.jpeg){kind=small}
رواية اوجاع الماضي الفصل التاسع 9 بقلم الكاتبه ندا
خرج وجيه من دار المسنين وهو فرحان لانه خلاص قرب من انه يلاقي ابنه طلع تليفونه علي طول واتصل بمجدي
وجيه :مجدي
مجدي : في اي صوتك ماله فرحان كدة ليه
وجيه : لقيته ي مجدي لقيته
مجدي : لقيت مين
وجيه : خلاص هنجتمع مع بعض وهنرجع زي الاول
مجدي : ما تبطل كلام الالغاز دا وقول في اي
وجيه : عرفت ابني فين
مجدي : ايه بجد طب ازاي ومنين
وجيه : انا عاوزك تجيلي علي الفيلا حالا لازم نتكلم وانا عاوزك في حوار مهم
مجدي : خير
وجيه : خير متقلقش بس مش هينفع علي التليفون تعالالي انا هروح دلوقتي
قفل المكالمة وركب العربية وراح باتجاه الفيلا وراح استني مجدي عشان يحكيله عن اللي عرفه ويفكر هيعمل اي في الجاي
••••••••••••••••••••••••••••••••••••••••••••••••••
في المستشفي كان في الاوضة قاعد جمب انس التعبان وهو كل شوية يحسس عليه عشان يتاكد انه بقي كويس دخلت تقوي عليهم فجأة وهي خايفة
تقوي : انس حبيبي هو اي اللي حصل
مصطفي : تعب فجأة ومعرفتش اعمله اي فجيبته علي المستشفي
قعدت تقوي جمبه علي السرير وهي بتمسح علي شعره وخايفة ليحصله حاجة اول ما شاف مصطفي دا ابتسم من غير ما يحس
تقوي : هو الدكتور قال عنده اي
مصطفي : عنده حمي شديدة
تقوي : وهيبقي كويس وهو هيطلع امتي
مصطفي : هو اخد علاج وبقي كويس والدكتور كتبلي علي علاج اجيبه وقال اني ممكن اخده دلوقتي لانه بقي كويس
تقوي : طيب روح انتي جيب العلاج وانا هفضل معاه هنا
مصطفي : انا مش عاوز اتعبك معانا
تقوي : مفيش تعب ولا حاجة انس دا زي ابني بالظبط انا هستني معاه وروح انت
مصطفي : تمام مش هتاخر
خرج مصطفي وسابها جمب انس اللي نايم ومش حاسس بحاجة وهي كانت حاسة بفرحة وهي معاهم
•••••••••••••••••••••••••••••••••••••••••••••••••
في القصر كان نور قاعد لوحده وبيفكر في حاجة او الافضل اقول السر اللي مخبيه عن الكل وعن تميم شخصيا
Flash back :
كان نور قاعد في القصر لوحده لان تميم خرج وكان حاسس بالملل بدأ يتحرك في القصر وهو مش عارف يعمل اي دخل اوضة والده اللي مدخلهاش من سنين كانت مترتبة كويس فتح الدولاب الموجود وهو بيبص حواليه بس استغرب لما لقي خزنة واستغرب اكتر لما لقاها مفتوحة اخد الاوراق منها وفتحها وبدأت الصدمة تظهر علي وجهه
نور : مستحيل دا مستحيل بجد تميم يبقي اخويا انا اخويا بس الاوراق بتقول غير كدة اكيد الاوراق دي مزورة بس اي اللي هيحطها في الخزنة لو مزورة مكتوب هنا اسم الام هدي والاب وجيه بس دا حصل امتي وليه محدش قالي محدش عرفني الحقيقة انا لازم اعمل حاجة عشان اتاكد
اتصل علي رقم وهو لسة في صدمته واول ما الطرف التاني رد عليه
نور : تامر انا عاوزك في موضوع مهم
تامر : في اي
نور : بقولك عاوزك في موضوع مهم تعالي بسرعة انا هستناكي
تامر : نتقابل برة
نور : لا تعالي القصر انت عارف ان تميم مش هيخرجني ولو عرف هيطربق الدنيا
تامر : خلاص ماشي مسافة السكة وهكون عندك
back
نور : ياريتني ما عرفت بالموضوع دا كنت حاسس بفرحة وكل الدنيا كانت في صفي دلوقتي انا حاسس بان دماغي بيدور ومش عارف اعمل اي افضل مخبي عليك الحقيقة واللا اقولك حقيقتك وان الدكتورة هدي تبقي امك
•••••••••••••••••••••••••••••••••••••••••••••••••••
في الفيلا كان وجيه قاعد مستني مجدي اللي لسة موصلش وهو حاسس بفرحة من اللي عرفه دخل عليه مجدي بسرعة وقعد جمبه
مجدي : عاوزك تقولي حالا اي الكلام اللي قولته دا
وجيه : اهدي بس كدة وانا هشرحلك كل حاجة
مجدي : اهو هديت اتفضل يلا انطق
وجيه : انا عرفت مكان انجيلا
مجدي : مين بقي انجيلا
وجيه : اللي اخدت ابني مني في الميتم
مجدي : بجد وصلتلها ازاي
وجيه : مش مهم المهم اني وصلتلها وهي اللي قالتلي علي مكان ابني
مجدي : هو فين
وجيه : قالتلي ان العيلة اللي اتبنته كانت عيلة غنية جدا
مجدي : ايوة معرفتش اسم اللي اتبناه
وجيه : عرفت كان اسمه *****
مجدي : ايوة انا كنت اعرفه زمان
وجيه : تقصد اي بزمان
مجدي : انا اللي اعرفه انه مات بقاله سنين
وجيه : ومتعرفش بيته فين او حتي ولاده فين
مجدي : حاليا معرفش بس انا ممكن اعرفلك
وجيه : بسرعة ي مجدي والنبي
مجدي : تمام علي بكرة بالكتير هكون عرفتلك اللي انت عاوزه
وجيه : شكرا ليك بجد ي مجدي
مجدي : ما تبطل هبل بقي انت اخويا ي وجيه ارتاح انت دلوقتي وانا همشي وهعرفلك كل حاجة عن الموضوع دا
••••••••••••••••••••••••••••••••••••••••••••••••••
كانت هدي قاعدة في الشقة في اوضتها تحديدا وماسكة البوم صور في ايدها ودموعها كانت بتنزل
هدي : وحشتني اوي ي ابني وحشتني ي ضنايا 20 سنة عدوا وانا معرفش عنك حاجة وانت ي وجيه وحشتني بس مقدرش انسي اللي عملته زمان او اني اسمح دلوقتي
لمتابعه باقي فصول الرواية اضغط هنا👇
