روايه حبي الوحيد الفصل السادس عشر 16 بقلم جني احمد
.jpeg)
البارت السادس عشر❤️
___________________
ندي بصدمة: بجدددددد
علي بإستغراب: غريبة يعني يا نادية وافقتي بسهولة مع اننا اتخانقنا الصبح عشان الموضوع دة
ندي: ايه دة انتوا اتخانقتوا مع بعض؟؟
نادية بإبتسامة واسعة: مش مهم الكلام دة دلوقتي المهم اني وافقت على جوازك انتي ومراد
ندي: في سؤال محيرني انا وبابا ايه اللي خلاكي تغيري رأيك
نادية بضحك: لو عايزاني اغيّر رأيي عادي مش موافـ.........
ندي بمقاطعة وسرعة: خلاص خلاص بهزر
نادية: بصراحة فكرت في اللي انتوا قلتوه قلت ليه منديش للعلاقة دي فرصة طالما مراد بيحب ندي من قلبه خلاص وكمان اللي اكدلي ان مراد بيحب ندي لما كشف حقيقة رامي وكان فاضل تكة وتبقي ندي مرات رامي رسمي ولما العربية بتاعك اتأخرت وفي ولاد دايقوا ندي ومراد دافع عنها إنما بالنسبة لمرض مراد فـــدة مهمة ندي
ندي بعدم فهم: مش فاهمة قصدك ايه
نادية: يعني مرض مراد دي مسئوليتك انتي بإذن الله هتعالجيه وانا واثقة فيكي وفي مراد
علي: وانا كمان موافق على جوازك انتي ومراد لاني شوفتكوا بعد ما خلصتوا الجلسة وكنتوا عاملين تضحكوا وتهزروا كنت شايفكوا متفاهمين جدا
ندي: اخيييييييييييرا وافقتوا بعد طول انتظار يعني اخلي مراد ييجي يأخد معاد عشان ييجي يتقدملي
علي: بالسرعة دي المفرو.........
ندي بسرعة في كلامها: لا مافيش سرعة ولا حاجة ايه اللي احنا لسة مستنينه هروح أكلمه دلوقتي وحالاً ماشي يلا عايزين حاجة
علي بضحك: بصي متسربعة ازاي هتموت عليه
نادية: فاكر يا علي لما جيت اتقدمتلي
علي: وانتي ساعتها لما باباكي سألك موافقة يا نادية قلتيله اللي تشوفوه صح ومكانش يعرف أننا عارفين بعض من ايام جامعة
نادية: يااه كانت ايام شايف الدنيا بتلف واحنا دلوقتي اللي هنجوز بنتنا
°°°°°°°°°°°°°°°°°°°
"في فيلا الجرحي"
سليم: السلام عليكم
مراد وفريدة وثريا في صوت واحد: وعليكم السلام ورحمه الله وبركاته
ليل: مااامااا الحقيني بالاكل هموت من الجوع
مراد: اه يا ماما بالله عليكي بسرعة عشان فاضلي تكة واكلكوا
ثريا بخوف مصطنع: يا ماما دة هيأكلنا....علي العموم العشا جاهز اطلعوا غيّروا هدومكوا وخدوا شاور وانزلوا عشان تتعشّوا .....وبالفعل ليل وسليم طلعوا خدوا شاور وبعدين نزلوا يتعشوا
مراد تليفونه رن وكانت ندي ومراد اول ما شاف الاسم نسي جوعه واترسمت علي وشه ابتسامة واسعة وطلع جري علي أوضته من غير ما يقول لحد أنه طالع
ليل بضحك: شوفتوا اول ما ندي حبيبة القلب رنت عليه نسي جوعه وطلع علي طول
فريدة: يعم سيبه حتي دي باصصله فيها.
سليم: ربنا يخليهم لبعض ويهديهم
كلهم في صوت واحد: يارب
••••••••••••••••
"في غرفة مراد"
مراد: الوو يا ندي عاملة ايه
ندي بسرعة:الحمدلله مراد بابا وافق على جوازنا
مراد وهو بيبص علي الشبكة: الوو ندي انتي معايا سمعاني كدا
ندي بغيظ: طيب والله لأقفل ولسة هتدوس علي العلامة عشان تقفل
مراد بمقاطعة وضحك: خلاص خلاص انا آسف بس انا استغربت باباكي مكانش موافق خالص ودلوقتي وافق
ندي بفرحة: طيب هتيجي تطلب ايدي منه امتي؟
مراد بمشاكسة: وانا هتجوزك انتي ولا هتجوز ايدك
ندي بغيظ: والله هقفل يا مراد
مراد بضحك: هههههه خلاص والله هاجي بكرا الساعة 7 أن شاء الله مناسب المعاد دة؟؟
ندي: طبعا مناسب هعرف بابا انك جاي بكرا الساعة 7
مراد: وانا كمان هعرفهم(عيلة مراد) اني جاي بكرا الساعة 7
ندي: طيب واحنا هنستناگ بكرا أن شاء الله
مراد: أن شاء الله وحشتيني يا ندي كلها كام اسبوع وتبقي مراتي
ندي بخجل: شكرا
مراد: يعني بقولك كلام حلو ومراتي وانتي تقوليلي شكرا
ندي بخجل: ما انت عارف اني بتكسف
مراد: اووووه مراتي طلعت بتتكسف
ندي بخجل جامد: طيب هقفل معاك دلوقتي عشان اعرف ماما وبابا انك جاي بكرا
مراد عرف انها مكسوفة ومرضاش يرخم عليها: طيب يا حبيبتي سلام
ندي: سلام......وقفلوا مع بعض وطبعا علي وجوهم الابتسامة ومراد نزل عشان يتعشي ويعرفهم
ليل: اووووه الحبيب العاشق جه اهوا
مراد: بابا انا عايز اقول لحضرتك حاجة
ليل وفريدة بصوا لبعض وضحكوا
سليم بصلهم وهما سكتوا: اتفضل يا مراد
مراد: احنا هنروح بكرا لبيت ندي عشان نطلب إيدها
سليم: اممم وباباها عرف أننا جايين بكرا
مراد بمرح: اومال هروح اطلب أيدها من غير ما يعرف...وكلهم فضلوا يضحكوا جامد
مراد: أيوة باباها عرف وهنروح بكرا الساعة 7
سليم: والله ندي بنت مؤدبة ومحترمة
ثريا: كفاية أنها وافقت تكمل في الجلسات بعد عملة مراد
مراد بضحك: دة كان موضوع واتقفل خلاص فتحنا صفحة جديدة
سليم: يبقي هنروح بكرا أن شاء الله الساعة7
ليل: اخيرا هناخد إجازة
سليم: لا يا بابا هنروح الشركة بردوا
ليل: لييييه المفروض بكرا إجازة
سليم: مش هنروح نشتغل شغل جامد يعني احنا هنروح نشوف اشغال الشركة والصفقات وحسابات الشركة ونشيك عليها ونمشي مينفعش منروحش الشركة يوم واحد إلا الشركة كل أحوالها هتبوظ
ليل: حاضر يا بابا انا شبعت وهقوم انام دلوقتي عشان هنصحي بدري
كلهم: تصبح على خير
ليل: وانتوا من اهل الخير.....وطلع علي اوضته ونام والباقي خلص عشا وطلعوا علي اوضتهم وناموا
______________
"في الصباح"
ليل قام خد شاور ولبس بدلته وسرح شعره وحط البيرفيوم بتاعه ونزل (كذلك سليم)وراحوا ركبوا العربية واتجهوا الي الشركة
•°•°•°•°•°•°•°•°•°•°•°•
"في الشركة"
سليم: ليل وانت طالع مكتبك خلي مازن يجيبلي ورق الحسابات
ليل: حاضر يا بابا....وطلع لمكتب مازن
الباب خبط علي مكتب سليم
سليم: اتفضل
رامي السيوفي: ازيك يا سليم
سليم: رامي ايه اللي جابك هنا اتفضل اقعد اقعد
غزل: ازاي حضرتك يا عمو
سليم: بخير وانتي يا غزل
غزل: الحمدلله
رامي السيوفي: غزل كانت بتجيب حاجات وانا كنت معاها فلاقيت أن المول اللي غزل هتروحه قريب جدا من مكان الشركة فقلت اجي اسلم عليك
سليم: انهاردة هنروح نطلب ايد بنت لمراد
رامي: بجددد الف الف مبروك وعقبال الفرح بقا
سليم: الله يبارك فيك......الباب خبط
سليم: ادخل يا ليل
ليل دخل ولقا بنت من ضهرها عاملة شعرها كحكة من فوق فأستغرب وقال: الورق اهوا يا بابا
رامي: ازيك يا ليل
ليل: الحمدلله حضرتك عامل ايه وراح سلم علي غزل وغزل مدتله أيده وكانت شكلها حلو اوي خصوصا لما بترفع شعرها لفوق
ليل في سره: يخربيت جمالها ايه دة ملاك عيونها وشعرها ايه الحلاوة دي
غزل: هفضل مدة ايدي كدا ازيك
ليل: ايه احم احم ازيك عاملة ايه وسلم عليها
غزل: الحمدلله
ليل: تيجي تشربي قهوة تحت في الكافيه
غزل: اوكي انا بحب القهوة ماشي موافقة وبصت لباباها وهو نظر لها نظرة بمعني ماشي روحي معاه
ليل: طيب تعالي ومسك أيدها ونزل وهنا الاتنين كانوا بيبصوا لبعض
غزل في سرها: مكنتش اعرف انه قمور كدا مع أنه يبان قاسي من جوا بس طبعه غير شكله
ليل في سره: جميلة اوي تبان أنها بتتكلم كتير وطبعها وخش بس هي غير كدا دموعها شعرها بشرتها عينها رموشها كل حاجة فيها حلوة
ومازن كان بيجري(عزيزي القارئ دي طبيعة مازن بيمشي يجري ويخبط في خلق الله😂❤️) فخبط في غزل تحديدا أيدها
غزل بوجع (لأن الجر"ح لسة موجود): ااااه ايدي اه لما صدقت الالم خف اااه اااه
ليل بخوف عليها: غزززززل انتي كويسة ايدك وجعاكي
مازن: اسف والله انا كنت جاي لعمي سليم بس خبطت فيكي
ليل بهدوء: يا مازن ميت مرة اقولك أمشي براحة دلوقتي لو جرحها اتفك هنعمل ايه
غزل بدموع: ايدي بتوجعني جامد
ليل: مازن روح هات صندوق الاسعافات الاولية من العربية بتاعتي بسرعة
مازن وهو بيجري: حاضر
وليل بدأ يفك الشاش قطعة قطعة
غزل بعياط: اوووف براحة الجرح لسة جديد
ليل بعصبية: مش كل حاجة تعيطي كلها كام دقيقة والألم يروح
غزل بعياط: انا لما حاجة بتوجعني بعيط وبعدين براحة ومتزعقش
ليل زعل أنه زعقلها وفضل يوبخ نفسه في سره وقال: خلاص متزعليش انا آسف
غزل: هو فين الصقر صاحبك دة
ليل فضل يضحك وقال: صقر ايه الإسم الغريب دة
غزل: لانه مفكر أنه طائر في السما وبيجري وواخد راحته ومش شايف الناس اللي ماشية معاه
ليل بضحك: تصدقي تشبيهك فصلني ضحك
مازن وهو بينهج: اهوا الشنطة اهي
ليل خد منه الشنطة وبدأ يغير الجرح
غزل: كل دة مطهر
ليل: عشان نطهر الجرح كويس
غزل: المطهر بيحرقني جامد
ليل بحزن عليها: معلش استحملي....وكمل لحد ما خلص وبيلف الشاش
غزل وهي بتكتم الوجع: كفاية كدا حط الشاش....بسس
ليل: خلصت لو حاسة بالم ممكن اديكي إبرة مسكنة
غزل بخوف: ايه إبر لا لا اقعد بوجعي احسن
ليل بضحك: جباااانة
مازن عرف أن في حاجة بين ليل وغزل لانه شاطر جدا في قراءة العيون
مازن بهمس في ودن ليل: من رأيي أن فرح مراد يبقي معاك
ليل: احم احم ايه اللي انت بتقوله دة
مازن: مش عليا الحبة دول انت عارف وانا عارف انك بتحبها
ليل: يابني مافيش حاجة بينا والله
مازن: هنشوف والله
غزل: طيب أمشي انا الظاهر أن في موضوع مهم بينك وبين صاحبك دة
ليل: لا تعالي يلا عشان نجيب قهوة
غزل: يلا....وراحوا جابوا القهوة
ليل: واحد قهوة سادة
غزل بصدمة: زيي انا بحب القهوة السادة
ليل: شكلنا متشابهين في حاجات كتير
غزل بضحك: شكلنا كدا
•••••••••••••••••••••
"في فيلا الاسيوطي"
نادية: جبنا كل الطلبات
ندي: اه واتأكدنا من الزينة والنضافة والهدوم وديناها تتكوي
نادية: احنا كدا خلصنا
ندي: اول ما الهدوم تيجي من الكوي نبدأ نلبس ونجهز
نادية: كويس
°°°°°°°°°°°°°°°
«الساعة 5»
<في فيلا الجرحي>
ليل خبط علي الباب ومراد اذن له بالدخول
ليل: اووووه عريس بقا
مراد: شكلي حلو
ليل: يابني انت قمر حتي في بيجامة البيت
مراد: شكرا وانت كمان حلو في اوتفيت دة يا بتاع غزل واتك علي غزل
ليل: غـ غزل مش فـ فاهم
مراد بضحك: خلاص انت اتلجلجت كدا ليه
ليل بعصبية: مين اللي قالك الكلام دة
مراد: فريدة هو في غيرها أنت عارف لما بتعرف حاجة مبتسكتش
ليل: ماشي يا فريدة والله لاوريكي
مراد: المهم يلا عشان نتحرك
ليل بملل: فريدة بتلبس
مراد: يبقي هنصلي الفجر ونروح انا هروح اوضتـ........
فريدة: انا لبست يلا نمشي
ليل بضيق: حسابگ معايا بعدين...ونزل جهز العربية
فريدة: ماله دة
مراد: بصراحة قلتله علي غزل
فريدة: اييييه قلت ايه دة انا مش هعيش انت عارف ان ليل بيتعصب بسرعة وهيفضل زعلان مني والشغل دة
ثريا: احنا جهزنا يلا مالكوا كنتوا بتتخانقوا ولا ايه
مراد: لا مافيش حاجة كنا بنتناقش في موضوع
سليم: طيب يلا عشان نتحرك
مراد وفريدة: يلا ومراد خد علاجه ونزل
•••••••••••••
"في فيلا الاسيوطي"
ندي بتوتر رايحة جاية: هما اتأخروا ليه
علي بضحك: ولا اتأخروا ولا حاجة لسة الساعة 5 ونص
نادية: ممكن تقعدي لحد ما ييجوا....الباب خبط
علي: اهم جم
ندي: انا هروح افتح....وبالفعل راحت فتحت الباب والكل أنصدم من جمالها
سليم وثريا: بسم الله ماشاء الله البنت جميلة
ليل في سره: غزل اجمل(عزيزي القارئ ندي وغزل اجمل من بعض بس كل واحد بيشوف حبيبته احلي😂)
فريدة: عرفت تنقي يا مراد
ندي: اتفضلوا ادخلوا
علي: اتفضلوا البيت نور
سليم: بنورك........ودخلوا
نادية سلمت علي ثريا وسليم سلم على علي
مراد: احم احم مبدأيا كدا يا عمي انا جاي اطلب أيد الآنسة ندي
علي: والله بالنسبالي موافق وانتي يا ندي ايه رأيك
ندي بخجل: اللي تشوفوه(دة احنا طول الرواية مراد وندي مراد وندي وفي الاخر مكسوفة😂)
علي: يبقى علي بركة الله نقرأ الفاتحة......وقرأوا الفاتحة ونظرات مراد وندي منزلتش....وفضلوا يتكلموا بخصوص الفرح وكل حاجة
علي: طيب الفرح هيكون امتي؟؟
مراد: كمان شهر
علي: بس دة بدري
ندي: مش بدري ولا حاجة احنا عارفين وكل حاجة الفرح بعد شهر وقته مناسب يدوبك وعقبال ما نعمل الفرح وكل حاجة
مراد: والفيلات جاهزة بالفرش بكل حاجة
نادية لـعلي: انا شايفة أن المعاد كويس
علي: تمام يبقي أن شاء الله الفرح كمان شهر
سليم: أن شاء الله.....وفضلوا يتكلموا بخصوص الفرح واليوم عدة علي الكل بسلام
وندي فضلت تشتري الحاجات اللي نقصاها اونلاين وفي حاجات نزلت تجيبها وكذلك مراد وكلهم جابوا كل الحاجات اللي نقصاهم والبدلة والفستان ندي ومراد نزلوا جابوها في يوم والفستان بتاع ندي كان عبارة عن
(فستان ابيض واسع وبيلمع وكان محطوط عليه قطع من الفضة وكان ضيق سيكة من فوق ونازل بميل من تحت ومنفوش من عند الكتاف وكان تحفهههه عليها)
بالنسبة للبدلة(كانت بنطلون اسود وجاكيت اسود وقميص أبيض وبيبيونة سودة وكانت زي القمر فيها)
وطبعا ندي جابت الاكسسوري بتاعت الفرح والشوز كان كعب متوسط وفضي مايل للابيض وكان لائق جدا مع الفستان
~~~~~~~~~~~~~~~
وجاء موعد الزفاف والموعد الذي ينتظره الجميع
ندي بتوتر: شكلي حلو
نادية بدموع: قممممر
علي باس راس ندي وقالها: الف مبروك وربنا يفرحكوا كمان وكمان
ندي: شعري متظبط يعني حاسة أن التاج مهزوز
نادية بضحك: والله كل حاجة فيكي مظبوطة بطلي توتر....الباب خبط
__________
"عند مراد"
ليل: اوووه يا عريس
مراد بتكبر مصطنع: يابني انا طول عمر قمر
ليل: عريس بقا وكمل بدموع: الف مبروك ليك يا مراد
مراد بدموع: الله يبارك فيك لا بص من اولها كدا مش عايز عياط
ليل: ياااه يا مراد هتتجوز
مراد: طيب زعلان ليه ما انت كمان هتتجوز غزل
ليل: يييييي منك لله يا فريدة خليتي مراد يفضل يرخم عليا
مراد: يابني أمة لا اله الا الله عارفة انك بتحب غزل..الباب خبط
سليم: اووووه علي البدلة شكلها حلو
مراد: يعني البدلة هي اللي حلوة وانا ايه
سليم: انتوا الاتنين حلوين بسم الله ماشاء الله عليكوا
مراد: يا بابا انا اللي هتجوز مش ليل
سليم: انت بتتجوز وهو اكيد هيتجوز وغمز لـليل
ليل في سره: حسبي الله ونعم الوكيل فيكي يا فريدة
مراد: انا هروح اشوف عروستشي😂 سلام
سليم: روح ياخويا
________________
"عند ندي"
الباب خبط
علي بهمس: عريسك وصل يا ندوش
ندي بتوتر: طيب دخلوه
نادية: ادخل
ومراد دخل ولف ندي واول ما شافها قال: بسم الله ماشاء الله
نادية وعلي اتسحبوا وسابوهم مع بعض
ندي بفرحة: مش مصدقة نفسي انهاردة فرحي عليك
مراد: ياااه اخيرا بحبك
ندي: وانا كمان بحبك
مراد: طيب ننزل للمأذون اللي تحت ولا لا
ندي بضحك: لا طبعا ننزل يلا
°°°°°°°°°°°°°°°°°
المأذون قال كلمته الشهيرة والذي رسمت الفرحة علي وجوه الكل
(بارك الله لكما وبارك عليكما وجمع بينكما في خير)مبروك
ومراد قام حضن ندي والكل كان مبسوط والمأذون مشي وشغلوا اغاني
رامي بحقد وهو بيضرب نا"ر بالمسدس: الف مبروك ليكوا بس المفروض تعزموني ولا ايه يا ندي دة احنا زملاء في العمل
ندي بصدمة وخوف: رااااامي انت
