.jpeg){kind=small}
روايه حبي الوحيد الفصل الثالث 3 بقلم جني احمد
.jpeg)
الفصل الثالث
البارت الثالث❤️
مراد فاق ورايح باتجاه ندي
علي: نددددددددي
ليل:خلي بااااااااالك
لكن كانت ندي اسرع منه وجريت من تحت أيده والعصا جت في الهوا
ليل: مرااااد انت خلاص اتعديت حدودك
مراد بعصبية: انتوا اللي اتعديتوا حدودكوا أنا مش مجنون يا ليل انتوا ليه بتعملوا معايا كدا
ثريا بعياط: ومين قالك يا مراد أنك مجنون احنا كل اللي عايزينوا انك تتعالج
مراد: أتعالج........أتعالج من ايه اه قولوا بقا انكوا مش عايزني وانكوا عايزين تخلصوا مني وترموني في اي مستشفى
ليل: مين قال كدا احنا اصلا مش هنسيبك في المستشفي احنا هنجيبك هنا جلسات عشان تتعالج بس وفجأة قرب منه وحضنه جامد ودي كانت اول مرة ليل يحضن مراد بشدة كدا وليل كان بيحاول يمسك دموعه لكن نزلته منه دمعة غصبًا عنه
ليل: انا مقدرش اعيش من غيرگ يا مراد انت اخويا الوحيد مفكر من كل عقلك اني ممكن اعمل فيك كدا
مراد بدموع:لو فعلا متقدرش تعيش من غيري متسبنيش لحظة هنا
ليل: انا والله مش هسيبك بس هسيبك وقت الجلسة بس
ثريا: يا مراد احنا بنحبك اوي وعشان بنحبك عايزين نشوفك مبسوط عشان خاطري يابني ادينا فرصة أننا نعالجك
كل دة وعلي وندي واقفين متأثرين بيهم وندي كان في شعور جواها أنها تكمل في علاجه وأنه هو هيتعالج
ليل: مراد اوعدني انك تكمل علاج وتلتزم بالأدوية
مراد بيحاول أنه يسمع كلامهم وميزعلهمش:حاضر
ثريا راحت حضنت مراد بقوة: مراد ابنييي
ليل: انا الصراحة مش عارف اقول ايه لكن كل اللي اني اسف جدا علي اللي عمله مراد
ندي بسرعة: لا لا ولا يهمك أي مريض لما بتجيله نوبة بيعمل كدا
علي كان بيبص لندي باستغراب ازاي أنها تبقي بكمية الثبات الانفعالي دة وكمان مكملة في معالجة الحالة
ندي: مستنية استاذ مراد الجلسة التانية
ليل بإستغراب: ايه دة انتي موافقة انك تكملي الحالة
ندي: اه موافقة
ثريا: بجد بجد هتكملي الحالة عادي
ندي: اه عادي معظم الحالات بتبقي بدايتها كدا.......
مراد: يعني انتي موافقة انك تكملي في الحالة عادي
ندي بضحك: أيوة يا جماعة موافقة اني اكمل في الحالة عادي انتوا مستغربين ليه وبصت في ساعتها وقالت خلاص جلستك أنتهت اشوفك الجلسة التانية ودخلت مكتبها وليل وثريا شكروا علي ومشوا
علي دخل مكتب ندي: ندي انتي ازاي توافقي انك تكملي في الحالة دي بكل السهولة دي
ندي: يا بابا احنا بنعالج مرضي نفسية مش مرضي عادية في كامل قواتهم العقلية واكيد كل دكتور نفسي اتعرض لحاجة زي كدا
علي: هو جاتله نوبة وعمل معاكي كدا افرضي جاتله نوبة تانية اكيد هيعمل اللي عمله المرة دي ربنا ستر لكن المرة الجاية حقيقي مش عارف ايه اللي هيحصل
ندي: بس انا مش هرجع في قراري يا بابا وقراري الاخير هو اني اعالجه
علي بيأس لانه عارف عناد ندي: اللي انتي عايزاه يا ندي خليكي فاكرة كلامي
ندي: ماشي يابابا
__________________________________________________
"في الشركة"
سليم للسكرتارية: الووو رقية ابعتيلي مازن
رقية بإحترام: تحت امرك يا مستر سليم
وبالفعل مازن راح لسليم وخبط الباب وسليم إذن له بالدخول
مازن بإحترام: ازيك يا مستر سليم
سليم: ايه كل الورق دة يا مازن
مازن بضحك: دة ورق حسابات الشركة وكل الورق اللي محتاج توقيع حضرتك
سليم بضحك:كل الورق دة عشان غبت يوم
مازن: تخيل
______________. . _____________
طبعا سليم بعت عربية لجامعة فريدة وروحوها الفيلا
______________. .____________
"في فيلا الجرحي"
مراد دخل الفيلا وطلع لغرفته علي طول
ثريا: كويس أن الدكتورة وافقت أنها تكمل في علاجه
ليل: الحمدلله
ثريا: انا طالعة لفريدة
ليل: وانا كمان هطلع اوضتي اخد شاور واغير هدومي
ثريا: ماشي
ثريا طلعت لاوضة فريدة وخبطت علي الباب وفريدة أذنت لها بالدخول
ثريا: عاملة ايه يا فريدة عملتي ايه انهاردة في الجامعة
فريدة: الحمدلله المحاضرات كانت حلوة
ثريا: ماشي يا حبيبتي اهم حاجة ركزي في مذاكرتك عشان الامتحانات قربت
فريدة: ماشي يا ماما... اه صحيح وريني جبتي ايه من المول
ثريا: احنا اصلا مرحناش المول رحنا مستشفي نفسية لمراد وقالتلها كل حاجة حصلت
فريدة بزعل: بقا كدا يحصل كل دة وانا اخر من يعلم
ثريا: اخر من تعلمي ايه إذا كان ابوكي ذات نفسه ميعرفش
فريدة: انا قصدي انكوا مقلتوليش امبارح مع اني كنت قاعدة معاكوا علي العشا واشمعنا ليل يعرف وان لا
ثريا: لانك يا فريدة مبيتبلش في بقك فولو وكل حاجة بتقوليها ومش بتحفظي سر
فريدة: الصراحة انا فعلا مش بحفظ سر
ثريا: طيب سيبك من الكلام دة ويلا ننزل نقعد في حديقة الفيلا نغير جو بدل قعدتك كدا في الاوضة
فريدة: ماشي يلا
ونزلوا وراحوا قعدوا في حديقة الفيلا وليل راح أوضة مراد وخبط علي الباب واذن له بالدخول
مراد بتلقائية: احنا هنروح الجلسة التانية امتي؟! ج
ليل بصدمة: انت اللي بتسأل
مراد: الصراحة لما عقلت الكلام في دماغي وافقت
ليل بفرحة: اللي انت عايزه لو عايز نروح من بكرا ماشي
مراد بوجع وهو ماسك راسه وكل تعبيرات وشه اتغيرت: اه اه اه راسي
ليل: مراد مراد مالك في ايه
مراد: راسي راسي بتوجعني
ليل:اخدت الدوا بتاعك طيب؟!
ليل بوجع اكتر: لا مخدتهوش (لانه كان معاند أنه مش هيروح المستشفي)
ليل: قلنا كذا مرة خد دواك مش بتسمع الكلام ليه
مراد بوجع اكتر واكتر: مش وقت عتاب دلوقتي
ليل عطاله الإبرة المهدئة بتاعته بياخدها وقت النوبات
مراد:اه اه........وليل سنده لحد السرير ومراد نام
ليل في سرًه: ليه كدا يا مراد ليه بتعمل فينا كدا وطلع من أوضة مراد ونزل ومرضاش يقول لثريا وفريدة اللي حصل عشان ميزعلوش (كفاية عليهم كدا😂)
_____________. .______________
"في المستشفي"
ندي: بابا حضرتك خلصت شغل؟!
علي: اه يا حبيبتي يلا نروح
ندي: طيب يلا نروح مع بعض
علي للسكرتارية: نارين اي حاجة تحصل في المستشفي عارفيني
نارين: حاضر يا دكتور علي
علي: يلا يا ندي
ندي وهي في العربية: بابا عايزة اعدي علي محل الحلويات بتاع ماما
علي: ونجيب هدية ليها بالمرة
ندي: اممممممم انت عارف انا رايحة ليه بقا
علي: انا مستحيل انسي عيد ميلاد نادية
ندي بضحك: اووووووووه علي الرومانسية
علي بضحك: بس يا ندي بقا متكسفنيش
ندي بضحكة واسعة: علي بيك لا تخجلني
علي: دة المود عندك عالي
ندي: عالي اوييي
ووصلوا علي المحل وجابوا الحلويات اللي ماما ندي بتحبها وجابوا تورتة وكل واحد جابلها هدية متغلفة والاتنين مش عارفين كل واحد جايب ايه وطلعوا من المحل وركبوا العربية
علي: جبتي ايه هدية لمامتك
ندي: نو نو مستحيل اقول الهدية
علي: مش مهم هتعرف بكرا
ندي: بابا انا هطلب من حضرتك طلب ياريت متقولش لماما علي عيد الميلاد دة احنا نعملها مفاجأة بكرا
علي: انا اصلا مكونتش هقولها علي المفاجأة
________________
"في فيلا الجرحي"
سليم وصل للفيلا
سليم: مساء الخير
الجميع: مساء النور
ثريا: بقالك يومين بتيجوا متأخر من الشركة
سليم: معلش يا ثريا الشغل كان كتير في الشركة وكمان عندنا صفقة جديدة عشان كدا بنشتغل جامد علي الصفقة دي
ليل: بكرا يا بابا نروح الشركة مع بعض وهنخلص الشغل بدري
سليم: أن شاء الله......اومال فين مراد وفريدة
ليل بتوتر: مراد في غرفته وفريدة فوق في اوضتها بتعمل يوجا
ثريا: انا هخلي هنادي تحط العشا........وهنادي حطت الاكل وكلهم قعدوا يتعشوا وطبعا كلنا بقينا عارفين أن مراد مش بيحب ياكل قبل ما ينام واتعشوا وطلعوا ناموا
______________
"عند ندي وعلي"
ندي: بابا احنا نسينا الشمع والزينة والبالونات
علي: اه صح ازاي نسينا
ندي: مش مهم في محل قريب من هنا للزينة والحاجات دي
علي: طب كويس هنعدي عليه واحنا ماشيين
ندي: عايزة اعمل عيد ميلاد محصلش
علي بضحك: شغل الزينة والديكور وكدا عليكي يا ندي انتي شاطرة في الحاجات دي
ندي: دة انا هبهرك
علي: اااااااااااااااااه
ندي: حااااااااااااااااسب العربية
يتبع............
#_حبي_الوحيد
#_الجميع
(هههه انا شريرة صح 😂❤️)
