روايه قصة قلب الفصل الثاني 2 بقلم دعاء فتحي
البارت التانى من قصة قلب....
عدَّت شهور على خطوبتى من نور ، شهور كاملة مشفتش فيها يوم حلو ، كانت حياتنا قبل خطوبتا أحلى بكتير ، مجرد م أقوله عايزة أخرج معاك يقولِّى مش فاضى عندى شغل وكدة حياتنا من شهور، فوقت من التفكير على صوت التليفون.
_ الو
= أيوة يا نور
_ عاملة اى
= الحمدالله تمام
_ ميار لازم نروح بيت عمى النهاردة، بنت عمى اتخرجت من الكلية ولازم نروح نباركلها
= بس انا مش فاضية النهاردة
_ ليه عندك اى ان شاء الله
= ماما عندها موعد مع الدكتور وهروح معاها
_ مادام كدة ماشى
= بس غريبة يعنى
_ اى الغريب
= يعنى لما بقولك نخرج بتقولى مش فاضى ، دة حتى بطلت تيجى عندنا البيت ولما بقابلك بتكون صدفة.
_ انتِ عارفة يا ميار الشغل والله
= ااه يعنى النهاردة فاضى !
_ لا مش فاضى بس لازم أكبَّر بيكى ونروح بيت عمى نباركلهم.
= على العموم النهاردة هروح مع ماما عند الدكتور .
لبست ونزلت مع ماما وانا طول الطريق افكر ازاى نور تغير كدة ، ازاى ممكن يكون دمه بارد بالطريقة دى يسأل وقت م يكون عاوز يسأل ، ازاى من يوم خطوبتنا مخرجناش غير مرة واحدة بس ، وصلنا للدكتور بصيت على ماما علشان امسك ايديها ونطلع السلم لقيت حد غيرى مسكها وكان نور .
= نور!
_ ايوة نور ، شوفتى عفريت ولا اى !
= لا بس مستغربة
_ قولت اعملك مفاجأة اى انبسطتى؟
** احم احم انا هنا يا واد ، انزلوا انتوا اتمشوا وانا لسة قُدامى كتير علشان ادخل للدكتور
_ خلى بالك على نفسك يا خالتو ، احنا شوية وهنيجى
** روح يا نور يا حبيب خالتك وخلى بالك على ميار
_ حاضر يا خالتو
نزلنا انا ونور وحسيت بحاجة غريبة ممكن علشان كان بعيد عنى من فترة طويلة بَصيت عليه وسألته : عامل اى ، اخبارك واخبار الشغل وخالتي عاملة اى وليه مبتجيش عندنا وليه مش بتكلمنى دايمًا وليه....
_ بس بس خلاص دة كله فى نفس واحد
اخدت تنهيدة طويلة وقولت : عادى بس معرفش حاجة عنك من فترة
_ كنت بعيد عنك للدرجة
= واكتر كمان
_ بس انا مكنتش اقصد والله
= حتى لو تقصد عادى يعنى
_ عادى يعنى انا مش فارق!
= لا فارق بس اللى بيحصل تاعبني اوى
_ والله يا ميار كل اللى كنت أعمله علشانَّا
= علشانَّا ازاى يعنى!
_ والله عملت كدة علشان أعرف أجيب الشقة اللى نفسك فيها وعلشان تتباهِى قُدام كل قرايبك وأصحابك وتقولى نور محرمنيش من حاجة
= بس انا اتبهيت بيك من يوم م اتخطبت ليك
_ لا لازم اوفرلك كل حاجة بتحلمى بيها
= بس انا بحلم بيك انتَ
_ تيجى نشرب 2 قهوة على النيل!
= تيجى نروح نشوف ماما اللى اتأخرنا عليها !
ضحكنا وفرفشنا ورجعنا عند الدكتور لماما ورجعت حياتنا زى الاول واحسن كمان، ودى القصة اللى كنت بألفها فى خيالى علشان اعيشها مع نور ، النهاردة القصة اتحولت لحقيقة.
_ ميار !
= نعم!
_ قولتيلى القصة اللى فى خيالى اللى نفسك تحقيقها معايا اسمها اى ؟
= اسمها قصة قلب
_ انتِ القصة وانتِ القلب.❤
لمتابعه باقي فصول الرواية اضغط هنا 👇
