.jpeg){kind=small}
رواية ما يخبئه لنا القدر الفصل السادس 6 بقلم زينب رشدي
#البارت_السادس
#ما_يخبئه_لنا_القدر
عمر بقلق: ملك ملك
نزل عمر تحت الميه وخرجها
عمر بقلق وبيطبط على خدها: ملك فوقى عشان خاطري اوعى تعملى فيا كده ملك ملك امانة عليكى فوقى
عام بيها وخرجها على الشط
عمر: ملك فوقى
ملك بابتسامة: قد كده بتحبنى
عمر بصدمه: انتى كنتى فايقه
ملك: انا كنت بهزر والله بس لما لقيتك قلقان بجد خوفت اتكلم
عمر بعصبيه: بتهزرى؟ انتى بتلعبى بمشاعرى ي ملك انتى عارفه انا كنت حاسس بأيه حرام عليكي بجد
ملك: انا اسفة
عمر: يلا ي ملك يلا
ملك مسكت ايده: لا عشان خاطري نكمل اليوم
عمر بعصبيه: م
ملك بمقاطعه: عشان خاطري
عمر: طيب
رجعوا المطعم وقعدوا
آدم: طبعاً نزلتى الميه
مي: انا مش عارفه المطعم هنا مدخلك ازاى
ملك: عيب انا اعمل اللى انا عايزه
عمر: طيب يلا نتغدا عشان نمشي قبل ما نبرد
آدم: ايوه يلا
مي: المطعم ده سمكه تحفه
آدم بابتسامة: بالهنا والشفا ي قلبى
ملك باستغراب: قولت اي
آدم: ملك اخرصي وخليكى فى طبقك
ملك: طيب نتكلم بعدين
عمر هتفضل ساكت كتير
عمر:ملك متكلميش معايا عشان مقولش حاجه تضايقك
ملك بحزن:حاضر
خلصوا غدا وكل واحد روح بيته عشان يغير ل بليل
وعند عمر
عمر: وحشتيني اوي ي ست الكل
عائشه: وانت كمان ي حبيبي برضو مسافر تاني
عمر: للأسف ايوه انا بس جاي احضر حفله كده وراجع تاني
عائشه: ربنا معاك ي ابنى
عمر باستغراب: يعني سكتي على طول ومزعلتيش
عائشه: ازعل ليه مش معاك شغل
عمر: طيب انا هاخد شاور واجى اقعد معاكي قبل ما امشي
عائشه بخبث: قولى صحيح انت جاي بطياره صح
عمر باستغراب: اكيد
عائشه: اومال اي مغرقك كده
عمر: لا واحده مجنونه كده نزلتنى الميه
عائشه بخيث: ملك
عمر: اش عرفك
عائشه: انت ليك سيره غير عليها كل ما اكلمك تحكيلى عنها
عمر بابتسامة: طيب هغير واجيلك عشان في كلام كتير عايز اقوله
غير ورجع وتكلم مع امه ومعظم الكلام كان على ملك بس مقلهاش انهم زعلانين من بعض
عائشه: قد كده بتحبها انت من ساعه ما قعدت ما قولتش غير ملك
عمر: بعشقها ي امى وخايف تروح منى بقا فكره فقدانها كابوس بيرودنى
عائشه: وتفقدها ليه من كلامك شكلها طيبة وبتحبك
عمر بحزن: ربنا يسترها
عائشه: المهم لما قولتلها بحبك لحد دلوقتي مردتش
عمر: لا
انا هقوم البس عشان متاخرش
وعند دكتور هيثم قاعد مع دكتور زميل ليه دكتور اسعد
هيثم: بقولك التقارير ممتازه يعني كام شهر وهيبقوا كويسين
اسعد: انا مش مطمن من النتيجه دي في السرعه دي
هيثم: شوف كده تقاريرهم شوف كانوا اي وبقيوا اي
اسعد: عندك حق تحاليل عمر كويسه وممكن عشان عرف المرض من الاول بس تحاليل ملك غريبه
هيثم: عشان بدات علاج بعد سنه ونص يعنى مش شرط ما هي في تحسن
اسعد: لا المؤشرات تقلق صدقنى يعني من حوالى شهرين قبل العلاج اترفع المؤشر بطريقه تخد كإن صاحبها لازم يعمل عمليه وبعدين وقف لما بدات علاج ودلوقتى السرطان بيتلاشى
هيثم بقلق: عندك حق حاله موردتش عليا بس طبيعي مع العلاج والنفسيه تخف
اسعد: على العموم خلى بالك ي دكتور فى حالات كتير بتمشي على العلاج وبتبقي حالتها النفسيه كويسة ومش بتخف كل بامر ربنا
هيثم:خلاص انا هركز في حالتها الفترة الجاية
وعند ملك اخدت شاور وغيرت ونزلت تتكلم مع اخوها
ملك: اومال ماما فين
آدم بملل: هتكون فين بتحضرلك وليمه
ملك: وليمه اي بس انا يدوبك شويه وهمشي
آدم: يعني انتى مش عارفه مامتك
ملك: وبابا هيرجع امته من السفر
آدم: معرفش
ملك: قولى بقا اي حكايه قلبى دي
آدم: انا اعترفت ل مى بحبى
ملك بفرحه: اخيرا
آدم باستغراب: انتى كنتى عارفه انها بتحبنى
ملك: ايوه طبعاً
آدم لوا دراعها: يعني عارفه ي حيوانه وكنت كل ما اسالك تقولى معرفش وتغزينى وتقولى هتجوز وتسيبك
ملك: في اي ي ابو الهداهيد كنت بحركك ي اخى اومال كنت اقولك انها بتحبك عشان تنام زياده
آدم: ي حيوانه كنت خايف تضيع منى
ملك بخبث: الله لدرجادى بتحبها ي دومى
آدم: كام مره اقولك متقوليش دومى تانى
ملك بخبث: بس انا بحب اقولها ولا انت ليك ناس وناس
آدم: انتى بترديها بقا
ملك: اومال ده انت جيت على حجرى
اسماء: يلا ي حبيبتي حضرت الغدا
ملك: حاضر
اتغدت مريم ولبست هي وادم ونزلوا
ملك: روح انت جيب حبيبت القلب
آدم: غوري ي بت اخربيت اللى يقولك حاجة
ملك: كنت هعرف من مي عادي يعني
مشي ادم وسابها وملك راحت عند عمر فضلت ترن مردش واضطرت تطلع فتح عمر
ملك: لسه زعلان حضرتك مبتردش ليه
عمر دخل اوضته: مسمعتش
عائشة: اهلا وسهلا اتفضلى
ملك: معلش مستعجله قولى ل عمر يخلص
عائشه: لا والله ميصحش انتى اكيد ملك صح
ملك بضحك: ههههه ايوه
عائشه بصوت واطى: الواد عمر قالى ان بيحبك
ملك بصوت واطى: واي كمان
عائشه: وانك مردتيش عليه
ملك: مش عارفه ي خالتو خايفه
عائشه بحضن:خالتو ايه ده قريب هبقى ماما
عمر باستغراب: انتوا لحقتوا تتعرفوا
ملك: خالتو طيبه اوى
عمر: طيب يلا خلى اليوم ده يخلص
عائشه: هو في اي
ملك بحزن: زعلان ومش عارفه اصالحه
عائشه: ادلعى ي بت وهيبقي خاتم في صباعك
ملك بخجل: ازاى بس ي خالتو اتكسف
عائشه بخبث: تتكسفى اي مش احسن ما يروح منك
ملك: تفتكرى
عائشه: اومال اي
ملك بضحك: انتى امه ولا امى
عائشه: مرات ابنى
ملك بصدمه: احيه مرات ابنك مره واحده
عمر باستغراب: انتوا بتكلموا في اي انا بقالى ساعه برا
ملك: اهو جايه باى ي خالتو
ركبت ملك العربيه وسابت عمر يسوق
عمر: رايحين فين
ملك: فرح نعمه
عمر: اخيرا
ملك بضحك: انا كمان مصدقتش هي اتعلقت بالاخير ده
عمر: طيب
ملك: عمر
عمر: نعم
ملك: انت لسه زعلان منى
عمر: انتى عملتى حاجه تزعل
ملك: انا آسفه
عمر: انتى شايفه اللى عملتيه يتصلح بالاسف
ملك: انت مكبر الموضوع ده مقلب صغير
عمر وقف العربيه بعصبيه: مقلب صغير انتى مش فاهمه انتى عملتى اي انتى لعبتى باعصابى انتى خلتنى افتكر انك مو.. بعد الشر عليكي يعني انتى مش متخيله انا كل يوم بحس بايه فى المستشفى خايف حد فينا ميصحاش مش مهم انا فى داهيه بس لو حصلك حاجه مش هستحمل بعدك انتى خلتينى بكافح المر*ض عشانك خلتينى بنام وبصحي افكر فيكى خلتينى عمر اللى مش بيهمه حاجه ومش بيخاف خلتيه يخاف عليكى ويخاف من الموت وانتى بكل برود تقولى مقلب ده مش مقلب ي ملك ده كابوس خايف يتحقق كابوس بيراودنى من يوم ما شوفتك
ملك بصدمه ومسكت وشه: انا اسفه بجد مكنتش متخيله انك بتحس بكل ده مكنتش متخيله انك حبتنى لدرجه دي انا مش عارفه اقولك اي انا اسفه على كل الوجع اللى سببتهولك
عمر:......
ملك: عمر رد عليا انا اسفة هي فعلا كلمه مش بتصلح حاجه بس مش عارفه اقولك اي مش هعمل كده تانى والله
عمر:.....
ملك: طيب لو مكنتش مسامحنى وتكلم يارب امو....
عمر حط ايده على شفا''يفها: اوعى ي ملك تكمليها متجبيش سيره المو'ت ابدا اوعى
ملك بابتسامة: حاضر
عمر بابتسامة: بحبك
ملك: نروح الفرح بقا هنتاخر
عمر: ملك انتى ليه بتتهربى انتى مش بتحبينى
ملك: الكلمه دي مش بسيطه ولا ملهاش قيمه لا الكلمه دي بتتقال لما الشخص يبقي عارف ان قدها يبقي عارف ان هيكمل بس انا خايفه اقولها مكملش خايفه اديك امل وانا كمان اخد امل ومقدرش اكمل المر'ض يبقي اقوى منى
عمر حضنها: لا ي ملك حبنا هيبقي اقوى منه
ملك بدموع: بس انا مش حاسه بكده انا حاسه ان هم
عمر بمقاطعه: عشان خاطري متكلميش وخلاص مش عايز اسمعها انا عرفت ردك بس اوعدينى لما ربنا يشفينا تقوليها على طول
ملك: اوعدك
عمر: نروح الفرح بقا لان انتى اصلا شكلك قمر والوضع ده يخلينى اعمل حجات هموت واعملها
ملك بخجل وضربته: قليل الادب
عمر: والله بتحلوى اكتر لما تتكسفى يمكن عشان مش متعود عليكى تتكسفى
ملك: عمر
عمر: قلبو
ملك بابتسامة: اخلص هنتاخر
ملك: انتى تؤمرى
وعند مى وآدم
مى بضيق: هنفضل واقفين كتير
آدم: ما هو يتنزلى تغيرى ي مفيش مرواح مكان
مي: ي آدم هنتاخر ثم ماله ده
آدم: ماله مش شايفه عريان اوى
مى: انت من امتى بتكلم معايا على لبس
آدم: ي حبيبتى افهمى انا الاول مكنش ليا حكم عليكى بس دلوقتي ليا
مى: اي اللى اتغير انت لسه ملكش حكم عليا مش عشان اعترفت بحبك يبقي كده تتحكم
آدم بضيق: انتى شايفه كده
مى باصرار: ايوه
آدم: تمام
وصلوا الفرح اتقبلوا كلهم
ملك: تعالوا نسلم على العروسه بقا
عمر: ااه يلا
راحوا كلهم سلموا عليها
ملك: مبروك ي نعمه اخيرا ي شيخه هنرتاح من هدايا كل خطيب
نعمه: اسكتى انا والله ما مصدقه
ملك: صدقى ي حبيبتى انتى طيبه وتستاهلى
نعمه: عقبال ما افرح بيكي انتى واللى فى بالى يارب
ملك بابتسامة: اللى في بالك
نعمه: ايوه عمر باشا والله الراجل شكله طيب وبيحبك
ملك: طيب اتلمى
عمر: مبروك ي نعمه
نعمه: الله يبارك فيك ي عمر بيه عقبالك
عمر: اااه ونبى ي نعمه ادعيلى ربنا يهديها عليا
آدم: كيس جوافه انا مبروك ي استاذه نعمه
نعمه: الله يبارك في حضرتك
مى: مبروك ي نعمه
نعمه: الله يبارك في حضرتك عقبالك
ملك: نعمه دي هديه بسيطه منى
نعمه: والله مكنش ليه لزوم ليه تكلفى نفسك
ملك: برضو كده ده انتى اختى خلصي اجازتك بسرعه عشان هتوحشينى
نعمه: حاضر
رجعوا كلهم قعدوا في مكانهم
عمر: ملك
ملك: نعم
عمر: مش نفسك فى فرح زي ده
ملك بابتسامة: لا ي عمر عايزه اخف بس
عمر بضيق: فصيله
ملك: عارفه
عمر: على فكره شكلك زي القمر النهارده
ملك رفعه حاجب:النهارده بس
عمر: انتى قمر كل يوم بس بصراحه مش متعود اشوفك هاديه لا ومش بس كده وكمان بميكب
ملك بضيق: وبتقول ان فصيله لما اقوم اتخانق معاك واخرب فرح البت المسكينه دي
عمر: والله بعشق عصبيتك وجنانك بحب اضايقك عشان اشوفه
ملك بضيق: طيب اسكت ي عمر متكلمنيش بقا
عمر: زعلتى
ملك: اااه وهيبقي ليله نكد عليك النهارده عشان تضايقنى كويس
عمر: هرمونات هتطلع عليا
ملك: بتقول حاجه
عمر: لا ي قلبى انا اقدر
مى: ادم متنكدش
آدم: انا مش منكد ولا حاجه
مى: طيب مكشر ومش بتكلم معايا ليه
آدم: عاجبك الناس اللى هتاكلك بعينهم دول وزمتك ده لبس في فرح شعبى
مى: انا مش عارفه ماله ما ده لبسي وعلى العموم حاضر ي سيدى هخلى بالى بعد كده
آدم: براحتك
مى: خلاص متزعلش
آدم: كلمى بابكى عايزة اجي اقابله
مى بصدمه: تقابله ليه
آدم: عشان متقوليش ملكش حكم عليا بعدين
مى: اااه عايز تتحكم مش عشان بتحبنى وعايز تبقى معايا
آدم بضيق: انتى حوله ي بت انا مش قايلك بحبك يعني عايز اتجوزك وجع قلب وخلاص ما عشان بحبك وعايز ابقى معاكى
مى: خلاص متتعصبش
خلصوا فرح ورجعت ملك وعمر بسرعه المستشفى ودخلوا اوضه ملك زي الحرامية
عمر: هتودينا في داهيه في يوم
ملك: ي عم طنش وعيش حياتك
عمر: لسه زعلانه
ملك: اااه صح انا زعلانه
عمر وقف قدامها: طيب اسف
ملك: لا
عمر: انا سامحتك الصبح
ملك: لا برضو
عمر شدها من وسطها: وانا عملت اي لكل ده
ملك بتوتر: عملت قولت ان مش حلوه
عمر: بس انا مقولتش كده انتى اجمل بنت فى الدنيا
ملك: مش قولت ان مجنونه واول مره احط مكياج
عمر: وده معناه انك مش حلوه بالعكس ده انتى اجمل بنت شفتها عنيا رغم عدم استخدامك بالمكياج زي بقيه البنات وهدومك اللى مش مبالغ فيها
ملك: بجد
عمر قرب: بجد
ملك بتوتر وخجل: عمر كده مينفعش
عمر بعد: احم انا هروح اوضتى احسن
تااانى يوم ملك صحيت على صوت فاطمه
فاطمه: قومي ي مريم بقا بقينا الضهر
ملك بكسل: اخرجى ي فاطمه واطفى النور
فاطمه: والله دكتور هيثم لو عرف انك نايمه لدلوقتى هيقتلنا كلنا
ملك بملل: اهو صحيت انا بجد تعبت من هيثم ده ك
هيثم بضيق: كملى سكتى ليه
توقعاتكم لحاله ملك وعمر
لمتابعه باقي فصول الرواية اضغط هنا👇
