رواية ابنة الخادمة الفصل الثالث 3 بقلم زهرة الربيع
#ابنة_الخادمه3
مش هسيبو لواحده رقاصه و بنت خدامه زيك تلوف عليه وتجوزو
ليليان بصتلو غضب وقالت... اتجوز مين يا اهطل انت وبعدين ايه كل شويه تقولي بنت خدامه بنت خدامه ..بنت الخدامه دي بنت عمك سواء قبلتها او لا
داغر بصلها من فوق لتحت بسخريه وقال والله احنا الحكايه دي مش متاكدين منها اصلا ..مين قال انك بنتو انتي واحده امك كانت دايره في البيوت مش يمكن....
بس قطع جملتو لما ضر،،بتو قلم قوي جدا بمنتهى الاندفاع وهي بتقول.. اخرس
كانت صدمه قويه جدا لداغر فضل باصص لها بزهول شديد وليليان كانت بتبصله بحقد وقالت ..انا امي اشرف من 10 زيك مش علشان تحرمني من شويه فلوس تقل ادبك وتتهم الناس بالباطل
داغر غمض عينيه بغضب شديد وفي ثواني اتخبطت في الحيط لما قبض على رقبتها بغيظ شديد
ليليان بقت تخت،،نق بشده وداغر قال بعصبيه..انتي عارفه نفسك مديتي ايدك على مين يا سا،،فله يا بنت السا،،فله يا خدامه يا بنت الخدامه
وسابها لما كانت روحها هتطلع ووقعت على الارض وهيه بتبكي جامد وقالت...حسبي الله ونعم الوكيل فيك يا شيخ حسبي الله فيك ربنا على كل قوي ربنا عليكم يا مفتريين يا ظلمه
داغر رغم عصبيته منها لكن لما شافها بتبكي كده حس بوجع جواه كانت بتكتب بقهر وشده وموجوعه قوي
بصلها بحزن بيحاول يداريه ومد ايده وقال ..احم قومي ..انتي اللي غلطتي ما كانش في داعي تمدي ايدك
ليليان بصتله بدموع وقالت ببكا...و انت ما فيش داعي كل شويه تقولي بنت الخدامه انا مش ذنبي اني فتحت عنيا لقيت عمك الباشا متجوز امي الخدامه دي حاجه انا ما ليش دخل فيها ...اول ما توفى بابا وسبتونا في الشارع وقولتو ان احنا ما لناش مكان هنا وان ده مش بيتنا ...وحرمتوني من ورثي... وامبارح جاي بمنتهى الانانيه تحاسبني على اللي وصلتله عايز بنت لوحدها في سني من غير سند تطلع ايه يا باشا
داغر بصلها بحزن وهيه وقفت وبقت بتمسح دموعها بغضب وقالت... العيب مش عليك...العيب على البشوات اللي ربوك... اتفضل اخرج انا عايزه ارتاح
بقلم...زهرة الربيع
داغر كان فيه كلام كتير عايز يقولوا بس ما قدرش قدام براءه عيونها ودموعها اللي حاسس انها سلسلته بسلاسل حديد..مشي بسرعه من قدامها قبل ما يبان ضعفه اكتر من كده
بالليل اتجمعوا على العشا ونزلت وهي لابسه دريس جميل جدا باللون الفاتح فايز وداغر مشالوش عينيهم من عليها
فايز كان بيصلها بنظرات صريحه وواضح جدا الاعجاب في عيونه
اما داغر كان بيخبي جدا وبيتحاشى يبصلها علشان متاخدش بالها انو مركذ معاها
بعد العشاء طلعت في جنينه السرايا قعدت تبص على القمر بتوهان
فايز قعد جنبها وقال اول مره اشوف انعكاسه على الارض بصتلو باستغراب وقالت ...هو ايه ده
فايز بصلها باعجاب وقال... القمر
ليليان ابتسمت وقالت ..ياسلام...وفين انعكاسه ده بقى ان شاء الله ...حضرتك بتعاكس
فايزقال بابتسامه جميله... الصراحه اه...مهي ملهاش مصطلح تاني
ليليان ضحكت بقوه على كلامه وفايز ابتسم وقال... زمان داغر كان يقول ضحكتك بتوجع القلب .. مكنتش افهم معنى كلامه ...دلوقتي بس فهمته
ليليان اختفت ابتسامتها وقالت بضيق... هو يقصد انه مش بيحب يشوفني مبسوطه قلبه بيوجعه لما ابقى فرحانه
فايز ضحك وقال... لا على فكره ما يقصدش كده ابدا... فعلا في حاجه غريبه في ضحكتك بتضرب القلب من جوه
ليليان ارتبكت قوي وقالت.. انا ..انا هدخل عن اذنك ولسه هتمشي مسك ايدها وقال.. اقعدي معايا شويه ولا خايفه مني
ليليان بصتلو بارتباك وقالت.. وهخاف من ايه
فايز بص في عيونها وقال ...خايفه تعرفي مشاعري مثلا... خايفه اقولك اني معجب بيكي
ليليان بصتله بصدمه وقالت...انت بتقول ايه يا فايز..ده انا مبقاليش يوم هنا
فايز ابتسم وقال...بس انا مش اول مره هعرفك يا ليليان انتي بنت عمي اتربيتي هنا فتره كويسه قوي من عمرك
ليليان قالت بارتباك.. ايوه بس ده وقتها كنت طفله يعني
فايز ابتسم وقال..مفيش اجمل ولا اصدق من حب الطفوله
ليليان لسه هترد سمعو صوت داغر قال بحده..فايز تعالى هنا
ليليان غمضت عينيها بغضب منه وفايز لسه هيتحرك مسكت ايده وقالت بدلال ..طيب يا فايز هنتكمل كلامنا بعدين بقى
فايز بص على ايدها اللي ماسكه ايده وابتسم ابتسامه جميله
وليليان مشيت وخبطت في كتف داغر قاصده وهي ماشيه
داغر كان هينفجر من الغضب قرب من فايز وقال بغضب انت كنت بتقولها ايه انا شايفك من شويه مسكت ايدها بتتكلموا في ايه كل ده
فايز ابتسم وقال عادي يعني مجرد كلام..اصل انا الصراحه معجب بيها وكنت بقولها
داغر اتسعت عنيه بزهول وقال..نعم معجب ايه... معجب بيها..معجب بمين بدي بنت الخدامه انت اتجننت ولا عايز تجنني
فايز اتنهد وقال القلب معليهوش احكام يا داغر ومش بياخد برأي العقل وانت عارف كده كويس
داغر قال بارتباك... انت قصدك ايه
فايز قال.. قصدي محدش بيتحكم في قلبه...والا مكنتش انت اعجبت بيها قبلي ..انا عارف انك من زمان من طفولتكم وانت مهتم بيها ولحد قبل خمس سنين كنت كده...بس لما توفى عمي من خمس سنين وبابا اصر ورفض انه يرجعهم البيت ويديهم حقهم واضطريت انت تختار ما بينهم واخترت ابوك ..صرفت نظر عن مشاعرك ليها... انما انا معنديش مشكله في ارتباطي بيها...مش لاني مش بحب بابا او اي حاجه من الكلام ده... لا لاني عارف انها ملهاش اي ذنب في كل اللي عملناه فيها ...البنت لها حق هنا..و ابوك منع ابوها من حقه لانو اتجوز واحده مش من مستواه ورغم ان جدي الله يرحمو سمحلو يفضل في السرايا لاكن اول ما اتوفى ..ابوك مشاهم ورغم كل اعجابك بليليان ورغم انك ياما قولت هكبر واتجوزها لاكن ممنعتهمش
داغر قال بغضب..احنا كنا صغيرين وقتها و
قاطعو فايز وقال..ودلوقتي لما كبرنا...ووبعد ما اتوفى عمك من ٥ سنين رفضنا نديهم اي حاجه برضو ..او نساعدهم حتى وسبناهم وحدهم..و عمك اللي كان بيصرف عليهم ويقويهم مات..وحضرتك رافض تعترف انك مهتم بالبنت ...بس انا مش هسبهم اكتر من كده انا ما عنديش مشكله ولا بعترف بالعقد بتاعتكم دي ...ولو ليليان وافقت عليا هتجوزها والكلام ده توصله لابوك يا داغر
فايز قال كده ومشى وسابه هيتجنن جذب شعره لورا بغضب حاسس بنار جواه ... ضم اديه بغضب وطلع على اوضه ليليان وهو مش شايف قدامه
عند ليليان كانت طالعه من الحمام لبس بيتي خفيف جدا ..ومشغله ميوزك..وبتنشف شعرها وهي بتتمايل على صوت الموسيقى في الوقت ده دخل داغر هو متعصب جدا باندفاع من غير ما حتى يخبط على الباب
ليليان اتصدمت وهي بتبصلو بزهول وقالت بزعيق..انت ازاي تدخل كده يا حيوان انت
داغر اتجمد من منظرها وبقى يبصلها من فوق لتحت باعجاب شديد وبلع ريقه بارتباك وكان هيطلع فورا بس غير رايه ودخل وقفل الباب وقال ... عايزه اتكلم معاكي دلوقتي حالا ضروري....عايزه ايه من فايز يا ليليان
بصتلو بزهول وغضب وقالت... انت اللي عايز ايه مني عايز ايه مني انت جايبني هنا علشان تذلني اطلع بره ازاي تدخل على واحده بالشكل ده اصلا
داغر قرب منها وامسكها من ذراعها بغضب وقال... ردي على قد السؤال يا ليليان
ليليان بصتلو بخوف من شكله وقالت... عادي..كنا بنتكلم عادي..فايز ابن عمي و
داغر قرب اكتر وحاوطها عند الحيط وقال... بس يا ليليان...ولا فيه حاجه بينك وبينه...يعني بمعنى اصح بتحسي بحاجه من ناحيته ردي عليا ارجوكي
ليليان كانت مستغربه سؤاله قوي... وقالت وانت مالك انا حره
داغر بصلها بغضب اكبر وضغط على ذراعها اكثر وقال بقوللك ردي عليا يا ليليان متعصبنيش
ليليان شافته متعصب قوي وحبت تضايقه اكتر و قالت الصراحه اه فيه هو قالي انو معجب بيا
داغر قلبه كان هيطلع من مكانه وقال بخوف وسرعه ...وانتي انتي كمان بتحبيه
ليليان قعدت على السرير وقالت... والله مش عارفه بفكر انت ايه رايك فايز شب كويس قوي وممتاز مؤدب وبيحبني..وبصتلو وقالت ...وغير كده مش هامه اني بنت الخدامه
داغر بصلها بغضب وقال...اوعي تفكري تقربي من اخويا فاهمه اوعي عقلك يصورلك تفكري فيه مجرد تفكير وده اخر تحذير ليكي
داغر لسه هيمشي قالت بسرعه...انت زعلان على اخوك ولا زعلانه على نفسك..اوعى تكون غيران منه
داغر غمض عنيه وحاول يقوى وبصلها وقال ..انتي شاربه حاجه تقريبا
ضحكت وقربت عليه وبصت لعيونه وقالت...ليه علشان بقول الحقيقه...انت شكلك حالك من حال اخوك..واذيد كمان
بقلم..زهرة الربيع
داغر بلع ريقه من قربها وفاجأها لما شدها عليه من وسطها بقوه وقال...انتي عايزه ايه..عايزه ايه مني حرام عليكي بقى
ليليان ابتسمت وقالت بدلال...اي...وسطي يا داغر براحه
داغر خد بالو انو ماسكها جامد سابها بسرعه وقال بسخريه ..اه معلش انا اسف لوسطك ..نسيت انو فاتح بيوت
ابتسمت وبصت لعيونه وقالت...وبيفتح قلوب كمان...انت شوفتي قبل كده وانا برقص
داغر تاه في عيونها وهز راسو بالرفض وقال..لا..ايه عايزه توريني
ليليان ضحكت اوي وقالت...تؤ ..اخاف عليك يا ابن عمي
داغر ابتسم وقال..فيكي الخير...بس الاحسن تخافي على نفسك...وبلاش انا...انا مش فايز ..ولا وسطك ولا اي حاجه فيكي تقدر عليا
ومشي وهو بيقول..واخر مره هحذرك فايز خط احمر فهمتي
ليليان قالت بسرعه...تمام..انا بس كنت بحاول افهم ..علشان لو بتتمنى مكان اخوك مبقاش سبب زعل اتنين اخوات من بعض
هنا داغر اتعصب اوي وبصلها وقال ...عادي امك عملتها قبلك وانتي متفرقيش عنها وووو
لمتابعه باقي فصول الرواية اضغط هنا👇
