روايه قطتي الشقية الفصل الحادي عشر 11 بقلم همس كاتبه
بارت 11
قطتي الشقية
هشام : خلاص هترجع اسكندرية يا مهران ؟
مهران : اه بكرا الصبح
ابراهيم : و ليه الاستعجال .. اقعدلك يومين كمان مش هتخسر حاجة
مهران : ما ينفعش يابا انا سايب المحل بقالي مدة و قاعد هنا
هشام : بس بقولك ايه انا عايز مرات ابني تقعد معانا فترة قبل ما امتحاناتها تبدأ
مهران بضيق : بس انا بقول لازم ترجع معايا عشان تركز بمذاكرتها
اسد بهدوء : ما تقلقش يا عمي .. انا ههتم بمذاكرتها و قبل الامتحانات بشوية هتكون عندك عشان تذاكر و تمتحن
ابراهيم : و مش هنحدد الفرح ولا ايه
مهران : خليها لبعد ما تخلص مليكة امتحانات
كانت مليكة قاعدة و بتسمعهم وصلتها مسج على الواتساب
فتحتها و انصدمت و لكنها تمالك اعصابها و قامت
اسد : على فين يا حببتي
مليكة بهدوء : هروح التواليت
صعدت لاوضة اسد و فتحت الرسالة
" يعني فرحانة اوي انك تجوزتي اسد .. طيب عندي ليكي مفاجأة .. جوزك و اختك على علاقة و انتي نايمة على ودانك و دنيا الوسيط الي بينهم ... لو مش مصدقاني عادي ممكن اثبتلك "
و بعت سكرين شوت لشات بين دنيا و رزان و مقصوص بطريقة تظهر جزء من الكلام
—اكيد بيحبك يا بنتي
_طيب لازم يتقدملي ولا هنقضيها كدة
— لسا بدري و اسد حاليا مركز بشغله و عايز يكبره يا ولية عشان يعرف يأكلك .. انا بقول خليكو كدة احسن
_ منا عارفة بس برضو هو بيوحشني اوي
رفعت نظرها للامام و جلست بارتخاء على السرير و بدأت تبكي و هي مصدومة
اتجهت لاوضة البنات
كانت رزان قاعدة على الموبايل
مليكة بصوت مهزوز : ايه الي بينك و بين اسد ؟
نظرت رزان الى مليكة بصدمة
رزان : و ايه الي هيكون بيني و بينه ؟
مليكة : ما تحاوليش تخبي .. انتي كنتي بتحبيه
رزان بصدمة : ايه الكلام ده يا مليكة
مليكة بدموع : بصي للصورة دي تعرفي
رزان نظرت بصدمة .. رمشت عدة مرات
رزان بهدوء : مليكة اسمعيني
مليكة بعياط و جنون : اسمع ايه ؟؟ اسمع انك بتحبي اسد ؟ اسمع انك خبيتي عليا علاقتك بيه ؟ ليه ما قولتيلي من قبل ع الاقل كنت هبعد عنه .. ليه تجرحيني بالشكل ده ؟ عارفة يعني ايه اختي و جوزي بيحبو بعض ؟ ليه تضحكو عليا و هو مفهمني انه بيحبني و هيفضل جنبي .. ليه تعملو كدة
رزان بحدة : مليكة ما تزوديش احداث من عندك بلاش جنان .. اسد فعلا بيحبك ... و الشات دي حقيقية بس من قبل ما تتجوزو و انا مكنتش اعرف انه بيحبك انتي ... انا كنت فاهمة غلط و والله العظيم ما حصلش بينا كلام حتى ... عيب اوي تقولي كدة عليا
مليكة بدموع : مش قادرة اصدقك .. يا ريت الي بتقوليه صح ... انا مش عارفة دلوقتي هتعامل مع اسد ازاي .. كل ما هبص في وشه هشوفك ... انا لازم اطلق
رزان بغضب : ايه الجنان ده .. انتي سامعة نفسك بتقولي ايه .. مليكة كبري مخك شوية ... ما تبوظيش الدنيا بلحظة ضعف
مليكة بصراخ : انتي خليتي فيا مخ ؟ حطي نفسك مكاني .. اختك بتحب حبيبك الي هو بقا جوزك .. اتفضلي اشرحيلي موقفك هيكون ايه
نظرت رزان الى مليكة بوجع و تركتها و ذهبت بينما مليكة قعدت تعيط
*************
نزلت بسرعة عن السلم
غدير : مالك يا رزان
رزان بغضب : ملكيش دعوة
نظرت ايمان و غدير لبعض بصدمة
اما رزان سحبت دنيا من ايدها و اخذتها لزاوية بعيدة
رزان بغضب : ليه تعملي كدة ؟؟ لي قولتي لمليكة ؟ عايزة تخربي بيني و بين اختي ؟
دنيا بصدمة : عملت ايه انا مش فاهمة حاجة
رزان بحدة : انتي فاهمة قصدي كويس ... انتي قولتليها عن اسد ؟؟
دنيا : اقسم بالله ولا جبتلها سيرة .. انتي اتجننتي ازاي اقول حاجة زي دي !
رزان بدموع : يعني مين هيكون الي قالها .. دي زعلت اوي و ادايقت .. و انا مكسوفة ابص بوشها .. و اتهمتني اني على علاقة بيه لغاية الان
دنيا : انتي بتقولي ايييه ... ده اسمه جنان .. ازاي تفكر كدة
رزان بدموع : هي مش مصدقاني خالص .. و ناوية تدمر علاقتها باسد .. انا خايفة اوي
دنيا بحدة : لا دي راحت منها خالص .. انا هروح اكلمها
ذهبت دنيا بينما رزان خرجت الى الحديقة
****************
فتح الباب بعنف و دخلت الاوضة
دنيا باندفاع : انتي اكيد اتهبلتي بمخك ... ازاي تفكري كدة مش فاهمة .. دي اختك يا غبية مستحيل تعمل فيكي كدة
مليكة بدموع : و انتي مالك .. اخوات ببعض انتي مالك
دنيا بغضب : مليكة اعقلي و ما تفكريش بغباء .. اختك صحيح كانت معجبة باسد بس ده كله بسببي و انا كنت فاكراه بيحبها هيا عشان كان يسأل عنكم كتير .. مكنتش اعرف انه بيحبك انتي .. مليكة رزان بتحبك اوي و كانت فاهمة غلط .. و اول ما تجوزتو شالته من تفكيرها كانه محصلش حاجة ... و اسد بيموت فيكي ... طب عارفة رزان هي الي اجرت نسوان و ضربت شادي و عدمته العافية .. كل ده عشانك .. عشان تردلك حقك
كانت مليكة مصدومة و بتعيط
قربت دنيا و حطت ايدها على كتف مليكة وقالت بحنية : اختك بتحبك اوي و لا يمكن تخونك .. و بعدين الي بعتلك و قالك الكلام ده اكيد قصده يكرهكم في بعض .
مليكة بدموع و رجفة : هي بجد عملت كدة عشاني ! انا مكنتش عارفة حاجة ... ووو الي بعت المسج رقم مش متسجل عندي
دنيا : مليكة .. رزان زعلت اوي .. صدقيني اختك بتحبك و انتي بالنسبالها اهم من مليون حب ... روحي اتكلمي معاها و صالحيها .. و اعتبري الي حصل ده كأنه ما حصلش
مليكة و هي بتمسح دموعها : ماشي
********************
نزلت دنيا من عند مليكة
زينب : دنيا تعالي
دنيا : في ايه يماما
زينب بحنان : بنتي الصغننة كبرت و بقت عروسة
دنيا بضحك : ايه الكلام ده يماما تكونيش صدقتي اني بدور على عريس
زينب : اتلمي يا بت .. في واحد متقدملك .. و باباكي قالي اسألك و اشوف رايك .. قوليلي بقا حابة تتجوزي و لا مش بتفكري بالموضوع ده اصلا ؟
دنيا : بدري اوي يماما انا لسا بالجامعة
زينب : القرار بايدك .. باباكي عايز يعرف لو عندك رغبة بالموضوع و لا .. يعني فكرة الجواز ببالك دلوقتي ولا لا ؟
دنيا بخبث : حسب ابن الحلال الي متقدم
زينب بضحك : يا بت ما تشلينيش .. ع الاقل اتكسفي زي باقي البنات .. يعني معندكيش مشكلة مع الجواز كفكرة ؟
دنيا باندفاع : لا
زينب : طيب هقول لباباكي انه عندك قبول مبدأيا
و كانت ستقوم
دنيا : تعالي هنا يا ست انتي .. مين قرة عيني المستقبلي
زينب بضحك : اتلمي يا بنت الكلب ... العريس حد انتي عارفاه كويس
دنيا بضحكة بلهاء : مين ؟
زينب بخبث : مش هقولك
دنيا : لا والنبي يماما قوليلي
ذهبت زينب وقالت و هي خارجة : نو .. نو .. مش هقول
دنيا بهزار و صوت عالي لمامتها : طيب يا زينب و الله لقول لبابا انك قولتيلي يا بنت الكلب
بينما زينب لم ترد عليها
*********************
شادي بخبث : زمانها علقت بينهم .. و كدة ابقى ضربت ضربتي الاولى و رزان اتجننت
ايسر( صاحبه ) : و ايه الخطوة التانية
شادي : هجبهالك .. ايه رايك
ايسر بصدمة : اييه ؟؟!
شادي : ايه .. مش حابب تقضي ليلة حلوة .. البنت جامدة و هتعجبك
ايسر بعدم استيعاب: بس دي بنت عمك
شادي : هههه مش فارقالي اوي .. المهم انتقم منها على الي عملته معايا و انت كمان هتستمتع بيها شوية و كدة نضرب عصفورين بحجر واحد
ايسر : طب و مليكة ؟
شادي : دي بقا هأجلها شوية لغاية ما ايدي تطيب .. وقتها هستدرجها و هاخد الي عايزه منها ... بس المصيبة اسد مش سهل و اكيد عينه مفتحة عليها
نظر ايسر الى شادي و هو سرحان و بيفكر بكلامه القذر
********************
في الحديقة رزان كانت قاعدة و بتعيط
فراس : ايه ده .. انتي بتعيطي ؟ .. مالك يا رزان مين مزعلك
رزان بحدة : و انت مالك ؟؟ مركز معايا ليه ؟ سيبك مني و خليك بنفسك .. كفاية ماشي ورايا و بتراقبني ... سيبني بحالي و النبي
فراس شعر بغصة و لكن قال بهدوء : انا فعلا مركز معاكي اوي .. عشان مش بحب اشوف بنات عيلتي زعلانين .. و انتي عزيزة عليا و مش هكون مرتاح لو شفتك زعلانة
رزان بدموع : فراس ممكن تسيبني بحالي ؟ انا بجد مش قادرة
فراس بزفير يعبر عن كم الحزن بداخله : ماشي انا اسف اني تطفلت عليكي .. بس خليكي فاكرة لو حابة تتكلمي و تطلعي الي بقلبك .. عندك ابن عم ممكن يسمعك و يساعدك
نظرت له لثواني بينما هو استدار ليذهب
رزان : شكرا
استدار لها و قال : على ايه
رزان بدموع : فراس انت دايما بتطمني .. وجودك دايما بيحسسني بالامان .. انا مدايقة عشان تخانقت مع مليكة .. انا بجد اسفة اني كلمتك كدة ... متزعلش مني و النبي
قرب و قال بهدوء : عمري ما هزعل منك يرزان .. بس مش بحب اشوفك زعلانة
اتت مليكة من خلفه و قالت بصوت طفولي حزين : رزان
استدار لها و ابتسم
فراس بمرح : اهي جاية الصغننة عشان تصالحك .. خدو راحتكو بقا
و اتجه ليذهب و قال لمليكة : حرام عليك تزعلي القمر دي .. يلا صالحيها
و تركهم و ذهب
استدارت رزان للجهة الاخرى و هي تنظر بزعل
قربت مليكة منها و حضنتها
مليكة : انا اسفة اوي .. و الله ما كنت اعرف الحكاية كدة .. ربنا وحده اعلم قد ايه اتقهرت لما شفت الكلام الاهبل الي اتبعتلي .. ارجوكي ما تزعليش مني
رزان بهدوء : انا مش زعلانة يحببتي ... عشان عارفة احساسك ... بس اتوجعت اوي لما حسيت انك مش مصدقاني .. خفت اوي ثقتك بيا تتكسر ... مليكة ... انتي و بابا و ماما و ايمان اهم ناس بحياتي ... انا ما اقدرش حد فيكم يبعد عني .. انا مستحيل اخونك يحببتي .. اول ما حسيت ان اسد بيحبك بعدت .. و مبسوطة اوي انكو بتحبو بعض .. لا يمكن اافكر اجرحك .. اقسم بالله يحببتي عمري ما خنك و لا هخونك
مليكة بدموع : رزان انتي مش فاهمة انا بحب اسد قد ايه .. و الله ردة فعلي جات كدة من كتر ما اتصدمت و انا واثقة و متاكدة انك عمرك ما هتعملي كدة .. انا بحبك اوي يا رزان
و حضنتها بحب
دنيا بمشاكسة : ايه اتصالحتو
رزان : ملكيش دعوة
رن موبايل مليكة
مليكة : ده اسد .. هروح ارد عليه
دنيا بسخرية : ردي ع حبيب القلب ردي
مليكة : بس بقا
مليكة : الو يحبيبي
اسد : انا زعلان اوي .. ازاي اروح الشغل من غير ما تبوسيني
مليكة بخجل : بس يا اسد عيب
اسد : انا دورت عليكي و ما لقيتكيش .. في ايه
مليكة : ما فيش يا حبيبي بس كنت متخانقة مع رزان و اتدايقت
اسد : اممم طب اعمل ايه دلوقتي .. عايز بوسة
مليكة بخجل : طيب لما ترجع
اسد : انتي امته هتبطلي تتكسفي يا بت
مليكة : بس يا اسد ...لما تروح هبوسك كتير
اسد : ماشي يا مزتي .. هصدقك
مليكة : صحيح حبيبي نسيت اقولك
اسد : في ايه يحياتي
مليكة : ماما عايزة تاخدني السوق نشتري هدوم
اسد بخبث : امممم هدوم ايه
مليكة بخجل : ملكش دعوة
اسد : مااشي .. المهم يا حببتي تاخدي بالك من نفسك
مليكة : حاضر بحبيبي
**********************
كانت غدير ماسكة كوباية شاي و قاعدة في البلكونة بتقرا كتاب
رن هاتفها
غدير : الو ؟
ايسر : انسة غدير معايا ؟
غدير : ايوة مين حضرتك ؟
ايسر : انا ايسر صاحب شادي اخوكي و هو كان قاعد عندي من فترة
غدير بلهفة : شادي كويس ؟ حصله حاجة ؟
ايسر : مش عارف اقولك ايه .. هو تعبان اوي و انا مش عارف اتصرف .. و عمال يقول غدير و كلام مش مفهوم
غدير بخوف و قلق : طب ابعتلي العنوان هاجي حالا
ايسر : اوك عبعتلك لوكيشن
غدير بدموع : اوك
*********************'
في احدى الكافيهات
رضوى بجمود : ليه طلبت تشوفني ... ايه الموضوع المهم الي عايز تقوله ؟
هاني : بصي يا رضوى .. انا حاولت اتأقلم ع الحياة من غيرك و ما قدرتش .. رضوى انا لسا بحبك ... مش قادر اتخيل عمري الجاي من غيرك ... انتي ما رضيتيش تسمعيني .. انا مش قادر استحمل اخسرك و انتي مش فاهمة اني مظلوم و كل الي حصل كان غصب عني
رضوى ببرود : ده الي كلمتني عشانه ؟
هاني : طبعا .. انا عايزك و مش هتنازل عنك
رضوى بوجع : انت تنازلت عني باليوم الي عينك راحت لوحدة غيري .. انت خونتني .. انا شوفتك بحضنها .. مفيش اي مبرر للخيانة .. للو سمحت اقفل ع الموضوع ده
هاني : انتي عارفة اني هكلمك فيه .. هكلمك في ايه مثلا ؟؟ السياسة و لا الاقتصاد ؟
كانت تنظر له و عنيها مليانة دموع
هاني : طالما عارفة هكلمك بخصوص علاقتنا .. و زي ما بتقولي نسيتيني .. ليه جاية تقابليني ؟ ليه تقبلي تكلميني اصلاً ؟
مرت ثوان من الصمت
هاني : عشان لسا بتحبيني .. انتي ما نسيتيش الي بينا ... رضوى اديني فرصة وحدة اشرحلك
رضوى بدموع و قهر : كفاية يا هاني .. الي بينا انتهى ... عايز تبرر خيانتك بعد ما كسرتني و وجعتني ... انت كنت ضامن حبي ليك انه هيغفرلك ذنبك .. بس لا مش مسامحاك .. حتى لو هدوس على قلبي بالجزمة القديمة .. مش هرجعلك
سحبت شنطتها و قامت و قامت وهو بينظر لاثرها بسرحان
**************
في اوضة اسد كانت قاعدة بتحضر هدومها و دلف اسد
مليكة : ايه ده حبيبي رجعت بدري ليه ؟
اسد قرب منها بهدوء و باسها على راسها
اسد: نسيت ملف مهم اوي .. و النسخة الرقمية بتاعته اتمسحت عن اللابتوب
مليكة بابتسامة : انا هنزل السوق مع مامتي و مامتك كمان شوية
اسد بخبث : طب ما تيجي اقولك حاجة ع السرير
مليكة بخجل : بس سفالة يا اسد .. الدنيا الصبح
اسد بعشق : انتي بتوحشيني ليل و نهار حتى و انتي بحضني
ابتسمت بخجل بينما هو قبلها على شفتيها بهدوء
مليكة : ايه مش هتروح الشغل ؟
اسد بخبث : مش قبل ما اخد الي انا عايزه
مليكة بضحك : بس يا اسد
اسد : هشششش مش عايز اسمع اعتراض
********************
في شقة ايسر صاحب شادي وصلت غدير و وقفت قدام الباب وهي قلقانة و خبطت
فتح الباب
ايسر : اتفضلي
غدير بلهفة : شادي فين
ايسر : جوة بالاوضة الي هناك
دخلت بسرعة و من غير تفكير
لكنها توقفت فجأة عندما سمعت صوت قفل الباب ........
لمتابعه باقي فصول الرواية اضغط هنا 👇
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)