روايه غرامها اسرني الفصل الثالث 3 بقلم روان سعد
في أوضة الرياضة بتاعت مراد
غرام بانبهار: يخربيتك دي كلها عضلات حقيقه ولا فيك... نفخهم فين
مراد بغضب: انتي ايه دخلك هنا.... اطلعي برا
غرام بالامبالاه: اهدي يا شبح كدا علي نفسك.... بس قولي بجد نفخهم فين... الشخص الي نفخهملك دا ثروة لشباب مصر كلهم.. بجد والله
مراد: انتي اتهبلتي ولا اي... و بعدين اطلعي برا مش عايزة اشوف وشك هنا تاني..... و بعدين مفيش كسوف كدا خالص.. مفيش حياء
غرام مكنتش واخده باله انه خالع التيشرت كان كل تفكيرها ف عضلاته أول ما خدت بالها اتوترت و اتكسفت هي مكنش قصدها حاجه هي انبهرت بعضلاته مش اكتر فجت تخرج اتكعبلت و كانت هتقع لولا ايده مسكتها من وسطها قبل ما تقع و سرح ف عيونها الي شبه البندق و رموشها الكثيفة و قالها:عيونك عامله زي السحر و بعدها فاق علي نفسه و زقها علي الأرض جامد و قال بعصبية: كلكم كدابين و خاينين... اطلعي برا.... و قالها بعيون حمرا و مسكها من دراعها جامد: حسك عينك اسوء هنا الجناح هنا خط احمر و الا قسما بالله إن دخلتيه المرة الجايه مش هتطلعي من هنا سليمة فااااااااااهمة
غرام بدموع و وجع من مسكته لايديها: ف ا ه م ه (فاهمه)
غرام طلعت بتعيط جامد و ندمانه انها دخلت الجناح دا بسبب فضولها الي دايما بيسبب لها مشاكل
الصبح غرام صحيت من النوم و نزلت لقت الكل متجمع
عبد الرحمن: صباح الفل يا بنت الغالية
غرام: صباح النور
و قعدت و مراد قصادها كانت عيونها بتطلع شرار من الي عمله امبارح بس قررت هتتعامل مع الكل عادي لحد متاخد حقها
آسر (ابن محمود الابن الكبير لعبد الرحمن و اخو مراد و ياسمينا): ها يا جدو فكرت في جدو ف الموضوع الي كنت قايل لحضرتك عليه
عبد الرحمن: آه.... و مش وقته انت مش شايف الي احنا فيه.. بعدين
آسر: بعدين اي يا جدو... حرام عليك يا جدو أنا بقالي كتير متكلم مع حضرتك في الموضوع دا
محمود : اتكلم بأسلوب احسن من كدا يا ولد انت بتكلم جدك...... و بعدين قالك بعدين يبقي خلاص الموضوع و إلا لو مسكتش الموضوع هينتهي خالص .... كفايه اننا وافقنا قبل ما اخوك الكبير يتجوز
غرام:هو أنا ممكن اتدخل
عبد الرحمن: اتفضلي يا بنتي اسر زي اخوكي
غرام: انا من كلامكم عرفت انه موضوع جواز و انا مش شايفه من جوازه حاجه غلط و فيها اي لما يتجوز قبل اخوه الكبير مدام لقي شريكة حياته الي تستاهله و الي بيحبها يبقي يستني اخوه افرض اخوه متجوزش دلوقتي اسر يسيب حبيبته تروح منه و خصوصا انه صعب انك تلاقي حد تحبه و تديلوا ثقتك الفترة دي الناس وحشه.... او بدل مكان راح اتجوزها من وراكم و بقت فضيحه..... او كلمها ف الحرام... مش كدا احسن انه يدخل البيت من بابه... ارجوكم وافقوا علشان نراضي الواد الغلبان دا و نفرحه و كلنا نفرح.... و كملت بحماس: و أنا من زمان محضرتش افراح بالله عليكم وافقوا خلينا نفرح و ننبسط ..... ها قولتوا ايه
آسر: اهو شوفتوا حتي البنت مش معارضه.الي كنتوا بتقولوا انها لسا راجعه و مينفعش ... الله يستركم وافقوا... الهي يخليك عيالك يا شيخ واف..
قاطعه و قاله عبدالرحمن: خلاص موافق بطل انت هتشحت و لا اي... حدد مع اهلها معاد علشان نروح نخطبها يلا اجري... بس كله علشان خاطر غرام بنت الغالية
آسرو هو بيجري علشان يكلم اهل حبيبته: تعيش غرام تعيش... طول عمري بقول مليش الا غرام بنت عمتي والله
يامن بمرح : اي يا سي جدو دا انا بتحايل عليك بقالي شهر علشان الواد الغلبان دا ........ و ف الاخر كلمة واحدة من الست غرام وافقت...
ياسمينا بمرح مماثل : مهو من لاقي احبابه نسي صحابه بقي يا يامن..... علي فكرا يا سي جدو أنا كدا هغير
عبد الرحمن: تغيري من اي بس كلكم احفادي و كلكم غاليين عندي... بس غرام لسا راجعه بعد طول غياب طبيعي مرفضلهاش طلب و ادلعها شويه زي مدلعتكم
ياسمينا بمحبة: ماشي يا جدو ربنا يخليك لينا يا رب و ميحرمناش منك
غرام جت تطلع فى الجنينه وقفها صوت مراد و هو حاطه ايديه الاتنين في جيوبه و بيقول: حلو الدور الي عملتيه من شوية
غرام باستغراب: دور اي مش فاهمه
مراد: بطلي استعباط... بس عموما هوضحلك دور البنت الطيوبة الكيوت البريئة الي مفيش منها الي بتعمل الي تقدر عليها علشان تساعد الي حواليها و توفق راسين ف الحلال و تطلع ف الاخر الحفيدة الي مفيش منها..... فبطلي حركاتك الرخيصه علشان تكسبي ثقه جدو... و حذاري تقربي ناحية حد من اخواتي فا.......
غرام ببرود: حيلك حيلك أولا مش مسموح لك انك تكلمني بالاسلوب دا ثانيا بقا أنا مش محتاجه ابرر لحد الي بعمله و ان كنت هبرر فمش هببرلك انت مين اصلا ثالثا بقا و دا الاهم أنا مش محتاجه اعمل اي حاجه علشان اكسب ثقه حد او اتحب أنا محبوبة اصلا... وكملت بسخرية: ولا انتِ بتغيري يا بيضا...... علشان الكل حبني بسرعة و ادوني ثقتهم و بقا ليا كلمه مسموعه هنا
و هي نجحت في انها تستفزه فعلا بس هو خفاه
مراد ببرود مماثل : الله الله القطة المغمضه الي طلعت من الاوضة امبارح بتعيط بقت بتخربش ..
وبعدها مال علي ودنها و همس: اما بالنسبه لكلامك دا فهندمك عليه علشان انت لسا متعرفنيش ماشي يا حلوة
في اوضة حسين
غاليه خبطت عليه و هو قال اتفضل و دخلت
و مع دخولها افتكر كل لحظاته معاها الحلوة و انها حب حياته بس افتكر بعدها انها سابت بكل سهوله و مرضتش تسمع منه و اتخلت عنها
حسين: افندم
غاليه بدموع: حسين أنا آسفه.. سامحني... صدقني دا كان رد فعلي علي الي حصل انصدمت و لما فوقت من الصدمه كنت انت مشيت معرفتش اوصلك..... سامحني.. صدقني أنا محبتش في حيا
حسين قاطعها: خلاص كفايه الكلام مبقاش ينفع الموضوع منتهي خلاص احنا كل الي يربط بينا دلوقتي هو بنتنا مفيش حاجه و لا فيه أمل يبقي فيه حاجه تاني..... بعد اذنك محتاج ارتاح
حسين قال الكلام دا و هو بيجاهد نفسه و ميضعفش قدامها و قدام دموعها
بعدها هي خرجت قابلت باباها عبد الرحمن اخدها في حضنه و حكتله الي حصل معاها و قالها: معلش يا بنتي اكيد هيعمل كدا و اكتر الي حصل مكنش سهل كلنا خذلناه و صعب انه يسامحنا.... واحده واحده و كله هيعدي و هيتحل يا قلب ابوكي... و احمدي ربنا علي رجوع بنتك و اقعدي معها...... يلا نامي يا حبيبتي.... تصبحي علي خير
علي الجانب الاخر
ـ يعني اي مش عارف توصلها.... مشغل عندي بهايم... هديك آخر فرصه في اقل من 24 ساعة يكون مكانها عندي...... فاااااااااهم....
لمتابعه باقي فصول الرواية اضغط هنا👇
