روايه بجوارك يصبح العالم امن الفصل الثاني 2
بقلم آلاء الواقع
محمد:وحشتني
مريم بذهول:انت بتعمل اي هنا ؟؟ودخلت ازاي ؟؟
ولسه هصوت جه قليل الادب حط ايدوا علي بوقي
محمد:هشيل ايدي لو صوتك علي هتبقي مجنونه علشان انا مفيش حد بيشوفني غيرك
شال ايدوا وراح قعد علي المكتب
مريم بتوتر:انت جيت ليه؟؟
محمد:ينفع تسبيني كل المده دي عاطل ولا شغله ولا مشغله ؟؟؟
مريم:وانا مالي
محمد:مالك ازاي ، ما انتي للي بتشغليني ارجعي اكتبي كفايه بقا انا عفنت من الركنه والناس كمان وحشتها حروفك
مريم:مش انا بطلت
قام وجه قعد جنبي علي سرير وعينه بتطق شرار
محمد:يعني اي بطلتي دي ،طب وانا ،والناس ،سيبك من كل دول حلمك يا مريم دا كان حلمك انك تبقي كاتبه معروفه
مريم: كان بقا واتفضل يلا امشي من غير ما طرود او بمطرود عادي يلا
قرب مني اكتر قليل الادب بجد زي ما قولتكوا
محمد بزعيق:اسمعي ييت انتي انا كيلي طفح منك انا مستحمل انك فضلتي مده انك رمايني وبتكبي واحد غيري مره يوسف ومره زين يشيخه في انتي كتبتي عن اسد بقا في واحد في الدنيا اسمه كدا وكمان عامله بطل روايه وسكتت وقولت معلش يا واد يا محمد التجديد حلو علشان الناس ،لكن لا انا هنا البطل انا للي ابتديت معاكي ومش هسمح بان حد يحبك غيري سامعه ولا لا ،ردي سامعه ولا لا
حمش حمودي حمش والله اموت انا بجد
مريم: فاهمه بس ابعد شويه
محمد:هترجعي تكتبي ؟؟؟
مريم: صدقني مبقاش عندي شغف للكتابه ومش قادره اطلع افكار جديده فبطلت كدا احسن انا
حضني وطبطب عليا الغريبه اني محاولتش ابعد كأني كنت مستنيه الحضن دا او مستناة هو
محمد:هتكوني كويسه لان من ساعه ما عرفتك وانتي قويه كملي وانا معاكي انا عارف ان مجرد بطل علي ورق او وهم في خيالك بس انا حبيت يا مريموتي والله ارجعيلي بقا ورجعيني في حياتك
بعد عنه وعيني مليانه دموع
مريم:هحاول
محمد:اوعديني
ابتسمت
مريم:اوعدك
الباب اتفتح ولاقيت ساره اختي بتكلم باستغراب
ساره: اول قصه حب تنشأ بين انسان ومخده ،بتوعدي المخده باي يعسل
فوقت من سرحاني وضحكت وقومت جبت دفتري وقلم من علي المكتب
مريم:اطلعي برا واقفلي الباب مش عايزه دوشه
سارة:الله هترجعي تكتبي تاني ، حاضر دا كمان هطلع اعملك قهوه علشان تكتبي بمزاج
فتحت الدفتر وكتبت ....
لمتابعه باقي فصول الرواية اضغط هنا 👇
(روايه بجوارك يصبح العالم امن )
