رواية زهرة أصلان كاملة جميع الفصول

 رواية امل الحياه الفصل الثاني 2 بقلم يارا عبد العزيز 

الفصل الثاني 

بصيت لكريم بخوف شديد و اتكلمت و هي شبه هيغمى عليها من كل حاجه بتحصل:- يلهوي مرات عمي هتشوفني اكيد دي جايه على الاوضه 

كريم بعصبية:- هششش اسكتي بقى 

قال كلامه و لبس بنطلونه و خرج وقف على الباب ، ناديه كانت لسه هتدخل اتخضيت لما لاقيته وقف قدامها 

ناديه :- يبني كح اعمل اي حاجه انت جيت امتى 

كريم بارتباك:- من شويه انتي كنتي فين 

ناديه:- كنت في السوق هي حياه فين انا كنت سايبها في المطبخ انت جيت لاقيتها هنا 

كريم بتوتر :- حياه ؟ ااه حياه اول لما جيت طلعت عشان منبقاش لوحدنا 

ناديه بسخريه :- وش كسوف اوي هي دا مش بتسيبك ديما قاعدة معاك 

كريم :- ماما حياه اختي و انتي.....

قاطعته و هي بتتكلم بحده :- حياه مش اختك ياكريم هي بنت عمك و تجوزلك و انت كمان كام يوم هتبقى متجوز يعني المفروض تراعي مشاعر مراتك و تخلي تعاملك مع حياه بحدود و خصوصاً انك مش هتتجوز اي حد انت هتتجوز بنت اختي فاهم يعني ايه يا كريم

كريم بتوتر و هو بيبص على باب اوضته:- فا فاهم انا هدخل انا بقى اريح شويه قبل معياد الخطوبه لاني جاي تعبان 

ناديه :- تمام 

ناديه دخلت المطبخ ، كريم بص لطيفها بخوف اتأكد انها دخلت المطبخ ، دخل لحياه اللي كانت بتلبس طرحتها 

كريم و هو بيبصلها برغـ..به :- اخرجي من الاوضه و اطلعي على طول متفضليش هنا 

حياه بصتله بدموع و اتكلمت بصوت مخـ..نوق :- كريم انا كدا ضيعت انا مش عارفه اعمل ايه و لا هعمل ايه بعدين لما اتجوز هقول......

كريم بمقاطعة و غضب :- هو انتي شايفه ان دا وقت كلامك ؟!!!!

اخرجي يلا و اطلعي واياكي تقولي لاي مخلوق على اللي حصل دا محدش هيتـ..فضح غيرك 

حياه بغضب و بكاء :- و انت ما انت اللي عملت فيا كدا 

كريم راح عندها و حط ايديه على فمها و اتكلم بهمس و حده :- هششش صوتك و انتي بقى مفكره انهم هيصدقوكي لما تقوليلهم غلـ..ط معايا قبل خطوبته بساعات تفتكري حد هيصدقك 

حياه بصتله بصدمه كبيره و شالت ايديه من على فمها:- انت ازاي كدا !!!!!! حرام عليك انت دمـ..رتني 

كريم :- و الله كله بمزاجك انا مغصـ..بتكيش على حاجه و يلا اتفضلي 

بصتله حياه و هي رجليها مش شايلها ، كانت بتتحرك بصعوبه طلعت برا الاوضه و اتسحبت و خرجت برا البيت من غير ما ناديه تحس بيها 

طلعت شقتهم فوق و هي ضايعه ، دخلت اوضتها و قفلت على نفسها الباب و نزلت ورا الباب على الارض تنيت رجليها و هي بتكتم صوت شهقاتها ، تقسم بداخلها ان الموت اهونلها من اللي هي فيه 

نامت مكانها من التعب و هي بتتمنى يكون كل دا كابوس و تصحى تلاقي ان دا مكنش واقع 

............

في المساء 

وصلوا الجميع بيت روان عشان الخطوبه 

حياه كانت واقفه بتبص لكريم و روان و هي دموعها في عينيها ، دخلت الحمام و وقفت قدام المرايا و اتكلمت بألم.. و دموع :- طب هو هيتجوزها و انا و انا ايه انا خلاص ضعيت بسبب ضعفي و حبي ليه 

مسحت دموعها و خرجت عشان محدش يشك فيها 

فردوس : كنتي فين 

حياه بهدوء :- كنت في الحمام 

فردوس :- طب مش هتروحي تسلمي على روان و كريم و تباركلهم 

حياه بصيت لفردوس بحزن و راحت عندهم ، كريم اول اما شافها جايه قلبه وقع في رجليه من الخوف من انها تقول اي حاجه 

حياه بهمس :- مبروك يا ابن عمي 

كريم بصلها بخوف و اتكلم بهدوء :- الله يبارك فيكي عقبالك 

ابتسمت بسخريه و اتكلمت في نفسها عقبالي ما انا خلاص انكتب عليا اعيش عمري كله وحيده عشان متفـ..ضحش 

حسيت انها مقهوره هي عارفه انها غلطت بس ليه هي تدفع التمن لوحدها ما هو كمان غلط ليه يتجوز و يعيش مبسوط 

بصيت لروان اللي كانت بتبصلها و بتبتسم بصتلها بحقد كبير و هي شايفه انها اللي المفروض تكون مكانها و خصوصاً بعد اللي حصل ما بينها هي و كريم 

طب اصـ..رخ و اقول كفايه انا مبقتش قادره و لا اسكت عشان متفـ..ضحش

فاقت من شرودها على صوت روان 

روان :- حياه تعالي معايا اوضتي عايزكي ممكن 

كريم بخوف من انهم يبقوا لوحدوهم:- عايزاها في ايه انتي مينفعش تقومي يا روان عشان الناس 

روان ببأبتسامه:- عادي يا كريم هيقولوا راحت تظبط الميكب و لا الطرحه يلا يحياه 

حياه مشيت معاها و هي مغيبه عايزه تفضل في حاله اللاوعي كدا عشان متفوقش على الواقع المـ..ؤلم اللي حطيت نفسها فيه بسبب حبها و غبائها و قله ايمانها واللي هي عارفه نهايته بالنسبالها هتكون ايه 

دخلت مع روان اوضتها ، روان مديت ايديها و مسحت دموعها و اتكلمت بترجي:- انا و الله لو كان عندي مجرد شك كدا انه بيحبك مكنتش عمري وافقت عليه و كنت انا اللي هنسحب بهدوء و كمان احنا لسه صغيرين و اكيد انتي هتقابلي حد كويس تحبيه و هو كمان يكون بيحبك و تعيشوا مع بعض مبسوطين 

قالت كلامها و حضنـ..ت حياه بعمق :- ارجوكي يحياه متزعليش مني انا اسفه و الله حياه انا مليش صاحبه غيرك انا من ساعه ما رجعت من السفر و انا معرفش غيرك و مش عايزة نخسر بعض ارجوكي متزعليش مني و سامحيني 

حياه كانت معلقه ايديها في الهوا نفسها تعيط بحرقه و تقولها اللي حصل بس ازاي هتقولها ان خطيبك كان معايا 

حاوطت بأيديها ضهرها ، أبتسمت روان و اتكلمت بفرحه 

:- مش زعلانة مني صح 

حياه بحزن :- لا 

روان و هي بتطلع من حضـ..نها و بتتكلم بفرحه :- ربنا يعوضك يحياه بزوج احسن من مليون كريم يلا خلينا نخرج بقى 

بقلمي يارا عبدالعزيز 

بصتلها حياه و ابتسمت بألم... و خرجت معاها ، راحت وقفت جنب فردوس و اتكلمت بارهاق

:- ماما هو ابيه محمود فين 

فردوس :- واقف تحت مع عمك بيستقبلوا المعازيم 

حياه :- طب رني عليه قوليله يجي يروحني 

فردوس بخوف :- مالك يحياه في ايه 

حياه بهدوء :- مفيش يا ماما بس دايخه شويه و عايزة انام لو سمحتي رني على أبيه محمود خليه يجي يروحني و يرجع 

فردوس :- ماشي 

.............

في اليوم التالي 

بعد ما انتهى اليوم الدراسي كانت خارجه حياه من المدرسه ، شافت روان واقفه على البوابه عرفت انها اكيد مستنيه كريم 

تجاهلتها و جت تمشي روان وقفتها 

روان بصوت عالي نسبيا:- حياه انتي رايحه فين 

حياه و هي لسه واقفه في مكانها و ماسكه كتف شنطتها بأيديها الاتنين :- هروح 

روان باستغراب:- تروحي !!! استني كريم جاي ياخدنا زي كل يوم 

حياه مكنتش عايزه تركب مع كريم لانها كل اما بتشوفه بتفتكر اللي حصل و بتحس انها كارهه نفسها و حياتها و بتكره تشوفه مع روان 

اد ايه يقلبي انت بشع اد ايه بتتعلق بناس اذوك حتى بعد كل اللي عامله فينا لسه بتغير عليه و بتحبه 

حسيت انها عايزه تشيل قلبها من مكانه و ترميه تحت جزمتها و تفضل تدوس عليه 

وصل كريم بالعربيه ، حياه فضلت متيبسه في مكانها 

روان ركبت جنب كريم قدام و ناديت على حياه تركب معاهم 

ركبت حياه في الكنبه اللي ورا 

سندت براسها على الشباك و دموعها على خدها 

كريم خد باله منها ، اتنهد بغضب 

............

مر الاسبوعين و حياه بتتجنب الكلام مع كريم ديما ، و تم عقد قران روان و كريم و عملوا فرح بسيط و روان طبعا جت تعيش في بيت كريم في شقه كريم اللي في الدور التالت و اللي ابوه جهزهله عشان يتجوز فيها 

وصل كريم و روان بالزفه البيت ، حياه بصيت عليهم من البلكونه بالم... شديد ، حسيت ان قلبها اتكسـ..ر او مش اتكـ..سر بس قلبها مبقاش موجود 

دخلت اوضتها و بصيت لنفسها في المرايا ، بصيت لدموعها اللي على خدها ، الكحل اللي ساح من عينيها ، جسمها اللي خس النص من قله اكلها و نفسيتها اللي بقيت في النازل 

فضلت تعيط على نفسها ، استغلت ان محدش في البيت لان كلهم كانوا مع كريم و روان و فضلت تصـ..رخ بالم ، سندت بايديها على التسريحه و قعدت على الارض و هي بتتخيل كريم و روان ، بتتخيل حياتها الجايه و ايه اللي هيحصلها لما أهلها يعرفوا انها فقدت عذ..ريتها 

فضلت تبكي بقوه ، قامت اتوضيت كعادتها كل يوم اتوضيت و صليت و هي بتطلب من الله عز و جل المغفره و انه يساعدها في الورطه اللي حطيت نفسها فيها 

حسيت بدوار شديد و هي قاعدة على المصليه 

حاولت تستعيد توزانها ، حطيت ايديها على فمها و جريت على الحمام و فضلت تستفرغ 

في الوقت دا دخل محمود و فردوس من برا ، جريوا عليها بخوف 

بقلمي يارا عبدالعزيز 

فردوس بخوف :- مالك يحياه 

حياه و هي ماسكه معدتها و بتغسل فمها:- معدتي وجعاني تقريبا واخده برد فيها 

محمود :- طب نروح المستشفى 

حياه: مش مستاهله يا ابيه انا هدخل انام و هبقى تمام تصبحوا على خير 

.............

في شقه روان و كريم 

دخلوا الشقه ، كريم قفل الباب و روان قعدت على الكنبه بتعب ، راح قعد جانبها و مسك ايديها بحب 

:- تعرفي انك كنتي قمر اوي انهاردة 

روان بتوتر :- ش شكرا انا هقوم اغير الفستان عشان محررني 

كريم ببأبتسامه:- امممم طب البسي الاسدال بقى عشان نصلي

روان بصتله بخوف و توتر و جريت من قدامه 

بعد ربع ساعه خرجت روان و صلوا مع بعض ركعتين بدايه لحياتهم 

كريم :- ايه 

روان :- ايه هروح انام انا بقى 

مسك ايديها و قعدها جانبه على الكنبه :- انتي خايفه مني 

روان بخجل :- امممم كريم هو انت بتحبني اد ايه 

كريم:- انا مش بس بحبك انا بعشقك يا روان انتي خطفتيني من اول يوم شوفتك فيه بعد ما جيتي من السفر كنتي مسافره صغيره اوي. و رجعتي كبيره و كلها سنه و هتروحي الجامعه اهو 

روان بحب :- و انا كمان بحبك اوي و نفسي اقضي عمري كله معاك 

قالت كلامها و عضيت على شفايفها بخجل في حركه جننته ، قرب منها و سحبها لحـ..ضنه و قبـ..ل رأسها بحب و ايديها و شالها و دخل بيها اوضتهم و 

...........

في الصباح 

صحيت روان قبل كريم ، بصتله بخجل و مشيت ايديها على وشه برقه 

كريم فتح عينيه و اتكلم بنوم و هو بيمسك ايديها :- صباح القمر 

روان:- صباح الخير يحبيبى ادخل خد دش بقى على ما احضر الفطار 

كريم بابتسامة:- لا فطار ايه بقى لسه بدري خليكي متروحيش في حتى 

روان برقه :- لا يلا عشان نلحق نفطر قبل ما اهلك يطلعوا يباركلونا

قالت كلامها و قامت بخجل و هي بتهرب من نظراته ليها 

..........

بعد الضهر 

كانوا كلهم طلعوا يباركوا 

روان ببأبتسامه:- حياه تعالي ساعديني ممكن 

حياه وقتها كان شارده في كريم و بتبصله بكره و هي نفسها تقوم تقـ..تله 

روان بصوت عالي نسبيا:- حياه 

حياه بانتباه:- نعم 

روان :- بقولك تعالي ساعديني انتي فين يبنتي 

حياه :- معاكي اهو ماشي يلا 

قامت حياه مع روان كانت واقفه بتصب العصير في المطبخ ، حسيت بدوار شديد مقدرتش تتوزان و سقطت مغشيا عليها 

روان بصتلها بخوف شديد و نزلت لمستواها:- حياه حياه مالك فوقي

بقلمي يارا عبدالعزيز 

روان بصوت عالي نسبيا:- كريم يطنط فردوس حياه اغمى عليها 

سمعوها الجميع بخوف و جريوا على المطبخ 

فردوس بخوف شديد و هي بتنزل لمستواها :- يحبيبتى يبنتي ايه اللي حصلها 

مجدي ( والد كريم ) :- شيلها يا محمود و دخلها جوا و انا هرن على الدكتور 

شالها محمود و دخلها اوضه كريم و روان ، فضلوا يفوقوا فيها بس بدون اي جدوى

دخل الدكتور و كشف عليها ، و الكل كان مترقب الوضع بخوف 

الدكتور و هو بيحط سماعه الكشف في الشنطه بتاعتها:- مبارك المدام حامل 

بصوله الجميع بصدمه كبيره و خصوصاً كريم اللي برق عينيه بخوف شديد و حس ان جردل مياه سقعه اترمى عليه 

كمل الدكتور:- هي جسمها ضعيف انا هكتبلها على فيتامينات تاخدها و تتابع مع دكتورة نسا احسن 

مجدي و هو لسه في حاله الصدمه:- تمام يا دكتور شكرا لحضرتك 

خرج الدكتور ، حياه بدأت تفوق بصيت لنظراتهم اللي كانت مليانه بالغضب بخوف و هي مش فاهمه حاجه 

فردوس قامت من جانبها و كانت هتقـ..ع لولا ايد ناديه اللي سندتها 

حياه بدموع و خوف شديد و هي بتسخبى في حضن روان من نظراتهم:- هو فيه ايه 

روان بهمس و صدمه:- حياه انتي حامل ازاي!!!!!!!

حياه بصتلها بصدمه كبيره و رعب 

محمود راح عندها بغضب مفرط و صوت عالي جدا:- ازاي!!!! ازاي انطقي 

حياه استخبت في حضن روان بخوف شديد و مسكت فيها بقوه و فضلت تعيط 

محمود شدها من ايديها و ضر..بها قلـ..م قوي :- انطقي يا فا..جره مين اللي عمل فيكي كدا انطقي

روان بخوف و هي بتسحب حياه منه و بتاخدها في حضنها:- يا بشمهندس مش كدا لو سمحت اهدى 

محمود بغضب مفرط:- اهدى ؟!!!! اهدى ازاي انطقي يا حياه مين اللي عمل فيكي كدا بدل ما اقـ..تلك 

حياه بصتله برعب و بكاء ، اتكلمت و هي بتشاور على كريم اللي بمجرد ما شافها بتشاور عليه كان بيتمنى الارض تنشق و تبلعه و هو حاسس ان ضربات قلبه هتقف من خوفه من اللي هيحصل لما حياه تقول انه والد الجنين إللي في بطنها

حياه بخوف شديد و بكاء و هي بتشاور على كريم:- هو هو كريم 

لمتابعه باقي فصول الرواية اضغط هنا👇

(رواية امل الحياه )

تعديل المقال