روايه زوجي الشبح الفصل السابع 7 بقلم نور محمد
#البارت_السابع
وفي البدايه كان الوضع مستقر في غرفه ريم لكن بعد حلول الليل بدأ الحقيقه في الظهور وياسين وعصام بقوا يتابعوا بزهول حتي حدثت الصدمه الحقيقه بجد وقف تسجيل الكاميرا بشكل مفاجئ بعد اقتراب ريم من شباك الغرفه
وياسين وعصام بصوا لبعض بصدمه وزهول وقال ياسين:هو حصل ايه ليه التسجيل وقف هنا فجأه؟!
عصام حاول تشغيل باقي الفديو بدون فائده وقال:معرفش كان شغال كويس وفجأه وقف هنا؟
ياسين قال بقلق:طيب والعمل حصل ايه بعدين مع ريم في الغرفه؟!!
عصام بدأ يعيد الفديو تاني من الاول كام مره وقال:معرفش حصل ايه بعدين بس انا لاحظت شئ غريب في الفديو من بدايه وقوف ريم عن السرير بتاعها
ياسين قال بصدمه:شئ ايه يادكتور عصام قول بسرعه
عصام قرب اللاب من ياسين وشغل الفديو تاني ببطئ وقال:ركز كده معايا ياعم ياسين في المشهد ده هتسمع بوضوح صوت طرق خفيف على شباك الغرفه
ياسين فعلا ركز معاه وسمع صوت طرق خفيف على الشباك الغرفه بطريقه غربيه فقال بصدمه وزهول:فعلا في صوت طرق انا سمعته بوضوح بس ده ممكن يكون صوت الهواء بس مثلا من الخارج
عصام فكر في كلامه وقال بشك:يمكن صوت الهواء فعلا ياعم ياسين او صوت حد تاني بيطرق بالطريقه الغربيه دي؟!
ياسين عقله بدأ يتشتت من الافكار الكثيره وقال:انا دماغي وقفت يادكتور عصام والله مش قادر افكر في حل للغز ده وتعبت اوي
قرب منه عصام بشفقه وقال:استهدى بالله ياعم ياسين لكل شئ تفسير مقنع بس احنا لازم نصبر ونفكر بهدووء اكتر لان الحكايه دي بقت كبيره اوي
تهند ياسين بتعب وعدم فهم وقال: ونعم بالله طيب والعمل دلوقتي
رد عليه عصام بتخطيط وقال: انا هحاول الاقي طريقه تاني بأذن الله بس عاوز منك الفتره دي متسبش الأنسه ريم ابدا لوحدها خليك معاها دايما مثل ظلها ماشي ياعم ياسين
وقف ياسين بتعب وحزن وقال:حاضر يادكتور عصام هعمل كده عن ازنك لازم ارجع البيت بسرعه قبل ماتصحي ريم
ابتسم عصام بدعم وقال:ازنك معاك ياعم ياسين وخلى بالك من نفسك ومن الانسه ريم كويس كمان
ياسين ودعه وطلع من عنده بأرهاق وتعب وبعد وقت وصل لمنزله وقرب علشان يفتح الباب بس فجأه لقى الباب مفتوح لوحده وهو متأكد انه قفله قبل خروجه الصبح بالمفتاح كويس اوي
فدخل المنزل بسرعه البرق وقلبه بيدق برعب على بنته ريم وفتح غرفتها وبص على سرير بقلق بس ريم مكنتش موجوده داخل الغرفه
فطلع ياسين جرى على غرفه السطح وانفاسه بقت عاليه جدا ووفق قدامها بخوف وقبل مايمد ايده على مفتاح الغرفه سمع صوت ريم من الداخل بتقول
:خليك معايا شويه كمان يااحمد انا طلعت هنا مخصوص علشان افضل معاك
ياسين سمعها وعنيه برقت بصدمه وشولت حركته في مكانه وفجأه سمع ريم وهي بتضحك بصوت عالي وبتقول
:خلاص بقى يااحمد كفايه كده هموت من الضحك وو
قبل ماتكمل ريم جملها ياسين فتح الباب بقوه عليها وريم اتخضت منه وبصت عليه بصدمه
وياسين قرب منها بقلق وغضب وقال:مين كان موجود معاكي هنا ياريم انا سمعتك بتتكلمي مع حد لوحدك بس مفيش حد هنا في الغرفه؟!!
ردت ريم ببسمه وقالت:مفيش يابابا انا كونت بلعب مع احمد زي زمان بس
تنهد ياسين بتعب وقعد قدامها وقال:ريم ياحبيبتي مش انتي بنت شاطره وبتحبي بابا حبيبك صح
هز ريم رأسها بفرحه وقال:اكيد يابابا انا بحبك اوي ياحبيبي
ياسين مسك ايدها بشفقه وشك وقال:طيب انا عاوز اعرف انتي خرجتي ازاي من الشقه وانا قافلها كويس بالمفتاح بعد خروجي منها؟!
هز ريم اكتافها بلامبالاه وقالت:انا صحيت يابابا ولقيت احمد جنبي على السرير وبعدها اخدني معاه وقال تعالي نطلع سوى ياريم فوق نلعب زي زمان وانا طلعت معاه بس كده
برق ياسين فيها بصدمه وقال:طلعتي معاه وهو خرج معاكي طيب باب الشقه كان مفتوح وقتها ياريم؟
هز ريم رأسها بتأكيد وقالت:ايوه كان مفتوح يابابا وحتي باب الشقه اللي قدامنا دي كان مفتوح انا شوفته كويس لما طلعت مع احمد لسطح هنا
ياسين انصدم بشده منها وقال بصدمه كبيره:اييه باب الشقه المهجوره اللي قدامنا كمان كان مفتوح طيب ازاي ده صاحبها سابها من زمان ومفيش حد اجه سكن بعده فيها انتي متأكده من كلامك ده ياريم؟!!
قربت منه ريم بهدووء وقالت بهمس:ايوه متأكده اوي يابابا حتي انا شوفت خيال شخص كان موجود في الصالون بتاعها صدقني
ياسين بلع ريقه برعب من كلامها وقال بخوف:تمام تعالي معايا دلوقتي نرجع شقتنا تحت وانا هروح اتأكد من كلامك ده بنفسي
ريم هزت رأسها بلامبالاه ونزلت معاه لشقه تحت وقعدت في غرفتها وياسين نزل لصاحب العماره تحت يتأكد منه
ياسين ببسمه:السلام عليكم ياعبدالله يابني
عبد الله ببسمه:وعليكم السلام ياعم ياسين أيه اخبارك انت والأنسه ريم كمان؟
ياسين قال:كويسين الحمد لله بس انا عاوز اسئلك فيه حد سكن جديد الشقه اللي قصادي
رد عليه عبد الله بنفي: لا ياعم ياسين مفيش حد اجه سكن الشقه دي من بعد ماسابها صاحبها زمان بس انت ليه بتسئل عنها؟!
اجابه ياسين بصدمه وقلق وقال: مفيش بس بنتي ريم قالتي انها شافت باب الشقه دي مفتوح وانا كونت عاوز اتأكد منك بس
عبد الله سمعه بصدمه وقال: ازاي يعني شافت باب الشقه مفتوح ومفتاح الوحيد لشقه دي معايا وانا عمرى مافتحتها من زمان
رد عليه ياسين بتعب وقال: تمام ياعبد الله اكيد بنتي تخيلت باب الشقه مفتوح من حالتها النفسيه الصعبه بس اسف ازعجتك في الوقت ده عن ازنك
رد عليه عبد الله بقتناع وقال: حصل خير ياعم ياسين ربنا يشفيها ليك يارب وخد بالك منها كويس
ياسين تهند بتعب من حالته مع ريم بنته وقال: ان شاء الله سلام عليكم
عبد. الله ببسمه:وعليكم السلام ربنا يكون في عونك
رحل ياسين من عند عبد الله صاحب العماره وعقله وقف عن العمل من الاحداث التي تحدث معه الان وصل لشقته ودخل بتعب كبير لقى ريم على طاوله الاكل وقدامها أكل كتير اوي
وقف ياسين بصدمه وعدم تصديق وقرب من ريم بزهول كبير وقال: انتي جبتي الاكل ده كله منين ياريم دنا كونت هنزل دلوقتي علشان اجيب اكل لينا لان البيت مفهوش أي اكل من امبارح بالليل؟!!!
بدأت ريم في الاكل بجوع كبير وقالت:احمد جابه ليا يابابا دلوقتي بعد مانت نزلت من هنا هو دخل الشقه وكان معاه اكياس اكل كتير وقال خدي ياريم الاكل ده علشان انتي لسه تعبانه ومحتاجه تتغذي كويس
وقف ياسين قدامها بصدمه وزهول وقال:احمد اللي جاب الاكل ده كله انتي متأكده
هزت ريم رأسها وهي بتكمل اكل وقالت:ايوه يابابا وطلع من خمس دقايق بس وقال باليل هياجي تاني علشان يطمن عليا
ياسين بلع ريقه بتشتت منها وقعد معاها وبص على الاكل بصدمه وزهول من كمية الاكل المفضل عند ريم وقال بتعب:تمام كلى براحتك ياحبيبتي وانا هروح اعمل فون سريع هرجع تاني
ريم هزت رأسها ليه بلامبالاه وياسين سابها ودخل غرفته ورن على عصام بسرعه وقال:الوو يادكتور عصام انا محتاجك دلوقتي حالا حصل شئ مهم لازم تعرفه
رد عليه عصام بعدم فهم وقال:حاضر ياعم ياسين مسافه السكه واكون عندك
ياسين قفل مع عصام ورجع لبنته ريم بسرعه لقى نص الاكل خلص قدامها فقال بصدمه:انتي ازاي اكلتي ده كله بالسرعه دي ياريم؟!
اابتسمت ريم باحراج منه وقالت: احم مفيش يابابا بس انا كونت جعانه اوي اقعد كل معايا لسه الاكل كتير
ياسين بص عليها لاول مره بخوف منها وقعد معاها وبدأ في الاكل
وبعد وقت وصل عصام لمنزل ياسين ودخل عنده في الصالون وقال:ها ياعم ياسين حصل ايه انت قلقتني اوي؟!
بدأ ياسين سرد كل اللي حصل معاه من وقت خروجه من منزل عصام لغايه الان وقال:وده كل اللي حصل يادكتور عصام بس انا مش عارف اصدقها او لا خايف تكون تخيلته مفتوح من حالتها النفسيه بس فاهمني
اجابه عصام بتفهم وقال:اكيد فاهمك ياعم ياسين بس احنا حاليا في وضع يقبل أي شئ يعني حتي لو كانت الأنسه ريم تخيلته مفتوح من حالتها الصحيه بس لازم نتأكد منه برضو يمكن نوصل لطرف خيط حل اللغز ده
تهند ياسين بتعب وقال:يعني انت شايف اننا لازم ندخل الشقه دي نتأكد من كلام ريم صح او لا
رد عليه عصام بتأكيد وقال:باظبط كده لازم تلاقي طريقه ندخل بيها الشقه دي بسرعه بس بدون علم حد من سكان العماره لان ممكن يكون حد من سكان العماره متورط كمان في الحكايه دي فاهمني ياعم ياسين
هز ياسين رأسه بتفهم وقال:تمام يادكتور عصام انت عندك حق طيب امتي نبدأ الخطه دي؟!
اجابه عصام بتخطيط:بكره بالليل بأذن الله انا هجهز نفسي للمهمه دي وهاجي علشان ادخل واتأكد من الشقه بنفسي بقلم نور محمد.
وقف ياسين قدامه بدعم وقال:كده اتفقنا يادكتور عصام وبكره بأذن الله هنعرف الحقيقه كلها
وقف عصام قدامه بحماسه لما هو قادم وقال:بأذن الله ياعم ياسين عن ازنك بقى علشان الحق اجهز نفسي كويس لمهمه بكره
رد عليه ياسين ببسمه وقال:تمام ازنك معاك يابني وربنا معاك بكره كمان
خرج عصام من منزل ياسين وياسين قرب من غرفه بنته علشان يطمن عليها وفجأه سمع صوتها من جوه بتقول بضيق:لا خليك معايا متمشيش دلوقتي والنبي يااحمد بابا مشغول ومعاه ضيف خليك معايا شويه كمان
ياسين سمعها بوضوح وصدمه وقرب ازنه من الباب بشك علشان يسمع باقي المحادثة ريم جوه غرفتها بس مسمعش صوت حد تاني معاها ففتح الباب بهدووء نص فتحه وحاول يبص جوه الغرفه بدون ماتاخد ريم بالها منه وفجأه عنيه وسعت بزهول كبير وبلع ريقه برعب لما لقى خيال شخص واقف قدام ريم وقريب منها اوي
بعد ياسين بسرعه وصدمه وبلع ريقه برعب وقال:لامستحيل اللي شوفته ده انا اكيد بتخيل بس بسبب الضغط اللي حصل معايا الفتره دي ايوه اكيد بتخيل
هز ياسين رأسه بجنون وصدمه وقرب من باب الغرفه تاني بهدووء وفتحها تاني نص فتحه وبص على ريم لقاها نايمه على سريرها بعمق ففتح الباب ودخل وقف جنبها بخوف ومسد على جبينها بحنيه وقال:ريم اصحي انا عاوزك ياحبيبتي
فتحت ريم عنيها بنعاس وقالت:نعم يابابا عاوز ايه؟!
قعد ياسين جنبها بقلق وخوف وقال:مين كان موجود هنا معاكي في الغرفه ياريم؟! بقلم نور محمد
توترت ريم لاول مره من سؤاله وقالت:لا مفيش حد كان موجود يابابا انا كونت لوحدي في الغرفه
ياسين سمعها بصدمه لانها اول مره تكذب عليه وقال بشك:انتي متأكده ياريم مفيش حد كان هنا معاكي؟!
هز ريم رأسها بتوتر وقالت:ايوه متأكده يابابا وانا هكذب عليك ليه؟
تهند ياسين بصوت عالى وقال:تمام ياله نامي تصبحي على خير ياحبيبتي
ردت عليه ريم ببسمه وقالت:وانت من اهله ياحبيبي
خرج ياسين من غرفه ريم وهو بيفكر في كلامها واللي شافه عندها هو متأكد انه شاف خيال شخص قدامها وقريب منها كمان بس ريم ليه كذبت عليه المره دي وهي عمرها ماكذبت عليه في حياتها
فضل الليل كله يفكر ليه ريم عملت كده وياترى اللي شافه قدام ريم ده حقيقي ام خيال من كثره الاحداث التي حدثت معه الفتره دي؟؟
وفي اليوم التالي حضر عصام مثل مااتفق مع ياسين وجهز نفسه كويس للمهمه دي وبعد منتصف الليل وقف عصام امام الشقه المطلوبه بعد ماتأكد من نوم سكان العماره جميعا
وياسين كان يقف امام شقته بيراقب الاوضاع بخوف كبير قرب عصام من باب الشقه واخرج ادواته وبدأ في محاوله فتح الباب بكل هدووء
وبعد مجهود كبير نجح عصام في فتحه وقال:اخيرا فتحته ياعم ياسين هدخل دلوقتي الشقه وانت ادخل شقتك وخليك جنب الأنسه ريم متسبهاش ابدا تمام
رد عليه ياسين بقلق وقال:بس انا قلقان اوي عليك يادكتور عصام خليني هنا احسن علشان لو حصل حاجه اقولك بسرعه وتهرب من هنا في اسرع وقت
ابتسم عصام بطمئنان وقال:لا متقلقش عليا انا عامل حسابي لكل حاجه هدخل بسرعه اشوف لو في حد موجود فعلا في الشقه او لا وهخرج بعدها علطول بأذن الله بس انت متفضلش هنا علشان الناس متخدش بالها مننا اوك بقلم الكاتبه نور محمد
هز ياسين رأسه بتفهم وقال:تمام انا هدخل الشقه بس خد بالك من نفسك كويس ولو حصل حاجه جوه اخرج بسرعه تمام
قرب عصام وفتح الباب ودخل وقال:حاضر ياعم ياسين عن ازنك
رد عليه ياسين بقلق وخوف:ازنك معاك يابني ربنا يحرصك يارب
قفل عصام الباب خلفه وياسين تهند بقلق ودخل لغرفه ريم بنته علطول لقاها وافقه عند شباك الغرفه فقرب منها ياسين بقلق وقال:ريم انتي بتعمل ايه هنا؟!
اتخضت ريم منه وبصت عليه بتوتر وقالت:مفيش يابابا كونت بشم هواء بس في حاجه ياحبيبي
قرب ياسين ومسك ايدها بحنيه واخدها لسرير وقعد معاها عليه وقال:لا مفيش حاجه ياحبيبتي بس انا حابب افضل معاكي هنا نتكلم سوى زي زمان
ابتسمت ريم وقالت:اكيد يابابا وانا وحشني الكلام معاك اوي
وعند عصام بعد دخوله الشقه لقى المكان قدامه كله ضلمه فطلع الكشاف من شنطته واضائه علشان يشوف كويس لانه فاكر انها شقه قديمه واكيد الكهرباء فيها عطلانه
بس اللي صدمه اول مادخل جوه الشقه اكتر انه لقاها مرتبه ونضيفه اوي وكل حاجه تقريبا في مكانها وهنا عصام عنيه وسعت بزهول وقال:ازاي الشقه مترتبه كده ونضيفه اوي كمان وهي مهجوره من سنين على حسب كلام العم ياسين معايا؟!!
فضل يلف في الشقه بزهول وصدمه وفجأه لما قرب من المطبخ لقى خيال شخص جرى قدامه تجاه غرفه النوم بسرعه كبيره فبلع عصام ريقه برعب وقال:ايه ده؟!! اللي شوفته ده حقيقي او خيال من عقلي بس
دب الخوف في قلبه من فكره ان المنزل مسكون بس قال مستحيل اشباح تسكن منزل مرتب ونظيف كده ابدا؟؟
فقرر انه يروح خلف الخيال ده ويتأكد منه بنفسه وفعلا جرى خلفه بسرعه ووصل لغرفه النوم ودخلها بقلق وخوف
وفجأه وبص قدامه بصدمه كبيره لما لقى صوره عملاقه لريم فوق السرير قدامه بالظبط وهي بتضحك بطريقه ساحره فضل وقت مركز في صورتها قدامه بأعجاب كبير وفجأه فاق من خياله على صوت قفل الباب خلفه بقوه
فالتفت عصام برعب تجاه الباب وقبل مايستوعب حصل ايه هجم عليه شخص من الخلف وضربه على دماغه بعصى كبيره وعصام حط ايده على رأسه بألم كبير
ولف بسرعه تجاه الشخص ده وبص عليه بصدمه كبيره ووقع على الارض اثر الضربه القويه التي تلقاها وعنيه مصوبه تجاه الشخص ده قدامه بس بصوره مشوشه سبب اصابته الكبيره وقبل مايغلق عنيه بألم قال بزهول وصدمه: انت؟!!!.
خلص عصام جملته واغلق عنيه بألم رهيب وزهب لعالم الظلام وووو
لمتابعه باقي فصول الرواية اضغط هنا 👇
