روايه حبي الوحيد الفصل الثامن 8 بقلم جني احمد
.jpeg)
البارت الثامن❤️
_____________
بعد مرور شهر
كان حب مراد وندي بيزيد اكتر من اليوم اللي قبله ورامي بيحاول يقرب من ندي بس ندي مش مهتمة اصلا ومازن وليل وسليم خدوا الصفقة كالعادة
يلا نبدأ بسم الله الرحمن الرحيم 🦋❤️
مراد: ايه رأيك اعزمك انهاردة علي العشا
ندي ضربات قلبها زادت ووشها احمر بس كانت بتمثل أنها تقيلة
ندي: بمناسبة ايه؟!
مراد: لو مش عايزة خلاص عادي
ندي بسرعة: لا لا موافقة بس هستأذن بابا الاول ولاقت أن دي فرصة من دهب عشان تعترف لمراد بحبها
مراد: طبعا لازم تستأذنيه ......التليفون رن
روان: دكتورة ندي الجلسة التانية هتبدأ دلوقتي وأستاذ محمد جه
ندي: داخليه يا روان....مراد الجلسة التانية هتبدأ دلوقتي
مراد: ماشي يلا سلام هتستناكي علي العشا...ومراد طلع ركب عربيته وندي بدأت الجلسة بتاعتها
_____________
"في الشركة"
مازن بفرحة: الحمدلله خدنا الصفقة
ليل: وشركتنا بقت من اكبر شركات العالم
سليم: بجد احنا اشتغلنا جامد ودة جزاء شغلنا وتعبنا
مازن: خدنا الصفققققققة
سليم بضحك: براحة يا مازن قلبك هيقف
ليل بضحك عالي: فقر يوم ما يفرح يموت من الفرحة
مازن: بعد الشر عليا
وراح حضن ليل جامد
ليل: براحة يا مازن هموت في ايدك
ومازن شد الحضن جامد
سليم: خلاص يا مازن الواد هيموت
ليل بخنقة: خلاص يابني انا بموووت
مازن بحب اخوي: يابني انت متعرفش حبي ليك ازاي
ليل بضحك: خلاص يا مازن انت هتخطبني
سليم بضحك: مش هلاقي واحد زي مازن يصون ابني
وكلهم فضلوا يضحكوا جامد وطبعا اليوم دة اخدوا إجازة من الشغل
سليم: ربنا يخليكوا لبعض يارب
مازن وليل: يارب
______________
"في المستشفي"
علي: اتفضل
ندي: ازيك يا بابا
علي: الحمدلله يا ندي ايه خلصتي الجلسات
ندي: الحمدلله خلصتها بس كنت طالبة طلب صغير يا بابا يا حبيبي يا قرة عيني........
علي: بسرعة يا ندي عايزة ايه؟
ندي بسرعة في الكلام: الصراحة مراد عزمني علي العشا وجيت عشان استأذن حضرتك
علي بصدمة: مراد...ودة ليه بمناسبة ايه
ندي: سألته نفس السؤال قالي مش لازم يبقي فيه مناسبة عشان خاطري يا بابا وافق وافق وافق
علي: ندي حبيبتي انتي هتخرجي مع مريض نفسي يعني ممكن فأي لحظة تجيله نوبة ساعتها الله واعلم ايه اللي ممكن يحصل المرة اللي فاتت ربنا قدر ولطف إنما المرادي الله واعلم ايه اللي ممكن يحصل
ندي: بابا صدقني هو بدأ يتحسن واكيد هياخد علاجه وافق وافق عشان خاطري
علي: موافق بس ليا شروط
ندي: انت تؤمر واحنا ننفذ
علي: اولا تاخدي معاگي حراسة ثانيا متتأخريش ثالثا ودة الاهم تتاكدي أنه اخد دواه وانتي دكتورة وعارفة الكلام دة
ندي: أوامرك يا بابا يلا سلام انا لازم أمشي دلوقتي
علي بإستغراب أنها موافقة وكمان مصرة انها تروح تتعشي معاه وأنها مبسوطة انها تخرج معاه وفضل يفكر شوية
علي: لا لا مستحيل اللي في دماغي اكيد لا يعني ندي مش كدا
____________
ندي كانت ماشية ورايحة عربيتها عشان تروح الفيلا وتغير هدومها وتتجه للمطعم
رامي: ندي...احم احم قصدي دكتورة ندي
ندي بضيق: نعم يا دكتور رامي
رامي: ممكن نتكلم برة المستشفي
ندي: دكتور رامي لو حضرتك عندك اي حاجة عايزة تقولها ياريت تقولها هنا ودلوقتي وبسرعة لاني عندي معاد
رامي: طيب تعالي نتكلم في كافيه المستشفي حتي
ندي بضيق: اتفضل
"في الكافيه"
ندي: اتفضل حضرتك كنت هتقول ايه
رامي بهدوء: طبعا انتي عارفة أننا بقالنا تلت سنين شغالين مع بعض
ندي بضيق: طيب وايه الجديد ما انا عارفة
رامي بتوتر: الصراحة انا حبيتك واتعلقت بيكي وعايز اتجوزك علي سنة الله ورسوله
ندي بصدمة: ليبيه تتجوزني
رامي في سره: ايه اللي عملته دة يا رامي حد يقول الكلام دة كله ورا بعض
رامي: هو انا قلت حاجة غلط انا بقول علي سنة الله ورسوله
ندي بهدوء: دكتور رامي حضرتك انسان محترم جدا والف من يتمناك وان شاء الله تلاقي البنت اللي تحبك وتقدرك بس انا مش موافقة وانا مش اخر بنت في العالم في بنات غيري واحسن مني بمليون مرة وان شاء الله تلاقي بنت الحلال اللي تحبك
رامي: بس انا مش عايز حد تاني انا عايزك انتي صدقيني يا ندي انا بحبك ومستحيل احب غيرك
ندي: دكتور رامي زي ما قلت لحضرتك كدا انا بعتبرك زي اخويا خلينا في الشغل بس لكن اي حاجة تانية انا مش موافقة...وقامت وقفت ورايحة تمشي راح رامي مسك ايديها
ندي بعصبية بتحاول تخفيها: ايدك لوسمحت انا قلت لحضرتك اللي بينا شغل بس متخلنيش اضطر الغي علاقتي معاك بالشغل كمان
رامي: اسف بس فكري في كلامي
ندي بغيظ: مش هفكر لاني ببساطة بحب واحد تاني
الكلمة نزلت علي رامي كالسيف ووجعته اوي وندي سابته ومشيت
رامي بحقد: انتي ليا انا وبس ومش هسمح لحد تاني أنه يأخدك انتي ليا وبسسس
___________
"عند ندي في الفيلا"
طبعا علي كان معرف نادية أن ندي هتروح تتعشي مع مراد
ندي خدت شاور وسرحت شعرها ولبست دريس ابيض وفي خطوط بينك واسع وكوتشي ابيض وشنطة اوڤ وايت وفردت شعرها الطويل وحطت برفيوم هادي ونزلت بطبيعتها من غير ميكب
نادية: اووووه ايه الشياكة دي يا دودو
ندي بفرحة: ايه رأيك يا ماما شكلي حلو
نادية: انتي قمر في كل حلاتك
ندي بتكبر مصطنع: عارفة من غير ما حد يقولي يلا سلام
نادية: سلام يا ندي....وراحت ركبت العربية مع الحراسة
__________
"في الشركة"
مازن: انا هروح بقا
ليل: استني احنا كمان هنروح هلم الحاجة وننزل
سليم بخبث: ايه رأيك يا مازن ننزل ونستناه تحت
ليل: نعععم هو انتوا تأكلوا وتنزلوا وتسيبوني قسما بالله يا مازن لو ما جيت لميت معايا لتزعل
مازن بتكبر مصطنع: يماما دة هياكلني خلاص هاجي الم معاك
سليم بضحك: مش هتعقلوا بردوا ونزلوا وكل واحد ركب عربيته واتجهوا لبيتهم
ومراد كان معرف ثريا أنه هيتعشي مع ندي وثريا كانت بترن عشان تعرف سليم بس كان عامل تليفونه سايلنت ومراد راح مع حراسة
__________
"في المطعم"
ندي وصلت المطعم
مراد كان سرحان في ملامح ندي وقد ايه هي جميلة وتقدر تشد اي حد
مراد في سره: دي ملاك علي هيئة بشر ااااااااااااه
ندي: مراااااااد
مراد: في ايه بتصوتي ليه
ندي: بقالي ساعة بنادي عليگ (كنتوا مستنيين حاجة وحشة تحصل صح😂🫡)
مراد: انا بقالي سنة مستنيكي اتأخرتي ليه؟!
ندي: انا مكنتش هتأخر بس دكتور رامي كان عايزني في موضوع عشان كدا اتأخرت
مراد بغيرة: وانتي تتكلمي معاه ليه وكان عايزك في ايه اصلا
ندي بتوتر: اه اه كان عايزني في شغل هيكون عايزني في ايه وبتحاول تغير الموضوع تعالي ندخل المطعم هتفضل ساعة واقفين برا
مراد: ماشي ومتقفيش معاه تاني
ندي بضحك: خلاص بقاا
مراد: تحبي تأكلي ايه
ندي: انت اختار ليا
مراد: خلاص بقا لازم تستحملي لاني انا اكلي غريب شوية
ندي بضحك: شكلي هروح المستشفي انهاردة
مراد بتوتر: انا كنت عايز اقولك حاجة
ندي بتوتر: وانا كمان كنت عايزة اقولك حاجة
مراد: اقول دلوقتي ولا بعد الاكل
ندي: خليها بعد الاكل عشان لو خبر وحش نفسي متتقفلش
مراد: انا بقول كدا بردوا
والأكل جهز والجرسون حط الاكل عليا الترابيزة
ندي بصدمة: دي اكلتي المفضلة
مراد: بجدددددد
ندي: اه والله دي اكلتي المفضلة ويا سلام بقا لو فيها شطة كتير
مراد: اه وعصرة ليمون
ندي: اجمد ولو عملت بعديها كوباية شاي
مراد: وتكون معلقة سكر وخفيف
ندي: بجد انت زوقك في الاكل زيي بالظبط وبتحب نفس الاكل اللي انت بحبه
مراد بضحك: طيب الحمدلله اظن غيرتي رأيك انك مش هتروحي المستشفي
ندي: لا كدا مش هروح خلاص
مراد: طيب يلا نبدأ ناكل الاكل هيبرد
ندي: يلا بسم الله الرحمن الرحيم
____________
"في فيلا الجرحي"
ليل وسليم وصلوا إلى الفيلا
ليل: السلام عليكم عاملين ايه
ثريا: الحمدلله كويسين سليم انا برن عليك
سليم: اكتشفت مؤخرا اني عامل فوني سايلنت كنتي عايزة حاجة
ثريا: كنت هقولك أن مراد هيتعشي برا مع دكتورة ندي
سليم: اممممم قولتيلي دكتورة ندي
ثريا: اه ليه في ايه
سليم: اصل اليومين دول مافيش غير دكتورة ندي اللي علي لسان مراد
فريدة بهمس: الحبيب العاشق
ليل بضحك: لمي نفسگ
فريدة: انت سمعتني
ليل: اه
فريدة: دة انت عليك حاسة سمع مش موجودة في القطط
ليل: الله واكبر عليا خلاص انا مش هسمع تاني
ثريا: كدا يا ليل قصدك أن فريدة عينها وحشة
ليل: انا مقولتش كدا بس الحسد موجود في كل حتة
ثريا: طيب تعالوا هخلي سميحة تحط العشا
سليم: ياريت لاني هموت من الجوع
ليل: وانا هطلع اخد شاور وانزل
______________
مجهول: استاذ هي دلوقتي قاعدة مع راجل في مطعم وبيضحكوا مع بعض
رامي بعصبية: متقولش بيضحكوا دي
مجهول: مش حضرتك قلتلي قول اللي بيحصل بالتفصيل
رامي: ماشي كمل
مجهول: وهما شوية وهيمشوا ننفذ اللي حضرتك قلت عليه؟
رامي: لا متنفذوش حاجة غير بأمري
مجهول: تحت امرك يا رامي بيه
رامي: انا جيت اعرض عليكي الجواز لحد عندك بالادب والذوق وانتي مرضتيش هتجوزك بردوا ورجلك فوق رقبتك
_____________
"في فيلا الجرحي"
فريدة: اخيرا عملتولي توست
ثريا: علي فكرة ساندوتش مافيهوش فائدة
فريدة: بس طعمه حلو اوييييي
ليل: سيبيها يا ماما تاكل اللي عايزاه
فريدة: دة ايه الرضا دة
ليل: طب والمصحف انا غلطان
فريدة: ياعم بهزر معاك
سليم: انا حاسس ان مراد بدأ يتأخر هكلمك الحراسة هشوف في ايه
ثريا: كل طيب بعد كدا كلمهم
سليم: هكلمهم الاول وبعد كدا اكل
سليم: الوو استاذ مراد خرج
الحارس: لا مخرجش يا سليم بيه هو حاليا في المطعم
سليم: طيب خلي عينك عليه جاامد
الحارس: تحت امرك يا سليم بيه
سليم: لسة في المطعم
ليل: انا اكلت الحمدلله
فريدة: وانا كمان اكلت هطلع اوضتي انا عشان عندي محاضرة بكرا
سليم بخبث: هما طالعين دلوقتي ما تيجي نطلع احنا كمان
ثريا بخجل: اتلم العيال قاعدة
ليل: أحم أحم احنا قاعدين يا ناس
فريدة: تعالي نطلع يابني في أمور مهمة بيناقشوها مع بعض
ثريا: احترموا نفسكوا
ليل: هو احنا قلنا حاجة غلط
ثريا لسة هتقوم تضربهم
فريدة: خلاص خلاص احنا اسفين...وطلعوا علي اوضتهم
__________
"في المطعم"
مراد: كنا عايزين نقول حاجة لبعض صح
ندي بتوتر: اه تعالي نقول مع بعض
مراد: ماشي
مراد وندي في صوت واحد: انا بحبك
مراد بصدمة: بجددد
ندي: أيوة
مراد: وانا اللي مفكرك مش واخدة بالك
ندي: لا طبعا واخدة بالك من ساعة عينيكي دي لينسز ولا طبيعي😂
مراد: هاخد معاد من باباكي عشان اتقدملك
ندي: هفكر الاول
مراد: هو انتي لسة هتفكري هاخد معاد امتي
ندي: مليش دعوة كلم بابا انت
مراد: بقا كدا ماشييييي
ندي: هروح دلوقتي وكملت بخبث: وبالمرة اشوف رامي عمل ايه في موضوع الورق
مراد بغيرة: ندددددي
ندي: ايه دة شغل وبعدين لما نتخطب تبقي تتكلم وتحكم
مراد: اممم ماشي
وكل واحد راح ركب عربيته بحراسته ومشي وكان يوم حلو علي الجميع
يا تري السعادة دي هتبقي موجودة على طول؟
ورامي هيعمل ايه عشان يتجوز ندي؟
