.jpeg){kind=small}
رواية لين القلوب الفصل الرابع 4 بقلم ملك ناصر
« لين القلوب »
Part 4
لين بصراخ:عمااار
نعمة دخلت عليها بسرعة :مالك يا لين انتي كويسة
لين وهي بتتنفس بصوت عالي:أيوة يا ماما حلمت بكابوس بس
نعمة طبطبت عليها:طيب قومي اتوضي وصلي الفجر عشان لسة مأذن واقرأي آية الكرسي ونامي
لين:حاضر وقامت
★★بعد ما صلت
لين بتفكير :ياترى ايه حلمت تاني بيه ،وليه بيقولي
ما تنسينيش ،اكيد كنت اعرفه أو اتقابلنا قبل كده ، ويقصد ايه بأني اعرفه اصلا انا بجد مش فاهمة حاجة ،بس اللي فاهماه اني مش مرتاحة اني اكمل مع أدم، قلبي مش مطمني من ناحيته ،اووووفف انا هنام بجد خلاص ........،بس ممكن علاقتي انا ومريم تقل شوية
★★★★★★★★تاني يوم
لين:ماما انا مش موافقة على ادم
نعمة:ليه يا بنتي
لين:مش مرتاحه له
نعمة:ماشي يا حبيبتي انا مش هغصبك على حاجة ،بس بالنسبة لمريم
لين:مش عارفة بس اكيد هتحترم قراري
نعمة:ماشي يا حبيبتى انا هبلغهم قرارك
............
نعمة: السلام عليكم
أدم:وعليكم السلام ورحمه الله وبركاته ،ازاي حضرتك يا طنط
نعمة: الحمدالله يا حبيبي في نعمة من ربنا
ادم:هي لين فكرت؟
نعمة :أيوة بس هي للأسف مش مرتاحة
ادم بحزن:طيب يا طنط
نعمة:ماتزعلش يابني كل شئ قسمة ونصيب
ادم:ونعم بالله ،حضرتك عايزة حاجة
نعمة:لا يابني سلامتك
ادم: السلام عليكم
نعمة: وعليكم السلام
ونهت المكالمة
لين:قالك ايه يا ماما
نعمة:مقالش بس كان صوته زعلان كده ومضايق
لين:عارفة أنه حاجة تضايق انه يترفض بس بجد مش هقدر اتعامل معاه حاسة بحجر علي قلبي ولما بلغتيه رفضي انزاح
نعمة: ياااه لدرجادي مكنتيش طايقاه
لين:مش حكاية مش طايقاه حكاية اني مش مرتاحة انا كنت بعامله كأنه اخويا لكن خطيبي دي لا بعيدة
نعمة :طيب يا حبيبتي
★★★★تاني يوم في الجامعة
لين بأحراج:ازيك يا مريم
مريم باستغراب:ايه ده، من امتى الادب ده
لين:انا عارفة انك مضايـ....
مريم بمقاطعة:صحوبيتي بيكي ملهاش علاقه بأنك رفضتي اخويا ،انا وانتي هنفضل صحاب
لين وهي بتحضنها:شكرا انك فهمتيني
مريم:علي ايه يهبل. ،وكملت بحماس تيجي نضرب اتنين شاورما قبل الفرهدة
لين:يلا بينا
★★★★★★★★★★★★
وتمر الايام وجت السنة التالته للين ومريم في الجامعة
★★★★★★★★★★★★
لين:أيوة يا ماما
نعمة: هاتي موز وفراولة ومانجا وانتي جاي
لين: اشمعنى يعني
نعمة:عندما عزومة
لين:امتى
نعمة:مجرد ما تيجي هتغيري هدومك وننزل
لين بتساؤل:هو لازم اجي
نعمة:أيوة طبعا الست عزمانا احنا الاتنين ومأكدة عليا انك تيجي
لين:أيووووة مين هي بقى
نعمة:كانت جارتنا بس عزلت من زمان ،مش عارفة هتفتكريها ولا لا
لين بتأفف:ماشي يا ماما
★★★★★★★★★بعد مدة
لين:متأكدة يا ماما اني لازم اجي
نعمة:لين احنا قدام بابهم خلاص
لين: منا بتأكد بس
ترررن
الست:نعمة ازيك يا حبيبتي وحشتيني
نعمة:وانتي ولله وحشتيني يا كوثر
كوثر بحب:ازيك يا لين فاكراني
لين بأحراج: الحمدالله يا طنط
كوثر: يبقى مش فاكراني ،هتفتكريني لما افكرك بزمان ،ادخلو يالا واقفين ليه
كوثر :ده عمار ابني يا نعمة
نعمة :اللهم بارك كبر وبقى عريس اخر مرة شوفته كان بيجري ورا لين
عمار بضحك خفيف:كانت ايام بقى ياطنط،حضرتك عاملة ايه
نعمة:في نعمة يا حبيبي ،امال فين لين يا كوثر
كوثر :في الحمام
لين وهي بتدخل:حااسة اني سمعت اسمي
نعمة:جبنا في سيرة القط
عمار بأبتسامة :ازيك يا لين
لين بزهول: ها
وووووو
★★★★★★★★★★★★
لمتابعه باقي فصول الرواية اضغط هنا👇
