روايه حبي الوحيد الفصل التاسع عشر 19 بقلم جني احمد
.jpeg)
البارت التاسع عشر❤️
_________________
الممرضة وهي بتنهج: مدام ندي في حاجة بخصوص استاذ مراد
ندي بقلق: في إيه في حاجة حصلت
الممرضة بإبتسامة: استاذ مراد فاق من الغيبوبة وعمّال ينادي بإسم حضرتك وواحدة تانية اسمها فريدة
ندي بصدمة: إيييييييه
ليل بفرحة: مرااااد فاق الحمدلله يارب الف حمد وشكر ليك يارب....وطلع يجري علي أوضة مراد
نادية: ايه يا ندي انتي مش مبسوطة ولا إيه
ندي بفرحة ودموع: لا والله مش كدا بس فرحانة مراد مراد فاق يا ماما اخييييرا يعني هشوفه
نادية بضحك: طيب اهدي طيب ادخلي شوفيه واطمني عليه
ندي بفرحة: انا فعلا داخلة هدخل دلوقتي ماما كلمي بابا وطنط ثريا وعمو سليم وعرفيهم أن مراد فاق اوعي تنسي...ودخلت أوضة مراد وهي بتجري بسرعة
غزل بفرحة: وانا كمان هكلم بابا واعرفه ان مراد فاق
نادية بإبتسامة واضحة: كويس كلميه
________________
"في غرفة مراد"
ندي جريت علي مراد وجضنته جامد وفضلت تبـ"ـوس فيه
ليل: طب وانا عايز احضنه بردوا دة انا اخوه
ندي بغيظ: إذا كنت انت اخوه فأنا مراته
مراد بضحك وتعب باين في صوته: كفاية خناق فين فري صحيح
ليل: فريدة في البيت هي وماما وبابا بيجيبوا حاجات
مراد بتعب: دماغي وجعاني اوي وحاسس بصداع حاسس ان في حاجة حصلت بس مش فاكرها مش فاكر غير لما المأذون قال
(بارك الله لكما وبارك عليكما وجمع بينكما في خير) وبعد كدا في شخص دخل اوووووف مش قادر افتكر الباقي
ليل: اللي حصل............
ندي بمقاطعة: مافيش مافيش حاجة....... وبرقت لـليل وليل استغرب بس سكت عشان حس أن في حاجة
مراد بخبث: كان نفسي يوم فرجنا نكون عيلة بس يا خسارة
ندي بخجل: مراد احترم نفسك
ليل: احم احم علي فكرة أنا موجود
مراد بضحك: ما أنت واقف زي درفة الدولاب مش سايبنا براحتنا
ليل: طب أستني لما تروح البيت بيتكوا الاول مستعجل إيه
ندي بغيظ: مراد اسكت
ليل: احم احم انا هطلع الست بقالها اسبوع مشافتكش
ندي بغيظ: ست في عينك يا عمو
مراد بتعب وضحك: كفاااية خناق
ليل بلهجة المسلسلات المدبلجة: بكفي مراد بيك لا تتركني هون لحالي..(كان بيسمع اللهجة من مسلسلات فريدة😂)....وطلع لبرة
مراد بوجع: دماااغي بتوجعني جاامد حاسس انها هتنفجر مش قادر افتكر الباقي
ندي وهي شاكة في حاجة: انت فاكر كل حاجة بس بتيجي علي اخر الموضوع بتشوف الموضوع منغمش ومش بتقدر تفتكر حاجة صح وكل ما بتحاول تفتكر بتحس بصداع جامد
مراد: أيوة فعلا بحس كدا
ندي وهي بتفكر: لازم نعمل أشعة بسرعة ودلوقتي
مراد بخبث: سيبك من الأشعة بس إيه الحلاوة دي
ندي: انا بتكلم بجد يا مراد لازم نعمل الأشعة انهاردة
مراد: انتي فصيلة اقسم بالله
ندي: مراد الموضوع مهم جااامد ولازم اعرف...وكانت طالعة لبرة
مراد: إنتي رايحة فين يا ندوشتي.....وكمل بإستغراب: انا حاسس اني سمعت الكلمة دي قبل كدا
ندي بعد ما اتأكدت من تشخيصها: يمكن قلتها قبل كدا يا روحي...واتكت علي روحي(لما رامي قال لندي ندوشتي وروحي)
مراد بوجع: ااااه دمااغي هتنفجر حاسس ان دة نفس الموقف بيتكرر بس اختلاف الشخصيات
ندي بإبتسامة: طيب حاول تفتكر لحد ما أجي...وطلعت لبرة
____________
ندي: لازم نعمل أشعة وتحاليل لمراد انهاردة حالا
ليل بإستغراب: ليه أشعة وتحاليل ليه؟؟
ندي: شاكة في حاجة يارب تكون صح
غزل: شاكة في إيه
ندي: نعمل بس الأشعة والتحاليل واتأكد من كلامي وبعد كدا اقول
غزل: طيب انا هدخل اشوف مراد
ندي بغيرة وعصبية: إنتي ازاي تتجرأي تتدخلي
غزل بفزع: في إيه هو انا داخلة عليه الحمام
وليل اتفتح في الضحك وكان بيتكلم بس كلامه مش مفهوم من كتر الضحك
ندي بغيظ: مالك اتفتحت في الضحك كدا ليه
ليل بضحك: أصل إنتي غريبة يعني مش عايزاه تدخل ليه
ندي بتوتر: لا يعني قصدي أقوله عشان يلبس التيشيرت
غزل بخبث: أحم أحم وهو مش لابس تيشرت ليه هياخد شاور في الترمومتر ولا تحت السرير....وكلهم فضلوا يضحكوا
ليل بضحك: هو صحيح مش لابس التيشيرت ليه؟؟
ندي بخجل: اصل يعني بصراحة و .. انا يعني
غزل بضحك: خلاص خلاص وشك قلب ألوان كدا ليه
ندي بخجل بتخفيه: انااا لا والله بس.....وفجأة سليم وثريا وفريدة جم
ثريا وهي بتاخد نفسها: مـ مراد فـ فاق فاق أحم أحم
ندي: اهدي يا طنط أيوة فاق وانا وليل دخلنا نطمن عليه
سليم: طب هندخل نشوفه دلوقتي
غزل وهي بتبص لندي: لا استني يا عمو اصل مراد بيلبس التيشيرت
ثريا بإستغراب: تيشرت تيشرت إيه
غزل: معرفش اسألي ندي....واتسحبت هي وليل وطلعوا برا
_____________
"عند ليل وغزل"
ليل بنظرات حب: شكرا ليكي
غزل باستغراب: شكرا على ايه
ليل بحب: يعني علي كل حاجة لما وقفتي جنب عيلتي يوم الحادثة ولما وقفتي النز"يف وشكرا علي كل لحظة بكيتي فيها بس ليه مقولتليش؟؟
غزل بإستغراب أكتر: مقولتش على إيه؟؟
ليل: مقولتيش انك انتي اللي اتبرعتي بالدم
غزل بتوتر: عادي اي حد مكاني كان عمل كدا
ليل بحب: لا مش أي حد مش أي حد هيتبرع بدمه لحد
غزل: يعني كنت اسيبك تموت يعني عشان اراضيك دة انت غريب دائما شايف انك صح وان الكل غلط ودايما بتحقق مع اي حد وكلمة تفضل.........
ليل بمقاطعة: شششش انا مش بحرّم اني ادخل معاكي في نقاش انا آسف اوووف مشفتش حد كدا
غزل بحب وبرود: اديك شفت
ليل: قسما بالله عندك برود غريييب
غزل: ........
ليل: بسسسس مش عايز كلام تن تن تن تن تن ايه مش بتتعبي
غزل: اولا انا مش بتكلم كتير ثانيا انا برد على كلامك واسئلتك اليامة ثالثا ودة الاهم احنا في مستشفي مينفعش تتخانق هنا
ليل بهدوء: حااااضر لما نشوف اخرتها...وكان في واحد معدي من جمبها وقاصد أنه يخبط فيها
غزل: اااه حضرتك مش شايف وبعدين لابس نضارة ليه للدرجادي الشمس في المستشفي بتحرق
الراجل ببرود: ما خلاص يحجة انتي هتسوقي فيها مكانتش خبطة
ليل وهو ماسك الراجل من لياقة قميصه: الحجة دي تبقي الوالدة ونزل فيه ضرب لحد ما أمن المستشفي جه ومسك ليل
واحد من الأمن: إيه اللي انت بتعمله دة
غزل بخوف: ليل أنت كويس
ليل بعصبية للراجل: اول واخر مرة تعمل الحركة دي شخص حقيييير....وطلع برا المستشفي وهو متعصب
غزل وهي بتجري وراه: ليل ليل
ليل بهدوء: نعم
غزل بهدوء: إيه اللي انت عملته دة الراجل كان هيموت
ليل بعصبية: كنت عايز اطلع زمارة رقبته في إيدي
غزل بإبتساكة بتحاول تخفيها: ليه يعني
ليل بغيرة: انتي ماشفتيهوش خبطت فيكيييي أزاااااااااااي
غزل بهدوء: فيها إيه هو مضربنيش بالنار يعني
ليل بغيرة: طيب يكلمك كدا ليبيه
غزل: هو أنت بتزعق ليه
ليل بتلقائية وزعيق: لأني مسمحش حد يكلمك كداااا
الممرضة: لو سمحت يا استاذ وطي صوتك شوية في مرضى موجودة في المستشفي
ليل: معلش انا آسف....وكمل لغزل: تعالي نروح عند مراد
غزل في سرها: شوية شوية هيتخانق مع الكراسي
ليل: متخافيش مش بتخانق مع جماد
غزل بصدمة: أنت عرفت ازاي
ليل: قريت افكارك يلا بقا نروح لمراد
غزل بخوف: ايدك بتنزف
ليل بوجع: مش مهم سيبيها
غزل: هو إيه اللي سيبيها تعالى اغيرلك الجرح في قطن وشاش وبيتادين ابقي هغيرلك الجر"ح بس اول ما نروح
ليل بحب: حاضر
_______________
"في غرفة مراد"
ثريا: مراد حبيبي وراحت حضنته جامد
سليم: حمدالله على السلامة يا مراد
فريدة: عامل إيه يا مراد وراحت حضنته....مكنتش عارف قد إيه كنا خايفين عليك ربنا يخليك لينا
مراد: ويخليكوا ليا يارب بس هو إيه اللي حصل
ندي وهي بتبرق لسليم وثريا وفريدة بمعني متتكلموش: لا مافيش حاجة
مراد: اومال إيه اللي جبني هنا....ااااه دماغي خلاص مش قاااادر اول مرة توجعني الوجع دة انا حاسس اني في حاجة حصلت بس أنا مش فاكرها
ندي وهي عندها امل: حاول تفتكر كدا يا مراد
مراد وهو بيفكر: اااااه مش قاااااادر حاولت كتير بس مش قادر افتكر بحس أن الدنيا بتسود لما باجي في الاخر
ندي: طيب خلاص متفكرش متضغطش على دماغك فكر براحتك
سليم بهمس: إنتي مش عايزة تعرفي مراد ليه يا ندي
ندي: كل حاجة هتبان في الأشعة بتاعت انهاردة....احنا هنطلع احنا يا مراد هنسيبك ترتاح شوية
مراد: طيب ما تقعدي معايا.....وثريا مرضوش يتقلوا عليهم وطلعوا وسابوا ندي معاه....وليل كان برا
ثريا: في إيه يا ليل ايدك مالها
غزل: اصل ليل........
ليل بهدوء: متقلقوش ياجماعة دة خدش بسيط
سليم: أيوة إيه سببه خدش كدا
غزل وهي بتغير الموضوع: أحم أحم انا هدخل اغيرله على الجرح...ودخلت هي وليل غرفة مراد ولقوا مراد حا"ضن ندي و.....
غزل من صدمتها وخجلها خبن وشها في كتف ليل وليل غمض عيونه واتكلم
ليل: أحم أحم السلام عليكم
مراد: دة انت بتيجي في أوقات مش قادر تستني كام دقيقة
غزل وهي بتغير الموضوع عشان تداري خجل ندي: انا كنت جاية عشان اخد شاش وقطن وبيتادين
ندي بإستغراب: ليه
غزل: للبيه ليل بصي علي إيده
مراد: إيه دة إيدك بتـ"ـنزف من إيه
ليل ببرود: لا مافيش حاجة كان موضوع وخلص
مراد: أيوة إيه اللي حصل عشان إيدك تنـ"ـزف
غزل بضحك: يلا تعالى نغير على ايدك برا شكلهم مشغولين..وطلعوا
ندي: مش هخلص من كلام غزل انا عارفة
مراد: وإيه يعني أحنا بنعمل حاجة غلط؟
ندي: لا انا هطلع دلوقتي عشان أشوف موضوع الأشعة وانت هتعمل الأشعة انهاردة
مراد: انا مش عارف إيه لازمة الأشعة بس ماشي
ندي: استني بس لبكرا أو بعده بالكتير لحد ما أتأكد من اللي في دماغي
مراد بتعب: بحاول افتكر بس مش عارف ودماغي بتوجعني كل ما بفكر
ندي: حاول تهدي وافتكر بس حاول بردوا متضغطش على دماغك
∆∆∆∆∆∆∆∆∆∆∆∆
"عند ليل وغزل"
غزل وهي بتعقم الجرح: بس كدا نحط البيتادين
ليل بألم: براحة يا غزل إيدي بتوجعني
غزل: دي عبرة ليك عشان تعمل فيها بيج رامي
ليل: طيب انا غلطان اي مشكلة تانية مش هتدخل فيها..اااااااه
غزل بخوف: بتوجعك؟؟
ليل: لا بقول اه بجرب صوتي اكيد بتوجعني
غزل: معلش فاضل تكة بسسس نحط الشاش بسسس خلصنا
ليل وهو بيبص لعيونها: شكرا
غزل: عفوا على إيه
ليل بسرحان: هو إنتي ازاي حلوة كدا
غزل بتوتر: أفندم
ليل: قصدي ازاي عيونك حلوة كدا
غزل: أنيل
ليل: احم احم آسف
سليم وثريا كانوا بيتابعوا ليل وغزل من بعيد
سليم: هو انتي مش شايفة أن ليل معجب بغزل
ثريا: حسيت بكدا انت مش شايف نظراتهم وكمان لما غزل كان مٌصرة أنها تتبرعله بدم ولما ليل كان خايف عليها لما أيدها انجرحت وقد إيه غزل فضلت تعيط علي ليل لما كان في العمليات
سليم بضحك: كدا بدل الفرح فرحين والڤلة ڤلتين
ثريا: بس انا عارفة ليل هيموت عليها ومعجب بيها وبيقول مش واخد باله منها وهو عينه هتطق عليها
فريدة وهي ماسك كوبايتين: بابا أمسك مني دي قهوة ليك ودة ايس كوفي ليا
ثريا: طب وانا مضاف إليه ولا إيه
فريدة بضحك: ما حضرتك مش بتحبي القهوة والشاي
ثريا: سيبك من كدا مش ملاحظة حاجة
فريدة بضيق: ملاحظة تلزيق وحاجة تشل وهيموتوا على بعض بس عزة النفس قوية...وكلهم فضلوا يضحكوا
_____________
"في غرفة مراد"
مراد: يلا يا ندي عشان نعمل الأشعة والتحاليل اللي انا مش مقتنع بيها دي
ندي: لا هتقتنع لما اثبتلك حاجة
مراد بفضول: هموت واعرف إيه الحاجة إللي انتي عايزة تثبيتها
ندي: مش هقول حاجة غير لما اتأكد منها......
وسندت مراد وراحوا غرفة الأشعة وعملوا الأشعة وتحاليل والأشعة والتحاليل هتظهر كمان يومين والدكتور كتب لمراد أنه يقعد في المستشفي 4 أيام عشان يتابعوه لانه لسة كلها من غيبوبة
____________
بعد مرور يومين
الممرضة: مدام ندي نتيجة الأشعة والتحاليل في الظرف دة
ندي بتوتر: شكرا ليكي جدا
الممرضة: عفوا
وندي كانت مترددة انها تشوف الأشعة بس سمّت الله وفتحت الظرف وكل العيلة كأنه مستنينها انها تقول في إيه
ندي بعدم تصديق وصدمة: مستحييييل
