روايه على الهادي يازبادي الفصل الثاني 2 بقلم اوليفيا
_خد هنا ياض يابن الورمه انت
سليم: لا مث جاي يا ثبادي ومث هاكل
زينب: خد ياض متتعبنيش وانت طالع لجدتك سوسن كده
_لا اله الا الله طيب امي مالها دلوقتي
(ده كان صوت هادي للي لسه راجع من الشغل)
زينب: اهلا يا ابن سوسن شرفت تعالى شوف ابنك وعمايله
هادي: في ايه يا عم سليم
سليم: انا هثهدك ثهادة حق الثت دي(بيشاور على زينب) مثممه تأكلني رز بلبن وهي بتاكل اندومي
هادي: معلش يابني ظالمه ومفتريه هنعمل فيها ايه
زينب: انا ظالمه يا هادي
هادي بمشاكسه: الصراحه اه بس ايه انا مشوفتش واحده ظالمه بالحلاوه والقمر ده يناس
زينب بكسوف: يعني انا بجد لسه حلوه يا هادي
هادي: حلوه بس هو فيه احلى منك يا غزال
سليم: أبل الثربات انا يعني ولا اعمل ايه منا مث كيث جوافه
هادي رفع سليم من هدومه وهو بيقوله
هادي: عايز ايه ياض يا مفسد اللحظات السعيده انت
سليم: قرب وانا اقولك عايز ايه
هادي قرب منه
سليم: عايز اندومي ومث انا بدري عثان عندي بكرا ويك اند بدل ما اقول لماما انك انت للي اكلت الثوكالاته بتاعتها للي كانت في التلاجه وفضحت عليها الدنيا
هادي وهو بيحط ايده على بؤ سليم
هادي: اخرس يخربيت امك هتودينا في داهيه
زينب: انتوا بتقولوا ايه
هادي بتوتر: هااا لا ابدا يا روحي ده انا نفسي رايحه للاندومي اوي ما تعمليلنا معاكي عشان وحشني طعمه من ايديكي اوي ويبقا يوم فري لسليم ونسهر مع بعض النهارده وكده كده بكرا الجمعه
___________________________________
تاني يوم كانت سوسن مامت هادي معزومه عندهم ع الغدا
هادي: ايه رأيك في الاكل ياماما زينب للي عاملاه كله
سوسن:اه يا حبيبي واضح بأمارة الرز المعجن والملوخيه الصايصه والفراخ المحروقه
زينب: طب ليه كده يا حماتي ما انتي كنتي عاملالنا مكرونه وايت صوص من غير صوص وطفحت ومتكلمتش
سوسن: ما خلاص يا بت انتي كل شويه تفكريني
زينب: لا تعايرني ولا اعايرك الهم طايلني وطايلك
سوسن: كل يا سليم يا حبيبي وانت خاسس وهفتان كده زي ابوك
سليم: ما... ماما برضو بتفضل تقولي خد يا ثليم يا ابو نث لثان ما انت طالع لمين طالع لابوك ابن ثوثن عثان كده انا خاثث زيه يا تيتا
سوسن: اه يعني امك بتقولك كده وماله ابن سوسن بقا يا ست زينب
(زينب خبطت سليم في كتفه وهي بتقوله بهمس)
زينب: وحيات امك يا سليم يا ابو نص لسان لاكمل ع الجزء الباقي من لسان بس الصبر
سليم: الله وانا مالي مث انتي للي بتقوليلي كده
زينب: وبعدين هو فيه زي هادي وحلاوة هادي ده جوزي حبيبي طبعا يا حماتي ولا ايه يا هادي يا حبيبي
هادي بتوتر: طبعا يا حبيبتي انتي هتقوليلي
سوسن: وماله البيت مترب كده ليه انتي مش بتنضفيه
زينب لا بنضفه يا حماتي
هادي: ما خلاص يا جماعه اشربي شربه يا ماما الشربه حلوه
___________________________________
(بعد ما سوسن رجعت بيتها)
زينب وهي ماسكه ايد المقشه وهادي وسليم فوق الدولاب
زينب: وحيات امك يا ابن سوسن انت مفكر لما تطلع انت وابنك فوق الدولاب مش هطولكوا طيب انا قعدالكوا اهو شوفوا هتنزلوا ازاي بقا
سليم: ياعم ما تطلق الثت دي وتريحنا بقا
هادي: تصدق فكره!
لمتابعه باقي فصول الرواية اضغط هنا 👇
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)