رواية زهرة أصلان كاملة جميع الفصول

 رواية قسوة ثم عوض الفصل الخامس 5 بقلم شروق حسام 

الجزء الخامس

بعد سنة ونصف

كنت أطلقت من خالد وارتاحت منه وهو خلف ومراته جابت عصام في نفس يوم عيد ميلاد بنتي الأول اللي كان سايبها ومش بيسال عليها بس انا هكون ليها الاب والام وكل ده عشان يقهرني بس انا مش شاغلة بالي بيهم اصلا وحاليا هي حامل في العيل الثاني يلا الله يبعدهم عني 

و ماما ماسلمتش من كلامها الجارح بعد ما أطلقت ده غير تنقلي من شغل لشغل عشان الاقي شغل كويس اشتغلت حرفيا كل انوع الشغل لحد ما استقريت في مصنع كريستال بس كل التعب ده مش مهم المهم دلوقتي بنتي شهيرة احلى حاجه حصلت لي في حياتي بنت قلبي 

عفاف بحدة "هاتي الفلوس اللي معاكي اخوكي عايز يخرج مع صحابه"

_"بس ياماما انا الفلوس اللي معايا علي القد تكفي طلبات شهيرة وطلبات البيت بالعافية"

عفاف بنرفزة "مش مهم بنتك اعمليلها أي حاجة طلباتها كترت اوي وانا مش ناقصة وجع دماغ اخوكي أولي"

هند لسه هتتكلم عفاف ما اديتلهاش فرصه وفتحت شنطتها اخذت منها الفلوس وسابتها ومشيت

هند بتنهيدة وجع "ياربي اعمل ايه دلوقتي الحمد لله ربنا كريم هيرزقني من وسع"

هند شالت بنتها وبتلاعبها "شوشو حبيبة قلب ماما خليكي هادئة ومتزعليش تيتا ماشي يا قلبي"

شهيرة ضحكت في وشها بطفولية 

هند باستها بقوة كذا مرة "يا لهوي على الحلاوه ايه القمر ده يا ناس"

_"هروح الشغل بقى و وخليكي هاديه يا شوشو هتوحشيني يا حبيبتي"

هند نزلت شهيره وادتها لباباها 

_"خلي بالك عليها يا بابا عشان هي شقيه وبتتحرك كثير"

_"ماشي يا هند متقلقيش دي نور عيون جدها"

_"أنا ماشية عايز حاجة"

_"عايز سلامتك"

..................

في المصنع

هند بإبتسامة "صباح الخير يا بنات عاملين ايه"

الاء بمشاكسة "صباح الورد يا قمر انتي جاية متأخر دقيقة ليه وحشتينا كل ده تأخير"

_"هههه اسفة يا أبلتي غصب عني"

_"نفس حوار كل يوم بردوه"

هند بتعب "اه اعمل ايه بس الحمد لله"

_"هند تعالي علي مكتبي عايزك"

_"حاضر يا أستاذ مختار"

الاء بقرف "يخربيت شكلك ملزق مش راضي يحل عنك اسنانه بتقع وبيفكر بطريقه مقرفه زي شكله استغفر الله العظيم يا رب"

هند بهدوء "سيبك من كل ده انا هروح اشوفه عايز ايه ممكن يكون الموضوع ضروري بخصوص الشغل"

الاء بتنهيدة "تمام ادخلي له وانا مستنياكي متتأخريش"

_"حاضر"

.................

بعد شوية 

_"استاذ مختار حضرتك طلبتني في حاجه حصلت"

مختار بنظرات شهوانية "ده حصل وحصل كثير كمان مش هترضي عليا يا ست البنات ولا ايه"

_"اه وبعدين كنت عارفه انك هتقول الكلمتين دول فاحب اقول لك يا كل* اني مستقيله وهسيب الشغل اتفو عليك وعلى شكلك انت ونظراتك الشهوانيه دي انت يا راجل يا معفن كبير في السن ومخلف وعندك بنات فاللي انت بتعمله فيا هيترد لك كما تدين تدان"

مختار اتخرس وما عرفش يتكلم وهي سابته وخرجت 

.................

_"هند ايه اللي حصل عملك حاجة"

_"ما تقلقيش ما عمليش حاجه قدمت استقالتي بس"

الاء بضحكة "شكلك طلعتي في كل العبر"

_"ههههه ده حقيقة انا هروح بسرعه بقى شهيره وحشتني سلام"

_"سلام خلي بالك علي نفسك"

_"وانتي كمان"

...................

_"شوشو ياسين انتم فين يا حلوين جايبة لكم شوية مفاجأة"

ياسين اخوها الصغير بطفولية وهو بيحضنها "انوش جيتي وحشتيني"

_"وانت كمان ياروحي فين شوشو"

هند خلصت كلامها من هنا بصت قدامها لقت في ضيوف في الصالون

_"تعالي يا هند سلمي علي منصور جوزك"

هند بعصبية "تاني ياماما تاني انتي مش عايزه تسيبيني في حالي غير لما اموت ايه حسي بيا مره ربنا قال وبالوالدين احسانا بس مش بالطريقه دي ارحميني عشان ربنا يرحمك كنتي شايفاني بموت مع خالد ما كنتيش بتفتحي بؤك عرضتيني زي السلع عليه ما كنتش بقدر اتكلم بسببك لما يجي يضربني او يشتمني ودلوقتي جايبه لي واحد كبير في السن عشان اتجوزه ان هو قريبنا استاذ منصور ده انت المفروض يكون عندك شويه دم وما كنتش جيت"

عفاف بنرفزة "معلش يا جماعه هند اعصابها تعبانه شويه من بعد جوازتها الاولي هدخل اتكلم معاها وهتلم هدومها وهتيجي مع منصور"

عفاف بهمس حاد وهي بتشدها من ذراعها "قدامي يا اللي عايزه الحرق ده انا هموتك يا بنت الو**"

...................

هند حطت ايديها على وشها بعد ما مامتها ضربتها "القلم ده عشان تحترمي نفسك وتعرفي انتي بتتكلمي مع مين وتلمي دلوقتي هدومك وتروحي معاه ابوكي كتب كتابك عليه عايزه الناس تاكل وشي بعد ما فضحتيني بطلاقك من خالد ما كانش في حد هيقبل بيكي وانتي مطلقه وعندك بنت فعشان كده ابوكي جوزك"

_" انا ما عنستش يا ماما عشان تقولي كده انتي جوزتيني منصور اللي قد بابا ده مش قد بابا كمان ده اكبر منه"

_"ما ليش فيه ويلا عشان تروحي معاه مش بحب اتكلم كثير"

عفاف خلصت كلامها وسابتها ومشيت وهي وقفت مكانها مصدومه وحاسه ان الارض بتلف من حواليها مش معقول دي مامتها اه مش معقول هي هي جايه من ميتم او بنت حد غريب 

لمتابعه باقي فصول الرواية اضغط هنا👇

(رواية قسوة ثم عوض)

تعديل المقال