.jpeg){kind=small}
رواية حكاوي ياسمين ومحمد الفصل الثاني 2 بقلم جاسمين محمد
2
قومت مسحت دموعي وطلعت اخد التلفون وحسيت بدوخه ودخت وقعت علي الارضه اخر حاجه سمعتها صوت امي وهي بتزعق ياسسسسسسمين
"في المستشفي"
_ها يادكتور مالها طمنا
_الف مبروك المدام حامل
فوقت علي كلمه حامل
امي بفرحه_بجد يادكتور
_اه واديلها شهرين المهم هكتبلكم علي محاليل عشان مش باين انها مش بتاكل ولازم تخلوها تاكل كويس وكمان نفسيتها تكون كويسه وميبقاش في زعل ولا توتر
خالتي _حاضر يادكتور وحضنتني وبفرحه
خالتي_مبروك ياحبيبتي
وامي حضنتني وباركتلي وانا مش بتكلم بس الدموع نازل علي وشي
امي وخالتي واخوي خدوني وروحنا البيت
امي: انا هرن علي محمد واعرفه
خالتي مسكت ايد امي ووقفتها: ترني اي ده اول حمل ليهم وهي اللي لازم تعرف جوزها ويفرحوا سوء
بصتلها وضحكتلها بسخريه
_هه وفين جوزي ده اصلا اللي مسالش عليا من وقت ما جيت هنا كانه ما صدق ارتاح مني
_اهدي طيب عشان الدكتور قال لازم يكون مافيش زعل
_هه مافيش زعل طيب انا هدخل انام شوي
امي_كلي الاول
_لا ماليش نفس ودخلت اوضتي وقفلت الباب وحطيت ايدي علي بطني ومشيتها عليها وبحزن كان نفسي يكون ابوكي معايا في الوقت ده ونفرح سوء بوجود قطعه منه ومني في بطني بس النصيب يارب وقعت اعيط علي السرير
_رشا هنسيبها كدا متكلمي محمد
_حاضر هروح اكلمه يلا خلي بالك منها وانا الصبح ابقا اجي اطمن عليها
_ماشي
_يابني انت مش ناوي تسافر ليه وكمان مرحتش جبت مراتك ليه مالك يامحمد في اي حصل بينك انت وياسمين دي حتي اول مره تروح عند بيت ابوها ومترنش تكلمني وكمان مكانتش بتاخد شنطه لبس كبيره كدا احكي في اي
_مافيش حاجه انا طالع بر شوي
وجه طالع بيبص لاقي خالته رشا بترن قلق فرد بسرعه
_الو ياسمين كويسه
_بتسال عليها ليه لم انت مزعلها
_انا اللي مزعلها
_اه ياسمين حكتلي وسمعت منها وعايزاك تحكي انت كمان واسمع منك واشوف مين اللي عندو حق
_بنت اختك كل ما اكلمها واقولها كلام حلو تقولي اي المحن ده وتغير الموضوع هي مش المفروض مراتي يعني تتكلم معايا وتقولي كلام حلو عادي وتقولي علي احساسها وتشاركني احساسها بس دي اوقات يحصل واوقات لا بقيت اوقات بحس انها متجوزاني غصب ده حتي لو مسالتش عليها مبتسالش عليا
_اه بس انت حبيتها كدا ووافقت عليها وعودتها انك انت اللي دايما تسال عليها اي حصل وغيرك
_معرفش بس يمكن زهقت من برودها في مشاعرها
_طيب المفروض ان انت بتنزل اجازه عشان تقضيها معاها مش مع اصحابك بر علطول
_.......
_مش بترد ليه يا محمد ولا زهقت منها ومش عايزه تاني مش دي ياسمين اللي قعت ايام وشهور عشان توافق عليك وكنت بتتمني انها تكون معاك لم بقت معاك انت اللي بتبعدها ومش عايزه ليه بتخليها تحس انك كنت بتكدب عليها في مشاعرك ليه يامحمد
_معرفش معرفش بس انا كنت بعمل كدا عشان لم تلاقيني ببعد تقرب هي
_ههه للاسف مستحيل تقرب منك بالطريقه دي بالعكس بتبعدها اكتر عنك وكل اللي انت عملتوا عشان تكون معاك بيبدا يتبخر بسبب تصرفاتك ياستاذ ياسمين بتحبك اه مجنونه واوقات تصرفاتها هبله ومش بتعرف تعبر عن مشاعرها حلو بس بتحبك اوووي وانت خدتها بشخصيتها دي يبقا متحاولش تغيرها عشان مزاجك هي وافقت عليك زي ما انت ومحاولتش تغير فيك حاجه وعلي فكره حالات ياسمين مش كويسه فلو مش عايزها قول وطلقها وسيبها وروح شوف واحد وشكلها علي مزاجك
_انتي بتقولي اي انا مستحيل اطلقها
_بس تصرفاتك دي هتخليها تطلب منك الطلاق رجع مراتك ليك يامحمد قبل مضيع منك بسبب تصرفاتك وياسمين لو ضاعت انا عارفه مش هتوافق ترجعلك تاني يلا سلام عشان اروح اشوف جوزي
_ماشي سلام
محمد قعد يفكر فكلام رشا خالت ياسمين والكلام اللي بيتكرر انها ممكن تطلق وتبعد عنه وافتكر
فلاش باااك
_واد يامحمد
_ياحيات محمد
_هو انت ممكن تزهق مني بعد الجواز زي الازواج مبيزهقوا من بعض
_مستحيل ازهق منك دانا ما هصدق تكوني معايا
_يخليك ليا
_يخليكي ليا انتي ياحبيبتي
باااااك
فاق من تفكيرو وبعصبيه انا مستحيل اسيبك تسيبيني واه انا غلطان بس هخليكي تسمحيني ورجعك ليا وقام نزل وراح يركب عربيه عشان يروحلها
عند ياسمين وهي داخله المطبخ تشرب
_ياماما قولتلك مش جعانه ومش هاكل حاجه كفايه بقا
_يابنتي لازم تاكلي عشان صحتك طيب لو مش خايفه علي صحتك خافي علي صحت اللي في بطنك ده
بحزن _متقلقيش عليها هتكون بخير المهم انا داخله اوضتي اريح شوي
_اانتي طول عمرك مش بتسمعي الكلام ولم ابوكي يجي
ياسمين طنشت كلامها وراحت علي اوضتها وداخت ولسه هتقع بس مسكها محمد وفضلوا باصين في عيون بعض شوي وقطع سرحانهم صوت ستها
_انتي كويسه
وقفت وبعدت عن محمد
_اه كويسه وسابته ودخلت اوضتها ومحمد مسك ايدها
_سيب ايدي
_عايز اقعد معاكي شوي
_وانا مش عايزه اقعد معاك
_وانا قولت هقعد معاكي واه انتي دوختي ليه دلوقتي انتي عيانه ولا فيكي حاجه
_لا مافيش حاجه
ستها _لا في ياسمين حامل وصحتها مش كويسه ومش راضي تاكل
محمد بفرحه_انتي حامل بجد
بصتلوا وهزيت راسي بـ اه بس متكلمتش وببص لقيته حضني وشالني من علي الارض وبفرحه
_انا فرحان اوووي انا هبقا بابا مبروك ياحياتي
عيوني دمعت ونزلت دمعه علي خدي ومسحتها بسرعه وبصوت مخنوق بالعياط
_مممكن تنزلني
نزلني ومسك ايدي وبنظره كلها حزن وندم
_انا اسف علي كل اللي حصل مني وحقك عليا مش هكرر اللي حصل ده تاني ابدا سمحيني عشان خاطر ربنا
_لللاسف اخرت اووي عشان تتاسف يامحمد بعد اذنك وسابته ودخلت اوضتها
امها بصوت واطي
_ادخل ورها وحايلها بكلمتين حلوين ياسمين طيبه وبترضاء بسرعه اه انت غلطان بس حاول تصلح اللي حصل بينكم وارجعوا زي الاول
محمد بصلها ودخل ورها الاوضه وياسمين بعد مكانت قاعده علي السرير قامت وقفت وبزعيق
_انت اي دخلك هنا اطلع بر
محمد بصلها ولف قفل الباب بالمفتاح وحطه في جيبه
_محدش فينا هيطلع من الاوضه دي غير لم نتصالح
_وانا مش هتصالح معاك عشان تعبت بجد من عيشتي معاك دايما بتيجي عليا عشان نفسك وعشان تفرح اللي حوليك واهملتني كمان لا كفايه لحد كدا يامحمد بجد مش هقدر اكمل معاك تاني
_طيب لو قولتلك مش هعمل حاجه تاني تزعلك ابدا واللي عايزه اعملهولك وماليش دعوه بحد وانتي هتكوني الاول في كل حاجه ومستحيل اهملك او اتجاهلك
_دايما بتقولي كدا ومش بتعمل بكلامك وانا مش هصدك في اي حاجه تاني
محمد قرب منها ومسك قعدها علي السرير وقعد قصادها ومسك ايديها وعيونه بدات تدمع
_والله المره دي هتغير فعلا ومش هاجي عليكي ولا هزعلك تاني وحيات طفلنا اللي لسه مجاش سامحيني وحقك عليا
ياسمين بعياط
_يعني مش هتزعلني تاني
مسح دموعها بايدو
_مستحيل ازعلك تاني
_ولا هتيجي عليا عشان خاطر حد
_مستحيل فرحتك انتي في الاول
_طيب هتتجاهلني وتسيبني وتنزل تقعد مع اصحابك ومش هترن تتطمن عليا
_مستحيل هرن اطمن عليكي كل دقيقه وكل ثانيه لو عايزه وهفضل قاعد جنبك لحد متزهقي مني وتقوليلي قوم انزل مع اصحابك ومش هسمع كلامك وهفضل قاعد معاكي
_طيب انا عايزه اكل من ايدك
_يالهوووي بس كدا من عيوني عايزه تاكلي اي ياحياتي
حطيت ايدي علي راسي وبفكر هيعملي اكل اي
_ههه انتي لسه هتفكري طيب عقبال ما تفكري حضنك وحضني تعالي في حضني عقبال متخلصي تفكير وحضنها
_واد يامحمد
_اي ياحيات محمد
_بحبك
_يالهوووي وانا بعشقك وبموت فيكي ياقلب وحيات محمد
لمتابعه باقي فصول الرواية اضغط هنا👇
