.jpeg){kind=small}
رواية اوجاع الماضي الفصل السابع 7 بقلم الكاتبه ندا
وصل تميم للعمارة وهو خايف وطلع للشقة اللي قاله عليها نور خبط علي الباب فتحتله هدي وهي مستغربة
تميم : نور فين
هدي : اتفضل الاول
تميم: قولت نور فين
هدي : جوة ادخل الاول
دخل تميم لجوة واول ما لمح نور راحله بسرعة وقعد جمبه وبيبصله نظرات عتاب ونور كان خايف منه
تميم : انت اي اللي بتعمله هنا
نور : جيت اشوف الدكتورة هدي لانها تعبانة
تميم : ومقولتش ليا ليه من الاول انت متعرفش انا خوفت قد اي لما روحت الجامعة ومكنتش هناك
نور : انا روحت الجامعة وبعدها جيت هنا
تميم : ولما طلعت من الجامعة مقولتش ليه ولما اسالك انت فين تكدب عليا وتقولي في الجامعة انت مش عارف اني بكره الكدب
نور : انا خوفت لتقلق لو عرفت اني برة فمقولتش
تميم : طب يلا قدامي نتكلم في بيتنا
نور : لا انا هفضل هنا شوية مع الدكتورة هدي
تميم : والله بتهزر
نور : لا بجد انا هفضل هنا
تميم : نور متعصبنيش اكتر ما انا متعصب ويلا قدامي والا انت عارف عصبيتي
نور : انا مبقتش صغير ي تميم افهم بقي انت ليه بتعاملني زي الاطفال انا كدة مبقتش مستحمل
تميم : انا بعمل كل دا لاني خايف عليك وانت مش حاسس بحاجة انت لو حصلك زي ما حصل زمان انا مش هستحمل انا بحاول احافظ عليك
نور : وايه اللي حصل زمان يخليك تعمل كدة
تميم : عاوز تعرف تمام انا هقولك وانت صغير
سكت تميم عن الكلام تماما لما استوعب المصيبة اللي كان هيعملها وانه كان هيفضح السر اللي سنين خباه
نور : وانا صغير اي اللي حصل
تميم : مفيش ويلا نمشي
نور : انا مش همشي انا هقعد مع الدكتورة هدي
تميم : نور يلا
هدي بمقاطعة : انا اسفة اني بتدخل بينكم بس ي تميم خليه يقعد هنا شوية وبعدها خده وروح ولو خايف عليه اوي اقعد انت كمان انا معنديش مانع
بص تميم لها وبعدها لنور اللي كان بيبصله برجاء وباين عليه انه حابب يقعد معاها اوي
تميم : خلاص ماشي انا موافق بس هي ساعة واحدة انت سامع
نور : ايوة ساعة واحده بس
هدي : تشرب اي
تميم : لا شكرا
هدي : مينفعش اقعد انت وهو وانا هعملكم حاجة وهاجي
دخلت هدي المطبخ وسابتهم هما الاتنين مع بعض قعد نور الاول وبعدها تميم قعد جمبه
تميم : انا عاوز افهم اي السر
نور : سر اي
تميم : واضح ليا من امبارح انك حبيتها اوي والدليل انك عاوز تقعد معاها ممكن اعرف اي السبب
نور : اقولك سر انا بحس بالامان وانا معاها وبحس فيها حنية الام بتفكرني بماما الله يرحمها كانت حنينة شبهها
تميم : وانا كمان بحس كدة من وقت ما شوفتها امبارح تحس ان في حاجة فيها بتغصبك انك تحبها
كانت هدي واقفة وراهم ومعاها عصير بعد ما سمعت كلامهم وفرحت اوي بيه بس عملت نفسها مسمعتش حاجة
•••••••••••••••••••••••••••••••••••••••••••••••
في المدرسة كانت تقوي واقفة مع مصطفي وهي مستغربة من وجوده في الوقت دا وانه واقف كدة
مصطفي : صباح الورد
تقوي : صباح النور هو انا ممكن اعرف حضرتك بتعمل اي هنا
مصطفي : جيت اشوفك
تقوي : وتشوفني بمناسبة اي في حاجة
مصطفي : لانك مشيتي امبارح واخدتي معاكي حاجة بالغلط
تقوي : اي هي استني كدة اشوفلك في الشنطة
مصطفي : مش هتلاقيه
تقوي : نعم
مصطفي : بقولك مش هتلاقيه لانك اللي اخدتيه مبيتشفش
تقوي : وممكن اعرف اي هو الشيئ اللي اخدته
مصطفي : قلبي
تقوي في سرها : وجع في قلبك ي بعيد هو كلام هدي هيطلع صح واللا اي
مصطفي : بتقولي حاجة
تقوي : لا ولو سمحت بلاش الكلام دا واتفضل امشي يلا انا مش عاوزة مشاكل
مصطفي : انتي كدة بتطرديني وبعدين مشاكل اي
تقوي : لو مسحت
مصطفي : انا اسف بس انا حبيت اني اشوفك تاني ومكنتش اعرف اني بزعجك للدرجة دي
تقوي : لا انت مبتزعجنيش
مصطفي : يعني انتي كمان عاوزة تشوفيني تاني
تقوي : انا
مصطفي : انتي اي
تقوي : لو سمحت امشي يلا
مصطفى : وهشوفك تاني مش همشي الا لما تقولي
تقوي : لا
مصطفي : يبقي مش همشي
تقوي : خلاص امشي دلوقتي ونبقي نتقابل بعدين
مصطفي : مع السلامة ي قمر
خرج مصطفي من الاوضة وهو بيضحك وهي ابتسمت من اللي بيحصل وكانت حاسة بفرحة
••••••••••••••••••••••••••••••••••••••••••••••
كان وجيه في المكتب قاعد مع مجدي صاحبه وبيحكيله عن اخر الاحداث اللي حصلت
مجدي : طب وناوي علي اي
وجيه : معرفش ي مجدي معرفش دي زي ما تكون الارض انشقت وبلعتها ملهاش اثر
مجدي : يعني انت بتدور علي وحدة مختفية من 20 سنة ومتوقع تلاقيها ما تقول كلام معقول ي عم انت
وجيه : هلاقيها ي مجدي لو تحت سابع ارض هلاقيها هي الوحيدة اللي في ايدها توحد العيلة
مجدي : هخليني وراك لوقت ما نشوف اخرتها بس توعدني لو دورنا مش لقيناها انك هتسيب الموضوع دا
وجيه : اسيبه ازاي دي عيلتي ي مجدي ومش هرتاح الا لما اجمع العيلة كلها
مجدي : خلاص براحتك ي وجيه انا كل مرة اقول مليش علاقة بالموضوع دا بردوا بتدخل بس المرة دي غير انا شيلت ايدي من وانت اعمل اللي انت عاوزه
خرج مجدي وسابه وكل اللي بيفكر فيه ازاي يلاقيها عشان يقدر يجمع عيلته
وجيه : انا مش هبعد ابدا لازم الاقيها هي اللي تقدر علي دا كله مقدرش ارجع لعيلتي من غيرها
لمتابعه باقي فصول الرواية اضغط هنا👇
