رواية غلطة عمري الفصل الثالث 3 بقلم شروق حسام

الجزء الثالث 🦋

بقلم شروق حسام 🦋

أشرف بقلق " طمني يا دكتور مراتي كويسة "

الدكتور بضحكة " قلقان ليه يا صاحبي متقلقش ألف مبروك المدام حامل في 3 شهور"

أشرف بصدمة " حامل ازاي احنا لسه متجوزيين النهاردة اتاكد تاني يا دكتور ده فيها تطيير رقاب "

الدكتور بصدمة " انت بتقول ايه مش معقولة الحالة اللي قدامي بتقول أن هي حامل في 3 شهور"

_"لا حول ولا قوه الا بالله العلي العظيم الله يسترها علي ولايانا"

أشرف بإبتسامة مرتجفة " خلاص يادكتور شكرا هتلاقي حصل سوء فهم أنا هكشف عليها عند دكتور تاني شكرا مرة تانية"

......................

بعد فترة

كانوا روحوا البيت وهي قعدت علي الكنبة وأشرف فضل رايح جاي

اتكلم بعد لحظات بجمود " ألف سلامة عليكي الدكتور قال ارتاحي فترة وهتبقي كويسة"

شهد بدموع " أشرف افهمني بس انا والله ما عملت حاجة غلط انا كنت متجوزة بس بس عرفي انا مازنتش"

_" هههه لا ضحكتيني اتجوزتي وكمان عرفي انتي متعرفيش يامحترمة إنه حرام"

_"هو قالي أنه حلال وعادي وأنه مستني لحد ما يخلص كلية وجيش ويجهز نفسه وأنه مش عايز يضيعني من أيده"

_" ومين الافندي اللي عمل كده"

_"مصطفي صاحبك وصاحب محمود"

_"مصطفي هتوقع ايه من واحد زي ده اعتبرته صاحبي وقولت ربنا هيهديه لا حول ولا قوه الا بالله"

_"وبعدين انطقي ايه اللي حصل"

شهد بشحتفة " ولما ...لما عرف انِ حامل ....قطع الورقتين العرفي....وراح ....راح خطب هنا صاحبتي"

أشرف بحدة " وليه مقولتليش قبل ما نتجوز انتي مش عارفة انك كده جوازنا باطل عشان انتي حامل ومكنش ينفع نتجوز أصلا حرام عليكي هتشيلينا احنا الاتنين ذنب "

شهد ببكاء عالي " انت هتقول لأهلي حاجة ابوس ايدك ما تقولهمش حاجه انت عارف طبعهم وأنهم مش هيرحموني"

_"وليه ترخصي نفسك بالطريقة دي عشان حد ها ليه انطقي"

_"للأسف حبيته وهو وهمني بحبه قولت هيعوضني عن... عن قسوة اهلي واللي بيعملوه معايا"

أشرف بنرفزة "طب وطالما انتي خايفة كده ليه مفكرتيش في ربنا وفي اهلك وفي نفسك ليه ها ليه هو ربنا خلقنا بعقل عشان ما نستعملوش ونفكر بقلوبنا القلب اللي وداكي في داهية ها انتي المفروض ماتخفيش من أهلك خافي من ربنا اللي حسابه مش هين خافي من ربنا اللي عارف كل حاجة حتي قبل ما تحصل خوفتي من أهلك وماخفتيش من رب العباد لا حول ولا قوه الا بالله العلي لا حول ولا قوه الا بالله العلي العظيم استغفرك ربي و اتوب اليك استغفري ربنا عشان يسامحك استغفريه "

_"وعلي العموم انا مش هفضحك ولا هقول لحد لأن من ستر مسلمًا ستره الله في الدنيا والآخرة وبكرا هنروح أنا وانتي لشيخ ونسأله ونشوف هنعمل ايه في المصيبة دي"

أشرف بقرف " ادخلي نامي جوا وانا هنام في هنا في الصالة"

_"بس ..."

_"من غير بس يلاااا"

جريت شهد بسرعة وخوف ودخلت الأوضة

أشرف بدموع " حرام عليكي حرام عليكي كسرتيني في اليوم اللي كنت مستنيه من زمان يا رب ريح قلبي اللي بيتوجع يا رب"

.....................

تاني يوم

كانوا شهد وأشرف راحوا للشيخ بعد ما اهلهم زاروهم يطمنوا عليهم

شهد كانت قاعدة قدام الشيخ وهي حاسة بإحراج وبتتمني ان الأرض تنشق وتبلعها وفضلت تفكر في الكلام اللي أشرف قاله امبارح هي مكسوفة من الناس ومتكسفتش من رب الناس

_"هو ده الموضوع يا شيخ بكل التفاصيل"

_"لا حول ولا قوه الا بالله العلي العظيم"

_"انتم كده جوازكم باطل لا يجوز الزواج للحامل حتي تضع سواء بقي كانت متجوزة رسمي أو عرفي"

_"طب ال.."

_"الاول بس عايز أسألك سؤال "

_"اتفضل يا شيخنا"

_"كان فيه شهود شاهدين علي الجواز ده"

_"لا فيه حاجة حصلت"

_"لا حول ولا قوه الا بالله اومال اتجوزتوا ازاي ربنا ميزنا بالعقل نقدر نتصرف بيه وللأسف هو استغلك اللي وثقتي فيه ده يعتبر انتم الاتنين جوازكم كمان باطل يعني بقيتم زانين"

شهد بصدمة ودموع " ايه انا...انا بقيت...زانية"

أشرف بجمود " طب مفيش حل يا شيخنا"

الشيخ بتنهيدة " الطفل اللي في بطنها في الحالة دي مش هيتنسب للزاني هيتنسب لأمه وان شاء الله تضع وتقوم بالسلامة وساعتها يحل ليها الجواز منك"

لمتابعه باقي فصول الرواية اضغط هنا👇

(رواية غلطة عمري)