.jpeg){kind=small}
روايه حبي الوحيد الفصل الثاني 2 بقلم جني احمد
.jpeg)
الفصل الثاني
البارت الثاني❤️
ثريا: تصبح على خير يا مراد
مراد: وانتي من اهل الخير يا ماما
سليم: تصبح على خير يا مراد
مراد:وانت من اهل الخير يا بابا
وقفلوا الباب وخرجوا
مراد بضحك: مفكرين من كل عقلهم أن انا ممكن اخد الدوا دة مستحيل ........ ورما الدوا في باسكت القمامة
_____________
"في الشركة عند ليل"
ليل: كدا نكون خلصنا الشغل
مازن: الحمدلله .......انا هروح عايز حاجة
ليل: وانا كمان مروح استني ألم حاجتي واقفل المكتب ونروح مع بعض
مازن: ماشي ........
ونزلوا مع بعض وكل واحد ركب عربيته واتجه كل واحد علي بيته
______________
"في فيلا الاسيوطي"
علي وصل البيت
ندي: بابا اخيرا جيت انا مستنية حضرتك من بدري
نادية: أيوة يا علي انت اتأخرت
علي: معلش كان عندي شغل كتير بس الحمدلله خلصته
نادية: طيب يا حبيبي هخلي هنادي تحط العشاء
وهنادي حطت العشا وبدأوا في الاكل
علي: عملتي ايه يا ندي في الحالة بتاعتك
ندي: الصراحة يا بابا انا اول مرة اشوف حالة كدا يبان أن هو هادي وكيوت وفجأة يتعصب وتجيله حالة عصبية فظيعة معندنوش ثقة في نفسه خالص ودايما بيشرب مية ويهز رجله
علي بضحك: علي فكرة الحالة سهلة اقعدي ريحي كدا واشتغلي عليها وان شاء الله توصلي لحل انا عارف انك تقدري توصل لحل
ندي بخبث: يعني حضرتك عارف التشخيص والعلاج ومش عايز تقولي؟!
علي: اه عارف بس عايز اشوف خبرتك واعرف مدي اصرارك وبعدين وكمل بضحگ وبعدين انا مالي هي حالتي ولا حالتك
ندي بإبتسامة: امممم كدا يا بابا طيب انا هثبتلك اني اقدر احل الحالة دي وهوصل لحل......وقامت من علي العشا وطلعت جري علي اوضتها
نادية: يا ندي ..ندي تعالي كملي باقي عشاكي
ندي من فوق: لا لا مش هنام ولا هيجيلي نوم غير لما اخلص الحالة دي
علي: سيبيها يا نادية
ونادية وعلي فضلوا يتكلموا وبعد كدا طلعوا ناموا
______________
"في فيلا الجرحي"
ليل وصل البيت
سليم بضحك: ازيك يا ليل شايف الشركة منورة
ليل: طبعا مش انا اللي اشتغلت فيها علي فكرة صفقة اليونان خلصتها وخلاص بقت في أيدينا و.........
سليم بمقاطعة: ومحتاجين توقيعي علي الورق وتوقيع حسابات الشركة
ليل بصدمة: ايه دة حضرتك عرفت منين
سليم بضحك: يابني انا معاك في الشركة علي التليفون وكمان انهاردة اشتغلت مع مازن
ليل بصدمة اكتر: وكمان عرفت اني اشتغلت مع مازن بس حضرتك عرفت ازاي
سليم: أيوة عرفت من السكرتيرة
ليل بضحكة: دة حضرتك كان ناقص تعرف احنا كلنا ايه
سليم: طب ما انا عارف سندوتشات شاورما
ليل: ازاااي دة رقية (السكرتيرة) دي ميتبلش في بقها فولة
سليم: المهم احنا كنا عايزين نجيب دكتورة لمراد
ليل بحزن: طب ما نوديه المستشفي وهما يهتموا بيه بدل ما كل شوية نجيب دكتورة
سليم: نوديه احسن واكبر المستشفيات من بكرا
ليل: هنوديه بكرا بس بشرط محدش يقوله لان لو عرف مستحيل ييجي معانا
سليم: ماشي يارب تكون سبب في شفاه
ليل: يارب
ثريا: يلا تعالي يا ليل يا حبيبي عشان نتعشي
ليل:يلا اومال فين مراد وفريدة
ثريا: مراد نام وكملت بضحك وفريدة عندها محاضرات متراكمة
ليل: مافيش مرة اشوفها مش مراكمة المواد كدا
ثريا بإبتسامة: عشان كدا قاعدة من الصبح بتذاكر
ليل: انا هطلع اخد شاور و اغير هدومي وانزل نتعشي
ثريا: وانا هخلي سماح(الخادمة) تحضر العشا
ليل: ماشي......وطلع لغرفته خد شاور وغيّر هدومه ونزل وفريدة نزلت ومراد مش بيحب ياكل قبل ما ينام وبدأوا يتعشوا وخلصوا وكل واحد طلع علي أوضته
_____________
"في صباح فيلا الجرحي"
علي طاولة الفطار
ليل: ايه رأيك نروح المول نجيب شوية حاجات يا مراد
مراد: موافق
سليم: كنت عايز اجي معاك بس انهاردة هروح الشركة
ليل: لا يا بابا انت روح الشركة وانا هروح المول مع مراد وغمز له
نادية: انا هروح معاهم عشان عايزة اجيب حاجات بردوا
سليم: ماشي
فريدة: وانا مين يوصلني الجامعة
ليل: لو كنتي صبرتي وكملتي كلامي للآخر كنتي سمعتي وانا بقول وهوصل فريدة للجامعة
فريدة: طول عمري بقول أن ليل حبيب قلبي
مراد: ليل بس وانا ابن الجيران
فريدة: انت بقا قلبي
ثريا بضحك: كفاية خناق بقا وركزوا في الاكل عشان متتاخروش
سليم بحزن في سره: انا اسف يا مراد علي اللي هعمله بس دة اللي لازم يحصل
خلصوا الفطار وقاموا من علي الطاولة
ليل: يلا يا فريدة عشان اوصلك ويلا يا مراد
وراحوا كلهم ركبوا العربية نادية وفريدة ومراد وليل ركبوا العربية وسليم ركب عربيته الخاصة واتجه الي الشركة
_____________
"في المستشفي"
ندي خبطت علي باب مكتب باباها
علي: ادخل
ندي: مش انا قلت اني مش هنام غير لما ألاقي حل للحالة
علي: اه...... لاقيت حل؟!
ندي: اه لاقيت وبدأت تشرحلوا الحالة
علي بإبتسامة:انا فخور بيكي بجد وكنت عارف انك هتلاقي حل
ندي بضحكة: دة انا الملكة
علي: طيب يا ملكة روحي على شغلك
ندي قبلت راس باباها وراحت علي شغلها
_______________
"عند ليل وصل المستشفي"
ليل: انزل
مراد شاف المستشفي وفهم قصدهم
مراد بعصبية: احنا ماتفقناش علي كدا
ليل:انززززززل يا مراد مش هكرر كلامي تاني
ثريا: اهدي يا ليل وانت يا مراد انزل
مراد: انا كويس وباخد العلاج ومش محتاج مستشفيات
ليل بسخرية: انت فعلا لو كنت بتاخد الدوا مكانش جاتلك نوبة امبارح
مراد: ماشي يا ليل هدخل المستشفي
مراد في سرّه: ماشي يا ليل انا هخلي اللي يعالجني يندم
ليل دخل المستشفي ومراد كتب كل حاجة عنه في السيڤي وكانت الدكتورة ندي
ندي: اتفضل.......ودخل مراد طبعا ليل وثريا برا في العربية لأن ممنوع اي حد يدخل مع المريض
مراد بقرف: نعم عايزين ايه مني
ندي: اتشرفت بحضرتك يا استاذ مراد
مراد بصدمة: عرفتي اسمي منين
ندي: من السيڤي اومال انت كنت بتكتب ايه برا مسابقة اوائل الطلبة
مراد: امممم وانتي اللي هتعالجني
ندي: اه قلي بقا هل بتخاف من الأصوات العليا و............
مراد: انتي هتحققي معايا وقامت عشان تجيب ورق
راح مراد مسكها من شعرها وخنقـ"ها من رقبتها
مراد: طبعا انتي مفكراني هجاوبك وكدا .....وفضل يضغط على رقبتها وندي ضغطت علي حتى معينة من رقبته واغني عليه
ندي: اااااااااااااااااع وطلعت برا الاوضة
السكرتيرة: دكتورة ندي في حاجة
ندي بتعب: رني علي بابا وعرفي عائلته
وفعلا السكرتيرة رنت علي باباها وعرفت ليل وثريا
علي: ندي ندي انتي كويسة
ندي: اه كويسة يا بابا
ليل: حقيقي مش عارف اقول ايه احنا اسفين
ندي: دة طبيعي لانه اول مرة يشوفني ويتعامل معايا
علي: طبيعي ازاي يا ملك في حد يعمل كدا احنا عمرنا ما لاقينا شخصية كدا اه بيبقوا متوترين لكن محدش رفع أيده عليكي
ندي: دة غيرهم اكيد جاي غصبا عنه ودة رد فعل طبيعي لاي مريض نفسي
ثريا: بعتذر جدا ليكي يابنتي
ندي: عادي عادي أول مقابلة بتبقي كدا أن شاء الله المقابلة الجاية تكون كويسة
علي: تبقي كدا ازاي يا ندي انتي كنتي هتـ" موتي وبعدين هو لسة في مقابلة تانية
ندي: اه في مقابلة تانية يمكن لما يتعرف عليا ونعرف بعض يرتاح معايا ويكمل علاجه
ليل: انا مش عارف اتاسف لحضرتك ازاي
علي مستغرب تصرفات ندي وأنها موافقة أنها تكمل في الحالة دي
مراد فاق ومتجه الي ندي
علي: نددددددددي
ليل: خلي بااااااااالك
يتبع....................
#حبي_الوحيد
#_الجميع
#بقلمي_جني_احمد
