.jpeg){kind=small}
رواية وريث عمدة الصعيد الفصل الثالث 3 بقلم ايات الرحمن
#وريث_عمدة_الصعيد 3
نسمه كانت بتستعد للهرب وزوجة عمها هي اللي كانت بتدعمها مش عشان هي بتحبها لا عشان هي عايزه نا.ر الثأر تفضل مشتعله بين العائلتين
ربطت نسمه ثلاث او اربع ملايات في بعض ونزلت من الشباك لكن لسوء حظها نزلت علي ذيل ثعبان فلف علي رجليها صرخت نسمه مره واحده فسمعها احد الغفر اللي واقف علي الباب
فراح لاتجاه الصوت لقي نسمه وزوجة عمها بيحاولوا يفكوا في حاجه
في اي واقفين كدا ليه
رحاب زوجة عم نسمه قالت : انت لسه هتسأل ساعدني ندخلها جوا الحيه لدغتها
واه وجري شالها دخلها جوا
ونده علي والدها
بكر: اي اللي حصل وازاي تشيل بنتي كدا
مش قصدي حاجه يا بيه لا سمح الله بتك لدغتها الحيه ومش قادره تمشي فشيلتها
لدغتها الحيه ازاي وامتي
رحاب ردت ببرود وقالت : ازاي بتك كانت بتحاول تهرب من الشباك عشان تنزل راسك الارض وتفضل نار الثأر بيناتكم مشتعله امتي بقي من شويه
بكر : اقفلي خشمك بتي ماتعملش كدا واصل انا عارف انا مربي بتي كيف بتي تربيتها زين وماتنزلش راسي الارض شوفي انتي عملتي فيها اي
رحاب: اممممم طب انا كدا خلصت ذمتي قدام الكل روح برا وطل ع الشباك وشوف بتك الزينه وهي رابطه الملايات في بعضها عشان تهرب وتعالي اتكلم
بكر :انا لحد دلوقتي محترمك لجل خاطر اخوي لكن بعد كدا هنسي ان قدامي واحده ست واخد بعضه وراح عشان يشوف اذا كان كلامها صح
الداده او الست اللي بتشتغل عندهم كانت جهزت الدواء اللي هيخرجوا بيه السمممم ويعالجوها عباره عن اعشاب وكدا ونقلوها الاوضه وبدؤا في علاجها
بكر كان رايح وهو بيتوعد لرحاب لكن اتفاجئ لما لقي كلامها صح
طبعا كل دا ونسمه ماتعرفش ان رحاب قالت الكلام دا لان في لحظة دخولها الغفير دخلها اوضتها وطلع برا لوالدها
وهنا اول مابكر شاف المنظر دا فسحب سلاح الغفير وقال
بقي كدا يابت بكر والله لاقت...لك واغسل عاااري بيدي ومفيش مشكله نار الثأر تقيد اكتر
في بيت العمده
كان محمد ومريم وصلوا الساعه 1 ونص بالليل كان الاحتفال خلص ومجرد النهار مايطلع هيبدؤا بقي الاحتفال بالليله الكبيره
لكن اللي حصل كان غير متوقع للعمده
محمد كعادته دخل بكل سرور واحترام سلم على والده وعمه ووالدته وجده وباقي البيت كانوا ناموا اصلا
منصور العمده والد محمد : مين دي يا ولدي
محمد بفرحه : دي بقي المفاجأة اللي قولت ليكي عليها يااما
منصور: يعني بردوا تطلع مين
محمد: مريم شريكة حياته وحب عمري ومراتي وقريب جدا هيكون عندنا منصور الصغير
منصور بصوت عالي هز المكان : انت بتقول اي مرات مين واللي هتتجوزها بكره دي هتكون اي
محمد بصدمه : اتجوز مين يا حاج قصدك يعني اتجوز مريم تاني لا بلاش تكاليف احنا اتجوزنا عند مأذون شرعي واكتفينا بالاحتفال مع صحابنا وخلاص
ام محمد نجاة ضربت علي خدها وقالت : كيف يا ولدي اتجوزت واللي بقت مرتك علي سنة الله ورسوله دي تبقي اي البلد كلها عارفه بالجوازه دي وعندهم امل ينتهي الثأر بين العيلتين
محمد : انا مش فاهم حاجة
رد جد محمد الشافعي وقال : يعني يا ولدي انت غلطت غلط واعر قوي لما روحت واتجوزت من غير ما تخبرنا دلوقتي اللي يسوي واللي ما يسواش هيعملنا حديثه
وحد من العيلتين هيروح فيها بسببك
منصور: اسمع يا ولدي ومش عايز كلام كتير من بكره الصبح تجهز نفسك لاستقبال عروستك وموضوع جوازك دا نتكلم فيه لوحدنا
عشان لو حد من الغفر سمعنا والكلام وصل ليهم هيبقي في بحر من الد...م مالوش اول من اخر والكلام انتهي
ولسه هيمشي وقفه محمد وقال :
وانا مش هتجوز حد غير مريم
قرب منصور من محمد وصفعه صفعه قويه وقال : مفيش حد قبلك قدر يقول لمنصور الشافعي لا فمايجيش ولده اللي من صلبه يقولها ليه
وانا بقولها للمره الثانيه انا مش موافق
مايهمش توافق او لا عشان كدا كدا الجوازه هتتم وسابه ومشي
منصور مشي وكان الجد هيمشي بس وقف وقال لمحمد : حياتنا كلنا مرهونه علي موافقتك مااعتقدش هتفرح لما تلاقينا كلنا غرقا...نين في د...منا فكر يا ولدي حتي لو هتتجوزها وبعد فتره تطلقها
في دي محدش هيقدر يلومك وانا اوعدك لو عيشت ليومها هقف جنبك ومش هسيبك هما شهرين مش اكتر بس وبعد كدا طلقها وخد مرتك دي واتوكلوا علي الله وارجعوا مصر
فكر يا ولدي فينا وفي اخواتك فكر ومشي
محمد بص لمريم كانت دموعها نازله بغزارة وبتهز رأسها ليه بمعني لا ما توافقش وفي بيت بكر اخد السلااااح ومصمم يقت...ل بنته
وهنا السؤال بقي هل بكر فعلا هيق...تل نسمه ولو لا هيعمل فيها اي وياتري محمد هيوافق ولا لا ومريم هتكمل معاه ولا هتسيبه
