رواية احببتها في ابتلائي الفصل الحادي عشر 11 بقلم هنا مصطفى
رواية : [ أحببتُها في ابتلائي ] 🌸🕊.
{Chapter 11} .
في شركة الشافعي
المجهول : وحياة مامي . انتى هتستهبلي يا سيرو ولا ايه . أممم بصي بقى انا عاوز الورق دا بأي شكل حتى لو كان تمنها د.م
سيرين اتوترت : انا مش عارفه اعمل حاجه . الشركه مرشقه كاميرات و بعدين عمر عامل نظام حمايه شديد هو و قاسم اخوه
المجهول : هو مش قاسم مسافر أمريكا من زمان ..
سيرين : ايواا . بس هما الاتنين عاملين نظام الحمايه دا بما ان قاسم مهندس برمجيات . و عمر متخرج من هندسة قسم تكنولوجيا المعلومات و دارس business يعني طبيعي الشركة تبقي متئمنه كويس اوي .
المجهول : قولتي معلومه جديده يعني منا عارف . سيرين انجزي عشان صبري بينفذ مش هفضل ف التمثيليه دي كتير
سيرين : حاضر .
______________
ف قصر الشافعي
عمر : ايه يا ماما في أية؟؟
كارم : مالك يا فريدة ؟؟
فريدة ب غضب مزيف : مش لاقيه الطقم الألماس بتاعي . اتسرق يا كارم ..
كارم باستهزاء لانه فاهمها : امم اتسرق ازاي يا فريدة هانم . افهم بس و اصلا ماحدش بيدخل اوضتنا ....
فريدة اتوترت:اه .. اه وانت ايش ضمنك ان ماحدش دخل واحنا مش واخدين بالنا .. و بعدين اصلا كل اللي هنا ف القصر إحنا واثقين فيهم معادا .....
و بصت ل فيروز ب كره : معادا فيروز هي اللي لسه
جايه جديد وانا واثقه انها اللي سرقته
عمر افتكر اتفاقهم و قال ب لؤم : اي الكلام دا يا ماما مستحيل فيروز تعمل كدا .. أنا واثق ف ادبها و تربيتها .. ازاي تتهميها بالسرقة !!
كلام عمر شجع فيروز اكتر :
فيروز بصتلها بقوة : مدام فريدة . أولا انا ماسمحش لأي حد انه يتهمني بحاجه زي كدا .. تاني حاجه .. أنا اساسا عيني مليانه ما بصش لحاجه حد .
و كلمتها ب أستهزاء واضح : ثم على اى أساس حضرتك اتهمتيني بشئ زي كدا يعني ، بالعقل البشري انا ماليش علاقه بالجزء اللي في اوضتك ازاي هاعمل كدا . ولو عاوزين تتأكدوا انا ماعنديش اي مانع اطلعوا و فتشوا اوضتي .
انبهر عمر هو و كارم بسبب الثقه اللي كانت ف عين فيروز و نبرتها القويه و دا خلا الخوف يدب ف قلب فريدة .
فريدة : تمام اما نشوف .
طلعو و فتشوا كل ركن لحد ما مسكو شنطه فيروز و فتحوها و ساعتها فريدة اترسمت على وشها ابتسامه النصر بس اتصدمت لما كارم قال : مافيش حاجه .. فيروز عمرها ماتاخد حاجه مش بتاعتها انا واثق فيها .
فريدة : ازاي اومال راح فين !
فيرو ابتسمت ابتسامه صفرا : ماتيجوا ندور تاني كدا ف اوضه مدام فريدة يمكن ماخدتش بالها منه .
عمر خفى ابتسامه الإعجاب اللي كانت هتظهر بسبب ذكائها و خبثها : اه يلا
بس وهما خارجين من اوضه فيروز .. فيروز مسكت دراع فريدة ووقفتها و قالت ب همس و ثقه : مش عيب عليكي يا مدام فريدة شغل العيال دا .. انتى فاكره حاجه زي كدا هتدخل دماغي .. و ابتسمت باستهزاء: عمرها ماتحصل انتي لسه ماتعرفنيش !!
و سابت ايدها و مشيت و راحوا دوروا ف اوضه فريدة
عمر و هو ماسك الطقم ف ايدة و بص ل مامته ب نظره خبث : ما اهو يا ماما
فريدة : ما آه انا تلاقيني ماشوفتوش بقى
كارم : اعتذري ل فيروز يا فريدة
فريدة بعجرفه : نعم ! انا اعتزر ل دي .. هأ انت بتحلم صح !!
كارم بصوت جهوري : يلا يا فريدة عشان انا ليا تصرف تاني معاكي !!!
فريدة : أنا .. أنا اسفه
فيروز : تمام يا مدام فريدة . عن اذنكم
نزلت راحت اوضتها وافتكرت اللي حصل
• Flash back
من خمس ساعات
فيروز كانت راحه اوضتها بس سمعت صوت جوا الاوضه و كان صوت صبا و هي بتكلم فريدة في الفون و قالت : خلاص يا فريدة الطقم ف شنطتها اهمدي بقا . مش قولتلك همشيها من هِنا ب فضيحه ماصدقتنيش .
نزلت فيروز بسرعه و بعديها خرجت صبا من الاوضه
دخلت فيروز الاوضه و فتحت شنطتها و طلعت الطقم منها بصتله ب شرود وفاقت و قامت حطته ف جيبها و اتاكدت ان ماحدش ف اوضه فريدة و دخلت حطته عند الاكسسوارات و خرجت
• Back
فيروز ف سِرها : شكلنا بدأنا اللعب بدري اوي
فريدة قعدت مع صبا وهي بتندب حظها : لا لا البت دي طلعت مش سهله ابداً ..
صبا : ماتوقعتش بصراحه تعرف بس و مالو نحضر حاجه جديدة ..
...........
في اوضه عمر
عمر : اي يا قاسم عامل ايه
قاسم : تمام يا عمر
عمر : بقولك ايه انا انهاردة كنت قاعد شغال على ال file الجديد اللي اتبعت بتاع الصفقه بس لقيت حد بيحاول يعمل hacking علي system الشركة بس ماعرفش
قاسم : سيبلي انا الموضوع دا يا برنس . هشوفه
عمر : تمام بس ابقى قولي مين
قاسم : تمام .
• تعالوا نتعرف على قاسم
قاسم الشافعى عنده ٢٧ سنه متخرج من هندسة قسم برمجيات مسافر أمريكا من ساعت اما كان بيدرس هو و عمر و فارس ف الجامعه . و ماسك اجزاء فرعيه من شركه عمر
• Back
عند علا ف المستشفي
مريم : روزا عامله اي
فيروز : تمام يا مريوم و انتي ؟
مريم : زي الفل .. و مامتك حالتها بتتحسن
في الوقت دا خرجت ثريا من عند علا و قالت بفرحه : علا فاقت ..
فيروز : أحمدك يارب الحمدالله .. الحمدالله
مريم : حمدالله علي سلامتها .. ربنا مايورناش اي حاجه وحشه فيكو يارب
فيروز : حبيبتي يا مريومه .. أنا لازم اجي
مريم : ازاي يعني و ...
فيروز ب عند : لازم يا مريم لازم اشوف امي و اللي يحصل يحصل ..
قفلت فيروز مع مريم
فيروز بعد ما قفلت مع مريم لقت تليفونها بيرن و كان دكتور معتز
معتز : اي يا دكتور نسيتينا و لا اي
فيروز ضحكت : ابدا والله ماقدرش ازي حضرتك
معتز : بخير .. اخبار علاج عمر ايه
فيروز تمام الحمدالله قربنا نخلص و في تحسن
معتز : الحمدالله . حبيت اتطمن عليكي
فيروز : تسلم يا دكتور على سؤالك
و قفلت معاه و بعد ماقفلت مكملتش ثانيه لقت رقم مجهول بيكلمها و بيقول : ......
يا ترا مين المجهول دا و عاوز يقول ل فيروز اي
لمتابعه باقي فصول الرواية اضغط هنا 👇
