روايه الاميره والمغترب الفصل الاربعون بقلم الاء اسماعيل البشري
بارت 40 🔥🔥
اقتربت تدريجيا و بحذر و كم كانت دهشتها كبيرة و ممتزجة بفرحة لا توصف !!
إنه هو .. لقد اخبرها حدسها بأن ذلك كان عطره
كان ينام بعمق و قد بدت على محياه علامات الإرهاق الشديد
جلست امامه تفكر و هي تنظر حولها : يا ترى احنا فين ؟؟ و جينا هنا ازاي ؟؟ وانت للقيتني ازاي ؟
امعنت النظر اليه و تاهت في ملامحه لوهلة ثم تذكرت فجأة : يعني ما نسينيش ؟؟ معقولة دور عليا و لقاني!! و قدر ينقذني كمان !
كانت تهم بالذهاب للبحث عن المطبخ و إيجاد شيء للفطور بينما يأخذ هو قسطا من الراحة
لكن و بينما تحاول أن تستدير بالكرسي المتحرك لمست عجلة الكرسي طاولة زينة فوقها تحفة مصنوعة من الكريستال فوقعت التحفة و انكسرت
أفاق ياسين على اثرها بهلع و تعجب حين وجدها امامه مرتعبة من الموقف
قام بلهفة و هو يتفحصها : أميرة !! انتي كويسة ؟؟ فيكي حاجة ؟؟
أميرة بخجل :احم.. صباح الخير .. انا بخير الحمد لله ..
انتبه لنبرة صوته و لهفته فتراجع بإحراج قائلا : صباح النور
انا آسف ...كنت فاكر انك اتعورتي لما سمعت صوت كسر
اميرة بإحراج : انا اللي آسفة .. صحيتك و انت شكلك تعبان و ما نمتش خالص
- لا ولا يهمك انا اصلا نومي خفيف بأصحى على أي حركة
نظرت حولها بشرود و قالت : هو احنا فين ؟!
اعتدل ياسين في جلسته و عدل شعره المبعثر و هو يقول بإرتياح : احنا في بيت الجبل ...ده بيتي اللي بأقضي فيه اجازاتي
أميرة : جميل و مرتب ...
فكرت قليلا ثم قالت بتساؤل : بس انا مش فاهمة اي اللي حصل ؟ انا كنت فين... و جيت هنا ازاي !
فرك ذقنه بتفكير ثم قال :
ايه رأيك نروح نعمل لنا فنجانين قهوة عشان نصحصح و بعدين اقولك اللي حصل ؟؟
أميرة : موافقة ... اصلا دماغي هتنفجر.
قام يدفعها : طب يالا بينا اوريكي المطبخ فين
كان سيدفع الكرسي المتحرك حين شعرت بألم و تأوهت بصوت مسموع نسبيا و هي تضع يدها على رجلها
ياسين بقلق : في حاجة واجعاكي ؟؟
أميرة بتردد : بصراحة ... رجلي واجعاني اوي 😓
تذكر ياسين ان رجلها المكسورة قد ارتطمت بمقعد السيارة عدة مرات بينما يحاول تجاوز تلك الطرق الجبلية الملتوية بسرعة كبيرة
- أنا آسف الظاهر لما كنت بأسوق اتخبطتي في رجلك من غير ما أحس..
أميرة : معلش ولا يهمك
- حيث كدة يبقى تنسي فنجان القهوة دلوقت و انا هأعملك خلطة اعشاب مسكنة للألم اول ما تشربيها هترتاحي فورا
أميرة بمزاح: خلطة اعشاب ! بتتكلم بجد؟
وصلا الى المطبخ و استرسل ياسين في الكلام : ايوة استغربتي ليه ؟؟ انا اتعلمت كل ما أجي هنا اني اعتمد على الحاجات الطبيعية عشان كدة عندي خبرة كبيرة في مجال طب الاعشاب و تقريبا مش بأستعمل الدواء في حياتي الا للضرورة.
أميرة بإستسلام: طيب ماشي هأجرب شاي الأعشاب ☺️
عاد خالد الى اوتاوا بأمر من ياسين و بسبب الأرق لم ينم الا في وقت متأخر جدا و بعد جهد كبير بسبب التفكير في كل ما حدث
افاق على صوت هاتفه فنظر الى الساعة التي تجاوزت التاسعة
خالد بنعاس: الو...
كرم : صح النوم يا عمنا !! فينك ؟؟
خالد بتعب ؛ هأكون فين يا كرم ؟؟ أكيد نايم
كرم : لا و الله !!؟ مش اتفقنا امبارح انك هتستلم الشغل تاني النهاردة الصبح !! اهي الساعة عدت تسعة
خالد بتذمر : يووووه يا كرم!! يعني الدنيا هتطير !! ما كلها ساعة زمن و جاي ..متصربع على ايه ؟؟
كرم بتهكم : معاك حق يا لودة... ماهو مش انت اللي كان طالع عينك في الشغل لوحدك طول الفترة دي !
خالد : يعني انا كنت باتفسح في الملاهي في مونتريال! ما انا كمان كنت ملخوم لخمة ما يعلم بيها إلا ربنا !
كرم بلؤم : ايوة يا عم ...شكري حكالي عليها ! 🙄 ربنا يعينك على كدة !! و يوعدنا إحنا كمان بلخمة زيها 😉😂
خالد بغضب :قلت شكري هاا !!
همس بغضب دفين : طيب يا شكري الگلب ان ما وريتك !!!
عاد الى كرم و اكمل : المهم ...كلها نص ساعة و اكون عندك
كرم بمزاح ,: مستنيك...و ما تزعلش من شكري ...انت عارف انه رغاي صحيح بس قلبه ابيض 😁
خالد بتوعد : لما اشوفه بس ساعتها هنشوف الموضوع ده ! 😤
اقفل الخط و هو ينظر الى هاتفه مرة ثانية و تنهد بعمق
- يعني من كل عقلك مستني منها تتصل بيك او تبعث رسالة؟؟
طب هتتصل بيك عشان ايه ؟؟ تشكرك مثلا ! على ايه ؟؟
لاااا يا خالد انسى .... بعد ما عرفت انك ما عملتش حاجة عشانها يبقى فرصتك معاها بقت أقل من الصفر و مش بعيد بقت بتحتقرك كمان !!
- هو انا كان في ايدي اعمل ايه و ما عملتش بعني ؟؟
- و هي هتعرف منين إنك حاولت و ما قدرتش ؟؟ مش انت اللي اتبجحت قدامها و قلتلها انا في خدمتك في أي وقت و عندي علاقات و معارف كثير و مش عارف ايه !! اهي وقت ما
احتاجتك اتصلت بيك انت الاول .... و انت عملت ايه ؟؟؟ ولاحاااااجة ...لاااا و فوق كدة يا ناصح رايح لأمها تقولها ان الفضل يرجع لياسين ؟؟ هيحترموك ازاي بعد كدة هاااا !!! طب قل لي سحر هتبص في وشك ازاي ؟؟
- انا مش عايز حاجة غير انها تكون بخير ...حتى لو كانت بعيدة عني 😓
- انت عبيط ولا بتستعبط ياض !! بعيدة ايه و بخير ايه ؟؟ اومال مش عارف تبعدها عن تفكيرك ليه ؟؟
- يمكن عشان الظروف اللي مرت بيها ...و اللي خلتني قريب منها لدرجة اني حسيت بجد اني مسؤول عنها قدام ربنا ...بس في الاول و الآخر هي كانت مهمة شغل و خلصت .
- غبي يا خالد ...غبي و مش راضي تعترف حتى بينك و بين نفسك انك حبيتها!
اعتدل خالد في جلسته و هو يقول بصوت مسموع نسبيا : حبيتها ايه بس !! دي في ثانوية عااامة و انا يعتبر في مقام ابوها ؟؟😓
اوووف بقى ... ايوة حبيتها ...بس ايه الفايدة ؟؟ مادام اسمه في الاخير حب من طرف واحد ...حب مش هيطلع للنور أبدا و هيفضل بين ضلوعي لحد ما اموت 😞
المهم ...يالا يا خالد ...يالا تشوف شغلك و أكل عيشك بلاش عبط بقى !! دي كانت مهمة و انتهت خلاص 😒
قام بتثاقل و هو ينفض تلك الافكار عن رأسه و راح لكي يستعد للخروج.
اوضح ياسين لأميرة ما حدث معها بشكل عام و بدون الدخول في التفاصيل بخصوص من اخرجها من بيته و لماذا حتى لا يثيرا قلقها عبثا، كما لم يخبرها عن دانيال و حنان و لا عن تفاصيل صفقة اخراجها من بين براثن العصابة
أميرة برعب: ياااااه !!! كل ده حصل و انا مش حاسة بحاجة !! يعني سحر كانت مخطوفة بسببي !! 😱
- مش بالضبط ...هوما اصلا جماعة بتتاجر في الاع"ضاء يعني كدة كدة بيلزمهم ناس جديدة كل فترة
أميرة بتساؤل : بس انا مش فاهمة حاجة ...ما دمت بتقول ان العصابة دي ليها قوانينها و حتى البوليس الكندي ما يقدرش يتحداهم فيها ...اومال وافقوا يرجعوني ليك ليه ؟؟؟
ياسين بمزاح : لإن انا مش اي حد!...انا ياسين المنشاوي 🙂
أميرة : لا بأتكلم بجد ...يعني مش غريبة عصابة بالخطورة اللي قلت عليها دي تقبل تسلمني ليك من غير اي شروط و من غير سبب !! لا و فوق كدة وافقوا أنهم يسيبوا سحر كمان !!
- اقولك سر و ما تضحكيش ؟؟
أميرة يضحك :اهو انا باضحك تلقائيا كل ما يقولي واحد اقولك حاجة و ما تضحكيش . ..هااا...قول مش هاضحك
ياسين : أصل زعيم العصابة حبني .. 🙄🤫
أميرة يضحك : لا و الله ؟؟؟ هو ده الموضوع !!
ياسين بمزاح : هيكون ايه غير كدة ! اعترفي ان انا اتحب اصلا 🙂😁
أميرة بعفوية : الصراحة اه تتح...
انتبهت لما كانت ستقول فأطرقت برأسها و قد احمرت خجلا
ياسين و هو يحاول تغيير الموضوع :طب سيبك من كل ده دلوقت و قوليلي ...حاسة بألم زي الاول ولا خف عن قبل ؟
أميرة بتذكر : اه فكرتني !! الألم إختفى خالص !! ايه الشاي الغريب ده ؟؟ ده له مفعول ولا مفعول الس"حر !!
ياسين بغرور: ده سر المهنة ... عشان تعرفي انك مع دكتور في الطب البديل مش اي حد 😁
أميرة :سر المهنة ! يعني مش هتقولي ايه العشبة دي ؟ 😕
ياسين : لا عادي...ده ورق شجرة الصفصاف زمان كانوا بيستخلصوا منه الاسبرين .. خلطته مع جذور جنزبيل .. بس كدة
أميرة - فعلا وصفة مفيدة تسلم ايدك
ياسين بإبتسامة : طب اديكي وصفة احسن من دي و فعالة اكثر لما تحسي تاني بالألم و ما تلاقيش حاجة تخففيه بيها ؟
أميرة برجاء : يا ريت !!
ياسين بثقة : تقري آيات الشفاء الستة
أميرة : آيات الشفاء ؟ ما اعرفهاش
-بصي انتي تحفظي الآيات دي :
بقلمي آلاء إسماعيل البشري
الآية 14 من سورة التوبة
الآية 57 من سورة يونس
الآية 80 من سورة الشعراء
الآية 82 من سورة الإسراء
الآية 44 من سورة فصلت
الآية 69 من سورة النحل.
و لو كسلتي تقري دول كلهم يبقى ما عليكي غير تقري
السورة المسكنة للألم
أميرة بتعجب : سورة مسكنة للألم ؟؟ جديدة دي ؟؟
ياسين : لا جديدة ولا حاجة .. هو القرآن مش فيه الشفاء للناس ؟؟
أميرة بتأكيد : بالتأكيد
ياسين : و سورة الإخلاص لوحدها بتعادل ثلث القرآن ؟؟
أميرة : صح
ياسين : يبقى كل ما تحسي بألم في أي مكان في جسمك لو كسلتي تقري آيات الشفاء كل عليكي غير انك تقري سورة الإخلاص عشر مرات و انتي حاطة ايدك على مكان الألم بس بنية الشفاء مش القراءة بس
- أميرة : ماشي هأبقى اجربها ..أشكرك على الوصفة
(بعيدا عن الرواية الوصفة دي مجربة و مؤكدة جربوا آيات الشفاء الستة او سورة الإخلاص في حال اي مرض و مش شرط يكون لنفسك يمكن تقراه لإبنك مثلا أو اخوك ما تنسونيش من صالح الدعاء ☺️)
بقلمي آلاء إسماعيل البشري
عاد دانيال الى المقر بعد أن أنهى مهمته
وضع الرجل في احدى زنزاناتهم الى حين محاكمته و هٓمّ بالمغادرة
الفونسو - الى أين يا دانيال ؟ ألن تنتظر الزعيم ؟؟
دانيال بلامبالاة : و لم علي ذلك ؟؟ قد أنجزت المهمة و انتهى
- لكنك قمت بعمل رائع ...انت تعلم جيدا أن مندوزا احد أهم الرجال لدينا لكنه خالف القوانين و امر كهذا لن يمر بدون عقاب بالنسبة للزعيم ...لذلك هو يبحث عنه منذ سنتين ...من اجل ذلك من المؤكد أن جائزتك ستكون كبيرة
ابتسم دانيال بغرور و هو يغادر المقر : لكن جائزتي في إنتظاري بالفعل ...أراك لاحقا الفونسو 😁
اتصال هاتفي
إدوارد : مرحبا منذر
منذر : سيد إدوارد كيف الحال ؟
إدوارد : بخير ...أحاول الإتصال بالسيد ياسين لكني لا أستطيع هاتفه خارج مجال الإرسال ...هل يمكنك أن تخبره بأني أحمل له اخبارا مهمة جدا ؟
منذر : حسنا يا ادوارد سأحاول الوصول إليه و إعلامه بذلك
إدوارد : من فضلك حاول فعل ذلك في أقرب وقت ممكن
فالامر لا يحتمل التأجيل و السيد ينتظر اي خبر عن هذا الموضوع منذ وقت طويل
منذر: فهمت ...سأفعل ما بوسعي إدوارد ...طاب يومك
اقفل منذر الخط و هو يهمس: طب أعمل ايه دلوقت ؟!! مفيش حل غير إني اروح له بنفسي و امري لله
وصل دانيال الى الجناح الخاص به و دخل بحماس لكن سرعان ما تلاشت فرحته حين وجده فارغا
-ليونااااردووووو
نادى بأعلى صوته و هو يدك الأرض برجله
- نعم دانيال
بقلمي آلاء إسماعيل البشري
اشهر سلاحه بغضب و وضعه في رأس ليوناردو
- أين فتاتي يا ليووووو ؟؟
لم ينطق ليوناردو فكرر دانيال السؤال و هو يجز على أسنانه
من دخل جناحي ...و اخذ فتاتي منه يا ليووووو! تكلم و إلا أفرغته في رأسك !!!
- لقد جاء احدهم و دفع فدية لها و أخذها
قالها ليو و هو يرتعش من الخوف
- قلت أخذها ؟؟ كيف يأخذها و هي في حصني انا ؟؟؟ من امر بذلك ؟؟؟
- أنا ....أنا أمرت بذلك
انزل ليوناردو رأسه و غادر بإشارة من الزعيم بينما اخفض دانيال سلاحه : خالي؟؟
الزعيم :أنا هنا بصفتي الزعيم و لست خالك...لا تنس هذا
دانيال بضيق :آسف يا زعيم ...تلك الفتاة تخصني و ...
- و لكني قد قبلت فديتها و سلمتها لصاحبها ...عليك أن تنس امرها يا دانيال ...اختر لك اي فتاة اخرى
دانيال بحنق: كيف تفعل هذا بي ايها الزعيم ... أنت تعلم قواعدنا ... أعجبتني فتاة و لا تعلم ماذا فعلت لتصبح أخيرا لي .. و انت سلمتها بكل بساطة مقابل فدية ؟؟
أميرة اصبحت لي منذ أن دخلت المقر...كيف لك أن تسلمها لأي أحد مهما كان أو مهما دفع !! كيف لك ان تضرب بقوانيننا عرض الحائط ؟
الزعيم بحدة: انت من خالفت قواعدنا منذ البداية ...كان علي تصحيح غلطتك و قد فعلت ما يتوجب علي فعله للحفاظ على قوانيننا ....فأنت تعلم جيدا أن هذه المجموعة مبنية على أسس و قوانين لم تتغير منذ أن أسسها جدي الأكبر و انا انوي السير على طريقه لأنه كان رجلا ذو مباديء و ليس عديم شرف ...الفتاة ليس لها مكان بيننا و قد قبلت فديتها لحفظ ماء وجهنا فقط فقد كان بإمكاني إعادتها بدون اي فدية
دانيال بغضب ؛ و لكن ..انا لا افهم ...لماذاااا !؟؟؟؟
الزعيم بغضب: لأنها زوجته ايها الغب'ي !!! 😡😤
دانيال بصدمة : ز...زو..جته ؟؟؟
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)