روايه حوريتي الجميله الفصل الحادي عشر والاخير 11
بقلم نور محمد
11والأخير
حسن بص عليه بضيق بس هز رأسه بهدووء وفارس قرب من الصندوق وفتحه وفجأه انصدم وقال
: ايه ده فين ليلى؟!
قرب منه حسن بشر وقال
: ليلى هربت مني للاسف قبل مااخلص عليها بس انت مستحيل تقدر تهرب مني دلوقتي
فارس بلع ريقه بخوف من حسن وفجأه حسن هجم عليه بقوه وبقى بيضربه بعنف وفارس محولش يرفع ايده عليه ابدا بس كان بيدافع عن نفسه بس قدامه
وعند حور وفقت بقلق وقربت من باب الغرفه بتردد وقالت
:لا انا لازم اطلع اطمن عليهم قلبي قلقان اوي
وفعلا حور خرجت من الغرفه ونزلت تحت بهدووء وفجأه انصدمت من شكلهم قدامها فصرخت برعب
:لاااا ياحسن سيبه ارجوك كفايه انت بتعمل ايه
رفع حسن نظره لها بصدمه وقال
:حور انتي كويسه ياحبيبتي الحيوان ده عمل ليكي حاجه؟!
قربت منه حور بسرعه وخوف وقالت
:انا كويسه اوي اوي ياحسن بس سيبه انت متعرفش مين ده
حسن بص لدموع في عنيها وبعد عنه وقرب لحور اخدها في حضنه بقلق وقال
:خلاص اهدي المهم انك كويسه ياقلبي دلوقتي
حور نزلت دموعها وهي بتبص على فارس في الارض بقلق وخوف بعد مابقى شكله متبهدل اوي قدامها وبينزف كمان فبعدت عن حسن وقالت
:حسن انت ليه ضربته كده حرام عليك انت متعرفش مين ده؟
حسن بص عليها بستغراب من خوفها عليه وقال بضيق
:ويطلع مين ده بقى ياحور
حور بلعت ريقها من نبره حسن الحاده وقالت
:تعال معايا وهتعرف ده مين بنفسك
حسن قلق اوي من كلامها وبص على فارس وهو مرمي على الارض قدامه وقرب منه بخوف ورفع القناع بتاعه بهدووء ونصدم
:فارس؟!!
جرت عليه حور بسرعه وقالت
:ايوه فارس صديقك القديم ياحسن وهو قالى كل حاجه حصلت معاكم زمان وصدقني فارس مظلوم اسمعه مره بس علشان خاطري
حسن سمعها وتذكر حصل معاه ايه زمان فوقف بضيق وقال
:ياله ياحور احنا لازم نمشي فورا من هنا
حور كانت هترد عليه بس حسن مسك ايدها بقوه وقال
:مش عاوز اسمع منك كلمه كمان في البيت نتكلم سوى
وجرها خلفه بس وقف فجأه على صوت فارس بعد ما فاق بتعب
:حسن استني ارجوك اسمعني الاول المره دي بس وحيات صداقه عمرنا مع بعض اسمعني
حسن وفق مكانه وقلبه دق بحنين لصديق عمره وبص عليه بضيق وقال
:مش عاوز اسمع منك حاجه تاني يافارس كفايه اللي شوفته بعيني منك انت خونتني خيانه كبيره اوي عمري مااتخيلها تطلع منك انت باذات
فارس سمعه ودموعه ملت عنيه وقال بتعب كبير وقال
:والله ماخونتك ياحسن انت كونت اقرب شخص ليا من الطفوله وكونت مستعد اضحي بنفسي علشانك ولحد الأن انا كمان مستعد اعمل كده علشانك والله انا مظلوم وهي السبب دخلت زي المرض وفرقت بينا اسمعني بس المره دي و
قبل مافارس يكمل جملته دخلت ليلى ومعاها سلمي وهي مصوبه عليها المسدس بخبث وقالت
:برافو ونعم الصداقه الجميله ياشباب انا فعلا تأثرت من مشاعركم دي لبعض بجد
حسن وحور وحتي فارس بصوا عليها بصدمه كبيره وحسن قال
:ليلى سيبي امي فورا انت حسابك معايا انا ابعدي عنها
ضحكت ليلى بصوت عالي رن في المكان كله وقالت
:انت عندك حق انا حسابي معاك انت الاول وبعدها مع صديقك ده اللي فضلك انت عليا
حسن سمعها بصدمه وقال
:يعني فارس كان عنده حق وكله طلع بسببك انتي ياخاينه
ابتسمت ليلى باستفزاز قدامه وقالت بخبث
:ايوه عنده حق انا عمري ماحبيتك ابدا ياحسن كل قلبي كان مع فارس من الاول بس لما يأست منه قولت اقرب منك انت الاول علشان اوصله في الاخر بأي طريقه بس هو طلع وفي ليك وبرضو رفضني بكل بجاحه
حسن كان قلبه هيقف من الحزن على فارس صديقه لانه الوقت ده كله كان ظالمه علشان الحيوانه دي وفارس الدم غلى في عروقه منها وقال
:شوفوا مين بتتكلم عن البجاحه ده انتي اكتر بنت و*سخه في الدنيا كلها حاولتي معايا ولما رفضتك قربتي من حسن صاحبي علشان يبقى كوبري ليكي يابت الـ*** انتي حتي خساره فيكي الشتيمه والله
ليلى سمعته بغضب رهيب وهو بيغلط فيها فدفعه سلمي بعنف بعيد عنها وتقدمت من حسن وقالت بشر
:تمام يافارس انا هندمك على كلامك ده قدامي وهحرق قلبك على صديق عمرك كمان
خلصت كلامها ووجهت المسدس على رأس حسن بغضب اعمى وفجأه خرج الرصاصه وصابت
بصدمه:فااااااارس
جرى حسن بسرعه عليه بعد ما فارس دفعه بسرعه من قدام ليلى واخد الرصاصه مكانه وقال
: لا ارجوك يافارس متعملش فيا كده لا متسبنيش دلوقتي بعد ماندمت اني مسمعتكش زمان انا اسف قوم معايا والله انا ندمت اوي
فارس فتح عنيه بألم وقال
: اهدي ياحسن انا كويس مش هسيبك تاني اوعدك خلاص كفايه بعد بقى لغايه كده
نزلت دموع حسن عليه وحضنه بقوه وخوف وقال
: انا هاخدك لمستشفي فورا وهتبقى كويس خليك معايا بس
حسن شاله بسرعه وحور بصت عليهم بدموع وليلى تسمرت مكانها بصدمه وعدم تصديق وهي بقول بجنون
: لا لا انا كونت عاوزه اقتل حسن مش فارس حبيبي لا مستحيل
وقع المسدس من ايدها وسلمي جرت عليها بشر وقالت
: تعالي معايا يابت الـ *** انتي حسابك بقى كبير اوي وديني لاسلمك لشرطه بأيدي المره. دي
ليلي كانت مصوبه نظرها كله على فارس قدامها ومش مركزه معاها اصلا
وعند حسن وفارس وصل للمستشفي بسرعه البرق وهدومه بقت دم من فارس صاحبه ودخل زي المجنون وهو بينادي
: عاوز دكتور فورا ارجوكم بسرعه فارس هيموت مني
جرو عليه بسرعه واخدوا منه فارس للعمليات وبعد وقت كان حسن هيموت من الخوف على فارس وجنبه حور بتواسيه بدموع
: اهدي وان شاء الله هيبقى بخير ادعي ليه بس
حسن بص عليها وعنيه غرقانه دموع وقال
: حور انا هموت لو فارس جراله حاجه انتي متعرفيش انه اكتر من اخويا عندي انا عمري كله كان معاه هو بس
انهار حسن في حضنها وحور فضلت تطبطب عليه بحنيه
وبعد ثلاث ساعات خرج الدكتور بتعب فجري عليه حسن برعب وقال
: طمني فارس بقى كويس مش كده
: ايوه بقى كويس الحمد لله الطلقه اجت في كتفه وطلعناها بسلام
حسن سمعه وبقى يحمد ربنا كتير بفرحه وقال
: الحمد لله يارب رجعته ليا تاني سالم الحمد لله
وبعد وقت قليل طلع فارس لغرفه عاديه وحسن قعد جنبه بقلق وفجأه دخلت سلمي امه وقالت
: ها طمني فارس بقى كويس
حسن هز رأسه بفرحه وهو بيبص على ملامح فارس وقال
: ايوه بقى تمام الحمد لله ياأمي
وبص عليها بتعجب وكمل
: بس انتي كونتي فين الوقت ده كله ياماما
ردت عليه سلمي بشماته وقالت
: اخدت الكلبه ليلى على القسم وسلمتها بنفسي كمان وتقبض عليها الحمد لله
ابتسم حسن براحه وبص على فارس تاني وقال
: طيب الحمد لله خلصنا منها
: ايوه خلصنا منها اخيرا انا هطلع اشوف حور اتأخرت بره ليه وهاجي اشوفك تاني تمام
: تمام ياأمي
خرجت سلمي وحسن مركز نظره مع فارس وفجأن فتح فارس عنيه بتعب وقال
: انا بقيت فين انا دخلت الجنه صح
حسن سمع صوته بسعاده كبيره وقال
: لا لسه ياحبيب اخوك اشبع منك الاول وبعدها روح الجنه براحتك
ضحك فارس عليه بألم وقال
: ده يوم الهنا انا من زمان على نار علشان اللحظه دي بس
قرب منه حسن باشتياق وحضنه بقوه وقال
: وحشتني اوي اوي يافارس والله
رد عليه فارس بألم وقال
: وانت كمان ياحسن بس حاسب الجرح جديد لسه ياجدع حرام عليك
ضحك حسن وبعد عنه بسرعه وقال
: قاتل اللحظات الرومانسيه انت يافارس
ضحك فارس معاها وقال بسخريه
: الحظات الرومانسيه دي مع مراتك حور ياحبيبي مش معايا انا اه انا راجل اوي
ضحك حسن بصوت عالي عليه وقال
: والله وحشتني اوي ياض يافارس ووحشني هزارك كمان
فارس بص عليه بطفوله وقال
: يعني دلوقتي بقينا صافي بالبن
قرب منه حسن تاني وحضنه بس برفق وقال
: حليب ياقشطه ياقلب اخوك
وبعد مرور سنه كانت الاوضاع مستقره في بيت حسن وكمان فارس اتعرف على بنت جميله اوي وحبوا بعض اوي وجه يوم الخطوبه بتاعته
حسن بص على حور بقلق وقال
: انتي كويسه ياحوري البيبي تاعبك لسه
ابتسمت حور بتعب وقالت
: لا انا كويسه بس حاسه بدوخه شويه بس
: طيب تعالي نرجع البيت ترتاحي ياحبيبتي
: لا مينفعش تسيب فارس لوحده النهاردا ده يوم مهم اوي ليه
: عندك حق طيب انا هقول استعجله بس بسرعه
وفعلا حسن راح لفارس وقاله
: فارس اخلص حور تعبانه من الحمل ولازم ترتاح
وقف فارس بسرعه وقال
: تحب اخلص الخطوبه دلوقتي حالا مش مهم احنا لبسنا الدبل خلاص
صربته خطيبته في ايده بغيظ وقالت
: لم نفسك يافارس لسه الحفله في اولها
بص عليها فارس بأسف وقال
: معلش ياقلبي بس انتي عارفه ان حمل حور صعب اوي الفتره دي صح
هز رأسها بأسف وقالت
: عندك حق انا اسفه خلاص مش مهم باقي الحفله انا المهم عندي اني بقيت خطبيتك بس يافارس
فارس قلبه دق بفرحه من كلامها وقال
: قلب فارس انا بموت فيكي
: وانا كمان بحبك
حسن بص عليهم بفرحه وقال
: تمام انا همشي ربنا يهنيكم ببعض
ورجع تاني عند حور وقعد جنبها بحب وقال
: حوري هنسمى البيبي ايه
: لو اجه ولد نسميه فارس على اسم صاحبك ولو بنت
قاطعها حسن بسرعه وقال
: هسميها حور طبعا لاني بعشق الاسم ده ويبقى معايا حورتين في البيت مش وحده بس
ابتسمت حور بفرحه وقال
: انا بحبك اوي ياحسن
بادلها حسن الابتسامه بحب وقال
: وانا بعشقك بجنون ياحوريتي الجميله
لمتابعه باقي فصول الرواية اضغط هنا 👇
النهايه....
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)