هو عصبني
فهد : طب يلا روحي على اوضتك
مايا : اوك
نظر فهد الي هدير : تعالي يا هدير عايزك
هدير : ماشي
ــــــــــــــــــــــــــــــــــــــــــــــــ
جاسم قاعد مغمض عينه بتعب
مِسِك بقلق : انت كويس
جاسم بيفتح عينه : ايوه كويس كنتي محتاجه حاجه
مِسِك : لا بس اول لما جيت من بره لقيتك قاعد كده حسيت انك مهموم
جاسم بابتسامه : مفيش انا كويس بس صح عامله ايه في المذاكره
مِسِك بابتسامه : الحمدالله كويسه
جاسم : اكيد عايز مجموع السنادي
ضحكت مِسِك قائلا : لا تقلق ده انا هبهرك
جاسم بمرح : انا مش قلقان .. انا مرعوب بس
ضحكت مِسِك ومعها حاسم
ــــــــــــــــــــــــــــــــــــــــــــــــ
اماني : مروان انا اسفه سامحني
مروان بتعب : انا تعبان داخل هنام
اماني بدموع : سامحني بالله عليك انا غلطت اني خبيت اسفه مش هخبي حاجه تانيه
مروان : مش انتي عايزه الطلاق
اماني بدموع : كنت بس والله انا بحبك
اتصدم مروان قائلا ببرود : اكيد بتقولي كده علشان بس احميكي بس متقلقيش مش هيعرف يقرب منك
اماني بدموع : مروان انا
مروان : تصبحي على خير
ذهب مروان الي غرفته
اماني بدموع ذهبت الي غرفتها وهي بتبكي
ــــــــــــــــــــــــــــــــــــــــــــــــ
رودينا : انت كويس يا حبيبي
رامي : اه كويس
رودينا : طب تعال يلا علشان ننام
رامي : طيب اسبقيني انتي
رودينا : اوك
رامي بشرود وجع : انا غبي اوي حبيتك يا رودينا وفي الاخر مقابل حبي هي خيانتك ليا بس قريب كل حاجه هتبان حتي خيانتك ليا هتظهر
ــــــــــــــــــــــــــــــــــــــــــــــــ
مرام : والله يا فهد بيه حاولت اقرب منه
فهد بهدوء : عارف يا مرام مفيش اي مشكله وانا بتاسفلك علشان طلبت منك كده
مرام : لا عادي يا فندم طبعا بس انا كده مهمتي خلصت
فهد : لا لسه معتز مش لازم يشك انك تبع البوليس انتي فاهمه
مرام : ايوه فاهمه بس نظراته مش مريحه
فهد : ازاي
مرام : حضرتك قبل كده قولت انه كان بيحب خطيبته طب ازاي وهو نظراته ليا مش تمام شاكه انه فيه حاجه
فهد : كل حاجه هكشفها يلا سلام دلوقتي
اغلق فهد الخط
هدير بغيره : مرام مين
فهد : بنت بتساعدني المهم مش عايزك انتي ومايا تثقوا فيه ليان اوي
هدير باستغراب : ليه
فهد بغموض : هتعرفي بكره يلا تصبحي على خير
ــــــــــــــــــــــــــــــــــــــــــــــــ
بوسي : ادخل
دخل الشخص بشر
اشرف بتعب : فيه ايه يا بوسي
الشخص بشر : عامله ايه يا صحبي
اشرف باستغراب : عاطف
عاطف : اممممم عاطف اللي السبب في تعبك
اشرف : مش فاهمه ازاي
عاطف بضحك : ايه دي يا قلبي لسه مقولتيش لي اشرف انه مدمن ولا ايه
بوسي بخوف : لا لسه
اشرف : مدمن ايه انا مش بشرب مخدرات
عاطف ببرود : لا بتشرب وبقيت مدمن كمان
ثم اقترب منه بشر : انا خليت بوسي تحطلك حبوب مخدر
نظر له اشرف بصدمه
كمل عاطف بغل كلامه : فاكر البنت اللي انا حبيتها وفي الاخر حبيتك انت كان لازم انتقم منك واقرب اكتر علشان تكون وحش شبهي يعني
اشرف بتعب : انت يا عاطف
عاطف بصوت عالي : ايوه اناااا طلبت منك هتجوز اختك علشان هنتقم منك وبرده حبيتها بس انت عملت ايه رفضت حتي محاولتش مع اهلك
نظر له اشرف وهو مغمض عينه بتعب
عاطف يقترب منه : انا فرحان وانت بتتعذب كده .. واقولك كمان على المفاجاه اختك الحلوه هتشوفك وانت كده يا حرام انت عذبتها بس مع ذلك طيبه وعبله
اشرف بتعب : انا تعبان يا عاطف لو انت اللي بتديني المخدر انا عايزوا
عاطف بضحك : لا هتموت مدمن
ثم نظر إلي الرجاله اللي معاه قائلا : خدوا للمخزن
ــــــــــــــــــــــــــــــــــــــــــــــــ
يوم جديد
الساعه 1
مِسِك : الو
عادل بتمثيل التعب : الو يا بنتي أنا عايزك تيجي حالا
مِسِك بقلق : مالك يا بابا انت كويس
عادل بتمثيل التعب : تعبان اوي يا بنتي وعايز هشوفك
مِسِك بقلق : حاضر يا بابا انا هجيلك بعد المدرسه
عادل بتمثيل : لا يا بنتي علشان لو جوزك عرف
مِسِك ببراءه : لا يا بابا متقلقش جاسم طيب
عادل بكدب : طيب ايه يا بنتي تعرفي جالي من كام يوم وقالي لو قربت منك ممكن يقتلني يا بنتي
مِسِك : جاسم قالك كده
عادل بخبث : ايوه لو عايزه تيجي تعالي بس من غير السواق والحرس علشان ميقولوش لي جاسم
مِسِك ببراءه : حاضر يا بابا انا هخرج من البوابه التانيه
حنان : ها عملت ايه
عادل بخبث : جايه في الطريق لوحدها
حنان بخبث : كده الخطه نصها نجح
ابتسم عادل بخبث
ابتسمت حنان بشر
ــــــــــــــــــــــــــــــــــــــــــــــــ
مروان : مالك يا جاسم انت كويس
جاسم بانتباه : بتقول ايه
مروان باستغراب : انت مش معايا خالص فيه اي
جاسم : مفيش المهم انت عملت زي ما قولتلك
مروان : ايوه زمانهم دلوقتي خايفين
ابتسم جاسم قائلا ببرود : قريب اوي وحبل المشنقه هتتلف حولان رقبتها
مروان : أن شاء الله
ظل جاسم ومروان يتحدثون
ــــــــــــــــــــــــــــــــــــــــــــــــ
مِسِك خرجت من المدرسه من غير ما حد يشوفها
مِسِك فيه عربيه وقفت اودامها وخدوها بالعافيه
فلاش باااااك
عاطف : هقولكم ايه الخطه لاني محتاج مساعدتكم فيها
اشرف : قول يا عاطف
عاطف : اولا يا عمي لازم تكلم بنتك وتمثل انك تعبان
عادل : طب افرض لو مجتش
عاطف : لا انا مش عايزها تيجي انت بس تقولها انك تعبان واني جاسم طلب منك تبعد عنها وانت خايف منه طبعا هي هبله هتصدقك وهتهرب من السواق والحرس وطبعا لما انا اخطفها ساعتها هنوصل لي جاسم اني هي اللي جاتلي بمزاجها وساعتها هتطلق
ابتسموا جميعا بشر على الخطه
باااااك
عاطف خدر مِسِك واتجه بيها لي مخزن مهجور
ــــــــــــــــــــــــــــــــــــــــــــــــ
جاسم باستغراب : ايه ده
مروان : فيه ايه مالك
جاسم : ثانيه يا مروان
جاسم : الو هي الهانم فين
السواق : الهانم لسه في المدرسه
جاسم بغضب : لسه في المدرسه ايه يا غبي .. الهانم بقالها عشر دقائق خارجه من الزفت المدرسه يلا اخلص خد الحرس لغيط لما هقولكم هي رايحه على فين
السواق بارتباك : حاضر يا فندم
جاسم اغلق الخط
مروان : مالك يا جاسم
جاسم بيقوم بسرعه : مِسِك اتخطفت
مروان بصدمه : نعم ازاي
جاسم : مش عارفه لسه بس السلسله اللي في رقبتها هي اللي ظاهر فيها كده
مروان : طب ثانيه هاجي معاك
نزل جاسم ومعه مروان سريعا
مروان سايق العربيه
جاسم جنبه قلقان وهو يتذكر
فلاش باااااك
جاسم : مِسِك
مِسِك : نعم
جاسم يقترب منها بابتسامه بدأ يلبس ليها السلسلة
جاسم بهمس : مش عايزك تقلعيها خالص فاهمه
مِسِك بكسوف : حاضر
باااااك
جاسم : الحمدالله اني مِسِك لسه لابسه السلسله علشان جهاز التعقب فيه
ـــــــــــــــــــــــــــــــــــــــــــــــ
رودينا : يعني هتعمل ايه ؟؟
معتز : هقتلهم
رودينا : كلهم
معتز : ايوه كفايه عليهم كده
رودينا : طب هتعمل ايه الاول
معتز بشر : هخليهم يتجمعوا هنا علشان اقتلهم واخلص بس الاكيد هنلعب لعبه
ضحكت رودينا وهو معاها
ــــــــــــــــــــــــــــــــــــــــــــــــ
مِسِك بدأت تفوق
مِسِك بخوف : انا فين
مِسِك شافت اشرف مرمي على الأرض جريت عليه قائلا بدموع : ايه ده ايه اللي حصلك اصحا يلا قوم معايا
اشرف بيفتح عينه بتعب
مِسِك بدموع : اشرف قوم ياربي احنا فين
عاطف بخبث يقترب منها : انتوا في المخزن يا قلبي
مِسِك بخوف : ايه ده بتعمل ايه هنا وبعدين اشرف ماله فيه ايه
عاطف بضحك : اشرف تعبان شويه اما انتي بقا هتكوني ملكي انهارده
ظل عاطف يقترب منها
اشرف بتعب : مِ سِك
ظلت مِسِك تصرخ
عاطف يقترب منها ولسه يلمسها
جاسم بغضب مسك ايده
عاطف بصدمه : انت
جاسم ببرود : ايه كنت فاكر اني غبي
عاطف بيبلع ريقه بتوتر
جاسم بغضب ضربوا
عاطف وقع على الأرض
جاسم بغضب : انا والله لاخليك تندم يا حقير
ظل جاسم يضرب فيه
مِسِك بدموع جريت على اخوها اشرف ومعاها مروان
ــــــــــــــــــــــــــــــــــــــــــــــــ
حنان : مش ملاحظ انك ابنك مش ظاهر
عادل بضيق : تلاقي سهران زي كل يوم
حنان : طب انت عملت ايه الشخص ده بعتلك اي حاجه تاني
عادل : لا لسه
حنان : طب انت فعلا هتقتلوا
عادل : ايوه طبعا الشخص ده لازم يتقتل حتي لو مش معاه ادله بس يكفي أنه عارف بحاجه زي كده
حنان : معاك حق
ــــــــــــــــــــــــــــــــــــــــــــــــ
فهد : جاسم خلاص يلا سيبوا
ثم نظر إلي الرجاله : يلا خدوا
مِسِك بدموع : اشرف مش بيرد عليا
جاسم ببرود : فيه عربيه اسعاف هتيجي تاخدوا
العربيه جات
مروان راح البيت لي اماني
فهد قبض على عاطف
مِسِك بدموع : ممكن بس تسمعني والله بابا كلمني وقالي أنه تعبان
جاسم بغضب : انتي صدقتتتتي بعد كل اللي عملوا فيكي تصدقي أنه تعبان بس تمام كده خلاص انا غلطان اني دلعتك
مِسِك بدموع : انا اسفه بالله عليك تسامحني
نظر لها جاسم بغضب ثم ذهب تركها تبكي
مروان : اهدي يا مِسِك جاسم هيسامحك صدقيني
مِسِك بدموع : انا غلطت اني صدقت بابا هو معاه حق
مروان بحنيه اخويه : اهدي طيب ومتقلقيش جاسم عارف انك طيبه وبعدين يلا علشان تروحي
مِسِك راحت لي جاسم بحزن والدموع ماليه وشها : ممكن هروح لي اشرف المستشفي
جاسم بحده : بعد كل اللي عملوا فيكي ها اكيد هو كمان متفق معاه عليكي
مِسِك بدموع : بس هو اخويا اشرف عمره ما كان قاسي معايا هو اه بيسهر وممكن كمان يكون بيعمل حاجات حرام بس كل ده بسبب صاحبه
جاسم قلبه حن قائلا : طب خلاص تعالي نروح المستشفي
مِسِك ركبت مع جاسم ومعاهم مروان
ــــــــــــــــــــــــــــــــــــــــــــــــ
معتز سرحان
الشخص : مالك يا معتز سرحان فيه ايه
معتز بغل : عايز هفرق جاسم عن مراته
الشخص بشر : وانا كمان عايز هوجعوا اكتر واكتر هو سبب كل المشاكل اللي حصلتلي
معتز بشر : احنا لازم نحدد يوم أنه كلهم يتجمعوا مع بعض علشان تكون اخر وداع بينهم
الشخص بصدمه : انت عايز تكشفنا اودامهم
معتز بغل : نفسي هشوف نظره الوجع في عين جاسم لما هموت حبيبته اودامه عينه
الشخص : انت ايه اللي اكدلك انه جاسم بيحبها
معتز بضحكه شر : لمعه عينه هي اللي كشفت حبه وبعدين انت نسيت هي بنت مين يعني اكيد اتجوزها علشان بيحبها مش لي اي سبب تاني
هز الشخص دماغه بتفهم
معتز بشر : انا شاكك أنهم كشفوني
الشخص بصدمه : ازاي انت غلطت اودامهم فيه حاجه
معتز : لا بس انا سمعت مكالمه البنت اللي اسمها مرام لقيتها بتقول هتحاول تتقرب مني فأكيد فيه حد زقها عليا
الشخص بغضب : يا نهار اسود انا حذرتك بطل القرف اللي بتعملوا لغيط لما نخلص
معتز بضيق : يا باشا انا مكنتش اعرف اني البت دي معاهم بس خلاص انا اقتلها وفي نفس اليوم اقتلهم كلهم
الشخص : انت ناوي تقتل فهد كمان
معتز بغل : فهد علشان ادخل في شغلنا وكمان هموت اودامه أخته ومراته ... و جاسم هموت اودامه مراته .. ومروان هموت اودامه مراته هو كمان .. رامي هقتلوا هو كمان
الشخص : بس انت لازم متخليش اي دليل ضدنا
معتز بشر : ندي وعلاء ونهي هقتلهم اكيد بس مش دلوقتي
الشخص : طب و رودينا
معتز بضحك : لا رودينا دي بقا هقتلها في الاخر م دلوقتي خالص
الشخص بضحك : اه يا شقي
معتز والشخص ظلوا يضحكون .
ــــــــــــــــــــــــــــــــــــــــــــــــ
جاسم : دكتور فيه ايه
الدكتور : مع الاسف يا جاسم بيه المريض تعاطى مخدرات وكمان باين عليه بقالوا كتير
مِسِك سمعت كده ظلت تبكي على اخوها
جاسم : طب يا دكتور ايه العمل
الدكتور : الصح دلوقتي أنه يروح يتعالج في المصحه علشان ممكن يموت في اي وقت
جاسم : تمام يا دكتور اتفضل
ذهب الدكتور
مِسِك بدموع : اشرف عمره ما كان كده صاحبه هو السبب يا جاسم اااااه يا اخويا
ظلت تبكي مهما شافت من اخوها بس هو كان حنين عليها في الاول وبقا قاسي بسبب صحاب السوء
جاسم مقدرش يشوفها دموعها حضنها بوجع : اهدي بس متقلقش هيروح المصحه ويتعالج بس انتي اهدي علشان خاطري
مروان : المصحه اللي الدكتور قال عليها كويسه جدا هعرف ناس راحوا اتعالجوا هنا خرجوا وهما متعافين
مِسِك : يارب
جاسم : يلا علشان ترتاحي
مِسِك برجاء : انا عايزه هدخل هشوفوا
جاسم : طيب تعالي ندخل
مروان : جاسم عايز اي حاجه انا رايح هطمن على اماني
جاسم بابتسامه : لا شكرا يا صاحبي
ذهب مروان الي زوجته
مِسِك بدموع دخلت الغرفه ومعها جاسم
مِسِك بدموع : اشرف هتكون كويس صدقني
اشرف فتح عيونه بتعب : بتعيطي ليه ربنا خدلك حقك مني
مِسِك بدموع : لا متقولش كده هتقوم وتكون كويس
اشرف بتعب : سامحيني يا مِسِك عمري ما كنت السند ليكي
مِسِك بدموع : لا متقولش كده طول عمرك كنت سندي بس انا عارفه السبب هي طنط حنان كرهتك فيا وكمان صاحبك هو السبب .. انا مسامحك يا اشرف يلا قوم وارجع اشرف بتاع زمان
اشرف بوجع : انا مكنتش هعرف أني عاطف متفق مع بوسي عليا . اتاريهم كانوا بيحطوا ليا حبوب مخدرات علشان اكون مدمن ويقتلوني بالبطىء
مِسِك بدموع : ربنا شايف كل حاجه وهيجيبلك حقك منهم
اشرف بدموع وندم : تفتكري ربنا هيسامح شخص زاني .. انا زانيت يا مِسِك وشربت اللي ربنا حرموا ودخلت الديسكو
مِسِك بدموع : ربنا غفور رحيم والله هيسامحك المهم انك ندمان
اشرف بدموع : يارب
جاسم قلبه وجع لما شاف دموع مِسِك قائلا : بس اهدي هو كويس اهو
اشرف بتعب : شكرا انك حفظت على اختي يا جاسم بيه
جاسم : مفيش داعي للشكر انا بحافظ على مراتي يا اشرف
اشرف بوجع : سامحني يا جاسم بيه علشان برده غلطت فيه حقك انت كمان
جاسم بهدوء : مِسِك سامحتك والاكيد انا كمان سامحتك علشان خاطر مِسِك بس ويلا لازم تكون قوي لسه الحياه اودامك علشان تتوب لي ربنا وتكمل حياتك
اشرف بوجع : هتوب ازاي انا بقيت مدمن وفيه اي وقت هتعب علشان اخد الجرعه بتاعتي
جاسم بهدوء : لا يا اشرف انت هتروح تتعالج في المصحه ولازم تكون قد الاختبار علشان خاطر اختك
صمت اشرف بتعب ووجع
مِسِك : انت هتروح من بكره تتعالج اشطا علشان خاطري
اشرف بابتسامه تعب : موافق بدل انتم معايا
ابتسمت مِسِك بفرحه
جاسم : يلا بقا يا مِسِك علشان ترتاحي
اشرف : امشي يا حبيبتي يلا
مِسِك : انا هكلمك ماشي
اشرف : ماشي
ذهب جاسم و مِسِك
ــــــــــــــــــــــــــــــــــــــــــــــــ
مروان دخل الشقه بس شاف اماني مرميه على الأرض
مروان جري عليها بقلق : اماني يا حبيبتي اصحي يلا قومي يا اماني .... اماني
مروان شالها بسرعه نزل بيها للمستشفى
ــــــــــــــــــــــــــــــــــــــــــــــــ
ايهاب بحب : يا الهوي يا ناس على القمر
تقي بعشق : بحبك وعندي ليك مفاجاه
ايهاب : مفاجاه ايه بقا
تقي مسكت ايده حطتها على بطنه : انا حامل في شهرين يا قلبي
ايهاب بفرحه : بجد حامل
هزت تقي رأسها بسعاده
ايهاب حضنها بفرحه وهو يتذكر كل أيامهم الحلوه
ايهاب بعد عنها براحه : ده رامي ثانيه يا قلبي خليكي مرتاحه هنا مش هينفع تتحركي فاهمه
ابتسمت تقي بعشق : حاضر شوف بس صحبك عايز ايه يلا
ايهاب بفرحه : مش هتاخر عليكي يا قلبي
ايهاب رد على رامي
ايهاب بنبرة سعاده : الو يا كبير
رامي بابتسامه : عامل ايه يا صحبي
ايهاب بابتسامه : بخير يا رامي الحمدالله انت عامل ايه
رامي بتنهيده : اهو تمام
ايهاب باستغراب : فيه ايه مالك احكيلي
رامي : انا جايلك في الطريق فاضي
ايهاب بابتسامه : اكيد فاضي تعال انت تنور
رامي بابتسامه : ماشي سلام
تقي بابتسامه : مين اللي جاي
ايهاب : رامي جاي نتكلم شويه
تقي بابتسامه : طيب يا حبيبي اقعدوا براحتكم انا هعملكم عصير وبعدين هدخل هرتاح
ايهاب : لا طبعا يا قلبي ادخلي انتي ارتاحي ومتقلقيش انا هظبط الدنيا
تقي : لا طبعا مينفعش
ايهاب : لا ينفع يلا بقا
ايهاب خد تقي لي الاوضه علشان ترتاح
ــــــــــــــــــــــــــــــــــــــــــــــــ
جاسم : داده نعيمه حد يعمل لي مِسِك عصير وتاكل كويس
الداده : ماشي يا ابني
مِسِك : انت رايح فين
جاسم بحنيه : عندي مشوار مهم هروحوا ومش هتاخر عليكي
مِسِك ببراءه : وعد مش هتتاخر
جاسم بحنيه : وعد
قام جاسم من جنبها ثم خرج من القصر باكملوا
ــــــــــــــــــــــــــــــــــــــــــــــــ
مروان بقلق : فيه يا دكتوره مالها
الدكتوره : انا علقتلها محاليل هي بس المدام ضغطها واطي بسبب عدم اكلها وكمان ارهاق .. وعلى الفكره ممكن كمان الزعل يخليها تعبانه كده
مروان بوجع : تمام يا دكتوره اتفضلي
ذهبت الدكتوره
دخل مروان بوجع الي الغرفه رآها نايمه بتعب
مروان بوجع : انا اسف بسببي تعبتي كده قومي بقا يا موني انا بحبك مش قادر هشوفك كده .. طب انتي عارفه انا هجيب حقك من الحقير ده صدقيني
اماني بدأت تفتح عينها بتعب وهي تتمتم باسمه : مروان
مروان : قلب مروان انا معاكي يا حبيبتي
اماني نظرت له بتعب : اسفه
مروان : هوسسس انا مش زعلان منك اصلا
اماني : بجد
مروان بابتسامه : ايوه بجد يا قلبي انتي كل حياتي ازاي بس هزعل منك
اماني بدموع محبوسه : بس انت قولت هطلقني
مروان بحنيه : مجرد كلمه قولتها اتوجعت لما خبيتي عليا
اماني : اسفه يا مروان
مروان بابتسامه : انا مش زعلان خلاص بقا
ابتسمت اماني بتعب
مروان بأس جبينها قائلا : كنت هموت عليكي لما شوفتك مرميه على الأرض
اماني بلهفه : بعد الشر عليك
مروان بعشق خدها في حضنه
ــــــــــــــــــــــــــــــــــــــــــــــــ
جاسم ببرود : عامل ايه يا حمايا
عادل بيبلع ريقه بتوتر : جاسم بيه عامل ايه
جاسم جلس على الكرسي ببرود قائلا : احسن منك
عادل بيبلع ريقه بخوف
حنان بخبث : هي مِسِك عامله ايه يا جاسم بيه
جاسم بضحك صوت عالي
حنان باستغراب نظرت إلي عادل المستغرب هو الآخر
جاسم وقف ضحك قائلا ببرود : محدش قالكم ولا ايه
حنان بتبلع ريقها : قالنا ايه
جاسم ببرود : اممممم اني انا أنقذت مِسِك من الز*باله اللي خطفها
عادل بصدمه نظر إلي حنان
جاسم : اه صح نسيت هقولكم عاطف اتقبض عليه بس متقلقوش قريب أوي هتحصلوا
عادل بكدب : هنحصلوا ليه يا جاسم بيه احنا معملناش حاجه
جاسم بغضب : انتم فاكرين اني غبي زيكم لا انا كنت متاكد انكم هتحاولوا تاذوها اللي زيكم مستحيل يتغير ده انتم حتي مسالتوش عن ابنكم اللي بقا مدمن زيكم
حنان بصدمه : ايه الكلام ده لا استحاله
جاسم ببرود : روحي مستشفى (...) وانتي هتشوفي ابنك هناك علشان من بكره هيروح المصحه علشان مينفعش حد يشوفوا بعد كده
عادل اتصدم من الكلام
اكمل جاسم كلامه بخبث وهو ينظر لهم مره اخري : اه صح كلامي معاكم لسه مخلصش سلام مؤقت
ذهب جاسم
عادل : يا نهار اسود عاطف اتقبض عليه يارات البت دي كانت ماتت من زمان
ثم نظر إلي حنان بغضب : حتي ابنك مدمن
حنان : انا مكنتش اعرف اني اشرف بيتعاطى تعال نروحلوا المستشفى يلا
عادل بحده : قومي البسي علشان انا هربي ابنك من تاني يلا
ــــــــــــــــــــــــــــــــــــــــــــــــ
ايهاب بابتسامه : اتفضل يا رامي ادخل ارتاح
دخل رامي
ايهاب : تشرب ايه
رامي بحزن : انا مش جاي هشرب حاجه انا بس عايز هتكلم
ايهاب بقلق : مالك يا رامي فيك ايه
رامي بوجع : تعباااان حاولت هستحمل اني مراتي الخاينه تكون اودامي وانا همثل كاني مفيش اي حاجه
ايهاب بوجع : اهدا طيب والله هي متستاهلش
رامي بوجع : عارف بس غصب عني نفسي هخلص من كل القرف ده
ايهاب : هتخلص منها صدقني بس قولي فهد عمل ايه
رامي بتنهيده : لسه عايزين نشوف مين الشخص اللي بيساعد معتز وليه بيعملوا كل ده
ايهاب : يبقي قريب إن شاء الله هتخلص من كل ده
رامي : يارب
ايهاب بابتسامه : انا معاك في اي حاجه يا صاحبي اتفقنا
رامي بابتسامه : ربنا مايحرمني منك يا ايهاب انت اللي فضلت معايا حتي لما كنت فاكر اني جاسم خاني طلبت مساعدتك علشان هنتقم وانت عمرك ما خذلتني
ايهاب بابتسامه : هخذلك ازاي بس وانت اخويا
رامي بابتسامه : ربنا يخليك ليا
ايهاب : سيبك من كل ده عندي خبر حلو
رامي : خبر ايه
ايهاب بابتسامه : بعد كام شهر هكون اب
رامي بفرحه : بجد يا ايهاب
ايهاب : ايوه بجد
رامي احتضن ايهاب بسعاده قائلا : الف مبروك يا ايهاب
ايهاب : الله يبارك فيك يا صاحبي
ــــــــــــــــــــــــــــــــــــــــــــــــ
عادل بغضب : بقا انت بتكون مدمن يا حقير
حنان : اهدا يا عادل بس مش وقته
اشرف بكرهه : عايزين ايه جايين ليه
حنان : ايه الكلام ده احنا اهلك
اشرف بعصبية : اهلي ؟؟ انتم السبب في كل حاجه حصلتلي اولا انت عمرك ما تكون اب بيعت بنتك علشان بس الفلوس وانتي عمرك ما كنتي ام ليها دايما بتكوني مرات الاب وبس ... بس ازاي وانا زيكم شاركت في عذابها في الاول كنت كويس مع اختي لغيط لما انتي فضلتي تلعبي في دماغي علشان بس هكون زيكم وفعلا بقيت زيكم مجرم
عادل بغضب : احترم نفسك يا ولد
اشرف بعصبية : بس كفايه عارفين عاطف اللي انتم وثقتوا فيه بالرغم إنه بيسهر في ديسكو عمره ما كان صاحب كويس بس انتوا اعتبرتوا ابنكم التاني هو السبب اتفق مع الز**باله التانيه علشان تحط ليا حبوب مخدر لغيط لما بقيت مدمن كل ده بسببكم انتم بس والمسكينه اللي انا عذبتها واقفه جنبي انتم عمركم ما كنتوا أهل امشوا من هنا مش عايز هشوفكم تاني .. امشووووووا
حنان بحزن : تعال يا عادل يلا نسيبوا يهدأ شويه
عادل خرج بالعافيه
ــــــــــــــــــــــــــــــــــــــــــــــــ
جاسم : الو يا مروان انا عايز الخطه تتنفذ بعد يومين
مروان : طب هتتقابلوا فين
جاسم ببرود : في مكان اسمه (...)
مروان : طب و مِسِك
جاسم : انا مش عايز مِسِك تسمع الكلام ده ... انا عايز اقولها الحقيقه بنفسي
مروان : طيب ماشي متقلقش
جاسم : تمام انا عايزك تبعت لي ابوه مِسِك العنوان في الرساله عادي وهو لما يجي هنعرف الحقيقه كلها
مروان : ماشي سلام
جاسم : سلام
مِسِك كانت بتعدي من اودام المكتب سمعت المكالمه دي
مِسِك باستغراب : جاسم هيقابل اهلي طب ليه وليه المكان ده انا لازم اعرف اللي بيحصل
ــــــــــــــــــــــــــــــــــــــــــــــــ
عادل بصدمه : طب بعتلي اسم المكان
حنان : فين
عادل : المكان (...) بس المقابله بعد يومين
حنان بشر : يبقي لازم نفكر فيه خطه علشان نقتل الشخص ده
عادل : سرنا هيدفن مع الشخص ده هانت كلها بكره بس
ابتسمت حنان بشر
ــــــــــــــــــــــــــــــــــــــــــــــــ
بعد يومين
اماني خرجت من المستشفى بس مروان محافظ عليها علشان متتعبش تاني والغريب اني علاء بطل يكلمها
جاسم ومروان بيجهزوا للخطه
عادل وحنان بيفكروا ازاي يقتلوا الشخص ده
مِسِك بتفكر ازاي تهرب من السواق والحرس وتروح مع جاسم لغيط لما لقيت الحل
ــــــــــــــــــــــــــــــــــــــــــــــــ
حنان بتوتر : هو فين الشخص ده
عادل : اهدي يا حنان اكيد زمانه جاي
- عاملين ايه
عادل وحنان نظروا الي مصدر الصوت بصدمه
جاسم ببرود : مالك يا حمايا اتصدمت ليه
عادل بيبلع ريقه بخوف : انت بتعمل ايه هنا يا جاسم بيه
جاسم بضحك : اممممم زيكم بالظبط جاي لي نفس السبب
عادل بصدمه : قصدك ايه
جاسم بيقترب منهم بخبث : انا اللي ببعت الرسائل
حنان بصدمه : انت
جاسم : امممم ايوه انا
عادل بتوتر : عايز ايه
جاسم ببرود : عايز ايه يا جاسم عايز ايه
ثم نظر لهم بهدوء ما قبل العاصفه : عايز هشوفكم متعلقين في حبل المشنقه
عادل بعصبية : ايه الكلام ده يلا يا حنان علشان نمشي
جاسم بغضب : خليكوا مكانكم انا عارف الحقيقه من بدري انتوا اللي قتلتوا والدة مِسِك
عادل : الكلام ده كدب
جاسم ببرود : بس انا معايا دليل
حنان نظرت إلي عادل بتوتر وهو كذلك
عادل بيبلع ريقه بخوف : انت بتكدب
جاسم ببرود : لا مش بكدب اقولكم اللي حصل من قبل 16 سنه
عادل وحنان اتصدموا
جاسم كمل كلامه ببرود : والدة مِسِك عرفت انك كنت متجوز قبلها الست دي وكمان عندك منها ولد اللي هو اشرف اخو مِسِك الكبير .. انت اتجوزتها علشان تاخد أملاك والدها وطبعا لما عرفت كده طلبت منك الطلاق علشان متتفضحش وانتم علشان خايفين الثروه دي تروح عليكم قتلتوها بدم بارد وخدتوا ورث مِسِك ده انتم كنتوا بتخلوها تخدم في بيوم الناس وانتوا سارقين ورثها ومش بس كده لا كنتوا عايزين تجوزها لواحد كبير علشان بس الفلوس
عادل بارتباك : انت عرفت ازاي كل ده
جاسم بسخرية : قولتلك يا حمايا العزيز معايا دليل
عادل بشر : بس انت مش هتخرج من هنا عايش بس الاول اقولك ليه عملت كل ده علشان انا كنت بحب حنان واتجوزتها وجيبنا اشرف بس بعدها اشتغلت مع أبوه رقيه ( والدة مِسِك ) ومثلت عليها الحب وهي غبيه وافقت عليا على اساس اني ايد ابوها اليمين وقال ايه حبتني بس مكنتش تعرف اني متجوز غبيه بقا فضلنا متجوزين سنه وبعدها جابت مِسِك وانا قبل ما هي تموت خلتها تمضي على تنازل كل حاجه
جاسم بعصبية : ماما رقيه وثقت فيك ازاي تعمل كده فيها دي حبيتك كانت دايما تقولي قد ايه بتحبك انت اللي غبي مش هي
عادل بصدمه : ماما رقيه ؟؟
جاسم بوجع : إيوه ماما رقيه شوفتها مره في النادي كنت أنا قاعد زعلان هي جات واتكلمت معايا ورسمت الضحكه على وشي ولما انا قولتلها عايز هشوفك تاني كتبتلي رقمها وبقيت كل يوم بتيجي تشوفني في النادي او في القصر عندنا لقيت الاهتمام منها مكنش فيه اهلي الحقيقين ومن ساعتها بعتبرها ماما رقيه .. اليوم اللي انتم قتلتوها فيه كنت ساعتها انا وراها بس هي مخدتش بالها وطلعت وراها الشقه وكنت مستخبي وسمعت كل حاجه من البدايه شوفتكم قتلتوها بكل قوه وبعد كده انت قولت انها مرجعتش البيت من ساعتها والقضية اتسجلت ضد مجهول انتوا ااااازاي تعملوا فيها كده ااااازاي
عادل بصدمه : يعني انت مش معاك دليل
- اه بس دلوقتي بقا فيه دليل
حنان وعادل نظروا لي بعض بخوف
فهد : اقبضوا عليهم يلا
جاسم : ثانيه يا فهد
جاسم نظر لهم قائلا : جوازي من مِسِك كان متخطط علشان احميها منكم
مِسِك بانهيار : ابويا قتل امي
جاسم نظر الي مصدر الصوت بصدم
اكتب في بحث جوجل 👇
وستظهر لك 👇
لقراءه فصول الرواية كامله اضغط هنا 👇
