روايه قطتي الشقية الفصل الثالث عشر 13 بقلم همس كاتبه
بارت 13
قطتي الشقية
دنيا بدموع : مروان الي متقدملي
رزان بضحك و صدمة : ههههه .. ده بجد ؟؟؟
دنيا : رزان ما تتريقيش بجد انا مصدومة
رزان : مش ده حبيب القلب بتاعك ؟ يلا اهو اتقدم .. وافقي بقا و ما تقرفيناش
دنيا بدموع : ايوة بحبه .. بس مش هنسى انه كسرلي قلبي و جرحني زمان …. لما شوفته في خطوبة ايمان تعاملت معاه عادي .. بس غريب اوي انه متقدملي دلوقتي بعد كل الي حصل
رزان بتفكير : تصدقي عندك حق .. مش ده الي كان بيقول عليكي طفلة صغننة و مسح بكرامتك الارض لما اعترفتيله بحبك فعلا ازاي دلوقتي اتقدملك .. غريب اوي
دنيا بغيظ : رزاااااان اخرسي
رزان بضحك : يا بنتي منتي المهزقة … في بنت عندها 12 سنة تروح تقول لراجل اكبر منها بعشر سنين بحبك و فوق كل ده انتي الي اتقدمتيله … ده كان شايفك بيبي و ما خرجتيش من البيضة … و بعدين انتي كنتي غبية و حاولتي تبوظي علاقته في بنت خالته و عملتي عمايل سودا كل ده عشان بتغيري عليه .. مهو طبيعي يهزقك و يمسح في كرامتك البلاط .. دي حركات طفلة دي ؟
دنيا بضحك : رزان اخرسي ما تفكرينيش بالايام دي انا نفسي افقد الذاكرة و انساها
رزان بخبث : بس انتي لسا بتحبيه يا دودو .. و الدليل انك من وقتها لليوم ده ما ارتبطتيش و لا بحد مع انه كتير اوي كانو هيموتو على كلمة منك .. ها ؟ هتوافقي عليه و لا ايه
دنيا ابتلعت ريقها وقالت : مش عارفة .. مروان تغير اوي عن زمان و على فكرة في خطوبة ايمان كان بيعاكسني بالكلام بس بطريقة محترمة .. يعني يمكن دلوقتي بقا يشوفني بطريقة تانية يعني مش طفلة
رزان : طب بقولك ايه … ايه رايك تسيبيه يتقدم .. و بعدها ترفضيه .. كدة تبقي انتقمتي منه
دنيا بشهقة : لا يا بت انا بحبه
رزان بسخرية : و كرامتك ؟ و فرق السن ؟
دنيا : اقولك انا هوافق و هتجوزه و هنتقم منه بعد الجواز .. انا هوريه .. و فرق السن كله عشر سنين مش حوار يعني .. بس بعد ما اتجوزه هربيه
رزان بضحك : لا مفيش داعي .. قولي انك مهزقة و خلاص
دنيا : ايوة يا ستي انا مهزقة و بحبه .. انتي مالك .. غوري من وشي يلا
رزان بضحك : و اهون عليكي برضو يا دنيتي
دنيا : رزان اخرسي
و رمت عليها المخدة
دنيا بشك : بقولك ايه .. انتي حواراتك مع فراس كترت .. و في كلام عليكي … قال اتصاحبتو ؟
رزان بصدمة : ايه الهبل ده .. لا طبعا ده ابن عمي و زي اخويا .. و احنا اصدقاء مش اكتر
دنيا بخبث : بس واضح ان فراس مش بيفكر كدة … و انتي شكلك مايلاله و بتخبي عن صاحبة عمرك
رزان بصدمة : تعالي هنا .. مين الي قالك الكلام الاهبل ده .. انطقي بدل ما اوريكي
دنيا بتوتر : سسس..سليم … و قال لماما كمان
رزان بجنون : انا هعلمه الادب .. انسان زبالة و معفن
دنيا : هروح انام انا .. عشان بشرتي تفضل كويسة .. عارفة عروسة و كدة .. لازم ابقى قمر
رزان : نامي و الا هحدفك بالطوب مش بالمخدات
دنيا بضحك : خلاص خلاص ماشي
***********************
في اليوم التالي
اسد : حبيبتي النهاردة حضري الشنط عشان هنروح نقعد في بيت ابويا فترة
مليكة : حاضر يحبيبي كمان شوية هوضبهم … انا هنزل احضر الفطار دلوقتي
امسكها اسد من معصمها و اخذها بحضنه
اسد : تعالي هنا
مليكة بضحك : في ايه ؟
اسد : حضرتك ناسية حاجة مهمة يا هانم
مليكة : اممم .. ايه هية ؟
اسد بخبث : دي
و خطف من شفاتها قبلة طويلة
بعد شوية
مليكة ضربته على صدره و قالت بخجل : سافل
اسد بضحك : منا عارف .. بقولك ايه ما تبجي نخرج الليلة نتعشى برة
مليكة : امممم .. هفكر
اسد بضحك : معناها هنتعشى برة
مليكة بضحكة : حاضر يحبيبي .. بس ايه رايك نتغدا مع جدو .. انا حاسة انه هيضايق عشان الكل هيروح … فبقول يعني لو فضلنا للغدا هنا يكون احسن
اسد بحب : ماشي يا حببتي .. شوفي ماما كمان لو حابة تفضل
مليكة : ماشي .. هروح احضر الفطار معاهم
و نزلت المطبخ
مليكة : صباح الخير
نهال : صباح النور يحببتي .. بقولك ايه يا مليكة
مليكة : ايوة يماما
نهال : رزان كلمتك بحاجة كدة ولا كدة ؟
مليكة باستغراب : مش فاهمة تقصدي ايه بالزبط
نهال : يعني ما قالتلكيش مثلا انها بتحب حد كدة ولا كدة ؟ او معجبة ع الاقل
مليكة بصدمة : اييه .. لا يماما .. لو في حاجة كان قالت لدنيا … و ما اتوقعش رزان عايزة ترتبط بالوقت ده
نهال : اختك مخبية حاجة عني … شكلها هي و فراس بينهم حاجة .. امبارح شوفتها بتتكلم معاه … و كل الي في البيت شاكين فيهم
مليكة بصدمة : فرااااس .. استحالة اصدق .. مش ستايل رزان ابدا
نهال : مش عارفة .. حاولي تفهمي من رزان .. انا مش عايزاها تفكر بالحاجات دي دلوقتي.. مش كفاية انتي و ايمان هتسيبوني
مليكة : ما تقلقيش يماما .. اكيد رزان عارفة هي بتعمل ايه
دلف خالد
خالد : ايه مش ناوين تأكلونا ع الصبح ولا ايه
مليكة بضحك : روح لحبيبة القلب خليها تطفحك ... احنا مالنا
خالد بسخرية : ييييي …انتي مالك بيها ..غيرانة من حببتي لييه
مليكة بضحك : على حظها المهبب .. دي ربنا بلاها بثور
خالد بضحك : يا بت احترمي اني عمك يا بت .. ولا هو الجواز بيبوظ كدة
مليكة : اتنيل
نهال بضحك : طب خود ودي الشاي و ما ترجعش هنا خالص
خالد : هفف امري لله
********************
على مائدة الفطار
ابراهيم : و انت كمان هتروح يا هشام
هشام : اه و الله يابا … البيت وحشني اوي
ابراهيم بهدوء : ماشي
زينب : بس احنا هنتغدا هنا يعمي و بعد العصر هنروح
ابراهيم بابتسامة : ان شاء الله يبنتي … فين غدير و رزان يا بنات
دنيا : رزان لسا نايمة … بس غدير صاحية
مليكة : طيب انا هطلع اندهلهم عشان يفطرو
رضوى بتوتر : بابا انا عايزة اشتغل
نظرت ايمان لرضوى بصدمة
ابراهيم باستغراب : و بعدين معاكي يا رضوى .. مرة عايزة تقعدي بالبيت و مش طايقة الشغل و مرة عايزة تشتغلي .. هو ايه الي بيحصل معاكي بالضبط
رضوى : مفيش بس انا زهقت من البيت .. و حابة اشتغل في الشركة
هشام : غريبة اوي مع انك دايما بتحبي المشاريع الخاصة … دنا كنت اتحايل عليكي عشان تشتغلي معايا
رضوى : مهو قبل كدة انا كنت بشتغل في شغلي الخاص بس دلوقتي عادي المهم اشتغل و اخرج
هشام : طب على كدة تعالي اشتغلي بالشركة عندي .. مع اسد لو بابا معندهوش مانع
ابراهيم : لا طبعا يا ابني معنديش مانع .. الي انتي عايزاه يا بنتي اعمليه .. المهم تكوني مبسوطة
رضوى بابتسامة : شكرا يا احلى بابا
هشام : من بكرا عايز الاقيكي بالشركة و اسد هيفهمك الشغل كويس
رضوى بسعادة : ميرسي جدا .. اسد ابقى فضيلي نفسك
اسد بابتسامة : ولا يهمك .. ده احنا الي كسبانين يا عمتو
رضوى بخبث : ايه عمتو دي ؟؟ كل الي بينا سنتين …. و بعدين مهي المزة واخدة كل وقتك .. من يوما اتجوزت مشوفناش وشك
اسد بضحك : اتلمي يا رضوى
مهران بضيق : ابقى خد بالك من مليكة و مذاكرتها و ما تشغلش بالها بحجات تانية
اسد : ما تقلقش عليها .. انا عارف مصلحتها كويس
سليم يخبث : طب ايه مش هتفرحونا بعيالكم بقا
اسد : مش لما نبقا نعمل فرح الاول يا اهبل انت
مهران بصدمة : حتى لو بعد الفرح البنت لسا صغيرة ع الخلفة
سليم بتلقائية : ما تمنعها تنام عنده من مرة
هشام : موضوع الخلفة محدش يقدر يتدخل بيه دي حياتهم الخاصة و هم حرين … و انت يا سليم اتلم
صباح : طالما مستعجل اوي ع الخلفة يا سليم ما تتجوز انت و تورينا عيالك .. ولا هو كتر كلام و خلاص
سليم بتمثيل صدمة : جرا يا جدتي .. مكنتش متوقعها منك .. سهمك وصل يا صبوحة
***********
مليكة : رزان قومي بقا .. رزان انزلي افطري … يا رزان هيروحو اسكندرية … قوميييييي
دفعت الغطاء و قالت بصراخ : فييي اييه هو محدش يقدر ينام كويس في البيت ده
مليكة بضحك : قومي يا بت
رزان بتثاؤب : اخيرا هرجع اسكندرية و انام براحتي
مليكة بخبث : عارفة ماما قالتلي ايه ع الصبح
رزان : ايه
مليكة : شاكة فيكي يختي .. قال في حاجة بينك و بين فراس
رزان بصدمة : نعم يختي .. هي حصلت .. انا هربيه الكلب سليم …. هو الي طلع عليا الكلام ده
مليكة : طب انزلي .. الحقي اضربيه قبل ما تروحي
رزان بانتباه : غدير قاعدة ع البلكونة
مليكة : اه و مش عايزة تفطر
رزان بهدوء : ملوكة حبيتي .. حاولي اتكلمي معاها .. و اتقربي منها الفترة دي .. انا هروح مع بابا و مش عارفة امته هنرجع هنا تاني لهنا بس هي محتاجة حد جنبها
مليكة : طيب انتي انزلي افطري و انا هتكلم معاها بعدين
نزلت رزان تزامنا مع صعود سليم
سليم بابتسامة صفرا : اخيرا البيت هينور
رزان قربت منه وقالت بخبث : اممم هينور
سليم بخبث : ايه جو التحر..ش ده يا رزتي
رزان بضحكة خبيثة : هو انت لسا شوفت حاجة
و خبطته بوكس قوي جداً في بطنه
وقع ع الارض و شعر بالالم الشديد
نزلت لمستواه و قال بخبث : لو سمعتك بتجيب سيرتي تاني .. اوعدك هتشوف مني وش هتتفاجىء بيه
سليم بوجع : و الله لاوريكي يا واطية … ايدك ثقيلة اوي
رزان بضحكة : اومال عاملي فيها دكر الوز و عمال تفشخر بنفسك ليه
و تركته و نزلت
مليكة بصدمة : مالك يا سليم قاعد ع الارض ليه ؟ انت كويس ؟
سليم بوجع : اه كويس .. انا مش فاهم اختك دي مش ناعمة زيك انتي و ايمان ليه
مليكة بضحك : اتلم يا سليم ما انت تستاهل كل الي جرالك… برضو عيب الي عملته ده
سليم : دي جزاتي عشان بوفق بين اتنين بالحلال
مليكة بضحك : حل وسطك يا بعيد .. ابعد كدة عن الطريق
******************
ذهب كل الى عمله و ودعت مليكة اسرتها و هم ايضا ذهبو للعودة للاسكندرية
زينب : مليكة حببتي .. اطلعي وضبي شنطتك و اقعدي ذاكري شوية .. انا هحضر الغدا
مليكة : و اسيبك لوحدك يا طنط و رضوى كمان خرجت
زينب : ما تقلقيش يا حببتي … جدتك معايا و هتساعدني …. روحي ذاكري و قولي لدنيا تسيب الموبايل و تذاكر هيا كمان
مليكة بابتسامة: حاضر يطنط
صعدت للاعلى و دلفت اوضة البنات
وجدت غدير قاعدة سرحانة
مليكة : غدير … ممكن نتكلم شوية
غدير بدموع : مش قادرة يا مليكة .. ارجوكي
مليكة بهدوء : غدير .. يمكن احنا مش قريبين من بعض اوي … بس ممكن تعتبريني اختك و تحكيلي الي بقلبك
غدير بدموع : عارفة يا مليكة .. عمري ما كنت اتوقع اني هتحط بموقفك بيوم من الايام … انا تحطيت بابشع موقف بعمري كله
مليكة بصدمة و خوف : في ايه قلقتيني
غدير بدموع : هحكيلك
كانت بتشرحلها كل حاجة حصلت بالتفصيل و تبكي بحرقة على هذه الذكرى السيئة بينما مليكة تنظر بصدمة و عدم استيعاب
مليكة بهدوء : غدير .. انتي غلطتي … ازاي تروحي شقته من غير حد معاكي … حتى لو قلقانة على اخوكي .. ايه ما بتحضريش افلام عربي …. المفروض تكوني حريصة على نفسك اكتر من كدة
غدير بدموع : منا عارفة .. مفكرتش بحاجة غير باخويا .. و لولا فراس مكانش ده حالي دلوقتي
مليكة بخبث : قصدك لولا سليم … مش هو برضو الي قال لفراس
غدير : قصدك ايه
مليكة : بصي لما يكون في حد بيحبك هيفضل يراقبك من بعيد … مش يمكن سولي بيحبك
غدير بوجع : لا اطمني مش بيحبني .. سليم عنده كل البنات لعبة و بالنسباله مفيش بنت محترمة
مليكة بصدمة : هو في ايه ؟؟
غدير بدموع : انا قولتله اني بحبه .. بس هو جرحني … و قبل كام يوم …
مليكة بشك : سكتي ليه .. عمل ايه قبل كام يوم
غدير بدموع غزيرة : باسني .. بس و الله انا ضربته … مش قادرة اقولك قد ايه حسسني اني رخيصة بنظره
مليكة بشهقة : والله ده بني ادم حقير .. انا هربيهولك و اعلمه الادب
غدير : ازاي
مليكة بخبث : هو غلط بحق رزان و هي ادبته .. دلوقتي هسلط عليه اسد … هخليه يعدلهولك و لو ما اتعدلش هقول لعمو هشام يلمه
دلفت دنيا و هي بتغني
مليكة : ايه مالك
دنيا بخجل : اصل انا قررت قرار مهم جدااا و مش قادرة اخبيه
غدير : ايه هو
دنيا : انا قررت .. اتجوزززز
مليكة بصدمة : نعم ! مين الاهبل الي امه داعية عليه
وكزتها دنيا و قالت : ده بيموووت فيا .. بيعشقني
غدير بغمزة : يبقى الحب ولع في الدرة
دنيا : يا بناااات ما تكسفونيييش بقا
مليكة : يا لهوتي دي بتتكسف
غدير باستغراب : اه صحيح .. رضوى فين
مليكة : راحت تشوف صحابها البنات .. بس بصراحة بقالها يومين مش على بعضها
دنيا : فعلا بقت تسرح كتير و على طول لوحدها
مليكة : مش عارفة بس دي خصوصياتها مش عايزة اتدخل
**********************
الدكتورة : تشربي حاجة يحببتي ؟
رضوى : لا
الدكتورة : ممكن اعرف اسمك الحلو ايه ؟ و سنك كام ؟
رضوى : اسمي رضوى ابراهيم …. عندي 26 سنة
الدكتورة بهدوء : ايه الي خلاكي تاخدي ميعاد عند دكتورة نفسية ؟
رضوى بدموع : عشان مش عارفة اخرج من الي انا فيه …. انا بجد تعبانة … حياتي واقفة … النهاردة اخدت قرار اني هرجع الشغل ….. بس هاني مش بيروح عن بالي ولا ثانية .. انا متلخبطة اوي
الدكتورة : طيب اول حاجة هطلبها منك انك تاخدي راحتك بالقعدة … لو حابة تمددي اتفضلي … او حابة تفردي شعرك .. او تخلعي جزمتك .. المهم اعتبري نفسك في البيت
رضوى بهدوء : ممكن اتمدد هنا
الدكتورة : طبعا .. المهم ترتاحي و انتي بتتكلمي
قامت رضوى و تمددت و وجهت نظرها للسقف
الدكتورة بصوت حنون : احكيلي يا رضوى … حاسة بايه
رضوى : حاسة اني ضايعة … حاسة اني مش رضوى .. مش دي شخصيتي … انا طول عمري بنت طموحة و عندي احلام و اهداف عمري ما كنت ضعيفة كدة … في الثانوية .. مكنتش بفكر اني احب خالص .. لان عيلتي كانو محسسيني اني مش محتاجة حد بحياتي غيرهم … كلهم كانو بيهتمو بيا بشكل مبالغ فيه .. عشان انا البنت الوحيدة … لما دخلت الجامعة كان في شباب كتير حاولو يرتبطو بيا بس انا رفضت …. كنت مصممة على هدفي و اني عايزة اخلي اهلي فخورين بيا و بنجاحي … بس من يوما ظهر هاني بحياتي و انا حالي اتشقلب
الدكتورة : ازاي تعرفتي عليه ؟
رضوى بدموع : كنت بشتغل في محل الورد بتاعي .. كان كل يوم بيجي و يشتري ورد التوليب الي بحبه بس عشان يشوفني ..لغاية ما حبيته و تعلقت بيه .. تطورت علاقتنا لغاية ما خطبتي و كتبنا الكتاب … حبينا بعض اوي اوي .. كنت مستعدة اتنازله عن كل حاجة بالدنيا … كان بيطلب مني مبالغ ضخمة بحجة انه بيجهز الشقة الي هنتجوز فيها .. كنت بديله من غير تفكير …. كنت بحبه بطريقة محدش يتخيلها
الدكتورة : و راح فين دلوقتي ؟
رضوى : موجود… بس انا فسخت الخطوبة
الدكتورة : ليه ؟
رضوى بوجع : عشان خاني … شوفته بحضن وحدة قبل فرحنا بشهر
الدكتورة : احكيلي بالتفصيل ازاي ده حصل
رضوى بدموع : قبل فرحنا بشهر واحد … بدأت احس انه بيبعد عني … لغاية ما وصلتني رساله من وحدة بتقولي انه نايم في شقتها و في اوضة اختها و بعتتلي العنوان ….. روحت للعنوان مع خالد اخويا … فتحتلي الباب .. دخلت و شوفته بحضن بنت فعلا … معملتش حاجة غير اني طلبت الطلاق … و تنازلت عن كل حاجة و حتى انه مرضيش يطلق غير لما دفعتله تمن كل حاجة جبهالي
الدكتورة : و بعد كل ده لسا بتحبيه ؟
******************
كان ابراهيم قاعد مع هشام و اسد في مكتب هشام
ابراهيم : واضح ان الشغل ماشي ممتاز عندك يا هشام
هشام : اكيد طبعا .. ده كله بفضل مجهود اسد … خلال سنتين بس قدر يكبر الشغل بالشكل ده
اسد : و طبعا بفضل خبرة حضرتك و متابعتك
ابراهيم : اسد يا ابني حاول انك تتقرب من مهران و بلاش حركات العيال دي .. مليكة بنته و الضنا غالي يا ابني
اسد بضحكة : ولا يهمك يا جدي … المرة الجاية هصالحه و اعامله بطريقة احسن
فجأة رن موبايل ابراهيم
ابراهيم : الو
تحولت ملامحه للصدمة الشديدة و قال : انا جاي حالا
هشام : في ايه
ابراهيم : …………
لمتابعه باقي فصول الرواية اضغط هنا 👇
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)