.jpeg){kind=small}
رواية محبوبتي الفصل الرابع 4 بقلم ايات محمد
#رواية_محبوبتي
البارت الرابع
بعدما ذهبت ماريا إلي قصرها واتجهت إلي غرفة الملابس الخاصه وارتدت بنطال واسع باللون الأسود و ارتدت فوقهوا بلوزه ضيقه باللون الأسود وارتدت فوقهم معطف باللون البيج وارتدت جزمه باللون البيج واخذت حقيبه باللون الأسود وارتدت نظارتها الشمسيه وفجأه دق هاتفها
ماريا:ايه يامها
مها:ايه يابنتي فينك احنا كلنا مستنيينك
ماريا: نازله اهو كنت بس بجهز نفسي
مها:ديما كدا متأخره هنطلب الغدا عقبال ما تيجي
ماريا:تمام اطلبيلي معاكي وانا نص ساعه وهتلاقيني عندك
مها:تمام متتأخريش
ماريا:اوكيه سلام
وننتقل إلي المكان التي توجد به مها
مها:نص ساعه وهتوصل
جومانه:البت دي ديما متأخره نفسي ف مره متتأخرش وتيجي ع المعاد
مها بحزن:هتعمل ايه يابنتي ربنا يكون ف عونها حمل الشغل كله عليها ومفيش حتى حد من عيلتها موجود يساعدها
جومانه بحزن:عندك حق
ميار بسخريه:ايه ياجماعه هتقلبوها حزن من أولها فرفشوا كدا
مها:البت دي ولله معندهاش دم
ميار بحزن مصطنع:كدا يامهميهو زعلتيني منك
جومانه بعصبيه:يلهويييي مش هنخلص بقا
مها بضحك:نجحنا اننا نعصبها
ثم ضحكوا جميعاً
(جومانه عندي 27سنه مش بشتغل دلوعة البيت طويله عيني بني بشرتي بيضه شعري اسود عايشه مع اخواتي الصبيان الأتنين ووالدي ولدتي متوفيين)
(ميار عندي 25سنه قصيره عيني خضراء بشرتي بيضه شعري اصفر عايشه ف بيت عيله مع والدتي ووالدي وعيلة والدي)
في مكان اخر وتحديداً في الجامعه
مرام:يا جميله قولتلك انا مش عايزه ارتبط بيه انا مش بحبه
جميله:يعني ايه مش بتحبيه والكلام اللي كنتي بتحكيه عنه دا راح فين
مرام:كان زمان
جميله:مرام متكابريش انا وانتي عارفين كويس اويي قد ايه انتي بتحبيه
مرام:هو يستاهل حد احسن مني انا مش هعرف أسعده
جميله:ليه إن شاء الله دا انتي قمر وألف واحد يتمناكي واذاي مش هتعرفي تسعديه
مرام:انا واحده مش عارفه تسعد نفسها كان ممكن افكر ف الكلام دا قبل موت بابا وبعدين يلا ع المحاضره
واخذت مرام جميله وذهبت إلي قاعة المحاضرات
ومرت ساعتين من الزمن وخرجت جميله ومرام بعد انتهاء المحاضره
مرام:يلا نمشي عشان متأخرش على ماما
جميله:تمام يلا
وخرجت مرام وجميله من الجامعه وانصدمت مرام عندما لقت ابن خالتها ينتظرها بسيارته امام الجامعه ويلوح بيده لها
مرام:امشي بسرعه دا جايلي هنا
جميله:هو مين
مرام:ابن خالتي اللي عايز يرتبط بيا
جميله بصدمه:هو الواد القمور اللي واقف عن العربيه الفخمه دي
مرام بتوتر:اه هو وبعدين هو مش قمور اوييي يعني
جميله بصوت عالي:هو ايه اللي مش قمور دا زي القمر
مرام وهي تضع يدها على فم جميله:اسكتي يخربيتك فضحتينا
ثم جاء ابن خالتها ووقف امامها
مازن(ابن خالة مرام):ايه يابنتي انتي مش شيفاني بقالي ساعه بشاورلك
مرام بتوتر:ايه اللي جايبك هنا
مازن:فيه حد يكلم حد بالطريقه دي بدل ما تسلمي عليا
مرام بتوتر:اه اسفه عامل ايه
مازن: الحمدلله انتي اذاي مش عارفه انا جاي ليه مش المفروض خالتي قايلالك
مرام باستغراب:قايلالي ايه
مازن :خالتي كلمتني وقالتلي انو اروح استناكي عشان المفروض نتقابل
مرام وهي تحاول أن تخبئ عصبيتها من امها التي دائما تضعها امام الأمر الواقع:اه صح اصل انا نسيت
وكل هذا الحوار وجميله واقفه وهي تنظر لمازن بإعجاب ولاحظت مرام هذا ثم ضربتها بكوعها في بطنها
جميله بوجع:اااااه انتي ايه اللي عملتيه دا
مرام بحزن مصطنع:اسفه ياروحي دا من غير ما اقصد وبعدين انتي لازم تمشي عشان وراكي مشوار مهم
جميله بأستغراب:مشوار ايه دا انا مواريش مشاوير
جميله بعصبيه: المشوار اللي لسه قايلالي عليه
مازن :متسيبيها يامرام تيجي معانا نوصلها
مرام بعصبية:لا هي بتعرف تروح لوحدها
جميله بإحراج:اه صح افتكرت انا عندي فعلاً مشوار سلام ثم ذهبت
مازن بعصبيه:انتي ايه اللي انتي عملتيه دا احرجتيها
مرام وهي تحاول السيطره على عصبيتها:امشي قدامي عشان لو اتعصبت هنزعل احنا الأتنين
مازن بسخريه:هتعملي ايه يعني
مرام بغيره وعصبيه:انت مش شايف كانت بتبصلك اذاي
مازن بخبث:وانتي اصلا مالك مش انتي رافضه ترتبطي بيا يبقى خلاص اللي يبص يبص ملكيش دعوه
مرام بعصبيه وغيره وهي تمسكه من جاكيته:هو ايه يلا انا مالي دي وبعدين اقسم بالله انا سكتلها بس عشان هي صحبتي عارف لو واحده تانيه كنت قطعتها بسناني عارف ليه عشان انت ليا وبس
مازن بخبث:قولي تاني كدا اصلي مسمعتش
مرام وهي تترك حاكيته وندم على ما قالته:مبدهاش بقا لو عايز يبقى فيه مبينا حاجه تعالى اقعد مع ماما بكره ثم تركته وذهبت
في مكانٍ آخر وتحديداً في المطعم
ماريا بمرح:انا جيت
مها بسخريه: أخيراً البرنسيسه شرفت ساعتين عقبال ما جيتي وبتقوليلي نص ساعه
جومانه:نفسي مره تيجي ف معادك ساعتها عارفه هعمل ايه هسجد سجدة شكر
ميار بضحك:استحاله تحصل
ماريا بأستعطاف:ولله وانا طالعه من البيت لقيت المساعد بتاعي جاي وجايبلي كومة ملفات عشان اوقع عليها وعقبال ما راجعت عليهم ووقعت ف خدوا وقت
فلاش باك
المساعد:استاذه ماريا ثواني
ماريا:عايز ايه
المساعد:حضرتك فيه ملفات عايزين توقيع حضرتك عليها
ماريا:مش فاضيه دلوقتي لما أرجع هوقع عليهم
المساعد:مينفعش حضرتك دول محتاجينهم ضروري
ماريا:مينفعش الواحد يرتاح ثم اخذة الملفات واكملت شغلها ........
مرام:ولله ذي ما بقولك كدا
مها:عفونا عنكي
مرام:ها طلبتو الأكل ولا لسه
جومانا:اه طلبناه ولسه مجاش
ميار:عيال الحقوا فيه واد مز واقف ورا مرام
مرام وهي تنظر ورائها وبصدمه
في المستشفى التي تعمل بها ساره
ساره:دكتوره يارا انا همشي
يارا:استنيني نمشي سوا بقيلي خمس حالات بس هكشف عليهم ونروح سوا
ساره:ماشي بس انجزي عشان مش عايزه اتأخر انا هستناكي بره
يارا:اوكيه
ثم خرجت ساره من الغرفه
ساره:دكتور ادهم عامل ايه
ادهم:, الحمدلله الله وانتي ايه اخبارك
ساره:زي ما هيا مفيش جديد
ادهم:يعني ايه
ساره:يعني زهقت من الشغل زهقت انو دكتور مجدي مش بيحاول مع المرضى مره واتنين وتلاته بيستسلم بسرعه طلامه المريض لسه قلبه بينبض يبقى نحاول مره واتنين وتلاته وأربعه ان شالله مئة مره دكتور مجدي بقا مش عنده كدا طلامه المريض مستجابش من اول كام مره يبقى خلاص نسيبه يموت طريقته مش عجباني وهتأدي لموت ناس كتيير كان ممكن تعيش
ادهم بصدمه:اذاي يعمل كدا دا غلط وهيبوظ سمعة المستشفي وفيه ارواح كتييير هتموت وبتموت بسببه
ساره:قولتله كدا كتييير وكان بيقعد يزعقلي ويقولي انتي اللي هتيجي تعلميني شغلي ما أنا بقالي اكتر من 20سنه ف مهنة الطب وتيجي واحده مكملتش ال5سنين تعلمني اعمل ايه ومعملش ايه
أدهم:احنا لازم نبلغ رئيس المستشفي عشان اللي بيحصل دا ميتسكتش عليه وانتي اذاي مجتيش قولتيلي من ساعت ما عرفتي انو بيعمل كدا
ساره:انا لسه مكتشفه ف الحاله دي لأن دي اول مره امسك حاله معاه انا ديما بشتغل مع دكتور حسام
ادهم:خلاص انا هتصرف متشغليش بالك بالموضوع دا
ساره: شكراً
ادهم ببسمه :مفيش داعي للشكر
ثم خرجت يارا ومعها حقيبتها
يارا:دكتور ادهم ازيك
ادهم الحمدلله وانتي عمله ايه
يارا: الحمدلله
ادهم :ديما يارب اسيبكم انا بقا عشان عندي حاله مستعجله
ساره:ربنا معاك
يارا:تمام
ثم تركهم ادهم وذهب
يارا:احكيلي بقا كنتوا بتقولوا ايه
ساره:ولله كنا بنتكلم ف الشغل بعدين انا مش عارفه انتي ليه مفكره انو فيه حاجه مبينا احنا مجرد زمايل
يارا وهي تغمز بعينها:زمايل برضه
ساره:اه زمايل ويلا عشان نمشي
يارا:ايه رأيك نروح نتعشى ف اي مطعم
ساره:اقول لماما الأول عشان متقلقش عليا
يارا:تمام وانا هشوف هنروح فين
ساره:اوكيه ثم اخرجت هاتفها لتخبر والدتها أنها سوف تتأخر ووافقت والدتها ثم انهت المكالمه
ساره:ها شوفتي هنروح فين
يارا:اه دا المطعم قريب اوييي من هنا نتمشاله عشر دقائق وايه بقا بيقدم بيتزا تجنن
ساره:طب يلا
ثم اخذوا يسيروا في الطريق المؤدي إلي المطعم
في مكانٍ اخر وتحديدا في المكان الذي توجد به ماريا
ماريا بصدمه:انت بتعمل ايه هنا
الشخص بتوتر:انا كنت جاي عشان عايز اتكلم معاكي
ماريا:بعد اذنك اخرج بره دلوقتي عشان أنا مش عايزه اعلي صوتي والناس قاعده
الشخص:خلاص اطلعي معايا بره
ماريا:مش هطلع بره وانا أصلا مش عايزه اكلمك ارجوك مش عايزه مشاكل
الشخص بأبتسامه:خلاص يبقى اقعد معاكي ولما تخلصي نتطلع سوا ثم أخذ مقعد وجلس معهم على نفس الطاوله
جومانا بأستغراب:ماريا مين دا
ماريا متجاهله سؤال جومانا:خلاص خليك قاعد انت وانا امشي ثم نهضت لتخرج ونسيت حقيبتها
اخذ الشخص حقيبتها ونهض ليلحقها
الشخص وهو يمسك ذراعها ليوقفها عن المشى:استني هنا انتي لازم تسمعيني
ماريا بدموع:انت عايز مني ايه مش كفايه اللي عملته فيا سيبني ف حالي بقا
الشخص بندم: صدقيني انا ندمان على اللي عملته انا اسف
ماريا ببكاء:اسف اااااه اسف فعلاً بعد ايه بعد ما كسرتني بعد ما خذلتني بعد ما سيبتني ف نص الخطوبه وقولتلي اسف مش هقدر اكمل بعد ما حبيتك من كل قلبي بس عارف العيب مش عليك العيب عليا لأني حبيت واحد واطي زيك وساعتها سألتك ليه يا احمد عملت كدا ليه دا انا بحبك وساعتها اترجيتك انك متسبنيش عشان أنا مش هستحمل فراق تاني كفايه اهلي اللي سابوني لوحدي
وكل هذا الكلام وصديقاتها واقفون مصدومون والناس تجمعت حولهم
احمد بحزن:طب متعيطيش دموعك غاليه عندي اوييي ومد يده ليمسح دموعها ولاكنها منعته
ماريا:اوعى تلمسني دلوقتي دموعي بقت غاليه عندك مكنتش غاليه ليه ساعت لما سيبتني ف نص خطوبتنا وانا منهاره من العياط
احمد بندم على ما فعله:انا اسف سامحيني ارجوكي سامحيني
ماريا بدموع:اسامحك ااه اسامحك عارف بعد ما انت سيبتني قعدة سنتين بتعالج من الأكتئاب خليتني انسانه تانيه انسانه متعرفش يعني ايه سعاده عارف اللي واقفين دول ثم شاورت على صديقاتها وأكملت:بحاول على قد ما اقدر انو اكون مبسوطه معاهم واضحك واهزر عشان بس ما احسسهمش انو انا فيا حاجه وعشان مكنتش عايزه اقول لحد على اللي حصلي زمان وانت دلوقتي جاي بكل سهوله تقولي سامحيني انا اسف انت لو مكاني وانا عملت فيك كدا ووصلتك للمرحله دي هتسامحني
احمد بحزن:انتي لازم على الأقل تعرفي انا عملت كدا ليه لازم تعرفي عشان تقدري تسامحيني
ماريا بحزن وانكسار:اعرف ايه اعرف ايه ياأخي سيبني بقا دمرتني ودمرت كل حاجه حلوه كانت فيا سبب اللي انت عملته دا دلوقتي ميهمنيش مجتليش ليه من 5سنين عشان تقولي سبب اللي انت عملته كفايه بقا سيبني ارجوك ثم تركته وذهبت
كاد احمد أن يذهب ورائها ولاكن صديقاتها منعوها
مها بعصبيه:بعد اذنك سيبها بقا ف حالها كفايه اللي عملته فيها
جومانه:انت ايه يا أخي معندكش دم
ميار:متقربش منها تاني عشان ساعتها تصرفي مش هيعجبك
ثم اخذ احمد حقيبتها وذهب
لمتابعه باقي فصول الرواية اضغط هنا👇
