رواية زهرة أصلان كاملة جميع الفصول

  روايه حبي الوحيد الفصل الحادي عشر 11 بقلم جني احمد 

البارت الحادي عشر❤️

_________________

ليل بصدمة: يعني هو عايز يتجوزها وهي مش موافقة وافتكر كلام مراد(طلعت زيهم....طلعت زيهم)

ليل: انا كدا عرفت السبب هو اكيد مهد"دها عشان متتجوزش مراد ومراد مفكر أنها فعلا مش عايز تتجوزه عشان مرضه وراح ركب عربيته واتجه إلى فيلا الجرحي 

________________

"في فيلا الجرحي"

"تحديدا في غرفة مراد"

مراد بدموع: ليه كدا يا ندي انتي تعملي كدا انت عارف اننا مقعدناش فترة مع بعض بس حقيقي اتعلقت بيكي وصدقتك وصدقت اني هتعالج واتجوزك واعيش معاكي ورسمت حياه وردي خاااالص بس اكتشفت اني غلطان واني مبعرفش ارسم...الباب خبط

مراد: أدخل

فريدة: ازيك يا مراد

مراد: الحمدلله....ايه اللي في ايدك دة؟!

فريدة: دة ايس كوفي عملت لنفسي فقلت مراد بيحبه قلت اعملك وضربته في كتفه ضربة بسيطة وقالت بضحك: عد الجمايل

مراد بضحك: خلاص بقا يا فريدة انتي هتذلّيني

فريدة بضحك: لا مش بذلّك بس عايزة أقولك انكوا متعرفوش تعيشوا من غيري

مراد بضحك عالي: يابنتي انتي مش بتعملي حاجة في حياتگ غير انك بتأكلي وتذاكري وتنامي بس

فريدة: يابني دة كفاية أن اي حد لما بيحتاج يترجم كلمة بينادي عليا

مراد بضحك: حبيبتي مش لوحدگ اللي بتفهمي انجليزي 

فريدة: بقا كدا انتوا غيرانين مني عشان شاطرة في الانجليزي صح

مراد فضل يضحك وفريدة اتبسطت عشان طلعته من المود وبدأ يضحك

مراد: انتي حاطة تلج كتير 

فريدة: أيوة عشان الجو حر وشوية والتلج هيسيح 

مراد بمشاكسة: وسكره كتير 

فريدة بضيق: خلاص يا مراد قوم اعمله انت انا غلطانة اني عملتلك معايا 

مراد بضحك: خلاص خلاص متبقيش قفوشة كدا بهزر 

فريدة: أيوة انا اتلغبطت هو حلو ولا وحش

مراد: حلو طبعا انتي مش بتعملي حاجة وحشة

فريدة: اخوياااااااا...وفجأة ليل دخل بقوة وهو بينهج

مراد: في ايه يا ليل مش تخبط

فريدة: بسم الله الرحمن الرحيم في ايه يا ليل

ليل وهو بياخد نفسه: مـ مراد في حاجة مهـ مهمة لازم تعـ رفها

مراد: طيب خد نفسك كدا واهدي 

ليل قعد شوية وشرب ماية واتكلم 

ليل: مراد احنا طلعنا ظالمين ندي 

مراد بعصبية: يوووه متجبليش سيرتها تاني انت بكرهـ .......

ليل: ششششش طب اسمعني الاول عشان متقولش حاجات تندم عليها بعدين 

مراد بزعيق: اندم على ايه دي قالتلي في وشي أنها مش عايزة تتجوزني وقالتلي أنها مستحيل تتجوز مريض نفسي كل دة ولسة بتدافع ليها

ليل بعصبية: مراد اسمعنييييي الاول 

فريدة: بس يا جماعة اهدوا كدا وانت يا مراد اقعد واسمع ليل عايز يقولنا ايه وكملت لـ ليل: وانت انطق 

ليل: انا رحت انهاردة المستشفي عشان اعرف انت اتخانقت مع ندي ليه؟

مراد برفعة حاجب: وكمان مش واثقين فيا وبتدورا ورايا

فريدة: اسكت بقااا وكمل باقي الكلام

ليل بنفاذ صبر: اووف....وخبطت في واحد تقريبا كدا دكتور في المستشفي ودخل لمكتب ندي انا كنت لسة هدخل لاقيته قفل في وشي الباب المهم وسمعته وهو بيهددها وطلع تليفونه وسمعه التسجيل 

مراد بوجع: يعني هي عملت دة عشاني

ليل: أيوة عرفت بقااا بس في حاجة مش واضحة ايه اللي السبب القوي اللي يخليها تسيبك اكيد هددها بحاجة قوية 

مراد بعصبية: دة انا هشرب من دمّـ"ـه 

ليل: استني هنا رايح فين متبقاش متسرع 

مراد: ازاي يعني يهددها 

ليل: ما انت مكنتش طايقها 

مراد: حط نفسك مكاااني لما تلاقي حد بيقولك كدا هتعمل ايه لا أنا ولا هي غلطانين رامي الزبـ"ـالة هو السبب 

ليل: أديك عرفت انها ملهاش ذنب في اللي قالته وأنها كانت مضطرة أنها تعمل كدا 

مراد: طيب وايه العمل هنسيبه لحد ما يتجوزها 

ليل: كلمها خليها تقابلك في مكان من ورا رامي طبعا وهتنفدوا الخطة دي...............

مراد: لا لا يا ليل انا مقدرش اخاطر بحاجة زي كدا افرد اتأخرنا هنعمل ايه ساعتها 

ليل بنفخ: يابني فكّر بإيجابية اكتر من كدا مش كل حاجة متردد منها كدا 

مراد: انا مقدرش اخاطر بحاجة زي كدا 

فريدة: يا مراد انا شايفة أنها خطة كويسة وان شاء الله مش هنتأخر

مراد: يعني انتوا رأيكوا كدا 

فريدة: دة عين العقل كمان 

مراد: انا موافق 

ليل: ومن ضمن الخطة انك تروح الجلسات 

مراد: لا طبعا افرد رامي اخد باله من الخطة

ليل: ما انت تعمل نفسك مخنوق ومش طايقها وهو اكيد مركب كاميرات عشان يراقبها تخلص جلستك وتمشي وهي تكمل باقي المسلسل وانت في التمثيل ملكش حل 

مراد: أن شاء الله الخطة دي تنجح بس لازم اشوفها في اسرع وقت  واعرف معاد الفرح كمان  

ليل: كويس 

_____________

"في الشركة"

سليم: رقية خلي مازن يجيب ورق حسابات الشركة

رقية: تحت امرك يا مستر سليم 

مازن: ازيك يا عمي

سليم: ازيك يا مازن 

مازن: أتفضل الورق 

سليم: ماشي يا مازن يلا روح علي شغلك

_____________

"في فيلا الاسيوطي ليلا"

طبعا علي خد معاد مع رامي وعرّف نادية 

نادية وهي بتخبط علي الباب: ندي انتي جوا 

ندي: أيوة يا ماما بس دقيقة بس بعمل حاجة 

نادية بضحك: طيب البسي وانزلي يلا 

ندي: حاضر...........ياربي ساعدني انا مش عارفة ازاي هقدر اتجوز الشخص دة ولبست دريس اوف وايت نص كم ومنفوش من عند الكمام من فوق وكعب ابيض ورفعت شعرها ديل حصان لفوق ومسحت دموعها وحطت ميكب خفيف ولبست اكسسوري سيمبل ونزلت 

نادية: اووووه دة انتي مبسوطة بقا ومجهزة كل حاجة 

ندي بضحكة بهتانة: اكيد 

علي بضحك: دة حب سري دة

ندي في سرها: اه لو تعرفوا اللي جوايا وتعرفوا هددني ازاي عشان اتجوزه...الباب خبط وهنادي فتحت الباب ودخل رامي 

رامي دخل وقبّل ايد علي وسلّم علي نادية ونظر لـندي نظرة انتصار وراح قعد جمبها

ندي في سرها: باااارد وعامل فيها ابن ناس ولو يعرفوا بيعمل ايه من وراهم 

رامي: بص يا عني هدخل في الموضوع علي طول انا طالب ايد الآنسة ندي الفيلا جاهزة وكل حاجة جاهزة فاضل موافقة حضرتك بس 

علي: وانا لو لفيت الدنيا مش هلاقي غيرك اللي يصون بنتي...ندي كان هتموت وتصوت وتقول مش موافقة وتقولهم علي اللي عمله بس احتارت السكوت لانها عارفة شر رامي 

رامي: يعني نقرأ الفاتحة 

علي: طبعا نقرأ الفاتحة 

ندي بهمس في ودان رامي: ويا تري حافظ الفاتحة ولا لا 

رامي: ايه السؤال الغريب دة اكيد حافظها

ندي: اصل اللي زيك ميعرفوش ولا الفاتحة ولا ربنا 

رامي: ندي متختبريش صبري

علي: احم احم ينفع نقرأ الفاتحة 

نادية: سيبهم يا علي كنا بنعمل كدا فاكر

ندي: يلا بسم الله الرحمن الرحيم......وبدأوا يقرأوا الفاتحة 

رامي وهي بينظر لـندي: والفرح بعد اربع ايام

ندي بصدمة: اربع ايااام

علي: يا رامي مش شايف أن كدا بدري اوي

رامي: ولا بدري ولا حاجة احنا بقالنا تلت سنين بنشتغل مع بعض وبنحب بعض اظن مش محتاجين وقت كمان عشان نتعرف على بعض 

نادية: بس بردوا بدري طيب خليها اسبوع او شهر حتي هنلحق نجهز تجهيزات الفرح امتي 

رامي: كل حاجة جاهزة وإذا كان علي الفرح مش هنعمله في قاعة لأن عارف ان ندوش مش بتحب الدوشة.....ندي الكلمة غاظتها وبصتله بغيظ وهو ابتسم ليها 

علي: ندي انتي موافقة علي أن الفرح يبقي كمان اربع ايام 

ندي وهي بتبص علي عيون رامي اللي بيقولها اه

ندي: طبعا موافقة

علي: خلاص واحنا كمان موافقين صح يا نادية 

نادية: طبعا موافقين خير البر عاجله

رامي: هو دة الكلام يبقي علي بركة الله الفرح كمان أربع أيام وقعدوا شوية وبعد كدا رامي سلم على نادية وعلي وندي ومش وندي طلعت علي اوضتها وعلي ونادية طلعوا علي اوضتهم

"في غرفة ندي"

ندي بصدمة: ايه دة مراد رن عليا 22 مرة اكيد مش بالغلط يا تري عايز ايه....التليفون رن 

ندي: اهدي يا ندي اتعاملي عادي وبحدة واحد اتنين تلاتة الوو

مراد: انا عايز اقابلك بكرا

ندي: تقابلني ليه وبصفتك ايه لوسمحت متكلـ........

مراد بمقاطعة: ششش مش عايز كلام كتير هتقابلني في******* الساعة 8 من غير ما رامي يعرف

ندي: انا قلت مش هقابل حد 

مراد: مش هعيد كلامي هتقابليني في***** الساعة 8 

ندي: انا قلت..........الخط قفل

ندي: وبتقفل في وشي الخط ماشي ايه دة بس هو عايزني ليه وايه اللي غيره كدا افرد رامي شافني اكيد مراقبني اعمل ايه 

ندي: بس بقا انا تعبت من التفكير نامي وبكرا ربنا يحلها من عنده....ونامت 

_________________ 

"في فيلا الجرحي"

ليل: بابا انا كنت عايز اقول لحضرتك حاجة 

سليم: عملت ايه صح لما رحت المستشفي 

ليل قاله كل حاجة حتي الخطة 

سليم بصدمة: كل دة حصل 

ليل: أيوة كل دة حصل الحل الوحيد أننا ننفذ الخطة دي 

سليم: افرد جات لمراد نوبة أو اي حاجة حصلت أو اتأخرنا أو العربية عطلت 

ليل: ياربي انتوا عيلة سلبية فكروا بإيجابية شوية أن شاء الله ربنا هيقف معانا طول ما احنا علي حق 

سليم: انا ماقلتش حاجة بس كل شئ ممكن

ليل: كل شئ ممكن بس مش معني كدا أننا نفكر علي طول أن في حاجة وحشة هتحصل

سليم: انا موافق بس مسألة جوازهم لازم أفكر فيها 

ليل: يابابا دي دكتورة مراد تفكر في ايه وانت شايف قد ايه مراد بيحبها وهي بتحبه وأنه اتحسن جامد معاها

سليم: بردوا مش عايز التسرع دي مسألة جواز 

ليل: دي معاگ حق فيها بالنسبة للخطة حضرتك موافق

سليم: موافق 

ليل: أيوة كدا وقام حضنه

_-_-_-_-_-_-_-_-_-_-_-

"في الصباح"

ندي صحيت خدت شاور ولبست هدومها ونزلت بسرعة 

نادية: رايحة فين يا ندي 

ندي بتوتر: اه اه هروح اجيب شوية حاجات نقصاني

نادية: هاجي معاكي اكيد مش هتروحي لوحدك

ندي: لا لا متتعبيش نفسك انا اصلا مش هتأخر 

نادية: ازاي بس في عروسة تروح تعمل مشاوير

ندي: فيها ايه يعني وبعدين دة مش مشاوير دة مشوار صغير هروحه ومش هتأخر

نادية: ماشي بس متتأخريش....وراحت ركبت العربية واتجهت إلى المكان اللي مراد قال عليه 

_-_-_-_-_-_-_-_-_-_-_-

"في فيلا الجرحي"

مراد صحي وخد شاور ولبس تيشرت اسود وبنطلون اسودوكوتشي ابيض وسرح شعره ونزل وراح مع الحراسة

_-_-_-_-_-_-_-_-_-_-_-

"في المكان اللي اتفقوا أنه يروحوا فيه"

ندي ومراد وصلوا 

ندي حاولت تظهر ملامح حدة بس عيونه الخضراء كانت بتسحرها وكانت بتظهر ابتسامة سريعة بس بتحاول أنها تخفيها

ندي: ممكن اعرف انت جايبني هنا ليه؟!

مراد: ندي بطلي الحركات دي لاني عرفت الموضوع 

ندي بتوتر: اه مو موضوع ايه 

مراد سمعها التسجيل وقالها: ممكن اعرف ايه دة ليه عملتي كدا

 

ندي: ................

مراد بزعيق: نددددددددي انا بكلمك ردي عليا

ندي بدموع: كفاااية بقاا كلكوا بتضغطوا عليا من جهة رامي ومن جهة تانية انت 

مراد: ندي حبيبتي صدقيني لو قلتيلي ايه اللي حصل هساعدك ومستحيل اخليكي تتجوزي رامي انتي ليا انا وبس 

ندي بتوتر: مافيش انا همشي......

مراد: ندي مافيش مرواح قوليلي ايه اللي حصل ندي ثقي فيا انا مستحيل اخليكي تتجوزي رامي قولي ليه عملتي كدا ندي في خطة هنعملوها أن شاء الله تنجح لو نجحت هتجوزك وهنـ"ـسجن رامي

ندي بدموع: رامي هددني أني لو متجوزتهوش هيوقع أسهم كل شركات الجرحي وكمان هيشتري المستشفي بتاعتنا بالغصب وهيقـ"ـتلك أو يقـ"ـتل حد عزيز علينا وفي الاخر هيتجوزني كدا كدا هيتجوزني يبقي اخاطر بحياتكوا ليه 

مراد كلامها وجعه وحس بالدنب لما فكر أنها مش عايزة تتجوزه 

مراد بحنية: وانتي كنتي مفكرا اني هسيبه يعمل كدا 

ندي بعياط: مراد انت متعرفش شر رامي 

مراد: مهما إن كان مين محدش يقدر يبعدك عني 

ندي: بس أنا خايفة عليگ وعلي عيلتي وعيلتك مش عايزة اخاطر بيكوا مقدرش اشوفك في يوم.........وفضلت تعيط 

مراد وهو بيمسح دموعها: حبيبتي انتي ليا انا وبس 

ندي بسرعة: ايه هي الخطة 

مراد بفرحة: انتي موافقة انك تعملي الخطة 

ندي: أيوة لو في امل 1% اني متجوزش رامي هغامر انا موافقة 

مراد قالها يبقي تعملي اللي هقولك عليه......................

_-_-_-_-_-_-_-_-_-_-_-_-_

ليل وهو راكب العربية ومتجه الي الشركة بس كان بيفكر في مراد ويا تري هيعمل ايه وفجأه خبط في عربية قدامه 

ليل بصدمة: 

لقراءة باقي فصول الرواية اضغط هنا 👉

تعديل المقال